宣誓事件演變成警民衝突

合資格90後 ・2016-11-07

圖片來源：力報 相信大家都意想不到，由一個簡單嘅“宣誓”動作，最終竟演變成警民衝突，所幸未有發生人命傷亡，否則，邊個應該為呢件事埋單？ 近年，中央每每頒發政令、規條或其他政治延伸，必定會觸動部分人“愛港”情緒，中央釋法已是不爭事實，姑勿論正常與否，當中不難發現，社會上持正反兩面嘅聲音越來越多，自雨傘革命後，大家都看似對政治有咗進一步嘅瞭解，但其實，又係咪說明更易被牽着鼻子走？正所謂一隻手掌拍唔響，即使“愛港”乃個人行為，但無可否認，最終只會淪為某啲“社團或組織”的政治工具。 邊個最應該為今次事件埋單？係人大委員會？係港府高層？又或是宣誓門嘅主角(們)？相信呢啲都已經唔再重要，因為呢一刻，佢已經由辱華事件昇華至捍衛香港核心價值，但每次衝擊過後結果又係點？一連串法律訴訟、爭吵不休嘅罵戰、進一步嘅社會分裂，呢啲結果到最後終究由小市民承擔。 筆者不是什麼評論員，但每次見到宣誓門擾攘，強行衝入立法會嘅行為，實在令人感到“肉酸”，就連香港大律師公會主席都公開讉責係“小學雞”行為。 爭取港獨，係因為中央不尊重基本法，然則，宣揚港獨又何嘗唔係令基本法蕩然無存？