走遍世界
【20,000 種植物任睇唔嬲！愛爾蘭之 National Botanic Gardens】
環遊世界
Cleo's Travel Log 為旅死 為旅亡 ・2018-01-26
恕小妹大膽假設，由澳門出走愛爾蘭讀書嘅學子，應該十隻手指數得晒（而港、台兩地則不少）。而我五個月前（2017 年 7 至 8 月）就喺愛爾蘭一間語言學校 Dublin City University（DCU）報咗個為期八週嘅 Summer Course，每日返五粒鐘，住喺距離學校只需 15 分鐘路程、一個風趣有愛嘅 Home Stay，而當中嘅學費、住宿連早、晚兩餐，兩個月合計萬九港幣（將擇日出 PO 詳述）。 DCU學校官網：www.dcu.ie 多不勝數嘅綠色植物加上透明玻璃屋，夢幻滿分！ 到達 Home Stay 嘅第一日，因為學校嘅無厘頭，搞錯我入住日期，殺 Home Parents 一個措手不及，就喺呢個尷尬到極點嘅 Moment（Home Ma 披頭散髮，以睡衣 Look 開門），只好推薦我哋到附近嘅植物天堂（NATIONAL BOTANIC GARDENS）走走。 大概是因為免費入場吧，公園入面大部分都係一家大小，推住 BB 車、溜住狗、帶住野餐墊開餐嘅「街坊」。 光是多肉植物，已經擺滿一間玻璃屋。 呢度 90% 植物都住喺玻璃屋入面，品種大概有 20,000 種之多，合指一算，就算一秒睇一種，都要睇足 20,000 秒 = 333分鐘 = 5.5 小時！！！其中 300 多種更加被列為稀有品種，6 種更已絕跡世上，換句話說，NATIONAL BOTANIC GARDENS，就是銀河唯一。 NATIONAL BOTANIC GARDENS 網址： www.botanicgardens.ie 更多遊記：為旅死 為旅亡