想有一雙古銅色嘅手臂？咁就要揀朝早練電單車～

Chrysalids 少爺 ・2017-07-31

星期六嘅早上，天氣十分晴朗及炎熱， 相信大部份人都應該仲嘆緊冷氣訓緊覺。 而筆者就選擇早起身，去練車場度練電單車。 去到先發覺原來朝早練車嘅人都幾多，或者係因為禮拜六嘅關係？ 筆者已經著短袖衫加牛仔長褲，帶備水樽毛巾， 雖然好彩無中暑，但係結果一對手臂曬到黑晒， 其實個膚色筆者都幾滿意，都幾古銅色。 所以奉勸各位準備想考電單車嘅朋友仔， 如果有得揀幾時考電單車的話，最好揀九月尾至11月左右嘅下晝（兩點後）去考， 起碼朝早可以練番一兩個鐘頭先至去考，信心都會大啲。 平時練車盡可能揀下晝四或五點後去練，感覺會舒服好多。 其實筆者一直都係下晝練車的。只係想熟習下朝早揸車嘅感覺， 因為。。。筆者被排到朝早九點考路試，好慘！ 以上圖片均轉載自網路，所有版權歸原作者所有。