Huawei Mate 9 黑白新色登場，CTM 現正發售！
手機‧電玩
Cheers!・2017-02-13
如果大家想轉下其他牌子嘅新機用，又想要影相靚、價錢實惠？ 而家有多一個選擇啦！澳門電訊推出全新嘅 Huawei Mate 9 智能手機，同時為客戶搭配一系列出機組合嘅優惠，令您感受呢部手機嘅強大功能，以及感受多元化嘅流動享樂體驗。而家仲最新推出黑 / 白新色，啱晒追求簡潔型格嘅你！ 喺規格方面，Huawei Mate 9 智能手機採用 5.9 吋、1080p 全高清屏幕，搭載 Kirin 960 八核處理器，運行最新嘅 Android 7.0 系統，支援 Huawei SuperCharge 快速充電技術，同時低溫低壓安全可靠，強大既配置，智能手機流暢新體驗。 而相機方面, 就配備左第二代 LEICA 雙鏡頭，講到 LEICA 鏡頭，相信唔少人都會第一時間聯想起兩件事：影相質素好、細緻度高、仲有黑白相功能。自從 Huawei 年初宣佈與 LEICA 合作研發手機鏡頭，就推出咗第一部擁有 LEICA 名稱雙鏡頭嘅 P9。而早前 Huawei 再接再厲，推出另一部同樣有 LEICA 雙鏡頭嘅旗艦手機 Mate 9。 Mate 9 備有LEICA 雙鏡頭 相比年中推出嘅 P9 Plus 所採用嘅雙 1,200 萬像素鏡頭設計，Mate 9 就採用咗 1,200 萬像素 + 2,000 萬像素嘅雙鏡頭新設計。雖然仍然係一個影黑白灰階一個影彩色嘅雙鏡頭配置，但新機專責影黑白灰階嘅鏡頭就提升至 2,000 萬像素，試用過後，發覺喺灰階層次上，確實有好大嘅進步，黑白灰之間嘅層次分明得多，不再有種純粹加 filter 嘅感覺。至於彩色相片方面，清晰度都算不錯，而且油畫化情況尚可接受。另外，與 P9 嘅 LEICA 雙鏡頭比較，今代亦加入了光學防手震技術，令夜間攝影更穩定。 另外，Mate 9 有一項相機功能值得推介，就係背景虛化（淺景深效果）。另外，它雖然未有提及支援光學變焦，但在 2x 範圍內進行變焦，相片都可以有頗清晰嘅效果，對於需要間或遠攝嘅用家，都係十分有用。不過要留意嘅係，如果要用到此功能，最高只支援至 1,200 萬像素既相片。 至於介面方面，今次 Huawei 在 Mate 9 上，預載了 Android 7.0 Nougat 作業系統。在介面上，Huawei 手機一向並非使用 Android 原生介面，而是自家嘅 EMUI 5.0，整體用起來感覺算是不錯，唔會太國產機嘅味道。此外，據 Huawei 所講，今次重新設計了 EMUI 5.0，整體設計都做得比之前嘅 EMUI 更加直覺化，甚至可以做到所有功能都可以最多 3 步已可用到。 對於一台中上級別嘅手機而言，性價比都很高，強勁賣點當然係 LEICA 雙鏡頭，以及佢嘅 EMUI 5.0 介面啦！而且都係一台雙卡雙待支援中港澳網絡嘅手機，對於穿梭三地或經常出外嘅朋友，有一定吸引力。 Huawei Mate 9 CTM 現正發售！ Huawei Mate 9 規格 處理器：Kirin 960, 八核心 (4 x 2.4 GHz A73+ 4 x 1.8 GHz A53) 處理器 螢幕：5.9 吋 Full HD 1080p LCD 螢幕、螢幕密度 373ppi、96% NTSC色域 系統：Android 7.0、EMUI 5.0 尺寸：156.9mm x 78.9mm x 7.9mm、190g 顏色：黑色(最新推出)、白色(最新推出)、灰、金、摩卡金
Chrysalids 少爺・2017-08-03
Jackst・2017-05-25
