HTC Vive 評測
Cheers!・2016-07-14是咁的，有日張開眼發現身處郊外，月黑風高，環顧四周渺無人煙，以為被整蠱。“唔好玩，出嚟啦”不出所料逐漸有腳步聲響起，似乎班老友終於玩夠現身，遠睇個個好似“瞓捩頸”咁走過嚟，下意識拿起電筒一照 “頂你！喪屍嚟嘅”，第一反應當然逃走啦，誰不知右手竟然多咗一把槍，當下保命要緊，有理無理射咗先算，“嗙！嗙！嗙！”一連掃低幾隻，正沾沾自喜槍法如神之際，突然被人從後襲擊，敵眾我寡，忽然眼前一紅，倒臥血泊之中，Game Over！ 作者： 大頭針面對喪屍猛烈進攻，攻擊便是最好防禦。 由於子彈有限，記得慳d使，最後近距離爆頭。 “超正！”是小編對HTC Vive遊戲體驗的感覺。VR即虛擬實景技術，利用電腦模擬三維空間，透過VR裝備讓玩家置身虛擬世界之中，改變遊戲及感官新體驗，創造更多不可能。加上近年VR大行其道，成為潮人必玩新寵，當中VR產品價格低至幾十蚊有交易，就如電話VR眼罩一樣，但體驗並不完美。 HTC Vive成最潮VR裝備 要數目前最旗艦VR產品當然是HTC Vive莫屬，自推出以來獲獎無數，外國更一度買到缺貨，近期更引入本澳，實為玩家福音。HTC Vive組合由一個VR眼鏡、兩個感應手掣及兩個位置感應等組成，同其他VR設備不同的是，由於具備兩個鐳射定位器，玩家更可在虛擬世界中行走，發掘更多不可能。只要按照要求組裝，再配搭一個頭戴式耳機臨場感會更好。 講多無謂，遊戲體驗最實際。最刺激當然首推打喪屍系列，此時遊戲手柄會模擬成電筒及手槍，面對一群喪屍逐步進迫，唯一的保命方法是殺戮，近距離爆頭感覺超爽！但提醒一句子彈有限，必須慳住用，否則後果自負。若果覺得打喪屍太血腥，其實還有適合親子互動的輕鬆遊戲，譬如“The Lab”類似憤怒鳥玩法，透過機械彈弓用炮彈打塔，調整好距離容易百發百中；小朋友思維天馬行空，“Tilt Brush”透過立體畫布創作，轉盤可選擇不同顏色和動態圖案等，讓大作錦上添花。中意睇戲一族，可舒服地在家中感受IMAX效果。 “The Lab”玩法類似憤怒鳥，輕鬆上手。 3D畫布讓創意天馬行空，小朋友實鍾意。 要暢玩HTC Vive，配備一套強勁電腦必不可少，加上暑假臨近，係時候升級部電腦打機又可爽玩VR，近期砌機則建議選擇GTX1070或同級顯卡。如果想免費體驗下VR有乜辦法? 收到風，去咗CTM試完係氹仔及海擎天旗艦店開設HTC Vive體驗區，可以感受以上介紹的幾款遊戲等，並設有屏幕實時投影遊戲情況，每款遊戲體驗約三至五分鐘，現場有專人負責講解，近期反應十分火爆，想要率先體驗，除咗可直接親臨門市之外，仲可致電服務熱線1000預約，咪錯過！ CTM設有兩個HTC Vive體驗區，免費暢玩話咁易！
LifeMag Editor・2016-04-16
合資格90後・2016-02-25
