Campos No.6 畔 /by EAE
澳城餐飲
EAE // Grace・2015-08-10
唔知大家有無發生過, 係facebook見到新餐廳0既廣告, 好多時kick入去, 但都唔知係邊..哈哈 版主就係經常發生呢個冏況, 同澳門街名0既交情, 由出世到而家都唔係好熟... 所以好多時想去, 但就kick住左係度囉XD 不過皇天不負有心人.. 呢間Cafe.. 其實好早已經想試, 又係唔知正確位置 某日坐父親大人順風車, 唔覺意眼角瞄到一下, 見到入面滿哂人 所以.................改天就找親愛的N小姐來試一下 版主真的比較少行呢條路, 而住係大約十分鐘以外0既N小姐, 都話成日經過都發現唔到佢0既在存在... 光看門外, 就已經充滿濃濃的classic味道 木製的餐桌, 黃黃的燈光, 覺得約埋三五知己係度聚餐, 好舒服 皮製menu成為牆上裝飾的一部份 如果一個人... 坐窗邊都係一個唔錯選擇 有時去做暗訪, 拎住相機周圍影真係好怕會比人望住..覺得你好似異類.quot; 見到呢個牌.. 安心哂拍手掌 不妨留意下, 佢地0既水吧位, 每日都會有是日quot;例quot;湯架 個人覺得見到, 真係要必點 水準極高 焦糖凍咖啡 MOP$45 咖啡不甜, 焦糖味適中, 超濃0既咖啡味 N小姐勁鐘意 凍榛子咖啡 MOP$45 榛子咖啡比焦糖咖啡略甜, 但亦唔會話太over, 剛好帶出咖啡味 不錯 點餐完畢, 侍應主動拎上餐具 讚 由於我地係第一枱客, 所以點左食物之後, 好快就已經上齊 讚 傳統炸魚薯條 MOP$58 茄汁配薯條 mayonnaise配炸魚薯仔 呢度用左可倫堡1664特優啤酒做炸漿, 會食到外層炸漿有陣陣啤酒味 但可惜去了兩次, 都係覺得外皮唔夠脆, 應該係油溫唔夠高 但入面魚0既味道不錯 甘荀南瓜湯 今日精選係呢個湯, 好好彩去兩次..都係呢個湯, 因為真係勁勁勁好飲 配0既蒜蓉包勁香脆, 好好味 南瓜同甘荀無各搶大家0既味, 好清楚咁飲到南瓜0既清甜, 又飲到甘荀0既味道, 而且質地好滑身 水準之作 大推 露筍煙三文魚配香蒜欖油意大利麵 MOP$75 意粉一上枱, 我同N小姐就忍唔住要狂影, 居然勁有心思地用煙三文魚砌左一朵玫瑰花 面條硬度OK煙煙韌韌 但味道就略咸左DD 煙三文魚唔怕腥, 露筍都夠爽脆 整體味道不錯 牛油果配蛋沙律牛角包 MOP$58 牛角包雖然SIZE不算大, 但入面餡料絕對夠誠意, 有生洋蔥, 芝士, 蕃茄片等.. 塞滿哂成個包 蛋沙律味道不錯 不過略嫌牛油果唔夠熟 牛角包感覺唔夠脆 整體屬一般 食後感 呢度0既咖啡唔錯 真係飲到咖啡0既甘味 食物都可以 尤其係個Daily soup 勁正 環境都ok 服務唔錯 但人手可能未必夠 0岩朋友34人聚會, 人多就可以坐哂佢一張大枱 可以一試 餐廳資訊 名稱 Campos No.6 地地 田畔街6號 白鴿巢佳景土地廟轉左下斜坡富來火鍋轉右直行十個舖位 電話 853 6388 8798 facebook httpswww.facebook.comcamposno.6timeline
文創遊樂場 // 米米 Esther Lim・2018-10-15
半島師奶・2018-05-03
Jackst・2017-04-05
80後愛旅行✈️・2023-06-27
OHChance 旅遊誌・2020-01-03
MacauYeah・2021-06-21
LifeMag Editor・2017-07-01
行走世界記錄・2019-02-08
Chrysalids 少爺・2019-12-31
Cheers!・2021-09-24
莫雪・2021-08-11