你今日揀啱要 Send 嘅 Emoji 未呢？
Chrysalids 少爺・2017-08-03好多時候我地都會用一個甚至係幾個唔同嘅表情符號 (Emoji) 配搭黎回覆訊息， 可能係因為忙，又或者係想表現得有型啲 cool 啲等等原因。 但每一次用 Emoji 嘅時候，你會唔會煩用邊一個先至啱或者夠 chok 呢？ 今日筆者想推薦一部新上映嘅電影 “Emoji 大冒險”。 有睇過預告嘅都大慨知道故事係講述表情符號 “阿基” 天生可以做唔到嘅表情， 但係表情符號世界裹面，每個表情符號只能夠允許做一個獨特嘅表情， 所以 “阿基” 被認為係有問題，需要被刪除。 “阿基” 希望可以揾到幫手修復自已，所以離開手機。 途中更遇到俾個五(High Five) 同埋駭客 JB (JailBreak) 一齊展開冒險旅程。 雖然網上評論大多都係負面，評分也較低， 甚至用呢套戲同 “腦筋急轉彎 (Inside Out)” 等其它相似電影一齊比較， 以顯得呢部電影有幾失敗，有幾遜色， 但筆者認為一定要入戲院睇一睇。 第一個原因係想像力。 雖然筆者仲未睇呢部電影，或者欠缺說服力， 但如果單單從想像力方面黎睇， 呢套電影有一定高分數。 表情符號無時無刻只會做一個表情， 無人會想像下如果表情符號都識郁、識講野、有自己嘅諗法係幾咁得意架咩？ 第二個原因係教育意義。 “阿基” 因為天生可以做到其它所有表情符號都做唔到嘅野， 所以被評定為有問題，要趕走，要消除。 相反地，筆者認為 “阿基” 係最傑出最出色嘅表情符號， 佢甚至可以創造出全新獨有嘅表情。 就好似現今社會，不公平嘅狀況周不時發生係我地嘅左右， 有傑出能力嘅人、有不凡智慧嘅人、 有才華洋溢嘅人往往因為周邊嘅人妒忌而無法把自身能力發揮出黎，甚至被趕絕。 所以呢部電影好值得我地去反思探討下點解會出現「有志難伸」呢種境況。 基於以上兩個原因，筆者個人認為呢部電影有一定嘅趣味性和娛樂性， 所以如果有時間有興趣，不妨入戲院觀賞一下。 睇完戲，可以順便去埋南灣雅文湖畔抽 Emoji 扭蛋機！ P.S.: 依家天氣咁熱，筆者請大家 “睇” 杯雪糕涼下！ 以上圖片均取自網路，所有版權歸原作者所有。
澳門生活圈・2018-08-01
80後愛旅行✈️・2018-03-20
Cheers!・2019-03-05
澳門優惠・2020-08-25
熊神進・2017-08-28
海闊天空 // Sio・2018-01-16
Benjamin・2015-07-17
MeL iEeong・2015-10-16
非常大學生・2018-08-06