「我老婆嫁咗畀Mirror導致婚姻破裂關注組」10大最慘（好笑）事件排行榜

強妮 ・2021-07-09

截至7月9日凌晨，「我老婆嫁左比Mirror導致婚姻破裂關注組」Facebook群組開谷七日，組員已逾25萬人。港產男團Mirror由2018年出道至今，人氣越來越旺，他們所到之處一定人山人海，代言的商品光速被粉絲一掃而光。 鏡粉（Mirror粉絲的簡稱）之狂熱（當中大部分是女性）令一眾老公們相當頭痛。 「我老婆嫁左比Mirror導致婚姻破裂關注組」Facebook群組就是在這個背景之下誕生。 各位鏡粉老公在谷內大吐苦水，當中好多帖文都令人笑到gap gap聲，仲吸引Mirror經理人花姐入group! 小編同大家盤點10個最爆笑帖： 1）老公姓劉，老婆要自己改名做Ian Chan，變成Ianchan Lau 2）老婆放Ian半裸攬枕上床，令老公要瞓半裸Ian隔離 3）老公姓蔡，老婆改咗個仔英文名做Ian，有機會改埋中文名做「蔡卓賢」 4）老婆話老公係17號愛人，排mirror+ error16個人之後 5）老婆因為見到姜濤真人而丟低老公同個女喺街 6）老婆開電視聽Mirror嘅歌，搬啲毛公仔出嚟一齊聽，搬埋老公啲高達模型 7）兩公婆去Mirror演唱會後台同Mirror合照，事後老婆鬧老公隔開咗佢同姜濤，P走咗老公 8）老婆用姜濤大海報做客廳牆紙 9）同老婆去尖沙咀喺教主廣告牌前面影結婚相 10）將姜濤嘅大頭相放入老公嘅新魚缸，變咗缸濤 小編：無論睇幾多次都好好笑，你地又覺得邊個最好笑？ （以上圖片：「我老婆嫁左比Mirror導致婚姻破裂關注組」Facebook 截圖）