搜尋澳門生活誌

男生女生劇本殺 ── 訪「戲夢人劇社 X 推理空間」

繪本與棋＠黃庭熾・2022-03-21

　　2021年的下半年，新冠疫情蔓延的第二年，百事萎靡，卻有一種玩意在澳門火速興起、逆勢增長，聽起來像遍地開花的快遞代收服務，不不不 ── 是方興未艾的劇本殺行業。　　要統計當前劇本殺門店的總數，是困難的，因為門店有大有小、有薄飾、有豪裝⋯⋯似乎只要組織起微信群組，生意就會絡繹不絕地來 ── 真的是這樣嗎？延伸閱讀：澳門劇本殺社群 ── 訪摩斯探案館 ── Cheng 和Winston 的故事　　劇本殺業者眾，令店主們念茲在茲乃至開店的根源，又是甚麼呢？商廈林立的皇朝區，近來頗受劇本殺業者青睞，而選址光輝商業中心的「戲夢人劇社 X 推理空間」，兩位店主Cheng 和Winston 何以會做伙上高樓、跨足劇本殺門店的運營呢？　　兩位店主於劇本殺活動中結緣，都是頭腦靈活的青年人，當中的男生Winston，更是年頭接觸劇本殺，第三季即開店，果斷拍板、執行力強如雷厲風行。「因為其實，當時 ── 上年年頭的時候 ── 澳門還未有很多間（劇本殺門店），我就覺得：哦！不如mdash;mdash;覺得劇本殺在澳門係有發展空間。」除看好劇本殺市場前景，男生果斷涉足商事，還有一種抱負。「我們和戲劇有些『淵源』，所以，（在想）會不會經營一段時間之後，可能可以累積經驗、構想，進而創造我們自己的劇本，那就先走第一步 ── 那就要先開一間舖頭。」他說。　　回首住事，Cheng 開朗地談起她認識劇本殺的經歷：「其實大家 ── 我想在澳門玩劇本殺的朋友其實可能大家 ── 一開始都差不多，一定係由內地傳入，我本身就係（在內地接觸）。疫情前，我和朋友已多次在內地玩劇本殺，就覺得：嘩！好有趣呀。那時候就想：啊、會不會澳門 ── 即係有沒有劇本殺呢？（當時，）我發覺係空白的。」劇本殺的體驗讓這位女生浮想聯翩，「接著就有想過：誒不如我來、不如試試看？但係，其實計算起成本，如果係自己一個人呢，係真係好困難的，加上，之後疫情就來了hellip;hellip;隨後就覺得：誒，目前應該好難去（玩劇本殺）。」疫情爆發，眾多進行中的事嘎然而止，而她與劇本殺的進一步接觸，則已經是翌年的事了，她說：「開始認識更多的朋友，而且自己亦發覺：除了喜歡劇本殺的體驗之外，更加多的期望在，希望自己都可以創作吧！所以大家的目標係、都叫一致的 ── 那我們可以試試看。」　　童話故事結局多是美滿大團圓，而「戲夢人劇社 X 推理空間」故事中的兩位主角，尚在故事中間打轉。「我承認我們係莽撞了。」女生解釋：「因為澳門的營商環境 ── 比較難啦；經營條件也好複雜、成本好高所以（現在）我們都覺得：嘩，對於未做過生意的我們 ── 其實我們真係未做過生意 ── 來講，我們（把它）想簡單了；即係將（運營）劇本殺（門店）睇得過於輕鬆 ── 即係好似見到別人做好容易；所以，我們都係邊學邊試咯。」故事寫到Cheng 和Winston 懷著創作劇本殺劇本的夢，開了一間劇本殺門店，逐夢路上，他倆遇到了哪些阻力呢？ ── Winston：劇本殺的門檻與魅力　　「第一刻想到的，其實係：澳門人對劇本殺的接受程度。」男生解釋：「我們一開始想的是：哦，澳門劇本殺門店少，那麼我們開業，有興趣的人便會過來，事成之後，皆大歡喜，愛好者有得玩，我們有生意。」　　第一印象和三思後得出的看法，未必一樣，在實際經營後，Winston 對此有了新的理解。「因為澳門人的習性比較 ── 因為國內（受眾、）可能已經好適應劇本殺（的休閒模式），即係他們已經視劇本殺為一種常見的娛樂。」男生續說他對澳門人待見劇本殺的觀察：「但係劇本殺於澳門來講係新的，一般人就覺得：不知道這是甚麼玩意啦。二來，有一部分人係被劇本殺的時長所嚇怕：『一次活動可能占用、要我玩三小時四小時喎！』甚至乎有些本耗時更長。」　　「劇本殺是一項要求參加者用腦思考的活動，而大家都希望放假的時候休息，盡量減少傷腦筋的活動 ── 所以，當我們真係正式營運的時候，便發覺，反應與我們的理想預期有落差。」Winston 分析劇本殺活動的難點頭頭是道，那麼讓他自己迎難而上的、劇本殺的魅力又在哪裡呢？　　男生說：「其實我覺得，在玩劇本殺的時候會（要求你）代入一角色、身份，它和你去睇戲、睇電影或者睇戲劇表演，有類似的地方，（但劇本殺）甚至乎（比睇劇）更加沉浸 ── 因為你就係當中的角色。睇電影或者睇戲劇表演的時候，你只係望著故事中角色的行為與反應，但係在劇本殺裡，你係親身經歷正在發生的故事，我自己覺得這體驗 ── 有趣。加上我本身都對戲劇活動有興趣，所以那時候，我覺得可以、都嘗試一下啦 ── 」令人好奇的是，Winston 已在現實生活中參與戲劇活動，他不乏那些身為當中角色的「沉浸」經驗，那麼對這些有多元興趣的劇本殺店主來說，捨近的、常見的戲戲活動而求遠的、新興的劇本殺體驗的判斷依據，又是甚麼呢？ ── Cheng：一種嶄新的戲劇　　「我想解釋一下個（差異）點係：劇本殺和劇本不是同一件事。」Cheng 闡述她眼中的劇本殺：「我們的觀點係會覺得呢：劇本殺其實對於戲劇來講 ── 係一樣全新的型態。因為戲劇呢，所謂有第四面牆啦，即係好多的戲劇（表演）一般來講的形式都如此hellip;hellip;縱然近年係有較多標榜互動的劇場（演出），但相較於其他地方 ── 內地啊、外國 ── 澳門的戲劇（形式）還是比較保守的。」　　保守的社會氣氛未令她氣餒，女生抱持樂觀的精神去行動。「我們有一個美好的願景，希望就係：嗯，如果透過劇本殺活動呢，可能有望可以打破第四面牆、就可以讓他們（表演者與觀眾）的界線模糊些 ── 即係，希望玩家在代入劇本殺角色的時候，他們會感受到一些、更多的戲劇（感），或者係、更多的元素，而不是像平日，在觀眾席沉默坐著，睇兩個小時，雖然和我睇電影、即係可能它（ ── 睇戲劇表演 ── ）比睇電影有更加live 的感覺，但係劇本殺較之更為生動啊。」前衛的戲劇都在尋找與之有共鳴的「新」觀眾，而不安於觀眾席的新鮮人，也在生活與藝術之間遊蕩，尋求邂逅不把自己置之「牆」外劇本（殺）。　　介紹完眼中的好處之後，Cheng 話鋒一轉：「但係，對於觀眾來講、或者澳門觀眾來講就係，習慣都係好沉默 ── 就係『啊！睇完』，接著就『走』，就返『屋企』，完了。」到底，新觀眾與新戲劇，只是女生想多了嗎？「我們（開店）當時的希望就係：首先、一來係學習如何去經營啦；二來就係，可能我們可以透過經營劇本殺門店去尋找我們未來、戲劇創作上新的方向 ── 即係借經營劇本殺來學習創作劇本殺。」無論大環境如何，在商場上、在社會大學裡，斷定一次行動的結果屬挫折抑或成功環節，全看當事人的毅力與意志。　　Cheng 亦分享她對澳門劇本殺群體的觀察：「一開始會 ── 好『怕醜』，或者『我不要和（不認識的）人玩』、『誒好驚有陌生人』之類；但係我們慢慢發覺呢，就係透過三、四個小時共同遊戲之後呢，其實大家就變到 ── 未至於話好熟，但係呢，就會開始發覺：我們可以做朋、即係可以試著去『傾偈』，或者可以 ── 即係打破了一開始、大家的隔膜。」她接著解釋：「因為呢，即係（如）你睇戲，你不需要理（會）『隔籬』的人是誰，睇完就走。但在劇本殺活動裡，你強逼人們、強逼要互動啊、要社交啊hellip;hellip;可能部分客人呢，他們一開始就係、或者係現在我們會覺得經營困難的一個點就係：好多澳門人都係好懼怕和陌生人社交。」　　她舉出例子：「即係我就話：嗯，其實呢我們六個人的一個故事係可以三個人一齊來，由我們再搵三個人一齊玩的 ── 對方就話『不行、我們都係先搵齊朋友啦』、『我們先揾齊人啦』；（我）心想：嗯、大家（約）飲茶都難湊（人）啊，現在來玩劇本殺也如此難。即係就會出現上述情況，要如何去打破大家這些心理戒備啊、預防啊，係我們正在學習的事情。」 ── 篳路藍縷創新路　　劇本殺活動鼓勵參加者積極社交，但良好體驗的前提是，聚在一堂的劇本殺顧客，除了對流行玩意有好奇心外，他們要有足夠的推理愛好和表演慾。　　雖然，劇本殺活動在華語地區高燒未退，但在澳門本地的普及，仍有很長一段路要走，店主們有甚麼想法？「我們之前有過嘗試，譬如我們『專登』去做好多 ── 燈啊、音響啊等等，如何評價（這些嘗試）呢？以成品來講，我係覺得OK的。」然而好景不長，「但係之後，（這個作品的作者）發生了爭議 ── 我們會好容易受到外力的影響；係啊、即係當我們去依賴別人的劇本的時候 ── 因為我們現在所有劇本，都係內地作者的作品，所以有時候、即係我們沒想到（會發生的）事情發生了，會有種後繼無力的感覺。」女生惋惜地說。　　「除此之外，我們想做到係一個沉浸式的互動劇場（的劇本殺活動）的時候呢，其實係需要（正式的）演員去支撐、去幫我們去做到（讓）我們滿意的一個效果，實作後都發覺：嗯、其實都幾難 ── 如何去呈現我們的要求或者堅持啦，（雖然）演員亦都好配合，但係我們要達成一個長期的合作呢，其實不容易。」Cheng 解釋：「即係我們都好難承諾話：啊、現在我開到十場，誒你幫我做十場啦；因為可能和澳門本身的戲劇模式有差異 ── 我們發覺：嘩，原來我們本身想到的一些效果，（要）在澳門這個地方落實，其實係好有困難、同實際情況係有落差的。我們都在調整當中，係啊、都 ── 吃了很多苦。」　　Winston 補充：「因為其實、因為我們一般（參與的）劇本殺，可能都係大家好好坐著，然後睇劇本，然後就、如何如何推進啊；而我們當時有個構想，（目的係）想令這件事更活潑啦，想要同戲劇拉得再近些，所以我們就搵了演員 ── 即係我們揀了個（劇本殺）劇本，覺得它適合去改編做一些演繹 ── 去幫我們做一些演出，這些演出亦都會融入去劇本殺的過程中；（實踐後）就發覺：一來，演員比我們想象中難找，誒、因為可能我們負擔到的費用有限啦，即係我們未必可以足夠請得起演員（來專門做這件事）；二來，亦都係剛才所講就係，客源的問題啦hellip;hellip;」男生不無遺憾地說：「最後，這個活動，我們真的有做出來，但係，做過三場、三四次之後就 ── 完了啦。」　　Cheng 續說：「嗯、我們就暫時擱置了，因為主要係我們 ── 這個就係現實同幻想的落差 ── 就係我們覺得：嗯！這個本係好玩的，也好有效果等等。但係呢，可能對於一些新手朋友呢，他們就覺得好難喇。即係這個本、即係這個故事本身的難度係對推理啊，甚至對腦洞、即係幻想、創意等等的能力，係有要求的。」玩家經驗不足、對經驗不足的玩家支援不足、玩家對活動的期許與活動想予玩家的樂趣有落差......女孩總結前作折戟沉沙的種種因素：「於是我們就思考：啊、我們是否要改呢？或者要再修改hellip;hellip;」 ── 初衷目的戲劇夢　　在店主的身份外，Winston 會寫劇本，Cheng 則因為劇本殺而燃起了她創作的動機，故他們邀演員合作、設燈光、佈置場地、改寫劇本hellip;hellip;追求劇本殺劇情之上沉浸體驗。　　故談到何以定名「戲夢人劇社 X 推理空間」的時候，Cheng 分享：「嗯，劇社就係因為我們一個小小的希望，希望之後可以做到一個真正的劇社啦，即係有、因為Winston 係編劇啦，而我係一個 ── 觀眾。」此時，大家都爆出笑聲，女生續道：「係啦，可能我們之後有演員啦，或者可能有其他的朋友一齊加入啊，然後我們可以打造出一個作品 ── 這是我們想做的事情，以及係、誒 ── 不忘初衷吧！嗯，即係我們不希望一頭搞在劇本殺門店的運作之後，忘記自己本身想做事情。」創作出自己的劇本殺劇本，是男生女生的初衷與最終目的。「係喇，而『推理空間』就係一個 ── 我們希望大家來玩劇本殺啊、或者各種遊戲啊的一個地方囉。」她續道。　　「戲夢人劇社 X 推理空間」近日推出了桌遊時段，店主們又何看待自己劇本殺門店裡的桌遊項目呢？「我們重心都係擺在劇本殺 ── 即係想、始終都係想更多人來玩啊。所以，桌遊可以係我們一個新的嘗試咯，讓大家去知道：啊！原來有這個地方。」女生解釋：「加上 ── 或者簡單地講，其實呢，好多人都係『例遲』，即係遲到十五分鐘係『平常』，半小時、一小時在個別舖頭裡係常事；（因為劇本殺）始終係一個遊戲，（大家）可能又覺得不需要話真係好似當返工：『我要趕上打卡！』遲一個、半個小時，可能當天的玩家都係friendhellip;hellip;即係各種原因啦、造成遲到。」　　她說：「遇到遲到的期間呢，其實大家等得好煎熬 ── 係啊、即係半小時一小時的時候：嘩！真係好 ── 無話可說咯；玩手機也玩到沒電了。於是我們都覺得：嗯、其實都可以安排桌遊，讓大家輕鬆地等、破冰啊。」　　多年以前，那時候劇本殺尚未受到資本的青睞，國人要接觸「謀殺之謎」還得仰賴外國作品的譯本，那時候，劇本殺也是云云桌遊之一。桌遊與劇本殺即便未必是最佳拍擋，至少也是共過患難的難兄難弟。 ── 著眼未來，享受現在　　創業維艱，半年時間一眨眼過去了，店裡店外的事依舊是千頭萬緒，運營至今，Cheng 和Winston 如何看待箇中得失呢 ── 她說：「誒、我們先前講過創業的初衷啦 ── 怎麼講呢？其實係有點傻的，即係呢、即係如果你只係想創作劇本殺（劇本）的話，你可以自己買『本』咯，或者你去玩咯，或者你上網down 盜版咯 ── 不是嗎？一定要開舖頭嗎？即係、即係未蝕過？或者即係 ── 」女生強調：「但係，我們那時候的想法係覺得：嗯、都係要去學、去做 ── 要去知道一間店家、店主他們想要甚麼 ── 即係需求，和去了解現在的客人係怎樣的群體，即係呢、其實就係一個市場調查。」　　Cheng 續道：「那時的我們覺得：若你不落手去做，光你自己想象 ── 我覺得劇本殺係『這樣』，因為我玩過幾多場，所以我覺得劇本殺就係如此啦，然後我自己就去寫啦 ── 其實就係、即係那時候就覺得好容易失敗。」一邊經營，一邊尋找個體的心之所向，在那個地方，可能會發現一切不過老生常談，但身歷其境，亦正是生命之嚮往。「其實，現在都會覺得我們貿然地去經營一間舖頭其實誒、原來都係不是一定會成功，或者順利發展喎。」女生坦白。　　落紅不是無情物，化作春泥更護花，失敗固然不是成功的媽媽，但分析當前的不足之處，總會化為下次成功的養分。「我們都會不斷去思考：啊、內地舖頭 ── 即係他們的市場、整個中國市場的業者 ── 又在追求甚麼呢？又想要甚麼呢？如果將來我們要創作的話，我們要走哪個方向呢。因為，劇本殺都有分好多種類型，不同的類型裡面，它又有不同的、即係設定啊等等各種差別。為甚麼會有些劇本 ── 即係已經發展了、爆炸式發展三、四年了 ── 到現在都可以殺出重圍呢？好的地方在哪裡呢？如果，我們去寫的時候，會不會都係陷入那些被人遺忘了的、百分之九十九（的作品裡）呢？」她總結說：「由此，我們的一個好大的經驗係發覺：啊、原來做生意同你做玩家，係完全不一樣；又如果，我們將來真係要寫的時候，那我們又要做哪些準備呢。」　　Winston 說：「我自己覺得其實好多事都難忘。因為首先其實，我從來沒有想過我會開舖頭 ── 真係沒想過。因為我自己都係鍾意過比較安穩生活的人。之後接觸劇本殺，覺得：啊、可以一試 ── 就開始了。」男生說可以一試，指劇本殺活動，亦言開店。　　但是，滿途荊棘的商事，也著實叫他吃了一驚，其中最困難的，他認為是：「人係比較困難的。一來係，不論係客人又好，或者係DM、帶領者都好，其實都係難去招募。因為對於他們來講，劇本殺都係陌生的 ── 因為我們都面試了好多人，即係我們招聘的時候都見過好多人，但這些應徵者並不了解劇本殺hellip;hellip;其實，見應徵者的過程都係得意的，都會好奇他們是在甚麼情況之下會、誒click 入我們個招聘廣告然後過來；我自己會覺得係，（運營的過程中）接觸好多人形形式式的人，一來係客人又好，或者係我們面試的人又好，甚至係其他店家都好咯，這些所有其實係 ── 對我自己來講，都係一個得著來的。」　　往者不可諫，來者猶可追，至於劇本殺，Cheng 說：「所以呢、誒，對於我來講就係：到現在啦，我都係覺得劇本殺好有趣 ── 係啊，我都未至於話覺得：好煩啊、我不想再來，或者我不想再接觸劇本殺喇，即係未至於到這一個地步，」女生說：「我始終都係覺得劇本殺好有趣。」戲夢人劇社 X 推理空間地址：宋玉生廣場光輝商業中心14樓

搜尋結果

澳門恐怖家暴！妻子慘遭丈夫潑滾油通渠水，如今面目全非！

澳門百老匯食街精選火鍋好滋味。圍爐聊天最開心

澳門實行“走飲管”？每天10萬支飲管，網友評論“亮了”！

澳門實行“走飲管”？每天10萬支飲管，網友評論“亮了”！

澳門女外雇當街慘遭男子“潑鏹水”，強忍生不如死之痛楚！

22位內地居民為留澳門蝸居3房1廳，為了省錢怎麼都可以！

重磅！澳門金融交易所今日揭牌開業！大灣區金融新勢力崛起！

好消息！澳門即日起全民可以免費接種流感疫苗啦！

零食控看過來。Okashi Galleria x Calbee+ 概念零食店已登陸澳門

澳門瑞吉酒店。優雅的雅舍餐廳

肥媽最愛去「葡」望帶領新「葡」風

男生女生劇本殺 ── 訪「戲夢人劇社 X 推理空間」

網購攻略特輯：發掘本地優質商品，快速收貨話咁易！

藝文薈澳。澳門國際青年戲劇節2019點滴與觀後感

從未試過的360度互動式劇場派對體驗。澳門美獅美高梅帶來世界級演出Fuerza Bruta Wayra

搜尋結果

澳門恐怖家暴！妻子慘遭丈夫潑滾油通渠水，如今面目全非！

澳門百老匯食街精選火鍋好滋味。圍爐聊天最開心

澳門實行“走飲管”？每天10萬支飲管，網友評論“亮了”！

澳門實行“走飲管”？每天10萬支飲管，網友評論“亮了”！

澳門女外雇當街慘遭男子“潑鏹水”，強忍生不如死之痛楚！

22位內地居民為留澳門蝸居3房1廳，為了省錢怎麼都可以！

重磅！澳門金融交易所今日揭牌開業！大灣區金融新勢力崛起！

好消息！澳門即日起全民可以免費接種流感疫苗啦！

零食控看過來。Okashi Galleria x Calbee+ 概念零食店已登陸澳門

澳門瑞吉酒店。優雅的雅舍餐廳

肥媽最愛去「葡」 望帶領新「葡」風

男生女生劇本殺 ── 訪「戲夢人劇社 X 推理空間」

網購攻略特輯：發掘本地優質商品，快速收貨話咁易！

藝文薈澳。澳門國際青年戲劇節2019點滴與觀後感

從未試過的360度互動式劇場派對體驗。澳門美獅美高梅帶來世界級演出Fuerza Bruta Wayra

肥媽最愛去「葡」望帶領新「葡」風