利是封

標籤：利是封

做慈善又靚嘅～「世記咖啡」狗年利是封

澳城生活
Andrina ・2018-02-14

又係我利是封專員！XD 早幾日去世記咖啡食野嘅時候，見到世記咖啡又要利是封義賣啦！同上年一樣都係會扣除成本捐贈畀本地慈善團體，而今次嘅受惠機構係「喵狗星人守護天使(澳門)」！ 利是封套裝由藤河設計，用精美嘅紙包住，1套有18張，共3款設計，因為係狗年嘅關係，其中1款用咗臘腸狗做主角，而且仲有2018年嘅「8」字，8即係發，十分好意頭！！ 1套售價為$88，有興趣嘅人士快快去以下地點購買啦！ 義賣地點：世記咖啡 賣草地店世記咖啡 氹仔店南灣世記咖啡快餐 仲有奧比斯慈善利是封： 》〉按我了解〈《

本土設計！澳門狗界網紅 Copper 利是封

澳城生活
Cleo's Travel Log 為旅死 為旅亡 ・2018-02-08

狗年一到，唔少品牌都推出以狗為主打嘅新品湊熱鬧，本地的生活概念小店「Quarter Square」亦唔例外！以店狗 Copper 為設計靈感，推出一套兩款的限量版利是封，別有「狗肥屋潤」同「發福」，勁 Cute！ 利是套裝可能藏有優惠券，一於買返包碰碰運氣啦！ Copper 人見人愛，招牌嘅怪趣表情（西面）成功擄獲大量粉絲。 購物滿 MOP 600可換領一款，滿 MOP 900 可換領兩款。 Info 售賣點：Quarter Square 價錢：MOP 68（一款十個）；MOP 99（兩款二十個） 網址：https://www.facebook.com/quartersquare/ 關於 Copper Facebook: https://www.facebook.com/copperthefrenchie/ Instagram: https://www.instagram.com/copper.frenchie/

做慈善又靚嘅～奧比斯「成雙」利是封！

澳城生活
Andrina ・2018-01-04

下個月就新年啦～唔知大家準備咗利是封未呢？我每年都會購買奧比斯嘅利是封，幫到人之餘，又有靚靚利是封用！ 而一年一度號奧比斯慈善利是封喺今日正式開賣啦！今年奧比斯再次聯同友邦洋紙、滙洋印刷及BLOW設計總監羅曉騰 (Ken Lo) 推出「成雙」利是封，仲係「摸得到」嘅祝福！特別在於今次喺利是封上嘅祝福賀句係用視障人士使用嘅「點字」，利是封上仲壓印具有立體感嘅吉祥花卉圖案，如桃花、水仙、牡丹、富貴竹等，讓健視同視障嘅朋友一齊感受到祝福，好事成雙！ 一盒有8款，共32張利是封 用上凸字，視障人士都可感受祝福 利是封數量有限，有興趣嘅人士快d到以下網址了解詳情啦！ 》〉按我了解〈《 *以上圖片及資料取自Orbis Macau網頁 🐠🐠

澳門利是封大檢閱（酒店博企篇）

澳城生活
LifeMag Editor ・2017-01-27

過年最開心當然是收利是，雖然不少人都覺得利是個「涵」比較重要，不過如果收到靚靚利是封的確會令人更驚喜。近年利是封的設計五花八門，澳門各大酒店博企更加各出其謀，甚至不惜功本！一起看看哪款最討得您歡心？ 最傳統！雞年利是封 大紅利是封是中國人傳統，雞當然是今次主角，利是封以閃閃生輝的金雞登場賀歲！ 澳門金沙集團：紅紙金雞配上「啼鳴開運迎新春」，中國傳統味十足。 澳門勵駿創建有限公司：金雞造型配圖案設計感十足，利是封紅紙是絨面，觸感有驚喜。 傳統中求變！ 有中國傳統賀年元素，又配搭新色彩和設計，令人耳目一新。 澳門十六浦索菲特酒店：新穎設計，以年年有餘為設計重點，配上大花浮雕，用上了鮮粉紅色為主調，銀閃局部，很時尚的新派中國風設計。 澳門喜來登酒店：五彩繽紛的利是封，有傳統少見的顏色如綠色和藍色，寫上四字祝賀詞，背後更以中英對照解釋賀詞意思。 金麗華酒店：利是封有紅色和紫色，有大紅大紫之感，印上中國傳統圖案，簡單又典雅。 The Ritz-Carlton Macau：利是封是金色，印上大花配襯今年的生肖－公雞浮雕，典雅又高貴，完全與該品牌概念相符。 澳門JW萬豪酒店：以深紫紅作底色，配以大花圖案熨紫銀，有貴氣且新潮。 澳門美高梅MGM：以紅、金兩色作設計，中間有一朵大花，中心有MGM的標誌－獅子，整體感覺很像日本戰國時代的家徽設計。 最驚喜！原來利是封可以這樣玩 原來利是封可以變成這樣！利是封演變成不止利是封，甚至可以當銀包、當袋子循環再用。 澳門永利、永利皇宮：以絲質面作設計，尺寸大如一個小手袋，扮高貴手袋也沒有人知道原來是利是封！有紅、金兩色，配上傳統中國圖案，以及澳門永利採用的蝴蝶式款，中間印上浮雕Wynn字樣，可以循環再用，完全制霸，不失高雅，珍藏之選。 澳門君悅酒店：打破利是封是用紙造的定律，皮質利是封已夠驚喜，用色配搭亦非傳統，利是封以剪紙藝術設計呈現荷花和牡丹圖案，有傳統味又夠突破，更可循環再用。 看完這麼多款利是封後，最後也祝大家 新春快樂！恭喜發財！今年賺多啲！！

本網站使用Cookies來令您獲得最佳的瀏覽體驗。若繼續瀏覽此網站，即表示您同意我們使用您的Cookies。詳情請見我們的 Cookie 使用政策。