滑水道

標籤:滑水道

「懶人包」澳門夏日活動精選必睇攻略~

澳城生活
Chrysalids 少爺 ・2017-07-28

相信大家都知道近排有好多夏日活動等住大家去參加, 但又唔知幾時開始, 又或者唔知邊啲地方啱自己去, 有見及此,筆者今日稍為介紹一下今個暑假澳門會有咩活動帶比大家啦! 夏日 “泡泡” 海洋嘉年華 日期:2017.07.16至2017.08.31 地址:澳門旅遊塔 詳情請參閱:https://lifemag.cyberctm.com/ 短評:澳門旅遊塔唔但止延長營業時間至晚上十點,仲以創意氣球形式介紹海洋世界,適合有小朋友同家長一齊參加嘅一項活動 社區消費無限FUN 2017繽紛離島消費嘉年華 日期:2017.07.22至2017.10.15 地址:氹仔嘉模墟和氹仔嘉妹前地 (北帝廟前地) 詳情請參閱:https://calendar.cyberctm.com/#5638 短評:非常適合喜歡購物、睇文化表演或者喜歡攝影嘅人士去參興,消費之餘仲有機會抽到大獎添~ Slide The City夏日必玩至潮極速滑水道 日期:2017.07.26至2017.07.30 地址:澳門漁人碼頭 詳情請參閱:https://calendar.cyberctm.com/#5638 短評:鍾意刺激又唔怕水嘅朋友一定要去玩,仲有三日左右就會結束。 粵澳名優商品展 日期:2017.07.28至2017.07.30 地址:澳門澳門威尼斯人-度假村-酒店會展中心 HALL B 詳情請參閱:https://lifemag.cyberctm.com/ 短評:今年有幸請到有鼎爺之稱嘅李家鼎黎到澳門教大家煮食嘅秘技,大家點可能錯過呢?想一睹鼎爺嘅風采就記得7月廿八日同廿九日,晚上六點半後到澳門威尼斯人B館啦! 許志安音樂會2017 日期:2017.07.29 地址:澳門威尼斯人 金光綜藝館 詳情請參閱:https://calendar.cyberctm.com/#5659 短評:買咗安仔音樂會門票嘅朋友仔,記得今個星期六晚上八點去欣賞安仔嘅精彩演出啦,唔知會唔會唱 “爛泥” 呢~ 澳門威尼斯人十週年誌慶 就在今夏 日期:2017.08.01至2017.08.31 地址:澳門威尼斯人 詳情請參閱:https://lifemag.cyberctm.com/ 短評:威尼斯人唔經唔覺已經喺澳門生活咗十年,為慶祝十歲(八月廿八日)生日,威尼斯人將會進出一系列優惠比大家。如果大家有朋友係八月生日,一定要帶埋佢黎到威尼斯人享受折扣優惠。 格鬥盛事 ONE: 王者出征 日期:2017.08.05 地址:澳門威尼斯人金光綜藝館 詳情請參閱:https://calendar.cyberctm.com/#5646 短評:喜歡格鬥比賽嗰種刺激感嘅朋友,千祈不容錯過!究竟最後邊位拳手勝出都肯定會有一番激烈嘅龍爭虎鬥,下星期六晚就會有分曉~ A CLASSIC TOUR 學友 • 經典世界巡迴演唱會澳門站 日期:2017.08.11, 12, 18, 19 地址:澳門威尼斯人 金光綜藝館 詳情請參閱:https://lifemag.cyberctm.com/ 短評:學友有好多著名嘅經典金曲,例如 “愛是永恆”、“你的名字,我的姓氏”、“每天愛你多一些”等等,所以仲未買學友嘅演唱會門票好把握機會啦!