《旅途上遇見改變人生的50個人》（二）
旅途上的仨倆事 // 東尼 & 蛀牙妹・2016-07-10若果話每個人既相遇都係一種緣份，咁我地同王大哥（年齡上真係大哥，哈哈）既相遇就更似一種安排.. 我知，一定有人見到係中國人面孔就覺得「哦，咁冇咩特別姐～」。有時間就睇埋落去啦gt;lt; 同樣係認識上篇主角美國人Mit既同一間hostel， 當時係我地人生第一次入住青年旅館，黎到門前仲狠狽緊要點入去，咁巧合就有個中國人面孔既人出現又有鎖匙入去，哦原來佢都係住客～ 佢可能見我地望住佢，佢就主動問「你們會中文嗎？」。噢，當然啦～人生路不熟，加上我地前一晚先露宿完街頭，有個講中文既人同你住同一間青旅點都係件好事丫！ 我地一邊上樓梯一邊傾左幾句，當聽到佢來自河南時，東尼真心覺得好有緣呀！我地去內地既地方唔多，但其中一個地點就係河南省。佢表現得比我地更出奇，話「我們老家河南人跑去澳門玩的人多，很少見澳門人跑去河南玩啊。」.. 攝於 河南省嵩山少林寺 有共同話題就自自然變得多野講，佢係一位舞台劇導演，現居上海，近幾年不斷往返中、英兩國，想尋求適合既英國戲團引薦到中國，所以基本上英國各大城市都遊歷過了，我地接住去愛丁堡既路線都得到左不少資料。 攝於 河南省嵩山少林寺塔林 到而家都好記得同佢相處的一幕，由於戈間hostel既鎖匙櫃係係房外，貴重野我地有貼身袋，唔等洗既野會鎖入櫃，但.. 如相機充電, iPad等電子野又唔係時時跟身, 鎖左就有時要走幾次去開鎖咪好煩麻？「你要相信人呀, 真是貴重的鎖好, 其他的你看其他人指住人地床位都有放在這呀..」佢語氣好好，亦都唔係同我地同房，只係見我地咩都唔識入黎睇下有咩幫手。正因為咁，就更加慚愧啦，我地成日認為內地地獄鬼國，十個有八個人都係騙子，點知就係外國遇到個教我地「信」既中國人.. 最後，我地住左七晚同房所有人都係行開時都將自己D野放係度，仲好似大家庭一樣。 冇錯，如果我地事事防範，我地受到傷害蝕底既機會係會大減，但只有我地去「信」更多，先有機會見到更美麗既事物－人性既真善美。 無聊Google，都可以搵到quot;王俊曉quot;既導演事跡@_@ 更多內容請睇Facebook專頁啦＾＾httpwww.facebook.comTripswhatifeel
Jackst・2017-04-27
熊神進・2020-08-28
Gloriaice・2017-01-26
乜交食玩買 | Mackel Sharing・2019-07-09
Chrysalids 少爺・2019-03-25
文創遊樂場 // 米米 Esther Lim・2025-11-23
LifeMag Editor・2015-08-07
李小時・2015-01-07
bacalhau・2019-10-11