[幕間隨筆] 麥當勞的OmniPork新餐肉
君尋・2020-10-26麥當勞每逢出新包都會係網上掀起一定程度的討論熱潮，「伏」或者「唔伏」都好，贏得討論度吸引到消費去返麥當勞已經係成功的一半。而在本月中麥當勞又有新搞作，今次在早餐時段推出「新餐肉Omni Pork」，宣稱係純植物製、非基因改造，兼零油煎煮，大行綠色和健康飲食路線。本來在提供垃圾食物的快餐店講健康就只係宣傳手法，但今次呢舊新餐肉就在網上惹來頗大的回響，甚至有網民揶揄麥當勞係咪會真係用一塊冇煎過豬柳的鑊去煎塊新餐肉畀素食人士。 除左「純素」的爭議之外，植物肉這個概念本身亦係首次經麥當勞這個大眾認知度最高的連鎖餐廳，介紹入來港澳地區，並在公共空間得到廣泛討論。若有留意開綠色飲食的朋友相信對於植物肉不會陌生，全球最知名的兩間植食肉公司Beyond Meat和Impossible Food早已在美國取得一定成績，而今年肺炎爆發以來股價還上升了不少。不過上述兩者都以製造漢堡肉而聞名，OmniPork則生產適合亞洲人口味的餐肉。不管造出來的是漢堡肉還是餐肉，原料都是純素的植物，但奈何要取代真肉，必須有一定程度的「加工」，亦是令網民卻步並不討好的原因。簡單形容就像，花上比鋸扒更貴的價錢到素食店吃餐牌上「肉類菜式」一樣，既沒法體驗食材的原有味道，卻又非如真正的肉類菜式一樣美味。不過支持植物肉的一群，多提出飼養豬牛羊雞等動物所產生的二氧化碳，比單純種植植所產生的量來得多，因而在「環保」的角度思考，食用植物肉比吃傳統肉類，更乎合可持續發展的原則。可惜在澳門這個社會中，連「走飲管」、「自備膠袋」都要面對大量批評，又怎可能認同植物肉的真正意義呢？不管OmniPork在麥當勞早餐時段銷售如何，但能夠讓大眾認識植物肉、引起網上的討論，麥當勞便已經再次贏得關注，做到一定程度的宣傳效果。 相信來看這篇文章的各位，未必關心上述的議題，在意的更可能是麥當勞OmniPork的套餐究竟好唔好食。筆者早幾日就食左個用OmniPork整的包，舊肉係有少少咸（唔好忘記午餐肉本身都係好咸ge），但配個包一起食中和返。而因為OmniPork本身唔係圓的，而係似一般午餐肉咁係長身的，所以放係個包入面一齊食的話，會有幾淡只咬到包而咬唔到肉。餐肉本身的質感其實係唔似午餐肉，得個味係似。最直接去形容「肉質」的話，就似氹仔北面某間知名齋鋪入面的「素肉」一樣。 好唔好食就真係見仁見智，筆者雖然都叫半個環保人仕（定期去回收街站、走飲管...，但亦唔會餐餐都叫來食。主要因為早餐無啦啦食舊午餐肉夾漢堡包，唔會好奇怪咩？而且味道亦未算吸引，偶爾一餐都還可以。相較之下Impossible Food的Burger就好吃得多了，期待會係麥當勞見到佢的一日啦。 關於幕間隨筆 在新舊文章推出之間筆者的胡言亂語，將生活中的所見所聞所想，以輕鬆的文字記錄下來的地方。
Lifemagshopper・2020-08-20
Chrysalids 少爺・2018-06-15
Cheers!・2022-09-05
文創遊樂場 // 米米 Esther Lim・2021-09-12
行走世界記錄・2019-10-11
澳門優惠・2018-12-27
澳門生活圈・2018-12-12
皓芯・2021-09-05
MacauYeah・2019-05-03
LifeMag Editor・2017-06-06
莫雪・2019-05-23
bacalhau・2019-10-25