珠海半小時車程一家大小可以去邊玩?
MacauYeah・2024-06-28珠海半小時車程一家大小可以去邊玩 緊係要試上年新開今年初營業的珠海毛林金灣大酒店 筆者聞說友人極推位於大灣區半小時車程新開的大酒店，內有中小童足夠喪玩的兒童遊樂城及冰雪運動城，酒店對面就是金灣華發商者，所以筆者當然要找個周末一家人上去放鬆一下。 國內酒店很方便，可以網購或找澳門旅行社訂都十分優惠，筆者比價後選擇了向本澳某大旅行社代訂兩天一夜套票，價格1,000澳門元，不過筆者揀咗車車主題房所以要再加多500澳門元。 雙人套票包括早餐、兒童遊樂城、冰雪運動城、泳池及健身。 筆者訂購的是周五連周六公眾假期的兩天一夜套票，下午才可check in 酒店，但可於1100後便可入場玩。筆者只有澳腳北上，所以過關後就直接約順風車，約40分鐘直達珠海毛林金灣大酒店。一到酒店，望落豪華的大堂大到呢hellip;..應該有大半個足球場咁大 由於筆者的小朋友還嫰，當然係先去兒童遊樂城探個究竟先啦，一入到場，職員會俾廿個遊戲幣俾客人，但原來幣仲可以用黎夾公仔正呀 而場內所有遊玩設施都係免費任玩即刻沖入去睇吓 場內樓高兩層： 下層有適合細B玩的大型波波池、迷你飄流、各式電動車、撈魚同積木等等；旁邊仲有岩大人玩的VR 遊戲而另一邊仲有好多適合中童的大運動攀爬設施 上層有其他電動遊戲、電動車、迷你war game場、當然唔少得各式玩具同零食夾夾機同小食區 小朋友真係玩到樂而忘返，到咗晚飯時候當然要同佢講明天仲可以繼續玩先肯乖乖離開。 返到酒店房，唔洗多講一睇間房，嫰B十分喜歡嘩了幾聲，房間清潔，設備齊全仲備有兒童清洗用品，場內仲設有小帳幕同窗外望到開洋的美景。 房間隔音十分好，大家安睡一夜後，翌日先去嘆個自助早餐先 同澳門五星級酒店有得揮喎，食物多，干淨服務不錯 食飽轉場去冰雪運動城hellip;hellip; 場內有夠哂玩的仿雪滑梯 雖然哩兩日都十分大雨，幸好哩間酒店內有齊所有娛樂設施，大家都玩得十分滿足，總結哩個行程，性價比高 溫馨提示：筆者首日同翌日入場的感受有好大差別，首日周五場內冇乜人，干淨安全不用排隊，但翌日是公眾假期，人山人海呀所以雖是新酒店，但係內地玩都係要揀D冇咁多人的時間去比較輕鬆。 最後補充吓套票包咩，套票錢已包括酒店內所有設施，大家可盡情暢玩，但值得注意的是像我們一家三口，即多了一個人需要加購早餐及各場所入場門票。加購規則如下： 早餐：入住客人現場加訂早餐，獲門市價的8折135人民幣位（大小同價）；身高1.2米以下小童免費，每一位成人限帶一名免費小童; 冰雪運動城：199人民幣位大人，159人民幣位小童，大人及小童必需穿帶指定裝備入場，裝備免費提供，但需付押金，離場後退回； 兒童遊樂城：79人民幣位大人，99人民幣位兒童； 備註：未滿18歲為兒童，18歲以上為成人，1歲以下免費入園，12歲以下兒童必須由一名成人陪同； 套票內包含的是2位成人門票，如入住時2大1小，小童需要現場加購小童價格的門票。 慳錢TIPS 筆者獲酒店櫃檯職員告知雙人套票包的入場之手帶其實冇分大人定小童，持手帶便可入場，因此筆者帶同年僅兩岁的幼兒入場時，只加購了一張成人陪同票成人票比兒童票便宜哦
Cheers!・2023-02-10
繪本與棋＠黃庭熾・2020-11-24
原來世界這樣大・2019-06-21
bacalhau・2018-12-10
行走世界記錄・2018-11-11