創富坊
京東IPO不值得抽
潮流特區
程式交易 www.quants.hk (導師: 財經書藉作家: 麥振威) ・2020-05-28
近期看到太多有關京東IPO的廣告，其實新股潮每年都有，相信京東都會好多人抽，但能否抽中則很看運氣，若然用孖展抽隨時會蝕息。新股潮向來是來得快去得快，而且京東已在美國上市，美國上市的股價跌，本港的也會受影響，特別而家呢段時間。所以不太建議用孖展抽京東，最後賺錢的只有證券行。 至於京東是否值得買，若要買京東為何不買阿里巴巴，咁多年京東都鬥唔贏阿里巴巴，永遠都係「阿二」，若你話阿里巴巴太高可能會回落，難道阿里回落，京東會持續逆市上? 要選比較期待的IPO，反而可留意Byte Dance 字節跳動，即係斗音、西瓜視頻、多閃的母公司，又開始做遊戲業務，上年已經話來香港IPO，不過短期內相信仍不會，但年底則很有可能，始終上市後更容易同騰訊爭市場。