薯仔

標籤:薯仔

口痕痕想食特式小食?試試美丹印尼小食店啦!

飲食天地
Chrysalids 少爺 ・2017-09-27

禮拜日下晝悶悶地,筆者妹妹就買咗印尼特式糕點返黎食。 由於數量有限,所以筆者只能揀其中兩款試食。 最後揀咗薯仔馬介休球同埋豆撈黎試。 先講豆撈,睇落都幾大舊;獨立包裝,方便唔會整污糟隻手。 外皮都幾煙韌,嘅芋頭味稍為淡了些。 餡料係紅豆蓉,份量好少,可能因為要控制成本掛。 甜度剛剛好,紅豆蓉打得唔錯,只有些少紅豆粒,相信是用黎增加口感。 外皮同餡料比例大慨是 8.5:1.5, 所以同筆者喜歡食多餡少皮嘅朋友可能要揀另一款小食啦! 筆者試完之後都有些後悔,應該揀白皮春卷可能會仲好。 左上:芒果黑糯米;左下:薯仔馬介休球; 右上:豆撈(內有紅豆餡);右下:白皮春卷 另外試食咗薯仔馬介休球,都好大粒, 筆者嘅口比較大,都係僅僅能夠塞入一個球。 味道方面唔太鹹,薯仔味好突出,餡料都係比較少。 可能已經攤凍了一段時間,所以個心唔太熱。 圖片來源:http://www.medanmacao.com/ 坐標:22.201802, 113.543942 地點:美丹印尼餐廳 (小食店) (群隊街店),只限外賣糕點 地址:澳門柯利維喇街41號恆威大廈地下A座 巴士路線:M87 連勝馬路﹣7,17,18,18A,19 M110 渡船街/婦聯﹣8,8A 營業時間:9:30 a.m.至6:30 p.m. 每月23及24號休息 電話:2856 1602 圖片來源:Google Map