艇仔粥

標籤:艇仔粥

掃街推介 | 車仔檔大合集!背後藏著多少你不知道的美味秘密?

飲食天地
食在澳門iFood ・2021-05-13

平實大氣的味道 更值得我們追溯回味 那些遊走喺城區之間的車仔檔 那些急需運氣才能食到的小食 走街串巷的你 收藏哩份【6間寶藏車仔檔合集】 如果有幸俾你撞到 你一定要試下喇 ▽ PART 01 達記甜品 澳門罅些喇提督大馬路100-125號 紅街市的達記甜品,六款甜品供應品類少但品質精,為食妹外帶腐竹白果薏米、雞絲翅同蔴蓉湯圓,鹹甜相間,搭配好味! 補氣益力的薏米和清涼白果腐竹、特色小食雞絲翅、手工揉搓的湯圓,各有神奇之處,總能讓人食而忘我。 PART 02 紅街巿牛什檔 澳門罅些喇提督大馬路100-125號 紅街市門口人來人往,不少人為了這一檔牛什檔駐足停留。飄入空氣中的炊煙,瀰漫空氣裡的牛什香,訴說著濃濃的市井氣。 鐵製招牌上的兩味招牌菜——牛什粥同牛什,為食妹各點一份。手中感受到的暖暖溫熱,正正係紅街市久留不散的“人情味”~ 牛腩、牛肚、牛肺、牛膀……每一啖都食到獨家醬汁的點睛滋味,每一啖都俾牛什的濃濃肉香縈繞迴蕩…… 揭開膠碗,裡面包羅萬象、配料一應俱全!綿口甜香的生滾粥,滿滿當當的牛什睇落就充滿幸福感,蔥碎與油條提味,延續澳門粥水的傳統風味。 PART 03 缽仔糕 三盞燈街巿澳門半島嘉路米耶圓形地 隱身於三盞燈的缽仔糕車仔檔,真正裝喺缽仔中的缽仔糕總會增添幾分懷舊味。 竹籤挑起,糕體脫模,動作熟練自然,親切地從阿伯手中接過缽仔糕,一瞬間仿佛回到童年。 黃糖同椰汁兩種口味,口味在精唔在多,綿密溫潤的缽仔糕仲係記憶中的味道,來三盞燈撞唔撞到阿伯的缽仔糕就要睇運氣啦! PART 04 雞絲翅 永樂戲院旁雞絲翅檔口 三點幾開檔就有人來幫襯的雞絲翅,聽聞係揸豪車都要停低買來食的雞絲翅! 大碗14蚊,細碗10蚊,價錢唔貴份量剛好,行街經過,翻學落班,一碗雞絲翅記錄著澳門人的豐盈生活。 鹹口的雞絲雞蛋粉絲羹,加落紅醋同胡椒粉會更加香口純正,只要遇到就一定逃不過雞絲翅的誘惑! 食材講究,味道上乘,濃稠鹹香,溫熱入口,與你搭臺的陌生人相視而笑,唇齒間絲毫不殘留令人尷尬的味道。 PART 05 權記骨粥 澳門沙梨頭海邊街沙梨頭海邊巷10號 「權記骨粥」一開就係幾十年,來幫襯的都係熟客,由學生哥到上班族,最令人值得回頭的,唔係車仔檔的煙火味,而係幾十年的人情味。 豬骨粥同艇仔粥係權記的重頭戲,粥底的火候恰到好處,米粒分明,表面泛著凝脂般的粥漿,配料的份量絲毫不手軟。 裝喺紙上的權記炒麵更顯特別,新鮮芽菜的鮮甜,略帶爽脆的口感,配上魚腐炒麵,食落嘴裡係滿足的扎實感。 “一份糯米飯啊,唔該~”加料、淋汁、裝盤,一氣呵成,啱先睇到仲喺蒸籠裡的食材,搖身一變就係招牌的糯米飯。 PART 06 勤記甜品 澳門沙梨頭海邊街沙梨頭海邊巷10號 每日下午3點鐘左右,一間開咗80幾年的“世紀老檔”勤記甜品,就出現喺沙梨頭街道上的一隅。 老闆娘的車仔擁有魔力般,散發出濃濃乳香,鐵鍋裡裝滿了最耐人尋味的古早味。 解暑首選的蓮子百合紅綠豆沙,溫潤濃厚的綠豆沙、細密精緻的紅豆沙,每一啖都讓你感受到夏天的美好。 清甜的腐竹白果薏米水、濃香的杏仁花生芝麻糊、軟糯的麻蓉湯碗,每一份純手工糖水都值得你駐足停留,品味不一樣的澳門味。 END 圖文 | 胖農夫的奶茶 攝影 | 嚕嚕米

為食推介 | 新年食粥!“粥”你啖啖滿足,歲歲平安!

飲食天地
食在澳門iFood ・2021-02-15

澳門的粥檔、粥店遍地開花 重要的係每一間都充滿特色! 新的一年食碗粥 “粥”你啖啖滿足、歲歲平安 喺粥水的綿密順滑中 感受“如魚得水”的好意頭! ▽ 成記粥品 地址:澳門新馬路營地大街吳家圍 營業時間:7:30~13:30 深藏巷弄裡不起眼的粥檔,卻係街知巷聞的“名粥店”!專賣生滾粥的「成記粥品」,生生不息六十幾年! 綜合粥、豬雜粥、魚片粥、艇仔粥……應有盡有的粥品任君挑選。粥底濃稠適中,清而不濁,米粒分明,每一啖都飽含質感,伴著米香喺口腔滿滿散開! 紅街巿牛什粥 地址:澳門罅些喇提督大馬路100-125號紅街市 一碗惹味的牛什粥,粥米綿密糯香,加入牛什後充滿牛肉濃香。添上蔥碎與切塊油條,感受最原始的親民滋味! 揭開膠碗,裡面包羅萬象、配料一應俱全!綿口甜香的生滾粥,滿滿當當的牛什睇落就充滿幸福感,蔥碎與油條提味,延續澳門粥水的傳統風味。 盛記白粥 *雅廉訪店* 澳門雅廉訪大馬路77號地下 營業時間:07:00~20:00 電話:2859-1056 *新馬路店* 澳門天通街14號地下 營業時間:07:00~19:00 電話:2832-3471 *台山店* 澳門台山巴波沙大馬路264號 營業時間:07:00~01:00 電話:2840-3931 *黑沙環店* 澳門黑沙環建華新村十三座地下E 營業時間:07:00~20:00 電話:2845-3435 *氹仔店* 氹仔孫逸仙博士大馬路257號利民大廈地下D 營業時間:07:30~23:00 電話:2892-2901 盛記白粥出咗名製法考究,以香米、腐竹慢熬而成,呈現喺你面前的時候,已經好難嚼到米粒,但卻可以感受到濃烈米香同淡淡腐皮香。 一碗皮蛋瘦肉粥係由細食到大的味道,瘦肉、皮蛋、鹹蛋、淡菜融於粥中,醇香粥底頓時有咗靈魂。 權記骨粥 地址:澳門沙梨頭海邊街沙梨頭海邊巷10號(勤記甜品附近) (搭乘1/MT4/3/101X/17/16/3X到海邊新街/栢港停車場) 營業時間:15:30~凌晨01:30(週一至週六) 15:30~凌晨00:00(週日) 權記的豬骨粥同艇仔粥係名副其實的點單王。粥底的火候恰到好處,米粒分明,表面泛著凝脂般的粥漿,配料的份量絲毫不手軟。 豬骨濃香、海鮮鹹香,無論係邊一碗綿密粥品,都來自哩位cool爆鏡的伯伯! 藏著幾十年、幾代人的深夜記憶,一碗熱辣辣的骨粥,訴盡澳門本地的市井人情…… 圖文|艾迪捧的一粒飯 攝影|嚕嚕米

新馬路街邊超過六十年的「老字號生滾粥」,每日只開⑥個鐘!

飲食天地
食在澳門iFood ・2021-01-14

一日之計在於晨 並不係所有早餐都以快取胜 有著六十幾年歷史的 「成記粥品」 喺澳門大概人盡皆知 隱藏喺橫巷裡的老字號 係一份屬於記憶的味道 ▼ 喺營地大街吳家圍巷口,有一間不起眼的粥檔,專賣生滾粥的「成記粥品」,生生不息六十幾年! 天剛蒙蒙亮,成記老闆已經忙碌許久,一碗碗樸實無華的粥品,被靈巧的手賦予生命,開放式廚房外,門庭若市。 樸素簡單的環境,每日清早便食客滿座,用簡單的食材搭配出最用心的出品。 綜合粥 招牌粥品綜合粥即係全餐粥,豬腸、豬肝、豬肚、肉丸,粥料秉持新鮮至上的原則,每日新鮮採購食材! 粥的濃稠度岩岩好,清而不濁,米粒分明,每一啖都飽含質感,伴著米香喺口腔滿滿散開! 早起的人,帶著飢腸轆轆來到成記,一碗扎實的綜合粥,便能讓人充滿能量迎接嶄新的一天! 魚片粥 太陽初升,只要係營業時間,成記便座無虛席,一碗樸實無華的魚片粥,深受鄰里街坊的寵愛。 雪白的魚片,大米盛水泡製圓潤飽滿,一起入鍋熬製淡淡奶白,營養和味覺效果堪稱滿分! 豬雜粥 一碗好粥的鮮美很大程度取決於食材,豬雜粥係到店必點,豬雜喺鍋底煮沸後,被激發所有的香氣。 經過粥底的沐浴,豬雜變得更加粉嫩,清、香、爽、滑、鮮各種口感盡在口中,再來一碗都不足為過! 艇仔粥 艇仔粥係粵式經典粥品,豬肚、魷魚等等經典食材喺濃稠的粥水裡,粥底細膩滑嫩,米粒綿而不爛。 真材實料的配菜點綴哩碗平凡的粥,熱氣與寒風相互交融,飲一啖艇仔粥,一股暖意瀰漫心頭! 若問成記的經典,大概非肉丸粥莫屬,每張台都有佢的身影,承載著六十年始終如一的口味。 老闆做的手打肉丸味道與眾不同,精選骨少肉多的馬鮫魚,取肉切粒混合入肉丸內。 肉丸飽滿有彈性,保證肉質鮮美彈牙的秘訣,係堅持“新鮮原則”的匠人精神! 魚皮 一碟皖魚皮,係識食的老饕必點的餸粥妙品~冰爽的魚片很大程度保持了皖魚的鮮。 魚皮厚實又不乏爽脆,伴以薑蔥絲及特製豉油,最後淋上純正花生油,做到真正的爽脆甘香,回味無窮! 無論係豆漿亦或粥,油條永遠係最佳配角,香脆有韌性,越嚼越香! 炸油條的火候要掌握的恰到好處,將油條放喺粥內浸泡,米香與油香相互碰撞,又係一番別緻的風味! 地址:澳門新馬路營地大街吳家圍 營業時間:7:30~13:30 圖文 | 肥肥 美工 | 陳真香 攝影 | 他說他叫修杰楷