潮流特區

最新文章

[直播] 似一個刺客信條的豬豬俠

手機‧電玩
MacauYeah・2018-09-07

---------------------9/9--------------------- 光頭電光人 ---------------------9/9--------------------- ---------------------8/9--------------------- 有新衫啦，連觸手都出黎啦 ---------------------8/9--------------------- ---------------------7/9--------------------- 新手最高難度挑戰，先虐為快 ---------------------7/9---------------------

[吐槽遊戲] 我支持翻譯遊戲 但這款很不行

手機‧電玩
MacauYeah・2018-09-06

真係老老竇竇，係咪比唔夠錢，所以無人做較正？ 點解今時今日會有中文字出唔到？ 作為一個專業IT從業評論員的我，只可以猜測，那是無俾錢買字型

[冷智識] 解密 MGS Big Boss之名

手機‧電玩
MacauYeah・2018-09-04

大家好, 我係新黎嘅Blogger 馬交野暑期話咁快就過去, 小朋友要返學, 大朋友亦都要花時間送小朋友返學不過返學都好嘅, 起碼可以學多英文, 日後可以用黎傍身話時話, 以前打機嘅時候, 未有中文翻譯, 有幾多人又真係睇得明劇情?而家畢左業, 以為自己學有所成, 所以返去玩Metal Gear Solid 1, 2, 3睇劇情, 以為可以真真正正欣賞一下偉大嘅作品.話晒自己都對住嗰26個英文字母都對左12年, 點都應該可以睇明半套野掛.點知點知. 少年, 我太年輕了. 我連Big Boss個真名都睇唔明. 那那那, 唔係搵唔到, 而係"睇唔明"比少少時間大家回憶, 到底系列主角真名係乜? 比個提示, 英文版 MGS1 Solid Snake 叫David, MGS2 Raiden 叫Jack, 咁MGS3 Naked Snake呢????----------------這是防雷分隔線------------------------------------這是防雷分隔線--------------------如果大家有睇MGS3 劇情的話, Snake有時向某啲人自稱John, 但佢師父會叫佢做Jack喎. 莫非John 只係行動代號(code name), Jack先係真名? 唔係喎, Snake已經係行動代號(code name), 咁整多個黎做乜呢?媽, 我好亂阿. 咁即係John 還係Jack 阿?原來, 原來, 真係我太年輕了.Google 左一下, 原來係1990年之前, Jack係好少用黎做為正式人名. 1990年, 美國男性裏面, 亦只有0.315%係叫Jack. (詳見wiki https://en.wikipedia.org/wiki/Jack_(given_name) ) . 連甘迺迪 都係John, Jack互通 https://en.wikipedia.org/wiki/John_F._Kennedy原來係未普及之前, Jack通常只係John, Jacob, Jason, Jonathan, Johann, Johannes, Joachim 嘅乳名(diminutive form)好, 回歸問題, 即係Naked Snake(Big Boss)叫John啦real name John, also known as Jack - http://metalgear.wikia.com/wiki/Big_BossReal name John, Aliases Jack - https://en.wikipedia.org/wiki/Big_Boss_(Metal_Gear) 本名約翰(John)，小名傑克 - https://zh.wikipedia.org/wiki/%E8%A3%B8%E8%9B%87本名はジョン - https://ja.wikipedia.org/wiki/%E3%83%93%E3%83%83%E3%82%B0%E3%83%BB%E3%83%9C%E3%82%B9那, 我截埋片, 佢都話自己叫John Doe. ----------------這是防雷分隔線------------------------------------這是防雷分隔線--------------------然而, 少年, 你真係太年輕了. https://en.wikipedia.org/wiki/John_DoeJohn Doe, 其實係英文嘅世界, 只係一個匿名. 即係澳門表格裏面常用嘅"陳大文". 有John Doe, 還有Jane Doe, 一個比男仔用, 一個比女仔用. 有啲地方, 會用佢黎代表身份未明嘅人, 美國有啲情景用黎代表死者, 其他英語系地方會用黎表示兇手. um...um...um...um...um...um...um...um...um...唔係喎, 咁點解咁多wiki都寫Naked Snake(Big boss)之名為John? 其實係有一個劇情上的推敲, Naked Snake 係一位戰爭孤兒, 所以佢亦無真正名, 所以佢師父收養佢嗰時, 幫佢改左個名叫John但係佢姓乜, 無人考究到, 作者亦無解釋, 或者其實亦唔重要. Naked Snake 亦一直用住John 呢個名, 而且因為佢係特務, 唔會刻意保留一個真實名, 佢係故事上亦表示過, 戰場上真名字沒有實質意思. 冷智識就分享到呢到,再黎介紹一下自己先. 我係馬交野 - Macau Yeah, 有時會做下遊戲攻略, 玩下直播, 分享一下電玩/電競冷智識. 好心情嘅時候亦會參加一下Speedrun 比賽. 如果大家覺得上面呢條友都挖到啲幾意外嘅野, 就記得訂閱埋佢嘅 YouTube/Twitch, YouTube https://www.youtube.com/channel/UCIjcCxgxWIqvjRAr0e96uOQTwitch https://www.twitch.tv/macauyeah/

2018年9月新遊戲

手機‧電玩
肥羊的頹廢生活・2018-08-30

暑假又過左啦，但係好遊戲係唔會完嘅。九月有十九隻新遊戲推出，究竟有九月係你銀包出血定係又可以儲下錢等十月嘅新遊戲呢? 依家就由我推薦幾隻重點遊戲，睇下你嘅選擇會唔會同我一樣。 NBA Live/2K19 身為運動類遊戲嘅FANS，NBA系列嘅遊戲應該係你每年必入嘅遊戲。係近依幾年可能係無對手嘅關係，2K系列好似有D停滯不前，除左係畫面靚左之外，遊戲本身已經無咩進步，防守依舊都係離你兩步都係防守成功，小打大好多時都變成人類BLOCK SHORT精華合集，加上2K18果個極其白痴嘅MY GM故事，所以我對今集嘅2K都有少少保留。 NBA Live就年年都係雷聲大雨點小，都係Trailer一出，誰與爭鋒，但係玩落又係點呢?相信有玩嘅都心知肚明，動作/人物比例等等…… Shadow of the Tomb Raider 如果你係鐘意動作類遊戲，Tomb Raider你一定會鐘意玩，今集已經係故事嘅第三集，今集繼續都係探索遺跡一路尋找殺父仇人。而今集主要嘅場景都係以水中洞窟為主，但以我多年嘅打機經驗，水中操作都係遊戲嘅死穴黎，唔知今集你會唔會又要買多一個手制呢? Super Seducer 2 如果你唔鐘意運動類遊戲又唔鐘動作類遊戲，咁不如試下真人模擬遊戲。Super Seducer 2係一款真人戀愛遊戲，如果你對悶左日式戀愛遊戲，咁不如試下美式嘅戀愛遊戲。到底你係一個八面玲瓏嘅超級花花公子，定係情場新手會死係紅裙之下，一切都睇你嘅表現呢。 FIFA 19 最後一隻會推荐嘅遊戲就係FIFA 19，依隻其實唔洗講咁多，會買嘅人就會買，唔買嘅人都係唔會買。但好似我咁對足球係有愛嘅，其實都係會買。我覺得FIFA 同2K都係有同一個問題，就係因為無對手，所以真係無咩進步。每一集嘅感覺都係畫面靚左，名單更新左，但係感覺都係咁上下。而且今集仲要加左個食雞mode落去……… Marvel's Spider-Man 如果你鐘意超級英雄遊戲，咁你應該唔會放過你最好嘅鄰居Spider-Man。今集應該係第一隻做開放世界嘅超級英雄遊戲，但係開放式世界都會有一個好大嘅問題，會唔會為左一個細嘅支線任務要你飛十萬九千哩呢?而且係Trailer睇黎，蜘蛛感應係其中一個重點玩法，但係好多遊戲嘅重點都唔係重點黎，會唔會變左一個食之無味 棄之可惜嘅玩法呢?

9月小編私心買PS4 Pro Game List

手機‧電玩
Cheers!・2018-08-28

9月小編私心買PS4 Pro Game List 圖片來源：https://www.facebook.com/easportsfifa , https://www.facebook.com/NBA2K , https://asia.playstation.com , https://asia.playstation.com 暑假雖然完結，但電玩生活絕不能放棄。踏入9月是屬於運動game推出的月份，加上不少運動大作都會在9月推出，大家應該可以在新年前都不用棄game。除了運動game外，亦有冒險Game，連VR game都在9月推出第一人稱射擊game。絕對可以延續大家對打機的愛。 足球迷引頸以待嘅FIFA 19，官方已經宣佈係9月底推出。封面球星依然是「阿朗」，不過就已經換成「祖記」球衣。球迷們可能都需要時間去習慣。至於在宣傳片中，「Journey」模式的「Alex Hunter」就傳會去了「皇馬」，而且可控制的角色也增加，例如女足球員「Kim Hunter」，以及亦敵亦友的「Danny Williams」。至於遊戲當中，「Alex Hunter」能不能頂替「阿朗」，幫「皇馬」再踏歐洲之顛，就要玩過先知。 好在「阿朗」轉會轉得早，換封面又換得切。 圖片來源：https://www.facebook.com/easportsfifa 宣傳影片：https://www.youtube.com/watch?v=lrr3BnsU1Qs 至於籃球方面，相信2K會繼續擔當領頭羊，成為最受歡迎籃球game。今年適逢 「NBA 2K19」踏入第20年，而推出兩個版本。一個就是由「字母哥」（Giannis Antetokounmpo）做封面的Standard edition，以及由皇上 Lebon James做封面的20th Anniversary Editon。而今代繼續有「My career」模式，推動大家課金或買特別版，讓玩家更快邁向99 。 「皇上」都早早敲定轉會，免得像上年要換封面那樣尷尬。 圖片來源：https://www.facebook.com/NBA2K 宣傳片：https://www.youtube.com/watch?v=cIxzmr9sid4 雖然「Spider Man」在「復仇者3」被消失，不少蜘蛛迷都大為傷心。不過9月就會推出「Marvel's Spider-Man」遊戲，應該可為蜘蛛迷帶來興奮。在遊戲當中，「Spider Man」設定接近漫畫，例如故事角色裡有「Mary Jane」（宣傳片中看到玩家有需要控制此角色），同關愛座年齡嘅「Aunt May」、「Spider Man」亦要對付多位反派，不過在宣傳片中，透露「Mister Negative」才是最終大佬。吸引的故事，加上電影級畫面，相信都會令蜘蛛迷乖乖課金。 「Marvel's Spider-Man」都有特別版，有實體禮品又有遊戲中的特別版戰衣。 圖片來源：https://asia.playstation.com 宣傳片：https://www.youtube.com/watch?v=rMvya57n7lk 食雞的朋友如果想轉換下，不如玩大一點，試下有VR加持嘅Firewall Zero Hour。在遊戲中，玩家要扮演僱傭兵，進入一場又一場世界級的機密資料攻防戰。戰鬥模式以近戰為主，十分考驗玩家反應，而且又要進行解密，令到整個感覺更貼近現代戰鬥模式。 繼「Bravo Team」之後，「Firewall Zero Hour」都令人期待，將現代戰役用VR呈現眼前。 圖片來源：https://asia.playstation.com 宣傳影片：https://www.youtube.com/watch?v=CEo6zS88H-s 睇到呢度，相信您對以上新game一定好有興趣！俾多個好推介您： 依家去 CTM申請 $580 / 1G 光纖計劃，仲可 $0 拎走PS4遊戲機套裝

2018年8月新遊戲

手機‧電玩
肥羊的頹廢生活・2018-07-31

夏天除左為大地美腿雨水外，亦都為大地帶黎左好多新遊戲。亦都有一個大問題就係我應該玩邊隻呢?係八月一同有二十九隻新遊戲發售，依家就由我推薦幾隻重點遊戲，睇下你嘅選擇會唔會同我一樣。 Overcooked 2 依個月嘅Party Game 唔算多，但係最多人留意嘅應該係毀滅友情/愛情系列嘅Overcooked 2。上一集只可以單機玩，但今集新增左線上模式，可以同更多嘅朋友一齊合作，係無得當面搶手制嘅情況下，你地會毀滅廚房定係合作過關。 人中之龍3/莎木1 & 2 兩隻都係重制嘅動作遊戲，如果你係鐘意相信你都已經玩過，但重點係中文化，想當年你係完全唔明劇情嘅情況下通關，好多細緻野你都睇唔到或都唔明，依家就係你重新理解故事嘅時候呢。 This is the Police 2 如果你鐘意模擬遊戲，你應該會鐘意This is the Police 2。故事同上集唔同，玩家會扮演一個新紮師妹，你到底要點先可以成為警隊一姐，係用黑道勢力幫手定用自己嘅實力一步步爬上去? PES2019 每年都有兩隻足球遊戲，首先出場嘅係PES2019，今集PES有更多真實嘅球員面貌，聞說係更加真實嘅操作。但係無左歐聯版權之後，你又會唔會買一隻無版權嘅足球遊戲呢?如果你唔介意MAN RED打MAN BLUE嘅應該係無問題嘅。但我就會等多一個月睇下FIFA有咩表演先再決定呢。

傳說級稀有度！《怪物彈珠》X《刀劍神域》紀念限量版桐人二刀流手機殼

手機‧電玩
Chrysalids 少爺・2018-07-23

好興奮！想不到 XFLAG 真的會推出《怪物彈珠》X《刀劍神域》合作紀念的二刀流手機殼。令一眾《怪物彈珠》和《刀劍神域》粉絲們為之雀躍，想必每位粉絲們都想當上今次抽獎的幸運兒。 XFLAG Studio 於上星期四 (7月19日) 宣佈，為紀念旗下手機遊戲《怪物彈珠》與著名日本動漫《刀劍神域》的合作 ，將會推出以該動漫中男主角桐人使出獨特劍技「二刀流」中的著名招式「星爆氣流斬」時，所使用的武器「黑劍．闡釋者」，以及「白劍．逐暗者」為主要設計靈感來源的手機殼。 暫時這套手機殼不會公開發售，想要這套手機殼的話，只能夠從活動抽獎中得到。詳請可到以下影片來源的連結了解。是次活動只會抽出三名幸運兒，可以說是限量版中的限量版。 雖然大部分人都只能夠做分母，不過可以先一睹為快，認識這手機殼的厲害之處。 影片來源：XFLAG Youtube Channel 影片先以一名穿著日本高校校服青少年男性，左手握著「白劍．逐暗者」，右手握著「黑劍．闡釋者」打開序幕。可謂霸氣十足，有型有格，而且中二味十足，達至百分之一百。 然後當然不少得《刀劍神域》中，桐人使出二刀流劍技「星爆氣流斬 Starburst Stream」來斬殺青眼惡魔的幾秒短片。 桐人使用星爆氣流斬 接著就是該名青少年男性示範拿著以「闡釋者」和「逐暗者」為設計靈感的手機殼。雖然十分入型入格，但假如少爺有幸得到，亦只會把它們留在家中遊玩，斷定不會拿出街使用的，造成尷尬。 接著短片出現幾名設計師和工匹，深入洞穴，尋找可製作「闡釋者」和「逐暗者」的手機殼材料。製作完畢後，當然是要展示其強大之處。 首先，該手機殼能夠防水，就算下大雨都無問題。 防水性能 Water Resistance Test 厲害之處其二就是耐寒，無論温度有幾低，甚至下雪，手機殼依然若無其事。 耐寒性能 Cold Resistance Test 最後的厲害之處就是能夠抵抗雷雨，就算橫風橫雨，行雷閃電，也難以傷它分毫。 耐雷雨性能 Storm Resistance Test 看到這裏，少爺不知道這手機殼是不是真的如此厲害，有待幸運者拿來測試吧！（但應該不會有人會真的拿它來測試吧，畢竟這手機殼是十分珍貴。）（ 經過三款不同的測試後，是時候展示「白劍．逐暗者 Dark Repulser」 的手機殼。 《刀劍神域》白劍．逐暗者 Dark Repulser 以及可以用作觸控筆使用的「黑劍．闡釋者 Elucidator」，但看上去劍身太短了。 《刀劍神域》黑劍．闡釋者 Elucidator 接下來短片會介紹這手機殼的使用示範。其實全部都是任何一部智能手機本身都應該要有的功能（真的很想吐嘈）： 1）用來玩怪物彈珠﹣既然是 XFLAG 推出，當然是用來玩《怪物彈珠》啦！ 玩怪物彈珠遊戲 MONSTER STRIKE 2）打電話﹣任何一款手提電話都一定會有的功能。 打電話 PHONE CALL 3）導航﹣如果少爺是那位女性，一定會被這動作嚇呆。 導航 NAVIGATION 4）打字﹣手指也能夠做到的。 打字 TYPING 5）音樂播放器﹣只要手機裏有歌曲，都必定能夠做到。 音樂播放器 MUSIC PLAYER 6）自拍﹣可惜沒有自拍神棍的長度，否則一定會更加大受歡迎。 自拍 SELFIE 最後就以「黑劍．闡釋者」和「白劍．逐暗者」來結束這 137 秒的短片。 綜合而言，少爺個人認為覺得這款手機殼真的很有型，很有中二味，是任何《刀劍神域》的粉絲都夢眛以求想要得到的手機殼。可惜的是，數量有限，況且劍身太短，拿起來比較像單手短劍。倘若劍身長度能夠做到伸縮效果，大約能夠伸長至大約 30 厘米的長度會更加好。劍套應該不會是連同手機殼一齊送給幸運兒吧。 另外就是手機殼的功用，基本上是用來握著手機和觸控筆，方便用來玩《怪物彈珠》。令玩家玩《怪物彈珠》時更加投入，更能夠感受猶如置身於《刀劍神域》中的緊張感覺。總結來說，能夠幸運地被抽中的話，一定要用來收藏，但不應該花費巨額金錢來購買它。畢竟少爺認為，這三套手機殼只是用來試水温，假如深受大眾歡迎，將來 XFLAG 一定會推出巿面，大賺一筆；如果真的不會推出巿面發售，也一定會繼續透過各種各樣活動，贈送給參加者。 延伸閱讀： 【澳門隱世甜品】值得一試！Fuoco Pastry 有大大粒棉花糖的石板街 【澳門隱世美食】不可不試！連勝街《泰友麵》海南雞髀飯 【澳門炸雞美食】炸雞迷有口福啦！萬眾期待 Jollibee 6月27日開張 【澳門手搖界傳奇】大排長龍！沐白黑糖波霸鮮奶可以有幾好飲？

雙鏡頭 Sony Xperia XZ2 Premium打造「極！攝錄」影像體驗

手機‧電玩
Cheers!・2018-07-20

Sony Mobile 迷引頸以盼的年度旗艦級智能手機 Xperia XZ2 Premium 終於正式推出，延續上一代旗艦 XZ Premium的設計，配合 Motion Eye™ Dual 雙鏡相機及獨家研發的黑科技 AUBE™ 實時融合影像處理器，並擁有 Sony α 相機技術，令攝錄效能昇華不小。 首部 4K HDR大屏幕手機 全新的 Xperia XZ2 Premium 採用弧形 3D 玻璃及金屬質感一體式機身設計，手感舒適，更是世界首創全功能 4K HDR 智能手機。Xperia XZ2 Premium 配備 5.8” 4K HDR 大屏幕，超越上一代 4K HDR 屏幕的尺寸及光亮程度分別達 11% 及 30%，影像畫面更清晰明亮。手機融匯 Sony BRAVIA® 電視的超卓技術，XZ2 Premium 利用 X-Reality™ for mobile 將一般畫質提升至接近 HDR 質素，提昇影像的對比度、色彩及清晰度。另一個亮點功能是全新的動態震動系統（Sony’s Dynamic Vibration System），在觀賞影片及遊戲時能帶有震動效果，配合 S-Force Front Surround 音效及其他專為 Xperia 而設的音效提升技術，讓你感受電影級的震撼聲效。 首部實時影像融合雙鏡頭手機 而一向以鏡頭作為主打的 Sony 手機，今次的 Xperia XZ2 Premium 相機性能進一步提升，更是首部具備 Motion EyeTM Dual 雙鏡相機，雙主鏡頭為 1,900 萬像素 f/1.8 主相機 ＋ 1,200 萬像素 f/1.6 黑白相機，CMOS 的畫素尺寸分別達到 1.22μm 及 1.55μm。配備由 Sony Mobile 獨家研發的黑科技 ─ AUBETM 實時融合影像處理器，即使在極昏暗環境下雙鏡可實時融合，攝錄模式可提供高達 ISO12,800 感光度，拍攝模式可提供高達 ISO51,200 感光度，質素媲美市場上的高階專業級可換鏡頭相機。雙鏡頭主相機亦設有散景及黑白相片效果，而前置鏡頭則提供 1,300 萬像素，加上低光感測及屏幕閃光燈，讓你在任何光線的環境下都可拍攝出色的自拍影像。 跟上一代手機（右）比較， Xperia XZ2 Premium（左） 在昏暗環境下可拍出超高感光度的相片。 「極！效能」超卓極致表現 Xperia XZ2 Premium 搭載 AndroidTM 8.0 Oreo 作業系統，及使用 Qualcomm® SnapdragonTM 845 處理器，內建 6GB RAM 及 64GB ROM ，內置特大容量 3,540mAh 電池，並支援 QC3.0 快速充電及 Qi 無線充電。透過第二代 Gigabit LTE 方案，達至超高速 1.2Gbps X20 LTE 網絡下載速度。手機亦支援 IP65/68 防塵防水機能，並設有黑色及銀色兩種顏色選擇。 《出機小貼士》 依家去 CTM 申請 4G+ 本地任用月費 $688，上台機價 $0，首 20 名送 SONY Bluetooth 耳機 SBH90c（價值：$1,550），「尊壹會」會員及「大豐 CTM Visa Signature 信用卡」客戶更可尊享淨機 88 折！立即出機啦！

【EA SPORTS】FIFA19將於九月尾登場！

手機‧電玩
澳門仔・2018-07-16

EA SPORTS 新一代FIFA19將於9月28號推出！ 想知今集有乜特別？立即嚟睇下預告片啦！ 影片來源：EA SPORTS FIFA 當然唔少得今年FIFA19主打的歐聯系列啦 提提大家預購冠軍版同終極版更可以提早三日搶先玩！

Detroit: Become Human玩後感

手機‧電玩
肥羊的頹廢生活・2018-07-15

Detroit Become Human(底特律：變人)係由Quantic Dream於2018年推出的互動電影式遊戲。遊戲發生在 2038年的近未來，由於科技的發達，仿生人Android已經變成社會上不可或缺的一部。而玩家將會扮演三個不同嘅仿生人。分別係康納（Connor）、卡菈（Kara）同馬庫斯（Markus）。故事採用多重結局，玩家嘅每一個選擇都會影響到結局的發展，到底你要成為一個有感情嘅仿生人定係一個只顧目的不擇手續嘅仿生人，所有人係嘅命運都掌握係你手。 遊戲採用互動式電影嘅型式進行遊戲，如果你鐘意一個完整故事但又可以係某一個重要事件上作出決擇，咁Detroit Become Human就絕對適合你去玩。但如果你係鐘意快節奏自由自在嘅遊戲，咁你就要諗清楚係咁可以係短時間內睇晒接近二十四集嘅美劇啦。(最後果章要差唔多一個鐘頭先玩得完) 以下係我對三個主角故事嘅感想(以下部份會有劇透，如果你未玩完嘅，唔該你立即離開) 關於康納（Connor）嘅故事 康納嘅故事係三位主角入邊最平平無奇嘅，無論你點決擇都好你都會搵到異常仿生人嘅首領。如果你選擇做魔鬼戰警嘅，咁就會比較難先會知道真相。係遊戲中期會有一個重大決擇，你會為左完成任務定去殺一個完全唔難事嘅仿生人，定係作為一個人為左良知、同理心等等嘅因素放棄線索，依個完全都係玩家嘅決擇。人性係遊戲入邊係一個好重要嘅因素。(康納最後一幕我嘅感覺佢似陳浩南) 關於卡菈（Kara）嘅故事 卡菈嘅故事係三位入邊最有愛嘅故事，亦都係有最多重大決定嘅故事。為左你個女你可以犠牲咩?係旅途入邊嘅伙伴，為左你不斷冒險嘅救命因人?而係你為左個女犠牲左咁多嘅情況下，你發現你最愛嘅女有一個重要秘密瞞住，你係咪仲可以無條件咁愛落去?去到生死關頭，你係咪可以為左個女放棄生命，定為左自己放棄個女? 關於馬庫斯（Markus） 馬庫斯都嘅故事係三位入邊最有孝同義嘅故事。你到底要激死老豆搵山拜定係做個孝子被人打死，雖然依個決擇唔會好大影響到故事嘅大方向，但亦都會睇到你嘅決擇。 義嘅方面，馬庫斯可以為左新相識嘅同伴去打劫倉庫，亦都可以為左同伴成為以一敵百嘅開路先鋒。為左同伴可以一個人去引開警察炸毀自己嘅基地，去到故事最後亦都你要成為一個為左自己犠牲同伴嘅小人定係成為一個可以同同伴一齊出生入死嘅領袖? 其實成個故事都係探討人性嘅問題，當仿生人無左處理顯示器後，仿生人同普通人有咩分別?故事入邊亦都有探討到膚色問題，你會發覺到做維修嘅仿生人都係黑人黎。到底咩係平等，都係依個故事想探討嘅。 如果你同意或都唔同意我講嘅野，歡迎係下邊留言等我知道邊度可以做得更好。 PS:遊戲入邊希拉莉終於做到美國總統

Samsung Galaxy 中階三寶 A8 Star、A6+ 及 J6 全屏手機登場！

手機‧電玩
Cheers!・2018-06-29

Samsung最新發佈了Galaxy A6+、A8 Star及J6三款手機，主打中階市場，各採用無邊際顯示設計，並加入不同貼心的設計及超卓的手機功能，切合不同人士的需要。 Galaxy A8 Star 超薄機身配高質素雙主鏡頭 Galaxy A8 Star以流線型薄身設計，加上無邊際顯示設計6.3” FHD+ Super AMOLED 屏幕，帶來身臨其境的視覺震撼。手機配備Qualcomm Snapdragon 660處理器，內置4GB RAM及64GB ROM，電池容量則有 3,700mAh。 而拍攝方面，Galaxy A8 Star配備2,400萬及1,600萬像素F1.7大光圈雙後置鏡頭，無論日間或晚間都能拍攝清晰相片，並支援景深實時調校。而前置鏡頭亦配備2,400萬像素，內置多款創意拍攝效果包括智能美肌、專業打光及AR貼紙，增加自拍趣味。 手機亦支援全新智能助手 Bixby（Voice, Vision, Home, Reminder）、Dual Messenger及支援Always On Display，可隨時掌握最新資訊。 手機支援 App Pair 功能，助您處理多項工作更輕鬆。 Galaxy A6+ 自拍我最強 Galaxy A6+屏幕比Galaxy A8 Star體積小一點，同樣採用無邊際顯示設計6.0吋FHD+ Super AMOLED屏幕，具高解像度、高對比度，讓你獨享全方位觀影體驗。手機配備Qualcomm Snapdragon 450處理器，內置4GB RAM及64GB ROM，電池容量則有 3,500mAh。 當中主打的是其2,400萬像素前置鏡頭配備F1.9大光圈，配備三段前置鏡頭閃光燈亮度選擇，在任何環境都可輕鬆自拍出亮麗相片。而後置鏡頭為1,600萬像素（F1.7大光圈）及500萬像素（F1.9大光圈）雙鏡頭，亦支援景深實時調校，可實時及後期調校，亦加入新的美肌效果及備有多種創意特效果讓你編輯相片及影片，創造玩味無限的相片。 三段前置鏡頭閃光燈亮度選擇不論環境光暗，你的自拍照都可以保持高清亮麗，銳利無眩光。 Galaxy A6+亦支援全新智能助手 Bixby（Voice, Vision, Home, Reminder）、Dual Messenger及支援Always On Display，可隨時掌握最新資訊。 Galaxy J6流麗機身配HD+ Super AMOLED 屏幕 Galaxy J6則主打入門市場，售價為$2,480，機身輕巧，採用5.6吋HD+ Super AMOLED 18.5:9無邊際顯示屏幕，屏幕比例為18.5:9，視野更廣闊，帶來無邊際的視覺效果體驗。手機備有1,300萬像素F1.9大光圈後置鏡頭及800萬像素F1.9大光圈前置鏡頭，跟A6+一樣配備三段前置鏡頭閃光燈亮度選擇，在黑暗中自拍都可以保持高清畫質，相片銳利無眩光。手機配備1.6GHz八核心Exynos處理器，內置4GB RAM及64GB ROM，電池容量則有 3,000mAh。 另支援雙卡雙待（2 SIM卡槽+ 1 microSDä卡槽）、臉部識別、指紋掃瞄、Dual Messenger及App Pair等實用功能，助您多工作業更方便。 <<出機小貼士>>

【NS 新遊戲】Overcooked 2 今個暑假正式開張大吉！

手機‧電玩
Chrysalids 少爺・2018-06-13

任天堂 Switch 新煮飯仔遊戲 Overcooked 2，將於 8 月 7 號面世。 想知今次 Overcooked 2 有咩新廚師揀呢？想知今次遊戲加入咗咩新元素？即刻睇預告啦！ 影片來源：Nintendo Switch Facebook 廚房啱啱激戰完？連洋蔥國國王都皺晒眉頭。 今次遊戲多咗好多款廚師比玩家揀，唔知各位想揀邊位廚師呢？ 少爺覺得八爪魚廚師揸住菜刀好恐佈，但好有威勢。 仲新加入咗好多款菜式，任君選擇。 當然唔少得 Kevin the Dog 啦！少爺未玩過 Overcooked，所以唔知佢有咩大作用。 當然唔少得線上多人遊玩啦！現今所有遊戲都要必備元素之一。 8 月 7 號正式開業，您準備好大混亂式煮餸對戰未呀？！

熱門文章

  1. 【澳門美食】澳門威尼斯人頂級粵菜食府「品粵軒」
  2. Home Media 睇免費賽事直播
  3. 【澳門美食】糅合上海、江蘇和浙江地區的特色菜— 澳門威尼斯人醉江南
  4. 【郭富城夢幻舞林演唱會2024】全城至抵玩攻略，全方位豐富娛樂懶人包！
  5. 玩水唔再係夏天限定，新濠影滙水上樂園冬季優惠！

熱門關鍵字

湾湾我来了 灣灣我來了 全球華人最具影響力的台灣自由行媒體
李小時 自稱愛情專欄作家，文字工作者，是個愛胡思亂想的水瓶座；寫過散文，亦作過小說；深信世界上最浪漫的，就是文字。
星爸爸茶座 分享澳城生活點點滴滴，伴您共渡一分一秒。品茶、格物、論道、賞風月，風繼續吹，水亦可以。
. 小城閒人 . 愛放假愛旅行愛睡覺 懶洋洋細胞突變一族 . 堅持工作是為了旅行 不工作也得去更多旅行
Andrina 【分享生活☀︎飲食專員☀︎無時停】