搜羅本地生活最新資訊讓您貼近澳門的人事物
依家落街食個早餐都咁危險，半島仲有咩地方係安全，無意外真係多得媽祖保佑。
勞動節中的各人，當大家放假時，師奶依然無假放，而且無糧出，我都好想做貓啊。#半島師奶 #勞動節 #放假嘅放假 #返工嘅三工 #我依然無假放 #然後衰佬又發現唔到我
今日的大雨和水晶魚行動真係襯到十足十，可惜我唔記得去報名參加，希望下次可以去試下，如果可以帶埋多寶去就更好啦，然後臨時爆肚加戲比自己。
當一套鬼佬片連師奶都知道幾時上畫，你就會明白套片有幾猛；同時要一個已經睇咗的師奶忍口唔劇透，就知道未睇的朋友仔對劇透的怨恨有幾深。
昨天，是我的受難日。施欣施明又忘記了我的吩咐，我又要撿手尾⋯不過今日復活啦，大家都復活節快樂啊！
大家關注的東西不同，好難無代溝。不過有啲道理係真嘅：知否世事常變，變幻原是永恆。大概世上很多事情，都是珍惜當下，記得美好的，忘掉不好的，才能繼續活下去吧。
師奶睇戲唔怕套戲爛，而係最怕有人騷擾，或者有人擋住我，因為我生得比較小巧玲瓏，所以大家睇戲時最好留意下身後的觀眾，或者轉一轉個髮型，否則遇上我，我可能會忍唔住幫你剪頭髮。
估唔到多寶為咗訓露台可以咁醒目，自己學識開窗，唔知以後會唔會連水都識煲呢？可能貓真係外星人嚟。
今日心血來潮去睇黎鷹的畫展，點知見到黎生真人，仲可以拎埋簽名，真係好好彩，所以我返屋企之前立刻買多張六合彩。
師奶都和大家一樣，每年都燒很多錢給輕鬼；話曬燒咗咁多年，好快地，佢就要投胎啦！到時我哋就唔洗燒嘢俾佢，不過當佢誕生後，啲奶粉錢可能仲貴。
我最憎愚人節。衰佬夾埋個女呃我，差啲搞出人命，激死我！哥哥我好掛住你 ，起碼你唔會呃我。
呢排啲電視劇糖份真係好高，不過真係好爽好快樂㗎，我真係糖尿都甘心啊！
施叔一直有個問題放在心裡二十幾年，每到3月14日都好想問；不過這個問題其實不重要，施叔照做就照送就可以了。
以前我叫施欣「小心揸車」，係唔想佢粗心大意撞親途人；現在叫施欣「小心揸車」，係想佢專心啲、小心啲、唔好俾車撞。插畫刊登於《新生代》月刊 (NEW GEN. Monthly)
最近轉天氣加落雨，家中所有人類成員都病曬，要靠兩隻淋肉照顧，大家都要小心身體，唔好病啊！
半島師奶・2019-05-02