玩樂

標籤:玩樂

【必睇】澳門十個復活節吃喝玩樂好去處攻略2018

澳城生活
Chrysalids 少爺 ・2018-03-22

一年一度嘅復活節,仲有一個星期就到啦! 今年復活節假期,頭疊尾有四日咁多, 唔知各位計劃好去邊度吃喝玩樂未呢? 想知復活節期間,澳門有咩地方好去、好食、好睇同好玩, 咁您一定要繼續睇落去啦! 因為少爺將要介紹十個唔同地方,各有各好玩好食之處。 包括科學館、漁人碼頭、旅遊塔、JW 萬豪酒店、MGM 美高梅、新濠影匯、主教座堂、果阿之夜、氹仔舊城區藝術空間同埋永樂戲院。 首先係「吃」,民以食為天,少爺十分建議去 JW 萬豪酒店「名廚都匯 Urban Kitchen」,同埋澳門美高梅「甜點餐廳」及「寶雅座法國餐廳」。 講甜品,有紅絲絨蛋糕、「復活節小兔」蛋糕,包您甜到漏; 講海鮮,有成個海咁多款式嘅海鮮陣、水煮波士頓龍蝦,多款到眼都花埋; 講高級,有鮑魚泡飯、法國生蠔、片皮鴨、三文魚刺身、烤羊腿,最有體面嘅不二之選。 簡直就係應有盡有,最啱復活節一家大細齊齊食通街,咁就磨走幾個小時啦。 澳門 JW 萬豪酒店﹣名廚都匯 Urban Kitchen 名廚都匯_紅絲絨蛋糕 傳說中包羅萬有的海鮮陣 最夠體面的鮑魚泡飯 無可能會失禮人的片皮鴨 少爺知齋睇圖片係唔夠,所以準備埋介紹短片畀大家睇埋。(#貼心的少爺) 澳門 JW 萬豪酒店「名廚都匯」介紹短片: 以上圖片及短片來源:<Cheers!>﹣必食:鮑魚泡飯、片皮鴨! 澳門 JW 萬豪酒店 Urban Kitchen 名廚都匯自助餐 少爺亦都曾經做過小朋友,知小朋友最鍾意既得意又可愛嘅食物, 例如復活蛋,復活兔等等。 作為家長可以不妨考慮帶小朋友到澳門美高梅「甜點餐廳」, 試一試佢地嘅精選復活節美饌, 影靚相之餘,仲可以 po 上網,攞多D Like 添!XD 「復活節小兔」蛋糕 鍾意食法國菜嘅朋友,或者係波士頓龍蝦嘅粉絲,咁就一定要去「寶雅座法國餐廳」, 試一試「水煮波士頓龍蝦配耶路撒冷亞枝竹蓉及烤胡椒」,絕對包您話正! 以上圖片及資料來源:LifeMag Editor﹣澳門美高梅復活節精選美饌 介紹完「吃」之後, 當然要介紹有咩地方好「喝」啦! 澳門隨隨便便,求求其其係皇朝區,都可以揾到大把好 Club 飲酒啦,做咩要介紹呢間呀? 三個原因。(#扮遊作的少爺) 第一,因為印度人調酒師就係勁; 酒保及調酒師 Chetan Gangan 圖片來源:Goa Nights 第二,因為食迷你包嘆酒就係正; 左:咖喱雞迷你漢堡;右:九款之一的雞尾酒 圖片來源:原來世界這樣大﹣【澳門。食記】Happy Hour推介- 氹仔舊城內的印度酒吧。 第三,因為有九款雞尾酒就係嘆。 九款雞尾酒任君選擇 圖片來源:文創遊樂場 // 米米 Esther Lim﹣時尚酒吧餐廳「果阿之夜」進駐氹仔 無錯!答案呼之欲出,就係啱啱新開無耐, 位於氹仔舊城區的「果阿之夜 Goa Nights」。 最啱就係大朋友同三五知己一齊,係復活節一齊曬月光, 摸摸酒杯底,吹下水,講下是非,爆下料。 果阿之夜 Goa Nights,試完包您以後唔會再去皇朝區飲酒。 「吃」同「喝」一共介紹咗三個地方, 跟住就要介紹有咩地方好「玩」啦。(#貪玩的少爺) 呢三個地方絕對適合小朋友玩。 第一間係位於澳門科學館的「科學館兒童世界」。 兒童世界入口 位於科學館館展覽中心入口旁邊的「科學館兒童世界」, 以熱帶雨林為主題,分爲幼兒區及小童區兩部分。 幼兒區裹面有小型滑梯、捕魚攻略及軟墊積木等遊樂設施,適合2至4歲小朋友; 適合 2 至 4 歲及 5 至 12 歲小朋友遊玩 小童區有一座三層高的大型遊戲組合「淘氣堡」,有繩網、隧道、沙包、彩虹拱橋及軟墊積木,最適合5至12歲小朋友。 如果少爺細個時,有咁好設施玩就好啦。(#歎氣) 小朋友唔單止可以盡情享受攀爬、跨越障礙及溜滑梯的樂趣之餘, 仲可以鍛煉小朋友體能、增強小朋友嘅自信及培養冒險精神。點可以唔帶佢地去呀? 入場費十蚊,一位陪同家長免費。 ● 費用: 門票類型 票價 (澳門幣) 標準票 2-12歲兒童 10元 特別優惠票 18歲或以上照顧者 免費 ● 開放時間: 每天共7個場次,逢周四休息,公衆假期照常開放。 場次 時間 上午時段 第一場 10:00-10:50 第二場 11:00-11:50 第三場 12:00-12:50 清潔時段 13:00-14:00 下午時段 第四場 14:00-14:50 第五場 15:00-15:50 第六場 16:00-16:50 第七場 17:00-17:50 * 入場人士須穿著襪子,亦可於現場購買。 * 首場購票時間:上午9時45分 資料來源:澳門科學館﹣科學館兒童世界 新聞來源:澳門日報﹣科學館兒童世界周三開幕 去完科學館,不妨帶小朋友搭巴士到澳門旅遊塔, 欣賞觀光塔之餘,裹面仲有個名為「復活節繽粉彩蛋池」, 消費滿五百蚊或以上,小朋友就可以大玩特玩波波池,仲有工藝坊。 嫌太貴?如果小朋友無畏高,可以帶小朋友上去觀光塔,睇澳門全景,超靚! 地址:澳門旅遊塔 日期:30/03/2018 - 08/04/2018 時間:全日 資料來源:澳門旅遊塔﹣復活節繽粉彩蛋池 最後呢個地方啱小朋友之餘,仲啱大人一齊玩!免費的。 就係位於新濠影匯嘅「賞金尋龍」。 裹面有好多恐龍模型,仿真度甚高,裹面有隻暴龍會郁會叫, 最啱就係影相,扮身處險境,被恐龍追,一流之選! 除咗同模型恐龍有近距離接觸之外, 附近仲有個要帶 VR 眼鏡嘅虛擬體驗, 因為所在位置唔太起眼,所以要花時間去揾同埋排隊。 少爺玩過,好刺激同埋會有些頭暈,老人家盡量唔好去玩,小朋友都玩得。 資料補充: 時間:全日開放(綠幕互動體驗「恐龍出逃」及「與恐龍飛翔」之旅開放時間為中午12時至晚上8時) 網頁:www.studiocity-macau.com 查詢:(853) 8868 6767 以上圖片及資料來源:CyberCTM 最新活動﹣「賞金尋龍」活動 「吃喝玩樂」黎到最後,就輪到「樂」, 少爺將要介紹嘅活動都比較平靜,無太大活動量。 要數文靜嘅活動,首選一定係睇戲。 睇完一場戲都已經係一兩個鐘頭後嘅事。 今個復活節檔期,少爺最推薦睇《比得兔》。(#有兔仔耳的少爺) 故事大慨係講比得和賓仔本來同一大班動物住係菜園相安無事, 誰不知新屋主麥奎格先生入伙之後, 竟然要將所有動物趕走,仲要扮好人,討隔離鄰居靚女碧雅歡心。 梗係激到比得火冒三丈啦!為咗要攞番安樂窩,比得一家決定要執行「玩謝麥奎格」行動! 出盡法寶,誓要踢走新屋主!由菜園鬥到去倫敦,鬧出笑話,人兔大戰最後結果係點呢?(#少爺覺得係打和,曾志偉配音) 有森美同陳豪配音,實笑到「兔」痛,睇戲最佳之選。 暫時少爺 check 過,澳門大會堂同永樂戲院一定會上映《比得兔》,其它戲院就未知。 以上資料來源:CyerCTM 不日上映電影﹣《比得兔 Peter Rabbit》 當然有少爺,有 trailer 睇! 轉載自:Youtube﹣SonyPicturesHK 第八個地方要介紹就係氹仔舊城區藝術空間,名為「癲噹暢遊氹仔舊城區」。 齋睇字好難解釋,不如先睇完短片介紹。 短片來源:<Cheers!>﹣澳門創意藝術展!《癲噹暢遊氹仔舊城區》 由氹仔城區文化協會獨家呈獻,澳門首個以香港人氣卡通貓「癲噹」為主題的《癲噹暢遊氹仔舊城區》創意藝術展覽, 展出多達五十幅澳門學生於2017《癲噹暢遊氹仔舊城區》創意藝術比賽中得獎同埋優秀作品。 咁好嘅展覽,點可以唔帶充滿想像力嘅小朋友,去睇下可愛又得意嘅「癲噹」呢? 資料補充: 時間:中午12時至晚上8時 (逢週一休館) 網頁:http://taipavillagemacau.org.mo 查詢:(853) 2857 6118 電子郵箱:info@taipavillagemacau.org.mo 以上圖片及資料來源:CyberCTM 最新活動﹣癲噹暢遊氹仔舊城區資料來源 話咁快就黎到壓軸必去之處,就係有鼎爺(李家鼎)坐鎮嘅「香港工展會.澳門」展覽。 今年工展會依然係漁人碼頭舉行,屆時推廣大使鼎爺就會親臨漁人碼頭,示範廚藝。 期間當然唔少得精彩嘅「工展小姐」表演,仲有幸運大抽獎及「BB瘋狂大掃貨」比賽。 嘩!咁究竟係BB比賽,定還是係家長瘋狂掃BB野呢? 需要買新廚具、服裝、飾物、美容保健品、食品同野飲嘅朋友,記得去漁人碼頭啦! 「香港工展會.澳門」展覽宣傳短片: 詳細資料: 日期:2018年3月30日至4月2日(星期五至星期一),4天 開放時間: 星期五至星期日 上午11時至晚上9時 星期一 上午11時至晚上7時 (展會每天結束前30分鐘及最後一天結束前1小時停止參觀人士進場) 地點:澳門漁人碼頭會議展覽中心(地址:澳門友誼大馬路及孫逸仙大馬路) 入場費用:免費 免費穿梭巴士: 詳情請到 http://www.hkbpe.com.hk/web/subpage.php?mid=219 環保小Tips: 請自備購物袋 <﹣﹣﹣睇黎現場攞膠袋要畀$$$ 以上宣傳短片、圖片及資料來源均來自:工展會 Facebook 專頁 最後,要記得番點解會有「復活節」呢一回事。 就係為咗紀念耶穌為咗我地人類,被釘上十字架,死後第三日復活。(#嚴肅的少爺) 所以每年天主教都會响復活節期間,舉辦「耶穌聖屍出遊」,今年亦唔例外。 屆時,耶穌聖屍聖像會由主教座堂出發, 經過議事亭前地、板樟堂前地及主教巷等地,最後返回主教座堂。 除咗天主教徒之外,沿途都會吸引唔少居民和旅客加入。 呢個獨特的宗教儀式,是天主教信仰的重要傳承。 日期:3月30日 時間:下午5時30分 地點:澳門主教座堂 網頁:www.catholic.org.mo 查詢:(853) 2837 3643 資料來源:CyberCTM 最新活動﹣耶穌聖屍出遊 (#嚴肅ModeOFF) 經過少爺介紹嘅十個澳門「吃喝玩樂」好去處之後, 相信各位已經心裹有數要去邊度玩玩食食, 少爺祝大家有一個開開心心、快快樂樂嘅復活節! 温馨提示:飲咗酒之後,記得切勿揸車。

澳門十六浦「夏日玩樂深度遊」 嚐盡環球消暑美食體驗至激玩樂設施

飲食天地
LifeMag Editor ・2017-08-02

「玩樂」就是仲夏的代名詞!澳門十六浦度假村呈獻「夏日玩樂深度遊」,提供多項夏日玩樂節目、美食及水療精彩優惠,讓你與摯愛親朋一邊嚐盡清涼美饌,一邊體驗至激娛樂活動;成為十六浦會會員,更可享折扣換禮及參加每月大抽獎,獲取豐富獎賞。這個盛夏,來澳門十六浦盡情投入與別不同的夏日消閒樂趣。 吃濠點 嚐盡各國清涼美饌 炎炎夏日,想舒適地品嚐各國特色消暑美食,絕對不能錯過澳門十六浦推出的各款清涼美饌。樂軒華粵菜餐廳以解暑首選的冬瓜及水果入饌,推出「仲夏八道菜套餐」,以及多道醒胃菜式,食客還可享用十六八餐廳的夏日優惠,以優惠價盡享特色涼拌菜,一解暑氣! 澳門十六浦索菲特酒店的海風餐廳則搖身一變成為東南亞美食夜巿,來自新加坡、馬來西亞、泰國及印尼的名廚聯手呈獻充滿東南亞風味的自助晚餐,親自烹調超過三十款特色美食,滿足「吃貨一族」的味蕾享受。 與三五知己歡聚盛夏,不妨到雅聚廊大堂吧享受以草莓砵酒凍湯、排毒鮮榨果汁及越式大蝦米紙卷等拼湊出的輕盈下午茶;又或者到MJ咖啡館品嚐全新超值 3L啤酒配滋味小食套餐,小朋友則可品嚐加強版的兒童餐,除全新主菜及水果沙律外,更會大派消暑雪糕,讓小朋友享受冰涼暑假! 玩盡點 體驗模擬賽車、啤酒競飲 酷熱天氣絕對阻擋不了玩樂的心情,澳門十六浦準備了一系列至激活動。澳門唯一提供專業賽車手訓練系統的「極速模擬賽車」(G Racing) 推出全新「圈速比賽」,不但讓你透過場內16 台動態4K模擬賽車系統,感受仿如真實賽車的刺激快感,現場亦有專業車手教練從旁指導,每月最快圈速之車手更可獲得豐富奬品。 一年一度的「MJ咖啡館啤酒競飲大賽」將於9月隆重登場,今年的外圍賽更增設過關小遊戲,為刺激的比賽添加歡樂氣氛。於外圍賽成功挑戰排行榜前列位置,更有機會闖入10月的決賽,爭奪豐富奬金奬品。 歎頂級水療降高溫消疲勞 澳門十六浦索菲特酒店So SPA一向是消除疲勞的首選享受。So SPA推出全新「買十送五」優惠,購買十個60分鐘按摩療程,即送五個60分鐘自選按摩或面部護理療程,以60分鐘按摩療程禮劵乙張。此外,顧客亦可享用其他禮遇包括自動升級成為So SPA VIP會員、療程前後均可免費使用深度放鬆室、免費茶點及三小時免費泊車等,讓你可以最優惠價格享用頂級服務。 「盛夏積FUN賞」會員尊享精彩吃喝玩優惠 由即日起至10月8日,澳門十六浦舉行「濠嘆美食」及「優惠禮遇」活動。新會員於登記當天用指定分數可換領地道甜品美食,而「十六浦會」會員於推廣期內累積滿指定分數,即可換領指定紅酒、超市現金券及玩樂錢。此外,10月1日至8日黃金週期間更舉行即時大抽獎,豐富獎品等你來取。 「澳門十六浦點」旅遊達人推介澳門深度遊情報 「澳門十六浦點」每月為大家送上最新澳門玩樂消費情報,邀請旅遊達人、澳門「街坊導遊」,以嶄新視野,深度暢遊澳門,以澳門人的角度道出澳門生活文化另一面,帶動文化旅遊新視點。最新一集「澳門十六浦點」邀請澳門本地女攝影師阿想趁「東望洋燈塔」一年一度的開放日,帶澳門旅遊達人依雯勇闖塔頂影靚相並飽覽澳門迷人景色! 另外,澳門十六浦戶外廣場的「青蔥舞台」繼續呈獻精彩音樂及舞蹈表演,表演平台更開始公開招募,為表演愛好者提供與歡眾近距離交流的藝術平台,把握演出機會。欲了解更多關於澳門十六浦及澳門內港歷史城區的文化景點、地道美食及優惠情報,或有興趣於「青蔥舞台」大展才華,歡迎瀏覽網上旅遊雜誌「澳門十六浦點」https://hotspotp16.ponte16.com.mo。