【港姐2017】港姐投票制度有爭議　DO姐霸氣回應：我話事

StanSteve ・2017-09-04

冠軍就定咗喇，不過仲有好多爭議。（黃國立攝） 好喇，港姐選舉終於完場，不過呢個完場並唔完滿，因為喺係一遍爭議聲中結束。點解會係咁？好簡單，又係選舉制度問題。喺最後冠亞軍戰當中，由8人評審一人一票選出冠軍，雖然只係由8個人去決定冠軍已經係好兒戲，不過唔緊要，娛樂一場騷，起碼都叫係投票。 不過個問題係，原來喺呢個制度下，萬一最終係打和的話，就會由「美麗導師」校長Do姐鄭裕玲做最終決定。其實本來呢個咁神聖嘅任務，交比偉大嘅Do姐去做決定係絕對無問題，不過有網民就質疑，Do姐本身都已經係8位評審之一，如果佢又有得決定咪變相有兩票可以投？諗諗下又係喎，如果打和後最後決定權唔係Do姐，一號嘅何依婷未必會輸架喎，因為Do姐最後令到局勢打和的票就係投咗俾雷莊𠒇，咁好順理成章佢最後都一定決定佢係冠軍喇。 對於呢個指控，《香港01》立即就搵Do姐解畫，不過佢只係霸氣掉低一句：「呢度我係校長，我話事！」其實佢咁講真係不無道理，作為TVB元老級人馬，佢基本上就等同TVB發言人咁制，其實佢嘅決定咪姐係TVB嘅決定囉！TVB嘅選舉緊係TVB決定架喇，唔通同你玩民主咩？ Do姐真係好霸氣架！（電視圖片） 以上文章及圖片均轉載自網路，所有版權歸原作者所有 原文地址：https://www.hk01.com/