眼影

標籤：眼影

＊PONY EFFECT＊Bling Bling春妝系列

潮流特區
Andrina ・2018-01-18

我最愛嘅彩妝達人PONY嘅自家品牌 PONY EFFECT 出咗新妝系列啦！ 延續佢一貫Bling Bling風格，首先講講Signature 8色眼影調色盤出咗新顏色，包含各種金屬及珠光色調，仲有入圍咗2018 Pantone 色"Blooming Dahlia"！ 此外，佢亦都新出咗款好搞鬼嘅眼影，要好似磨胡椒咁樣磨佢出嚟！佢個名叫做Grind Sparkling Shadow，有4種顏色選擇，以Bling Bling金屬色為主。 而底妝方面，我個人都推介PONY EFFECT "Everlasting Cushion Foundation BB Cushion"，佢可以長效保濕，仲有光澤效果同防曬係數SPF50+/PA++，遮瑕度都唔錯呢！ 澳門雖然未有專門店，但賣開韓妝嘅店都有得賣唷！唔怕近近地都可以去香港專門店睇下~ 門店地址Flagship 旗艦店銅鑼灣白沙道20號FACESSS專櫃尖沙咀海運大廈 FACESSS銅鑼灣時代廣場4樓 FACESSS其他專櫃銅鑼灣軒尼詩道500號希慎廣場T-Galleria尖沙咀河內道18號K11 Design Store香港大嶼山香港國際機場DFS Beauty *以上圖片取自PONY EFFECT官網 更多[STAY BEAUTY]介紹： Innisfree X Snoopy限定系列登場！

不負責任 IPKN X ESTHERLOVESYOU 眼影盤 試色

潮流特區
叫我女王 ・2016-05-24

叫我之前買左個IPKN同ESTHERLOVESYOU合作的眼影盤，見佢顏色易襯，價錢又唔會太貴，買黎玩下囉～ 睇下商品圖先： 佢總共有十隻色，價錢差唔多150幾蚊，平均一隻色15個幾，都算抵玩，隨盒仲有一枝掃。都算唔錯架！ 睇下人地的商品圖： 如果你識玩，個組合都可以玩好奈，而且最近都岩一D粉色妝容～紅粉飛飛咁，男朋友見到都想鍚啖啦，係未先！（謎之聲：前提你要有一個男朋友先！）喂！又唔駛立刻講個事實出黎嘅～比人幻想下都好啊！你份人又係曳嘅！ 以下係不負責任實物＆試色圖！ 請忽略我張枱係有D污糟嘅！切割墊呢D工具污糟係好正常嘅！ 佢實物係真心扁架，所以放係化妝袋個陣係真係好慳位，用少少位，就可以攞十色出街⋯⋯ 打開之後，你會見到佢幫十隻顏色用左甜品名命名左，又係充滿左少女心的產物，個掃實際上眼都係抓粉能力唔錯，不過我就覺得佢個掃偏彈力啊，刷頭唔夠大，好似叫我呢D大眼的女人黎講，要上多一二次至可以上哂成隻眼！呢個有少少扣分！ 黎到試色圖啦～其實可以睇到一D閃粉的系列，粉粒係幼細架，而且顏色都出，多數叫我都會先用淺色打底，然後再用稍為深色的疊上去，之後再用閃的打亮睇皮中間，做個小小的漸層，因為眼大都唔想放太多野上隻眼到，唔係就真係好似人妖－ － 然後上眼圖係無嘅。標題都講左係不負責任啦，睇開D啦： 上色度：♥♥♥♥♡ 細緻度： ♥♥♥♡♡ CP值：♥♥♥♥半 總括黎講，我係覺得抵買嘅，CP值都係几高的！ 題外話： ♘：我以為你會叫女王喎！仲咩會變左叫「叫我」 ♕：我車，當你以我會咁做個陣，我偏唔要啊～ ♘：⋯⋯ ♕：係架啦，係咁架啦，平時比人叫多女皇，想叫下其他野。 ♘：你鐘意囉。 ♕：（扮食烟狀）肚餓，可唔可以幫我叫個外賣？