vr

標籤：vr

只有3歲以下嘅BB才可以玩的VR過山車

生活電視
CyberCTM-Video ・2018-04-06

【#濠Funny】邊個話 3 歲以下嘅BB 唔可以玩 ＃VR過山車 嫁？睇嘢啦全世界嘅爸爸。＃爸爸們快D去做GYM啦 Follow我哋Cyberctm IG：https://www.instagram.com/cyberctm/~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ #Cyberctm生活休閒資訊 #LifeMag最新文章【手影都可以同BB玩餐飽～】 goo.gl/e98jMV【產後，那個晚上】 goo.gl/9rA1h4【老房子大改造！澳門關前正街文青新蒲點「文藝門」】 goo.gl/fgGDPB~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~＃係愛呀哈利＃只限低年紀小朋友玩＃唔洗戴VR眼鏡都可以玩過山車＃過山車 ＃VR ＃父愛 ＃玩BB系列 ＃爸爸手臂好粗壯 仲想睇更多有趣影片可到：goo.gl/5YiMSD

【必睇】澳門十個復活節吃喝玩樂好去處攻略2018

澳城生活
Chrysalids 少爺 ・2018-03-22

一年一度嘅復活節，仲有一個星期就到啦！ 今年復活節假期，頭疊尾有四日咁多， 唔知各位計劃好去邊度吃喝玩樂未呢？ 想知復活節期間，澳門有咩地方好去、好食、好睇同好玩， 咁您一定要繼續睇落去啦！ 因為少爺將要介紹十個唔同地方，各有各好玩好食之處。 包括科學館、漁人碼頭、旅遊塔、JW 萬豪酒店、MGM 美高梅、新濠影匯、主教座堂、果阿之夜、氹仔舊城區藝術空間同埋永樂戲院。 首先係「吃」，民以食為天，少爺十分建議去 JW 萬豪酒店「名廚都匯 Urban Kitchen」，同埋澳門美高梅「甜點餐廳」及「寶雅座法國餐廳」。 講甜品，有紅絲絨蛋糕、「復活節小兔」蛋糕，包您甜到漏； 講海鮮，有成個海咁多款式嘅海鮮陣、水煮波士頓龍蝦，多款到眼都花埋； 講高級，有鮑魚泡飯、法國生蠔、片皮鴨、三文魚刺身、烤羊腿，最有體面嘅不二之選。 簡直就係應有盡有，最啱復活節一家大細齊齊食通街，咁就磨走幾個小時啦。 澳門 JW 萬豪酒店﹣名廚都匯 Urban Kitchen 名廚都匯_紅絲絨蛋糕 傳說中包羅萬有的海鮮陣 最夠體面的鮑魚泡飯 無可能會失禮人的片皮鴨 少爺知齋睇圖片係唔夠，所以準備埋介紹短片畀大家睇埋。（＃貼心的少爺） 澳門 JW 萬豪酒店「名廚都匯」介紹短片： 以上圖片及短片來源：<Cheers!>﹣必食：鮑魚泡飯、片皮鴨！ 澳門 JW 萬豪酒店 Urban Kitchen 名廚都匯自助餐 少爺亦都曾經做過小朋友，知小朋友最鍾意既得意又可愛嘅食物， 例如復活蛋，復活兔等等。 作為家長可以不妨考慮帶小朋友到澳門美高梅「甜點餐廳」， 試一試佢地嘅精選復活節美饌， 影靚相之餘，仲可以 po 上網，攞多D Like 添！XD 「復活節小兔」蛋糕 鍾意食法國菜嘅朋友，或者係波士頓龍蝦嘅粉絲，咁就一定要去「寶雅座法國餐廳」， 試一試「水煮波士頓龍蝦配耶路撒冷亞枝竹蓉及烤胡椒」，絕對包您話正！ 以上圖片及資料來源：LifeMag Editor﹣澳門美高梅復活節精選美饌 介紹完「吃」之後， 當然要介紹有咩地方好「喝」啦！ 澳門隨隨便便，求求其其係皇朝區，都可以揾到大把好 Club 飲酒啦，做咩要介紹呢間呀？ 三個原因。（＃扮遊作的少爺） 第一，因為印度人調酒師就係勁； 酒保及調酒師 Chetan Gangan 圖片來源：Goa Nights 第二，因為食迷你包嘆酒就係正； 左：咖喱雞迷你漢堡；右：九款之一的雞尾酒 圖片來源：原來世界這樣大﹣【澳門。食記】Happy Hour推介- 氹仔舊城內的印度酒吧。 第三，因為有九款雞尾酒就係嘆。 九款雞尾酒任君選擇 圖片來源：文創遊樂場 // 米米 Esther Lim﹣時尚酒吧餐廳「果阿之夜」進駐氹仔 無錯！答案呼之欲出，就係啱啱新開無耐， 位於氹仔舊城區的「果阿之夜 Goa Nights」。 最啱就係大朋友同三五知己一齊，係復活節一齊曬月光， 摸摸酒杯底，吹下水，講下是非，爆下料。 果阿之夜 Goa Nights，試完包您以後唔會再去皇朝區飲酒。 「吃」同「喝」一共介紹咗三個地方， 跟住就要介紹有咩地方好「玩」啦。（＃貪玩的少爺） 呢三個地方絕對適合小朋友玩。 第一間係位於澳門科學館的「科學館兒童世界」。 兒童世界入口 位於科學館館展覽中心入口旁邊的「科學館兒童世界」， 以熱帶雨林為主題，分爲幼兒區及小童區兩部分。 幼兒區裹面有小型滑梯、捕魚攻略及軟墊積木等遊樂設施，適合2至4歲小朋友； 適合 2 至 4 歲及 5 至 12 歲小朋友遊玩 小童區有一座三層高的大型遊戲組合「淘氣堡」，有繩網、隧道、沙包、彩虹拱橋及軟墊積木，最適合5至12歲小朋友。 如果少爺細個時，有咁好設施玩就好啦。（＃歎氣） 小朋友唔單止可以盡情享受攀爬、跨越障礙及溜滑梯的樂趣之餘， 仲可以鍛煉小朋友體能、增強小朋友嘅自信及培養冒險精神。點可以唔帶佢地去呀？ 入場費十蚊，一位陪同家長免費。 ● 費用： 門票類型 票價 (澳門幣) 標準票 2-12歲兒童 10元 特別優惠票 18歲或以上照顧者 免費 ● 開放時間： 每天共7個場次，逢周四休息，公衆假期照常開放。 場次 時間 上午時段 第一場 10:00-10:50 第二場 11:00-11:50 第三場 12:00-12:50 清潔時段 13:00-14:00 下午時段 第四場 14:00-14:50 第五場 15:00-15:50 第六場 16:00-16:50 第七場 17:00-17:50 * 入場人士須穿著襪子，亦可於現場購買。 * 首場購票時間：上午9時45分 資料來源：澳門科學館﹣科學館兒童世界 新聞來源：澳門日報﹣科學館兒童世界周三開幕 去完科學館，不妨帶小朋友搭巴士到澳門旅遊塔， 欣賞觀光塔之餘，裹面仲有個名為「復活節繽粉彩蛋池」， 消費滿五百蚊或以上，小朋友就可以大玩特玩波波池，仲有工藝坊。 嫌太貴？如果小朋友無畏高，可以帶小朋友上去觀光塔，睇澳門全景，超靚！ 地址：澳門旅遊塔 日期：30/03/2018 - 08/04/2018 時間：全日 資料來源：澳門旅遊塔﹣復活節繽粉彩蛋池 最後呢個地方啱小朋友之餘，仲啱大人一齊玩！免費的。 就係位於新濠影匯嘅「賞金尋龍」。 裹面有好多恐龍模型，仿真度甚高，裹面有隻暴龍會郁會叫， 最啱就係影相，扮身處險境，被恐龍追，一流之選！ 除咗同模型恐龍有近距離接觸之外， 附近仲有個要帶 VR 眼鏡嘅虛擬體驗， 因為所在位置唔太起眼，所以要花時間去揾同埋排隊。 少爺玩過，好刺激同埋會有些頭暈，老人家盡量唔好去玩，小朋友都玩得。 資料補充： 時間：全日開放（綠幕互動體驗「恐龍出逃」及「與恐龍飛翔」之旅開放時間為中午12時至晚上8時) 網頁：www.studiocity-macau.com 查詢：(853) 8868 6767 以上圖片及資料來源：CyberCTM 最新活動﹣「賞金尋龍」活動 「吃喝玩樂」黎到最後，就輪到「樂」， 少爺將要介紹嘅活動都比較平靜，無太大活動量。 要數文靜嘅活動，首選一定係睇戲。 睇完一場戲都已經係一兩個鐘頭後嘅事。 今個復活節檔期，少爺最推薦睇《比得兔》。（＃有兔仔耳的少爺） 故事大慨係講比得和賓仔本來同一大班動物住係菜園相安無事， 誰不知新屋主麥奎格先生入伙之後， 竟然要將所有動物趕走，仲要扮好人，討隔離鄰居靚女碧雅歡心。 梗係激到比得火冒三丈啦！為咗要攞番安樂窩，比得一家決定要執行「玩謝麥奎格」行動！ 出盡法寶，誓要踢走新屋主！由菜園鬥到去倫敦，鬧出笑話，人兔大戰最後結果係點呢？（＃少爺覺得係打和，曾志偉配音） 有森美同陳豪配音，實笑到「兔」痛，睇戲最佳之選。 暫時少爺 check 過，澳門大會堂同永樂戲院一定會上映《比得兔》，其它戲院就未知。 以上資料來源：CyerCTM 不日上映電影﹣《比得兔 Peter Rabbit》 當然有少爺，有 trailer 睇！ 轉載自：Youtube﹣SonyPicturesHK 第八個地方要介紹就係氹仔舊城區藝術空間，名為「癲噹暢遊氹仔舊城區」。 齋睇字好難解釋，不如先睇完短片介紹。 短片來源：<Cheers!>﹣澳門創意藝術展！《癲噹暢遊氹仔舊城區》 由氹仔城區文化協會獨家呈獻，澳門首個以香港人氣卡通貓「癲噹」為主題的《癲噹暢遊氹仔舊城區》創意藝術展覽， 展出多達五十幅澳門學生於2017《癲噹暢遊氹仔舊城區》創意藝術比賽中得獎同埋優秀作品。 咁好嘅展覽，點可以唔帶充滿想像力嘅小朋友，去睇下可愛又得意嘅「癲噹」呢？ 資料補充： 時間：中午12時至晚上8時 (逢週一休館) 網頁：http://taipavillagemacau.org.mo 查詢：(853) 2857 6118 電子郵箱：info@taipavillagemacau.org.mo 以上圖片及資料來源：CyberCTM 最新活動﹣癲噹暢遊氹仔舊城區資料來源 話咁快就黎到壓軸必去之處，就係有鼎爺（李家鼎）坐鎮嘅「香港工展會．澳門」展覽。 今年工展會依然係漁人碼頭舉行，屆時推廣大使鼎爺就會親臨漁人碼頭，示範廚藝。 期間當然唔少得精彩嘅「工展小姐」表演，仲有幸運大抽獎及「BB瘋狂大掃貨」比賽。 嘩！咁究竟係BB比賽，定還是係家長瘋狂掃BB野呢？ 需要買新廚具、服裝、飾物、美容保健品、食品同野飲嘅朋友，記得去漁人碼頭啦！ 「香港工展會．澳門」展覽宣傳短片： 詳細資料： 日期：2018年3月30日至4月2日(星期五至星期一)，4天 開放時間： 星期五至星期日 上午11時至晚上9時 星期一 上午11時至晚上7時 （展會每天結束前30分鐘及最後一天結束前1小時停止參觀人士進場) 地點：澳門漁人碼頭會議展覽中心(地址：澳門友誼大馬路及孫逸仙大馬路) 入場費用：免費 免費穿梭巴士: 詳情請到 http://www.hkbpe.com.hk/web/subpage.php?mid=219 環保小Tips: 請自備購物袋 ＜﹣﹣﹣睇黎現場攞膠袋要畀＄＄＄ 以上宣傳短片、圖片及資料來源均來自：工展會 Facebook 專頁 最後，要記得番點解會有「復活節」呢一回事。 就係為咗紀念耶穌為咗我地人類，被釘上十字架，死後第三日復活。（＃嚴肅的少爺） 所以每年天主教都會响復活節期間，舉辦「耶穌聖屍出遊」，今年亦唔例外。 屆時，耶穌聖屍聖像會由主教座堂出發， 經過議事亭前地、板樟堂前地及主教巷等地，最後返回主教座堂。 除咗天主教徒之外，沿途都會吸引唔少居民和旅客加入。 呢個獨特的宗教儀式，是天主教信仰的重要傳承。 日期：3月30日 時間：下午5時30分 地點：澳門主教座堂 網頁：www.catholic.org.mo 查詢：(853) 2837 3643 資料來源：CyberCTM 最新活動﹣耶穌聖屍出遊 （＃嚴肅ModeOFF） 經過少爺介紹嘅十個澳門「吃喝玩樂」好去處之後， 相信各位已經心裹有數要去邊度玩玩食食， 少爺祝大家有一個開開心心、快快樂樂嘅復活節！ 温馨提示：飲咗酒之後，記得切勿揸車。

新濠與您迎接歡樂祥瑞狗年 新濠天地「重磅奪金」及新濠影滙「賞金尋龍」等驚喜賀新禧

澳城生活
LifeMag Editor ・2018-02-08

爆竹一聲除舊歲，新濠天地、新濠影滙及新濠鋒將與你同慶新禧。一系列濠運活動及團圓饗宴讓你與家人喜氣洋洋度新春！ 踏入新年，新濠天地以重磅黃金禮打響頭炮，每週四晚讓你有機會贏得百萬9999足金金磚！新濠天地特別以金磚打造黃金招財犬，為你帶來源源濠運及新年祝福。 喜歡刺激探險的你，新春期間絕對不要錯過新濠影滙「賞金尋龍」大型恐龍互動展，地球史前最凶猛之巨物將在此出沒！24隻在中國北部及世界各地發現的稀有恐龍品種將以實物比例一比一展出，將整個度假村變成史前世界，栩栩如生的恐龍將陪伴遊客重返億萬年前的史前時代！二月開始，「賞金尋龍」將增添新元素，購物大道將設置「恐龍現形」展區，透過逼真的擴增實境(AR)技術讓遊客見證霸氣十足的「特暴龍」由骸骨幻化成恐龍，再單挑兩隻性格勇猛強悍的「恐爪龍」。至於虛擬實境(VR)的「與恐龍飛翔」之旅，亦已於二月同步面世，屆時遊客可於半空中與飢餓的「暴龍」正面接觸，繼而陷入一場緊張刺激的追逐戰。 與家人共享一席中華盛宴是不可或缺的新春傳統，闔家團聚迎接如意金狗年，以一席米芝蓮星級團年宴賀歲美饌開濠運最好不過！新濠旗下各餐廳已準備各式其式的意頭點心及賀歲套餐供顧客迎新歲，其中新濠鋒「帝影樓」將推出春茗晚市賀年華饌，六位用套餐價錢由澳門幣3,980元起，是新春不二之選！ 活動：「重磅奪金」大抽獎﹣競猜贏金磚 地點：新濠天地 登記時間及地點︰24小時│新濠會 贏取9999足金金磚！全以金磚砌成的招財犬正守護著新濠天地主入口，只需猜中金犬所用的金磚數量，即可贏大獎#！所有會員可免費競猜一次，結果將於2月25日 (年初十)晚上7時公佈。 活動：「賞金尋龍」大型恐龍互動展 地點：新濠影滙 新春期間，新濠影滙繼續呈獻「賞金尋龍」大型恐龍互動展，整個度假村將變成史前世界，栩栩如生的恐龍亦將陪伴遊客重返億萬年前的史前時代！二月開始，恐龍展已增設擴增實境(AR)技術及虛擬實境(VR) 技術的互動遊戲，為客人的新春增添刺激歡樂!　你更可跟隨恐龍的足跡，憑手機程式掃描每個恐龍出沒點展示的二維碼，近距離野生捕捉牠們！ 24隻「恐龍活現」新濠影滙 (24小時開放) 「恐龍出逃」綠幕互動體驗 (開放時間：中午12時至晚上8時) 「恐龍觀察室」體驗恐龍孵化 (24小時開放) 「恐龍現形」AR互動遊戲 (24小時開放) 「與恐龍飛翔」VR之旅 (開放時間：中午12時至晚上8時) 新春賀年喜饌 餐宴：「譽瓏軒」濠運開．嘗華宴 地點：新濠天地譽瓏軒 ─ 新濠天地新濠大道二樓 推廣期：2018年2月10日至2月22日 查詢及預訂﹕ (853) 8868 2822 名廚譚國鋒與團隊精挑細選最優質的山珍海味及時令食材炮製賀年點心盛饌，包括寓意富貴榮華的鮑魚、刺參、松露、燕窩，以及過年必嚐的髮菜大脷金蠔瑤柱脯、撈起，人人風生水起、運勢暢旺！ 意頭點心﹣澳門幣38元起 賀年喜饌﹣澳門幣108元起 賀歲二人套餐﹣澳門幣2,960元 *需加收10%服務費 餐宴：玥龍獻瑞賀新歲 地點：新濠影滙玥龍軒 ─新濠影滙酒店巨星滙二樓 推廣期：2018年2月12日至3月2日 查詢及預訂：(853) 8865 6560 高朋滿座慶新歲，星饌美點滙玥龍。賀年聚會，當然要有「星」有色，相聚米芝蓮星級食府「玥龍軒」，一嚐林鈺明師傅精心炮製的紅燒鮑魚海味盤菜、黑松露炒法國藍龍蝦球等尊尚賀年菜，寓意新一年賺到盤滿缽滿，更有一系列賀歲點心，人人取個好兆頭，萬事勝意。 賀歲點心﹣由澳門幣48元起 賀年星饌﹣由澳門幣168元起 *需加收10%服務費 餐宴：米芝蓮星級賀年華饌 地點：新濠鋒帝影樓 ─ 新濠鋒11樓 推廣期至2018年3月2日 查詢及預訂：(853) 2886 8868 意頭點心﹣澳門幣32元起 萬事勝意賀年菜﹣澳門幣88元起 點心午市套餐﹣澳門幣1,538元(4位用)／澳門幣2,188元(6位用) 春茗晚市套餐﹣澳門幣3,980元起(6位用) *需加收10%服務費 情人節浪漫美饌 美饌：法式浪漫‧米芝蓮兩星晚膳 地點：新濠天地御膳房 － 頤居三樓 供應日期：2018年2月14日 查詢及預訂：(853) 8868 6681 以法國時令食材為傲的總廚Fabrice Vulin，精心為你挑選最精緻、觸動感官的法式風味，情人夜將由既清新又奢華的青蘆筍魚子醬展開序幕，接著上桌的松露帶子及牛油藍龍蝦讓您感受到大西洋的鮮、甜、美，在細嚐嫩滑多汁的牛仔肉後，再呈上兩道創意甜點完美作結，以意想不到的驚喜取悅所愛。立即訂座。 情人節六道菜晚膳﹣每位澳門幣2,600元 *需加收10%服務費 美饌：「羅浮咖啡」法式情人下午茶 地點：新濠天地羅浮咖啡 ─ 新濠天地新濠大道1M樓 供應日期：2018年2月13及14日 查詢電話：(853) 8868 6603 綠意盎然，午後陽光灑落，別具歐陸情懷。在榮獲香港餐廳室內設計大獎「最佳澳門咖啡廳」的「羅浮咖啡」共享情人節限定的法式糕點，悠然細味一杯法國Palais des Thés茗茶或手調精品咖啡，綿綿情意盡在不言中。 澳門幣288元 二人份 *需加收10%服務費 美饌：「天政」和式情人節 地點：新濠鋒天政─ 新濠鋒11樓 供應日期：2018年2月14日 查詢及預訂：(853) 2886 8868 感受和式浪漫，與至愛在米芝蓮推介日本餐廳「天政」品嚐手藝精細極致、選料極為講究的日本御膳，在繁華夜景襯托下，情人節更是甜蜜浪漫。二人套餐特選包括被譽為三大高級壽司食材之一的間八鰤魚、和牛、及其他時令海鮮，將珍味精緻呈現。 前菜．湯．刺身．和牛料理．天婦羅．飯．甜品 每位澳門幣988元 *需加收10%服務費

（有片）祖藍現身加持！全球首個 AR 及 VR 大型恐龍互動展

澳城生活
Cheers! ・2018-01-23

繼早前 「CTM x Samsung Galaxy Studio」體驗館之後，新濠影滙再續 VR 熱潮，由即日起至 4 月 15 日舉辦「賞金尋龍」大型恐龍互動展，除了將 24 隻稀有恐龍品種以實物比例 1:1 展出，又透過 AR（實境技術）及 VR（虛擬實境技術）將酒店變成史前世界，讓觀眾重返恐龍時代！ 「賞金尋龍」展區橫跨整個新濠影滙，由時代廣場入口、廣場中間延伸至酒店大堂，都放有多條大型恐龍，部份更識郁識叫，臨場感十足！展覽由 Globe Creative 策展及設計、香港大學專門研究恐龍之古生物學家文嘉棋（Michael Pittman）教授擔任顧問，而 Michael 受訪時更提到，恐龍身上的羽毛並非裝飾，而是最新的研究發現，大家記得留意啦！ 恐龍原來有羽毛，長知識！ 「特暴龍」身高可達 10 米、牙齒天生為鋸齒狀，屬其中最為殘暴兇狠的恐龍！ 生性溫馴、7 米高的「長頸腕龍」則位於酒店大堂。 每隻恐龍附近都有份「外觀報告」，小朋友同大人都可以從遊戲中學習。 流動科學實驗室 以 Hologram 技術展示「伶盜龍」的孵化過程，從而想像到「伶盜龍」如何由破蛋而出的小恐龍演變成可怕的肉食性恐龍─「伶盜龍」獵食時先用爪子突襲獵物的腹部，然後撤回安全的距離，等待獵物流血至死！ 「恐龍出逃」展區 透過綠幕，觀眾可以盡情施展演技，即場拍一條科幻特技大片！除此之外，2 月開始購物大道將設置「恐龍現形」展區，透過逼真的 AR 技術讓大家見證霸氣十足的「特暴龍」由骸骨幻化成恐龍，再單挑兩隻性格勇猛強悍的「恐爪龍」；至於 VR「與恐龍飛翔」之旅，亦將於 2 月同步面世，屆時大家可於半空中與飢餓的「暴龍」正面接觸，繼而陷入一場緊張刺激的追逐戰。 「賞金尋龍」大型恐龍互動展 地點：新濠影滙 時間：即日起至 4 月 15 日 第一階段：1 月 10 日至 4 月 15 日 第二階段：2 月至 4 月 15 日 網址：studiocity-macau.com Green Screen Dino Experience 恐龍互動體驗 體驗時間：1 分鐘 開放時間：12:00 – 20:00

GoPro 的「Omni」VR 拍攝套件搶先看

潮流特區
LifeMag Editor ・2016-04-16

說到 GoPro 的 VR 拍攝套件，你首先想到的，可能是他們跟 Google 聯手打造的「大殺器」Odyssey。但其實在那之前，這家公司就已經確定了自產裝置的開發計畫。去年年中時，這款後來被命名為「Omni」的產品，就已經跟空拍機一起，得到了 GoPro CEO Nick Woodman 的親口證實。在那以後，我們陸續見過幾款 Omni 的原型機，但直到今天，廠方才終於公開了成品的外觀設計，並且拿出了實拍樣本與大家分享。 跟裝載 16 台 GoPro 相機、總價 US$15,000 還不是人人能買到的 Odyssey 相比，「只」需要 6 台 Black（大概價值 US$3,000）的 Omni，門檻無疑要低了不少。而且對許多專業用戶或 Pro-sumer 來說，可能目前擁有的裝置數量就已經達到了要求。不過，Omni 跟 Odyssey 有一處明顯的不同是，它並不會以 3D 形式來拍攝內容。但 GoPro 聲稱自己能在相機之間實現「畫素級別」的同步效果，而且整套系統也可搭配 Kolor 合成軟體（去年四月被 GoPro 收購）無縫使用。值得一提的是，在新發佈的產品圖中，Omni 內部看起來似乎無法容下相機的防水外殼，這跟之前流出的照片不太一樣，看來還有待官方進一步的確認。 實際上，類似的第三方 VR 拍攝組目前在市面上也有不少（你甚至可以用很低的成本去 3D 列印一個出來），但在相機調配、影片合成等方面，總不如原廠方案來得到位、省心。而 Omni 就是至今為止第一款完全由相機廠商自己開發出來的套件，照理來說，在使用上的優勢應該還是非常明顯的。當然囉，其價格多半也會更貴一點，雖然具體的數字現在還沒確定，但在即將舉行的 NAB 大展上，GoPro 應該會告訴我們更多的發售細節吧。 轉載自：Engadget

本網站使用Cookies來令您獲得最佳的瀏覽體驗。若繼續瀏覽此網站，即表示您同意我們使用您的Cookies。詳情請見我們的 Cookie 使用政策。