搜尋

搜尋結果

2018年11月新遊戲

手機‧電玩
肥羊的頹廢生活・2018-11-07

係十月尾，Rockstar Games出左一隻可以玩成個月嘅大作Red dead redemption 2 。但係依隻Game開頭嘅節奏真係好慢，相信唔係所有人都接受到。咁接受唔到咁慢節奏嘅朋友，係十一月又會唔會再買新Game定係又可以等多個月?一齊睇下十一月有咩大作。 英雄傳說閃之軌跡IV -The End of Saga 英雄傳說系列應該唔需要多講，日系經典RPG，係閃之系列嘅完結篇。今集主要係圍繞住第七班所發生嘅故事，如果你有追開故事相信你都會有追落去嘅動力，但就Trailer所見，遊戲玩法都係用返上一代個系統，唯一改左嘅就係個戰術連結，希望依個系統唔會係一個花瓶。 絕體絕命都市4：夏日回憶 唔知你信唔信邪，每次依隻GAME一有消息要出嘅時候，日本就會有大災難發生，為左唔好再相到市民嘅情緒，依隻GAME原本係2011年發售，但係不停延期嘅情況下，最終去到2018年先有得玩。由試玩片到睇到，遊戲質素同巨影都市係一樣嘅，係大場面下好大可能有掉幀嘅情況。而佢最吹引人嘅VR模式亦只可以去參觀下個遊戲世界，無得用VR玩令代入感都下降左。 Hitman 2 最強光頭殺手回歸，如果你係系列Fans，應該都知我講繄Agent 47，故事係2016年Hitman嘅續集，但係上一集係日本就蝕到入晒肉，令到Square唔肯同佢出續集，依家就由開發商 IO Interactive自己做返，今次應該就無籍口話被人干擾到佢點開發隻Game，希望會做得好好睇睇，而今集仲加入左雙人模式，玩法係一個做主力，一個做狙擊手幫手，如果你同朋友一齊玩，相信又會變左世界大戰。 Pokémon Let's Go Pokémon Let's Go係1998年皮卡超版嘅重制版，但係今次嘅系統有好大嘅改動，例如野外遇到小精靈嘅時候取消左戰鬥系列，捉小精靈變左係純機率嘅機制。依個系統有好有唔好，但係如果你係習慣左舊版要消到隻小精靈紅血先去捉佢嘅玩家，今次真係要諗清楚先買。但係係我經過GAME鋪嘅時候，已經聽到好多人已經訂左GAME，如果唔想食炒價嘅，我諗你都係去訂定好D。

女仔沒男朋友時厲害多了丨歡樂馬介休丨

歡樂馬介休
bacalhau・2018-10-26

有男朋友時像個小廢廢～ 無男朋友時, 勁到喊！ ※留言講你無男友時做過最勁嘅野係咩～？ -------------------------------------------------------------- 快快訂閱【歡樂馬介休Youtube專頁】 -右上角紅色訂閱按鈕啊BB 速速讚好【歡樂馬介休Facebook專頁】 https://goo.gl/5y9aWC 慢慢追蹤【歡樂馬介休Instagram專頁】 https://goo.gl/kHYhRc -------------------------------------------------------------- 〔馬介休女玩員粉絲專頁〕 BOBO粉絲團：https://goo.gl/SSZsgL VIVI粉絲團：https://goo.gl/B75RKm 啊花粉絲團：https://goo.gl/8nyf5i 芊華粉絲團：https://goo.gl/g6fjb6 〔馬介休男玩員粉絲專頁〕※就睇下有無人like男仔 龍哥粉絲團：https://goo.gl/RMn4eX 華浚粉絲團：https://goo.gl/Fc2Zbw 黑GAP粉絲團：https://goo.gl/vi5XTU RICO粉絲團：https://goo.gl/2mjPeV 墨豆鵬粉絲團：https://goo.gl/9irTaw -------------------------------------------------------------- 微信公眾號／微博／騰訊視頻／土豆網／美拍：欢乐马介休 #單身 #男朋友 #女漢子

女性專用 影醜相遊戲丨歡樂馬介休丨

歡樂馬介休
bacalhau・2018-10-11

姊妹們絕對不能玩的影醜相遊戲！ 玩了..會絕交、會上癮的！ 平時要好攻心計先可以影到自己靚、人地醜； 玩呢個遊戲就可以以勝利者的姿態叫姊妹影醜相！ 不過輸左就.... 》玩法 -擲公字定輸贏 -擲中自己選擇的面就贏，可以話事 -贏嘅扮靚樣、輸嘅做醜樣(做自己) ※※※留言話俾我地知，你仲想女仔玩咩遊戲啦※※※ -------------------------------------------------------------- 快快訂閱【歡樂馬介休Youtube專頁】 -右上角紅色訂閱按鈕啊BB 速速讚好【歡樂馬介休Facebook專頁】 https://goo.gl/5y9aWC 慢慢追蹤【歡樂馬介休Instagram專頁】 https://goo.gl/kHYhRc -------------------------------------------------------------- 〔馬介休女玩員粉絲專頁〕 BOBO粉絲團：https://goo.gl/SSZsgL VIVI粉絲團：https://goo.gl/B75RKm 啊花粉絲團：https://goo.gl/8nyf5i 芊華粉絲團：https://goo.gl/g6fjb6 〔馬介休男玩員粉絲專頁〕※就睇下有無人like男仔 龍哥粉絲團：https://goo.gl/RMn4eX 華浚粉絲團：https://goo.gl/Fc2Zbw 黑GAP粉絲團：https://goo.gl/vi5XTU RICO粉絲團：https://goo.gl/2mjPeV 墨豆鵬粉絲團：https://goo.gl/9irTaw -------------------------------------------------------------- 微信公眾號／微博／騰訊視頻／土豆網／美拍：欢乐马介休 #閨蜜 #拍照 #馬介休

不能不服的一句說話丨歡樂馬介休丨有些事情真的解釋不了

歡樂馬介休
bacalhau・2018-09-27

做人真係好灰 點解咁靚仔，但係甩頭髮？ 點解打風都要返工？ ...呢個世界就係咁樣～ -------------------------------------------------------------- 快快訂閱【歡樂馬介休Youtube專頁】 -右上角紅色訂閱按鈕啊BB 速速讚好【歡樂馬介休Facebook專頁】 https://goo.gl/5y9aWC 慢慢追蹤【歡樂馬介休Instagram專頁】 https://goo.gl/kHYhRc -------------------------------------------------------------- 〔馬介休女玩員粉絲專頁〕 BOBO粉絲團：https://goo.gl/SSZsgL VIVI粉絲團：https://goo.gl/B75RKm 啊花粉絲團：https://goo.gl/8nyf5i 芊華粉絲團：https://goo.gl/g6fjb6 〔馬介休男玩員粉絲專頁〕※就睇下有無人like男仔 龍哥粉絲團：https://goo.gl/RMn4eX 華浚粉絲團：https://goo.gl/Fc2Zbw 黑GAP粉絲團：https://goo.gl/vi5XTU RICO粉絲團：https://goo.gl/2mjPeV 墨豆鵬粉絲團：https://goo.gl/9irTaw -------------------------------------------------------------- 微信公眾號／微博／騰訊視頻／土豆網／美拍：欢乐马介休 #惡搞 #短片 #搞笑

2018年9月新遊戲

手機‧電玩
肥羊的頹廢生活・2018-08-30

暑假又過左啦，但係好遊戲係唔會完嘅。九月有十九隻新遊戲推出，究竟有九月係你銀包出血定係又可以儲下錢等十月嘅新遊戲呢? 依家就由我推薦幾隻重點遊戲，睇下你嘅選擇會唔會同我一樣。 NBA Live/2K19 身為運動類遊戲嘅FANS，NBA系列嘅遊戲應該係你每年必入嘅遊戲。係近依幾年可能係無對手嘅關係，2K系列好似有D停滯不前，除左係畫面靚左之外，遊戲本身已經無咩進步，防守依舊都係離你兩步都係防守成功，小打大好多時都變成人類BLOCK SHORT精華合集，加上2K18果個極其白痴嘅MY GM故事，所以我對今集嘅2K都有少少保留。 NBA Live就年年都係雷聲大雨點小，都係Trailer一出，誰與爭鋒，但係玩落又係點呢?相信有玩嘅都心知肚明，動作/人物比例等等…… Shadow of the Tomb Raider 如果你係鐘意動作類遊戲，Tomb Raider你一定會鐘意玩，今集已經係故事嘅第三集，今集繼續都係探索遺跡一路尋找殺父仇人。而今集主要嘅場景都係以水中洞窟為主，但以我多年嘅打機經驗，水中操作都係遊戲嘅死穴黎，唔知今集你會唔會又要買多一個手制呢? Super Seducer 2 如果你唔鐘意運動類遊戲又唔鐘動作類遊戲，咁不如試下真人模擬遊戲。Super Seducer 2係一款真人戀愛遊戲，如果你對悶左日式戀愛遊戲，咁不如試下美式嘅戀愛遊戲。到底你係一個八面玲瓏嘅超級花花公子，定係情場新手會死係紅裙之下，一切都睇你嘅表現呢。 FIFA 19 最後一隻會推荐嘅遊戲就係FIFA 19，依隻其實唔洗講咁多，會買嘅人就會買，唔買嘅人都係唔會買。但好似我咁對足球係有愛嘅，其實都係會買。我覺得FIFA 同2K都係有同一個問題，就係因為無對手，所以真係無咩進步。每一集嘅感覺都係畫面靚左，名單更新左，但係感覺都係咁上下。而且今集仲要加左個食雞mode落去……… Marvel's Spider-Man 如果你鐘意超級英雄遊戲，咁你應該唔會放過你最好嘅鄰居Spider-Man。今集應該係第一隻做開放世界嘅超級英雄遊戲，但係開放式世界都會有一個好大嘅問題，會唔會為左一個細嘅支線任務要你飛十萬九千哩呢?而且係Trailer睇黎，蜘蛛感應係其中一個重點玩法，但係好多遊戲嘅重點都唔係重點黎，會唔會變左一個食之無味 棄之可惜嘅玩法呢?

Detroit: Become Human玩後感

手機‧電玩
肥羊的頹廢生活・2018-07-15

Detroit Become Human(底特律：變人)係由Quantic Dream於2018年推出的互動電影式遊戲。遊戲發生在 2038年的近未來，由於科技的發達，仿生人Android已經變成社會上不可或缺的一部。而玩家將會扮演三個不同嘅仿生人。分別係康納（Connor）、卡菈（Kara）同馬庫斯（Markus）。故事採用多重結局，玩家嘅每一個選擇都會影響到結局的發展，到底你要成為一個有感情嘅仿生人定係一個只顧目的不擇手續嘅仿生人，所有人係嘅命運都掌握係你手。 遊戲採用互動式電影嘅型式進行遊戲，如果你鐘意一個完整故事但又可以係某一個重要事件上作出決擇，咁Detroit Become Human就絕對適合你去玩。但如果你係鐘意快節奏自由自在嘅遊戲，咁你就要諗清楚係咁可以係短時間內睇晒接近二十四集嘅美劇啦。(最後果章要差唔多一個鐘頭先玩得完) 以下係我對三個主角故事嘅感想(以下部份會有劇透，如果你未玩完嘅，唔該你立即離開) 關於康納（Connor）嘅故事 康納嘅故事係三位主角入邊最平平無奇嘅，無論你點決擇都好你都會搵到異常仿生人嘅首領。如果你選擇做魔鬼戰警嘅，咁就會比較難先會知道真相。係遊戲中期會有一個重大決擇，你會為左完成任務定去殺一個完全唔難事嘅仿生人，定係作為一個人為左良知、同理心等等嘅因素放棄線索，依個完全都係玩家嘅決擇。人性係遊戲入邊係一個好重要嘅因素。(康納最後一幕我嘅感覺佢似陳浩南) 關於卡菈（Kara）嘅故事 卡菈嘅故事係三位入邊最有愛嘅故事，亦都係有最多重大決定嘅故事。為左你個女你可以犠牲咩?係旅途入邊嘅伙伴，為左你不斷冒險嘅救命因人?而係你為左個女犠牲左咁多嘅情況下，你發現你最愛嘅女有一個重要秘密瞞住，你係咪仲可以無條件咁愛落去?去到生死關頭，你係咪可以為左個女放棄生命，定為左自己放棄個女? 關於馬庫斯（Markus） 馬庫斯都嘅故事係三位入邊最有孝同義嘅故事。你到底要激死老豆搵山拜定係做個孝子被人打死，雖然依個決擇唔會好大影響到故事嘅大方向，但亦都會睇到你嘅決擇。 義嘅方面，馬庫斯可以為左新相識嘅同伴去打劫倉庫，亦都可以為左同伴成為以一敵百嘅開路先鋒。為左同伴可以一個人去引開警察炸毀自己嘅基地，去到故事最後亦都你要成為一個為左自己犠牲同伴嘅小人定係成為一個可以同同伴一齊出生入死嘅領袖? 其實成個故事都係探討人性嘅問題，當仿生人無左處理顯示器後，仿生人同普通人有咩分別?故事入邊亦都有探討到膚色問題，你會發覺到做維修嘅仿生人都係黑人黎。到底咩係平等，都係依個故事想探討嘅。 如果你同意或都唔同意我講嘅野，歡迎係下邊留言等我知道邊度可以做得更好。 PS:遊戲入邊希拉莉終於做到美國總統

我是浪浪

生活在我城
文創遊樂場 // 米米 Esther Lim・2018-06-28

澳門地少人多，房屋價格高企; 住宿問題不只是人，貓狗也深受其害…早前有浪浪狗媽媽生咗1O只蒙蒙B，牠們又乖又可愛，同時非常渴望有個遮風擋雨的家，希望有哥哥姐姐給予牠們一個溫暖的家。領養代替購買，有意請致電:周姨66670071及 ADA 66848835。 貓咪名老虎乸（娜姐），開始尋家啦，牠非常親人的（約一歳），身體一日比一日健康🤗，甩毛老虎變成人見人愛的小依;有意人士請聯絡澳門毛孩守護舍或直接到氹仔PetPet寵物店互動，支持領養老虎（娜姐）。你的領養可以改變一個小生命！ #7月4號要覆診，身體健康就會絕育。 圖中(圖6及7)兩個小毛孩尋家都有一段日…有意者請到澳門賈伯樂PetPet寵物店見見牠們(貴婦仔)金沙 5歲幾，非常活潑開朗，過年時在寒風下比人將兩兄弟綁在樹幹下，澳門毛孩守護舍得知接手照顧牠們，細佬「黑沙」早前已有家了，唯獨「金沙」仍然在寵物店等有緣人出現。 百威女「得意妹」， 5嵗啦 好嗲人，前主人嫌棄右眼有少少白內障，將她掉入狗房等死， 毛舍領養出來！希望令「得意妹」忘記過去，向幸福之路出發⋯⋯go⋯⋯ 如果大家想支援小毛孩住宿費用，可以直接聯絡澳門毛孩守護舍！ 圖中有支援銀行戶口！感謝大家。

【NS 新遊戲】Overcooked 2 今個暑假正式開張大吉！

手機‧電玩
Chrysalids 少爺・2018-06-13

任天堂 Switch 新煮飯仔遊戲 Overcooked 2，將於 8 月 7 號面世。 想知今次 Overcooked 2 有咩新廚師揀呢？想知今次遊戲加入咗咩新元素？即刻睇預告啦！ 影片來源：Nintendo Switch Facebook 廚房啱啱激戰完？連洋蔥國國王都皺晒眉頭。 今次遊戲多咗好多款廚師比玩家揀，唔知各位想揀邊位廚師呢？ 少爺覺得八爪魚廚師揸住菜刀好恐佈，但好有威勢。 仲新加入咗好多款菜式，任君選擇。 當然唔少得 Kevin the Dog 啦！少爺未玩過 Overcooked，所以唔知佢有咩大作用。 當然唔少得線上多人遊玩啦！現今所有遊戲都要必備元素之一。 8 月 7 號正式開業，您準備好大混亂式煮餸對戰未呀？！

夏日好去處！鷺環海天度假酒店「家庭露營樂套餐」

專題報導
Cheers!・2018-06-08

暑假一到，為人父母的無不落力為仔女籌謀連串密密麻麻的暑期活動、興趣班，希望仔女能夠「善用餘暇」。不過吊頸都要抖下氣，不如就趁這個悠長假期，放下兩天的工作和學習，舉家出門來個親子遊吧。（未成家立室的朋友，來個閨蜜遊也不錯。） 鷺環海天度假酒店就推出了為家庭樂而設的「家庭露營樂套餐」，套餐包括客房住宿連私人露台、房内小童舒適帳篷、觀星望遠鏡、野餐籃等，又可以延遲退房至翌日下午 2 點，玩足兩日一夜，最近預訂還有六折優惠，非常吸引！ 鷺環海天度假酒店樓高 8 層，所有客房都擁有寬敞的私人陽台。 海景房能夠俯瞰一望無際的黑沙海灘全景或南中國海的景色。 「家庭露營樂套餐」可免費使用游泳池及康體部設施。 近年吹起一股露營、野餐風，酒店就在客房內準備好「小童舒適帳篷」，就算室外太陽再大，小朋友都可以在客房內享受露營的樂趣。除此之外，這個套餐還包括四人份（兩大兩小）的野餐籃，午餐時可在戶外的大草坪享用，並貼心準備好所有野餐「道具」，既有地毯，又有藤籃，氣氛十足。食物方面就有三文治、沙律、薯片、水果等。一家大細在大草地揮霍一個下午，人生一大樂事！ 早餐在 Café Panorama 享用，午餐則安排在戶外草坪享用野餐籃。 野餐籃食物豐富，還提供冰凍汽水，爽！ 躺在大草坪上盡情放空，人生一樂也。 「家庭露營樂套餐」 $1,788 起 一晚標準園林景觀客房住宿連私人露台 房内小童舒適帳篷 特色自助早餐於 Café Panorama 享用 （供兩位成人及最多兩位小童） 午餐於戶外草坪享用野餐籃 （供兩位成人及最多兩位小童） 免費使用游泳池及康體部設施 免費享用充氣城堡（周末開放）及使用兒童俱樂部設施 免費使用觀星望遠鏡 夜床服務 延遲退房至翌日下午 2 時 入住豪華套房可於週末以 Café Panorama 自助早午餐取代自助早餐及草坪野餐 每日精選餐飲禮遇或優惠 網址：http://www.grandcoloane.com/zh-tw/promotions/Family-Camp-Getaway 想讓野餐照更有味道，一襲復古連身裙是個不錯選擇，小編今次找來了開業不久的古著店「巴巴國洋服雜貨店」贊助，以復古氣派增加照片味道。 服裝鳴謝：巴巴國洋服雜貨店 Vintage Pepperland

【糧尾福音】冰滴咖啡 + 蛋糕 = $68！澳門置地廣場酒店超值下午茶

澳城餐飲
Cheers!・2018-06-06

咖啡與蛋糕，乃裝逼必需品。澳門置地酒店的怡心閣餐廳最近就推出了冰滴咖啡下午茶套餐，只需 $68，就有一杯冰滴咖啡和五件葡式糕點。有啡飲有糕食，還可在五星級酒店內裝逼，簡直糧尾福音！ 透心涼冰滴咖啡 冰滴咖啡是以「低溫」、「慢滴」的方式萃取咖啡，透過冰水一點一滴均勻地萃取咖啡粉中的風味，而萃取出來的咖啡亦會因為咖啡豆的種類、咖啡粉的粗細、水量、水溫等因素而有所不同。 這裡使用的，是酒店專用的深度烘焙咖啡豆，四人份量咖啡的萃取時間約為 4 – 6 小時，水和咖啡粉的比例是 10 : 1。餐廳經理表示：「我們特別選用韓式咖啡壺，製作出來的冰滴咖啡味道比較香濃而不苦澀。而我們自家的深焙豆無論香度、濃度，都適合製作冰滴咖啡。」冰滴咖啡上檯時，以一壺咖啡和一個裝著冰塊的杯子的組合奉上，小編建議享用冰滴咖啡時，將咖啡逐少加入冰塊中，才不會因為冰塊的溶化而影響咖啡的層次感。 除了冰滴咖啡，套餐還包括五件 Bite size 葡式糕點，如葡撻、蛋絲蛋糕、薯仔芝士蛋糕等，非常划算！而且蛋糕全部自家製，其中蛋絲蛋糕最花功夫，師傅要將牛油、蛋漿等慢慢製成一條一條的蛋絲，工序繁複，坊間已買少見少。 冰滴咖啡加上五件葡式糕點只需 $68，超值！ 燒雞蛋粒、蛋絲蛋糕、薯仔芝士蛋糕等，都是經典的葡式糕點，坊間難尋！ 咖啡酸度不高，喝起來非常舒服。 剛冰滴完成的咖啡精華還未可以飲，要放在雪櫃內冰釀 24 小時，讓風味得到充分發酵。 冰滴咖啡下午茶套餐（限量供應，售完即止） 地址：澳門置地廣場酒店 1 樓怡心閣 時間：15:00 – 18:00 費用：$ 68（另加 10% 服務費） 網址：http://landmarkhotel.com.mo/dining.html

遊走塔石藝墟 2018 x Judas Law 澳門 Busking

生活在我城
. 小城閒人 .・2018-04-14

[ 塔石藝墟十週年 ] 2018.4.13 - 15, 20 - 22 來到第十個年頭 今年的塔石藝墟更見熱鬧 昨天下午是開幕式第一天 6點到步已經很多人 據有關單位資料 今年參加攤位有220個 文創活動內容豊富 超過50場舞台音樂演出 及多場手作坊 往年湊巧路經都會逛一下 只是攤位較少而且單一化 人流亦比較冷清 相比之下 今天很是熱鬧 狗狗也來逛逛 朋友仔的攤位 本地出品用心製作的美美小飾物 漂亮 平日"宅"以為常的閒人 今天來也是特意兜路來逛藝墟 聽聽近來香港人氣冒起 街頭busking 好聲音 Judas Law 現場表演 佢臉書fans Like過 10萬 Follow 過 11萬不用多說就知道很多人喜歡 不只香港 澳門也有好些鐘意佢唱歌的人 作為今天開幕式的表演嘉賓 也是從朋友圈轉出來得知佢今天的表演 現場觀眾不少 https://www.youtube.com/watch?v=NYN_psnEvDU&feature=youtu.be (節錄一小段今天的現場演出) 其實 自從年初在瞼書上見到朋友Like佢開始 心中就產生一堆OS問號: ♠ 大家係咪好miss中學生年代 一班同學仔彈吉他唱歌 學生feel?! ♠ 還是太耐無聽90年代香港流行經典歌曲 連王菲,林憶蓮都鮮有再唱的歌?! ♠ 又或者係素人中性外表下佢溫婉干淨的好聲音夠 outstanding 令到咁多人喜歡?! ♠ 還是時代太亂, 太衝, 太忙, 太寂寞 大家都緬懷著過去?! 答案既可能以上皆是 又或許全錯 但無可口非的是 Judas 用好聲音用音樂 帶大家回到美好的年代(時間) 一支木吉他 一首治癒系情歌 一段你(妳)個人往事 Performing 表演 需要觀眾去喜歡去欣賞 Judas 的勢頭做得很好 busking = marketing 臉書作為有效的 communication channel 要是喜歡的 大家可以多多留意佢係香港既新動向 在個人來看 今年的塔石藝墟與 Judas 的 crossover 引証了一次街頭表演文化結合的良好效果 今,明兩天 及下週末 塔石藝墟 還有很多場不同表演者的文藝演出及文創小攤等著澳門人你, 你, 你去支持 行過路過兜路 別錯過 官方網址: https://www.facebook.com/MacaoCraftMarket/

鷺環海天「玩轉復活節嘉年華」

生活在我城
文創遊樂場 // 米米 Esther Lim・2018-03-29

今個復活節有意義過節日，鷺環海天Grand Coloane Resort為一家大細準備有多款好玩又有FUN的親子嘉年華活動、慈善義賣及玩具"反"斗城航拍比賽，更有獨一無二的復活節草坪野餐樂，大人與孩子在大自然的環抱下，享受戶外野餐樂趣和家庭海鮮早午餐及下午茶套餐等，又可將歡樂傳遍每個角落﹗ 當天只要帶同兒童書籍及玩具，來到鷺環海天，捐贈給澳門明愛Caritas Macau的福攸坊，即可獲一份禮物以表謝意。而收到的玩具轉交於明愛福攸坊出售，幫助社會上有需要之人士。 屆時澳門戒毒康復協會ARTM將會即場義賣自製的美味曲奇及鬆餅，義賣所籌得的善款將會全數撥捐支持ARTM之工作，讓復活節添上一份意義。 澳門愛護動物協會ANIMA亦會帶同一班可愛狗仔於4月1日到訪鷺環海天「玩轉復活節嘉年華」，與各位一同歡度有趣的復活節，同時為狗仔尋找合適的家，延續溫暖及愛心。 日期:1 April 2018 | 4月1日 時間:11:00am – 5:00pm | 上午11時至下午5時 更多詳情 https://goo.gl/HSgvdy 查詢電話: 8899 1020

【艸水木堂！台中裝逼聖地】

旅遊情報
Cleo's Travel Log 為旅死 為旅亡・2018-01-06

台中嘅審計新村，正如台南嘅藍晒圖文創園區一樣，都係由當地嘅老宿舍群活化，轉型成文創基地。陣陣復古味之餘，特色小店、手作、餐飲亦充斥整個園區，不難成為一眾文藝青年嘅私竇。 老闆直接將遊樂場嘅旋轉木馬搬入鋪頭，絕！ 今次介紹嘅「艸水木堂」，主打外賣飲品和輕食，店內不設堂食，但就放有幾隻旋轉木馬（少女心瞬間爆發），只要消費滿台幣 50 元，即可入場任影唔嬲。 旋轉木馬共有五隻兔仔和松鼠，店家更提供腳架和動物頭套，讓大家盡情裝逼到底。如此貼心嘅經商手法，難怪開業幾個月就成為 IG 熱門打卡點。 狐狸、兔仔、馬等造型頭套免費試戴，而且每次使用後店員都會消毒，絕對戴得安心。 講到明裝逼聖地，店內貼心為你準備好腳架，就算毒撚一個，也很開心。 店內賣的，只有 Panini、漢堡包和冰沙等幾款食物，小女到訪時正值暑假，就柯打咗一杯夏季限定嘅「Zoo 水果冰沙」，揀咗菠蘿和覆盆莓果兩種配料，入口酸酸甜甜又冰凍，認真透心涼！ 菠蘿和覆盆莓果皆為新鮮果肉。 艸水木堂 地址：台中市西區民生路 364 號 電話：+886 4 2301 9569 網頁：https://www.facebook.com/grass364/ 更多旅遊推介：為旅死 為旅亡

【你無睇錯！這是一間真・藥局】

小城角落
Cleo's Travel Log 為旅死 為旅亡・2017-12-05

雖然小妹曾經喺台灣讀書，但對台中嘅景點仍然停留喺逢甲夜市、高美濕地、彩虹眷村等，去兩次其實已經夠晒皮，所以等上機之時就先向 Instagram 取經，就發現呢間潮味十足嘅「分子藥局（Molecure Pharmacy）」。 打開 Instagram 睇睇，已經知道店內有極多打卡位。 分子藥局令我對藥局嘅刻板印象180度改觀，挑高空間加上兩旁嘅鵝卵石牆，配搭正中央嘅古銅色旋轉樓梯，齋睇裝潢已知其品味超班。一樓主要販賣日常藥物及保健食品，甚至連來佬護膚品都有，場內亦有多位80、90後藥師駐店，將藥局嘅潮味直線提升；二樓則是個藝文空間，放有少量藝術作品。 重點是藥局亦提供手沖咖啡，咖啡走無菜單路線，可以直接同靚仔藥師傾訴咖啡品味，未飲都精神！ 分子藥局 Molecure Pharmacy 地址：台中市西屯區惠來路二段236-1號電話：+886 4 2251 5065網頁：https://www.facebook.com/pg/MolecureTAIWAN/about/?ref=page_internal

澳門保護遺棄動物協會搬新家

專題報導
文創遊樂場 // 米米 Esther Lim・2017-10-05

澳門保護遺棄動物協會簡稱AAPAM，於2004年10由一群志力推廣保護、尊重、拯救及愛惜動物的人士創辦，宗旨為對牠們不殺、不棄、善待動物，提倡動物亦有生存的權利及尊嚴。AAPAM搬新居所(沙梨頭)；搬家裝修都需大筆支出，AAPAM推出了面值澳門幣$250一張的慈善券（慈善券純粹用作捐款用途）希望各界人士能大力支持使AAPAM能渡過重大的難關。 購買慈善券地點如下，更多詳細可參考下列臉書： https://www.facebook.com/aapam.mo/posts/1549234788456127 聖路易寵物店 地址: 澳門沙嘉都喇賈罷麗街36A號合福大廈地下 電話: 28351853 犬貓舍 Loja de Animals de Estimação Caõ e Gato 地址: 澳門賈伯樂提督街33B號光輝大廈地下 電話: 28529212 寵物森林 Exotic Pet Jungle 地址: 澳門士多鳥拜斯大馬路32A, 32B號龍鷹大廈地下 電話: 28524524 Facebook : https://www.facebook.com/XPJungle 寵物俱樂部3間分店地址如下: 電話: 28813388 電話: 28527786 網頁: http://www.animals-club.com 電話: 28831399 Pet pet Group 5間分店地址如下: Pet Pet Group 氹仔 地址：氹仔埃武拉街441號 麗駿軒地下 電話：28555552 另可將捐款存入戶口： 澳門保護遺棄動物協會 (葡文)APAAM 永亨銀行銀行 A/C no. 313922-001 大西洋銀行 A/C no. 9004035591 # 捐贈者可把收據inbox他們的專業以便財務核對款項及日後公佈。 嗚謝慈善卷設計：Mr Jet Wu