你今日揀啱要 Send 嘅 Emoji 未呢？
Chrysalids 少爺 ・2017-08-03
好多時候我地都會用一個甚至係幾個唔同嘅表情符號 Emoji 配搭黎回覆訊息， 可能係因為忙，又或者係想表現得有型啲 cool 啲等等原因。 但每一次用 Emoji 嘅時候，你會唔會煩用邊一個先至啱或者夠 chok 呢？ 今日筆者想推薦一部新上映嘅電影 ldquo;Emoji 大冒險rdquo;。 有睇過預告嘅都大慨知道故事係講述表情符號 ldquo;阿基rdquo; 天生可以做唔到嘅表情， 但係表情符號世界裹面，每個表情符號只能夠允許做一個獨特嘅表情， 所以 ldquo;阿基rdquo; 被認為係有問題，需要被刪除。 ldquo;阿基rdquo; 希望可以揾到幫手修復自已，所以離開手機。 途中更遇到俾個五High Five 同埋駭客 JB JailBreak 一齊展開冒險旅程。 雖然網上評論大多都係負面，評分也較低， 甚至用呢套戲同 ldquo;腦筋急轉彎 Inside Outrdquo; 等其它相似電影一齊比較， 以顯得呢部電影有幾失敗，有幾遜色， 但筆者認為一定要入戲院睇一睇。 第一個原因係想像力。 雖然筆者仲未睇呢部電影，或者欠缺說服力， 但如果單單從想像力方面黎睇， 呢套電影有一定高分數。 表情符號無時無刻只會做一個表情， 無人會想像下如果表情符號都識郁、識講野、有自己嘅諗法係幾咁得意架咩？ 第二個原因係教育意義。 ldquo;阿基rdquo; 因為天生可以做到其它所有表情符號都做唔到嘅野， 所以被評定為有問題，要趕走，要消除。 相反地，筆者認為 ldquo;阿基rdquo; 係最傑出最出色嘅表情符號， 佢甚至可以創造出全新獨有嘅表情。 就好似現今社會，不公平嘅狀況周不時發生係我地嘅左右， 有傑出能力嘅人、有不凡智慧嘅人、 有才華洋溢嘅人往往因為周邊嘅人妒忌而無法把自身能力發揮出黎，甚至被趕絕。 所以呢部電影好值得我地去反思探討下點解會出現「有志難伸」呢種境況。 基於以上兩個原因，筆者個人認為呢部電影有一定嘅趣味性和娛樂性， 所以如果有時間有興趣，不妨入戲院觀賞一下。 睇完戲，可以順便去埋南灣雅文湖畔抽 Emoji 扭蛋機！ P.S. 依家天氣咁熱，筆者請大家 ldquo;睇rdquo; 杯雪糕涼下！ 以上圖片均取自網路，所有版權歸原作者所有。
蘇蘇 ・2015-01-30