咖喱雞翼麵

標籤:咖喱雞翼麵

日日排隊!被讚20年的「老字號麵家」食飯時間第一個諗起佢!

飲食天地
食在澳門iFood ・2021-06-20

穿梭喺澳門的大街小巷 傳統與時尚相互碰撞 新興網紅店和百年老店相輔相成 那些藏喺市井間的煙火味 被現代化的新鮮所遮蓋 卻從不曾被忘記 二十年老字號「聯記麵家」 走進巷弄中的一隅 尋找真實的生活風景 ▼ 不算敞亮的店內藏不住的係食物飄出來的誘人香氣,絡繹不絕的街坊食客係聯記麵家源源不斷的生命力。 二十年日復一日喺悶熱的後廚中勞作,倘若唔係熱愛和堅持,又怎能喺歲月的大浪淘沙中屹立不倒呢? 雲吞麵氤氳著的縷縷鮮味,桑寄生蛋茶甜入心扉的味道,讓人眷戀難忘,承載著無數記憶與情感的聯記麵家,依舊堅守以美食撫慰人心。 鮮蝦雲吞麵 “老闆,一碗雲吞麵啊,唔該~”熟悉的聲音來自熟悉的街坊,喺聯記食麵,經常會聽見街坊與老闆這樣家常的對話。 熱浪撲面而來的六月,一碗清清爽爽的雲吞麵能迅速打開你的味蕾,清淨而明澈的湯潤喺嘴裡,鮮在心尖~ 一顆顆雲吞皮薄餡大,彈牙爽脆的堿水面喺嘴裡滑動,哩碗雲吞麵深深種喺多少人的腦海裡呢? 平時食麵都係加醃辣椒,但嚟聯記識食嘅朋友仔一定會加入靈魂“醃蘿蔔”!酸辣中帶點甜口,解除所有嘅膩之餘仲令你食得更惹味更開胃! 鯪魚球豆腐麵 新鮮鯪魚去骨攪拌,加入調料再長時間手打起膠,聯記以認真的態度對待每一道工序。 油潤的湯汁透著清香,吸飽湯汁的麵條韌勁飽滿,啖啖都透露著匠心的味道。 鯪魚球肉質細嫩,味道鮮美,既可以點睛一碗白飯,亦能讓一碗素麵活色生香!嫩滑嘅豆腐順滑咁溜入口,再喺口中回味豆香~絕! 咖喱雞翼麵 試過清新淡雅的鯪魚豆腐麵,濃郁惹味的咖喱雞翼麵係你味蕾挑戰的另一選擇~ 雞翼浸喺湯汁中被染得金黃,咖喱辛辣毫無膩感,雞翼內裡的肉絲都瀰漫著咖喱香~ 香濃軟嫩的雞翼、鮮美豐厚的湯汁、彈牙韌性的麵條,每一啖都係記憶中熟悉的味道,20年如一日。 紅燜腩撈麵 牛腩之於澳門人有著說不清道不明的情愫,宵夜的牛腩河、秋天的牛腩煲,仲有從細食到大的聯記牛腩。 牛腩燉得軟爛入味,食得出係夠火候的味道,20幾年風風雨雨,聯記堅持每一碗麵、每一塊牛腩都下盡功夫,花盡心思。 桑寄生蛋茶 比起麵食,聯記的桑寄生蛋茶知名度更廣。等到放學下班的時間,唔少附近的街坊會特登嚟飲返碗清下熱氣。 熱辣辣嘅桑寄生蛋茶,飄煙中仲夾雜住淡淡的藥材香。將雞蛋整碎再浸泡茶一齊入口,清熱又下火,簡單樸實,卻係屬於街坊們的專屬記憶。 酥炸墨魚餅 即點即炸的墨魚餅金黃酥脆,外皮被炸得焦香而內裡卻軟嫩多汁~ 一頓大快朵頤下來,滿足的飽腹感提醒著我這場懷舊之旅該結束了,用紙巾擦淨嘴角的油漬,起身和老闆默契地點了點頭:“拜拜,我得閒再來~” 新馬路店 清平直街12號 營業時間:12:00~22:00 荷蘭園店 荷蘭園大馬路115號A-B 營業時間:12:00~1:00(凌晨) 人均:22mop-40mop 圖文 | 肥肥 美工 | 陳真香 攝影 | 他說他叫修杰楷