喪屍

標籤:喪屍

【慎入!恐佈+多圖+劇透】仁慈堂婆仔屋萬聖節活動

澳城生活
Chrysalids 少爺 ・2017-10-27

既然大家覺得夠膽睇的話,我都唔會阻止大家。 一年一度萬聖節又黎啦! 仁慈堂婆仔屋每年都會舉辦與萬聖節相關的活動,今年都唔例外! 今朝經過婆仔屋,已經開始有人佈置萬聖節裝飾品。 於是趁無咩人,即刻入去影番一兩打相。 好,先奉上無咁恐佈嘅相畀大家熱下身先。 周圍已經掛咗好多好得意嘅南瓜頭裝飾品 如果見到咁多南瓜頭都驚驚地, 又或者真係覺得唔太舒服, 就即刻禁 alt+F4或者右上角的紅色交叉。 如果有咩唔舒服搞到要入院,我唔負責嫁!無話我無警告+提醒啦! 以下係最後的忠告+提醒+警告 以下圖片涉及血腥、恐佈、驚嚇,可能會引起讀者不安, 如閣下睇完有咩頭暈身興搞到要入醫院,本作者一慨不會負責。 必須再強調一次,圖片內的裝飾品全部都是假的。 如果閣下係無咩膽,連曱甴四腳蛇都驚,咁我勸你唔好再拉落去睇啦! 又或者想保持神秘感,唔想被劇透的話,都可以離開! 假如你正用緊唔穩定嘅網絡,又或者無乜數據的話,都請離開,因為有超多圖片! 好!係時候去圖! ======================= 一入門口,就已經有位死神同兩個左右裝飾品「歡迎」大家。 「大家好!我係打錯左死神!」 「蝦佬!我係向右轉鬼神!」 「你兩條友扮咩死神鬼神呀?我先至係正宗死神!你兩個只係裝飾品黎咋!」 未入到去門口, 已經感到陰風陣陣,裹面充滿血腥、驚嚇、變態、虐待等等元素。 難怪無咩人係度。(其實係因為D人返晒工啫。) 周圍都放咗唔同嘅驚嚇裝飾品,蜘蛛裝飾品周圍都係,分分鐘會同真嘅混淆咗。 抬頭一望,好多蜘珠係頭頂。乜蜘蛛網唔係白色嫁咩? 有隻黑色大蜘蛛吊住落黎,稍有不慎,可能掂到都唔知。 有隻蜘蛛困住左係個井度?? 井嘅下面居然聽到人聲,係度話...... 「唉!好重呀!又要供呢樣,又要供個樣,揹到我成身債。早知就唔養小三啦!」 果然無論做人定做鬼都好辛苦。 另外有D可能因為仲未諗到放係邊,所以擺咗係一邊。 好多類似BB嘅公仔掛咗係枯枝上面 仲有好多其他的驚嚇裝飾品未準備好 咦?有塊白布包住嘅?莫非係...... 點知向下一望見到佢話:「殊......唔好嘈!你見我唔到!X3」 除咗死神公仔之外,仲有佢地「歡迎」大家。 相信男士都好想同最右邊嘅女士「合照」啦! 再行入些少,就會見到樹上擺左個無頭嘅女性公仔係樹上面。 旁邊有個焗爐,睇黎要開始煮野食啦! 轉個身,見到個浴缸,裹面放咗好多手腳殘肢,睇黎剛剛...... 擺放浴缸附近,好奇點解有木製輪椅,都無咩咁出奇。奇就奇在...... 張輪椅係米好普通呢?望下左邊中間位置...... 女士尖叫:「呀!!!係一隻老鼠呀!」 男士扮鎮定話:「唔洗驚!米奇老鼠D親戚黎啫。」 只係入咗婆仔屋中段左右,已經有咁多恐佈野,再黎聽到又有人係度話...... 「依家買間樓好貴呀,有個盒遮頭已經好好啦!」 真係陰公,死左都剩係得個盒?咁細應該叫做「劏盒」? 於是筆者決定再行入去多些少,見到有位少女同曬太陽男。 「救命呀!好曬呀!我對眼呀!」 「先生,同我影張相,好嗎?」 無問題,已經影咗你啦,仲 post 埋添! 大樹嘅附近亦都擺咗唔少野。 邊有人玩公仔玩到咁嫁?泰迪熊同白色熊灘係度 hea 緊。 旁邊有個阿伯坐係張椅同我講話...... 「無呀,我無偷懶呀!我諗住坐一陣,點知就變咗做一副白骨啦!」 呢匹莫非就係傳說中無頭騎士嘅坐騎? 係另一棵樹,筆者聽到有野係度尖叫。 原來有人係度曬茶葉「馬騮搣」?? 另一棵樹底下有隻被人用作實驗嘅狗? 「汪汪!汪汪汪!汪汪汪汪!」 (主人,你係邊?我要骨頭!) Sorry, 我骨頭太硬,唔會幾啱你食。 除左隻狗之外,仲有好多玩具頭放係樹底下。 好!終於都差唔多去到盡頭,行到最入面,就會見到佢。 「哈哈!你係米想去洗手間呀?入黎啦!無分男女廁嫁!」 呢個當然唔係洗手間啦!佢講笑啫。 旁邊又聽到有朋友係度講野,偷聽下先。 左:「好曬呀!晾衫邊係咁晾嫁?」 中:「米就係,衫都唔識晾!」 右:「其實......我生前都唔識晾衫。」 嘩,佢地太悶了吧,晾衫都好講。 最後壓軸登場嘅居然係呢位被人拉錯嘅仁兄? 「做咩攞孖葉鎖我呀?我有交稅嫁。」 睇到呢度,首先要恭喜大家成功克服所有恐懼。 希望今個星期六同日,大家可以抽時間參加由婆仔屋文創空間主辦嘅「第五屆婆仔屋萬聖節之夜」。 詳細活動資訊可以到佢地嘅 Facebook 網頁。大家到時記得要化好鬼妝黎嚇人啦! 《第五屆婆仔屋萬聖節之夜》 海報來源:https://www.facebook.com/AlbergueSCMMacau/ 日期:2017年10月28日及29日(星期六及星期日) 時間:晚上7時至10時30分 地點:婆仔屋文創空間 - 庭院 免費入場 以上資料及海報均來自:婆仔屋文創空間 Albergue SCM 圖片來源:Google Map 坐標:22.197425, 113.544399 地點:仁慈堂婆仔屋 地址:澳門瘋堂斜巷8號 巴士路線:M237社會工作局﹣7,8 M123東南小學﹣17 M270塔石體育館﹣2A,7,8,8A,9,9A,12,18,22,25,25X 巴士路線資料來源:澳門交通事務局 http://www.dsat.gov.mo/bus/

2016 USJ大阪環球影城Halloween《環球驚喜萬聖節》活動簡報!!

環遊世界
旅途上的仨倆事 // 東尼 & 蛀牙妹 ・2016-10-01

每逢USJ搞限定活動都吸引大量遊客到訪,今年仲係環球影城15週年,所以Halloween活動都特別隆重其事,咁岩首日我地又身處大阪,當然要去做白老鼠啦!^^ 雖然一大早就到,但全日既重點絕到係夜晚6點先開始既「驚魂夜」活動啊! 話說右手邊既「恐怖實驗病院」恐怖指數係10粒★架!但因為遊戲內容需要"接觸昆蟲"蛀牙妹就不敢入內啦xd (留待玩左既網友同返我地講好唔好玩啦~HAHA) 今年最新加入既日式恐怖遊戲「崇」,一大堆日本人偶帶你遊走結界。。 聲明先,佢地唔係工作人員,而係分別既兩批客人黎架~當日好多遊客都好似佢地咁黎扮鬼扮馬入場~超有玩味! 好好奇到底佢地玩鬼屋係咩畫面^^? 6點前值「驚魂夜」準備開始,街頭既氣氛明顯變得凝重,大概好多人都係抱住又驚又想睇既心態?嘻嘻 樂園安排得好有心思,預先set好係街上既S.W.A.T.裝甲車會突然傳出爆炸聲引開大家注意力,成班喪屍就會襯機衝出黎嚇大家一個操手不及~~~嚇死人咩XD Biohazard經典場面... 頗為迫真! 每個場景都會吸引大批遊客圍觀。 無面男亂入啊~~~無面男見到大家圍住自己影相,開心到係衫袖"變"出金粒啊XD 話就話以恐怖為主題,其實現場係「恐怖X熱鬧」先岩! 日本人好明白一期一會,活在當下既道理,一玩呢活動隨時玩得認真過工作人員添。 「驚魂夜」場內地圖~同行有老人家/唔敢睇既人可以到安全區暫避,十分貼心。 最後附上用手機粗剪既現場影片比大家參考~:) 購票資訊:《環球驚喜萬聖節》官方網頁 --------------------------------------------------------------- 更多東尼&蛀牙妹走過歐亞24國既背包故事(請多多指教^^): FACEBOOK粉絲專頁 https://www.facebook.com/Tripswhatifeel/ IG帳號 https://www.instagram.com/davidtonio/