童年卡通大檢閱！25部那些年一起追的動畫
LifeMag Editor・2016-05-2780、90後的我們無疑是看卡通片成長的一群，記得以前細個讀書時，補習風氣不盛行，一放學就係返屋企開電視睇卡通片！甚麼閃電傳真機、放學ICU，其實我只係想睇佢前中後播的卡通片！以下小編嚴選20部伴著我們成長的卡通片，齊齊倒數回到童年時！ 百變小櫻Magic 咭（2000 TVB播放） 「百變小櫻魔法神奇誰可阻擋～」小櫻、基路仔齊齊冒險尋找「古羅咭」，都曾掀起過一片熱潮。不過小編到現在都唔明，點解小櫻會揀小狼而唔揀雪兔架？ 反斗小王子（1999 TVB播放） 「身為貴族，要悠悠閒，使乜咁緊張？」邪留丸雖然只係個五歲細路，但呢句口頭禪認真夠睿智，果然古代人係唔同啲？ 寵物小精靈（1998 TVB播放） 由電玩到卡通都大受歡迎的「十萬伏特發電廠」比卡超，可愛非常，更曾令我哋都想好似小智咁成為小精靈訓練員。但今年正式統一中文名叫《精靈寶可夢》，引發不少民眾不滿，咁又的確係好難接受嘅。 新世紀福音戰士（1998亞視播放） 已經摺咗嘅亞視，當年揀卡通片都幾有眼光。《新世紀福音戰士》被喻為動畫史上破格經典，當中的極具深層次意義，當時你我又點睇得明？大過咗睇返又有別一番領會。 櫻桃小丸子（1997 TVB播放） Bilibara Bilibarahellip;hellip; 既可愛又搞笑的小丸子討得不少人歡心，小丸子、爺爺、花倫同學等角色引發傻頭傻腦嘅爆笑事件深入民心，絕對是經典之作。 四驅兄弟（1997 TVB播放） 阿烈同豪仔兩兄弟嘅迷你四驅車故事，當年風靡一時，更掀起了一片四驅車熱潮，唔少人都去買返幾盒四驅車模型嚟玩，只可惜澳門當年冇乜四驅車賽道呢。 咕嚕咕嚕魔法陣（1996 TVB播放） 雖然播出時間唔長，卻是不少人至愛。雖然講述勇者仁傑同魔女歌莉嘅搞笑冒險故事，但最紅的人物竟然係滿腳腳毛跳早裙舞嘅吉他他老伯，仲出埋外傳漫畫添。 男兒當入樽（1995亞視播放） 亞視永恆經典，亦是日本動漫的經典，當年破格在黃金時段播動畫。湘北高校的熱血籃球夢令掀起一股籃球熱，櫻木花道、流川楓、三井壽等人物各有性格，型到讓女觀眾尖叫！ 蠟筆小新（1995亞視播放） 何Ｂ仔變大笨象，當年電視尺度冇咁保守，童真得嚟又低俗的小新，少少鹹、多多趣，深得唔少觀眾歡心。 飛天少女豬士丁（1995 TVB播放） 「愛心豬嘜，變身！」變身救世人的公式經常在卡通片出現，但變成一隻豬又真係幾破格，飛天少女寶妮由變身到招數名都超爆笑呢。 忍者亂太郎（1994 TVB播放） 由94年開播至今，不時都會在電視上見到，要說亂太郎、小丸、新丁這三個忍者學生陪伴著我們成長絕不為過，最令人印象深刻的，應該係新丁長長的鼻涕？ 美少女戰士（1994 TVB播放） 《美少女戰士》當年風靡一眾少女，小編當時都好希望好似月野兔咁可以出夜街去「替月行道」，遇到自己的禮服朦面俠。最恐佈的是，它影響力延續至今，化妝品、首飾等周邊商品越出越多，令到不少中女們荷包大出血。 亂馬12（1993亞視播放） 變男又得，變女又得，得咗！遇冷水變女、遇熱水變男的亂馬，這個設定現在睇落仍非常破格！而且多濕身露肉鏡頭，當年都被列為「PG家長指引」。 機動戰士（1992 TVB播放） GUNDAM，男人的浪漫。機動戰士出過好多輯，當中阿寶對白「人類總要犯同樣的錯」成為常用金句。除了是一代經典外，亦讓廣大男士沉迷於層出不窮的高達模型，由玩具出到電玩，男士們甘於掏腰包，至今熱潮不減。 聖闘士星矢（1990 TVB播放） 當年安排在深夜播出，又係另一掀起熱潮的熱血卡通，星矢、流星拳、黃金聖衣都係令人懷念的詞組，同樣出唔少玩具周邊商品。 魔神英雄傳（1990 TVB播放） 在不同年代出了好幾輯，細個果時覺得可以好似飛雲咁駕住「龍王號」去冒險又真係幾型，仲要提示埋「機會嚟喇，飛雲！」現實又點會咁易知道機會幾時嚟吖。 龍珠（1988 TVB播放） 「好強嘅氣呀！」卡通經典點少得龍珠，由七龍珠、到龍珠二世、龍珠GT，由地球打到外星再返回人間，斷斷續續做咗十幾年，龜波氣功是人所皆知，元氣蛋更儲足十幾集都未用得，諗落都幾拖戲。 足球小將（1985 TVB播放） 運動卡通的代表之一，角色罕有地用中文名，戴志偉、小志強、林源三等成為唔少足球員的夢想，而必殺技「衝力射球」依然不時被人用足球場上，不過又係射一次波射足幾集咁囉。 叮噹（1982 TVB播放） 雖然已經改名做《多啦A夢》，但我們還是習慣叫它做《叮噹》。打破時代隔膜，由1982年一直播到今時今日，算是個永恆經典。 IQ博士（1982 TVB播放） 睇到呢度仍然有共鳴嘅朋友睇怕都有返咁上下年紀。「小雲同小吉好重要～」經典卡通又點少得呢套，即使已經唔記得內容講乜，都係依然識得唱梅姐主唱嘅主題曲。 幪面超人Black 及 幪面超人Black RX（1990／1991 亞視播放） 呢套當時食飯時間播，我們其中一位小編當時係日日準時電視撈飯架！我相信70及80後的男士們應該好有回憶，因為當時90年化的亞視，係同TVB平分秋色的年代，除左卡通片，當時仲有再見艷陽天、我和殭屍有個約會、尋找他鄉的故事呢D為人熟識的近代作品。 幪面超人的首播日期為1990年7月2日至10月，當時的節目名稱為《幪面超人1990》，播放時間最初是於逢星期一至五晚上八時，約半小時，及後改為不固定。及後亞視在1991年7月1日至8月1日首播《假面騎士BLACK RX》並緊接在1991年8月2日至9月6日重播《假面騎士BLACK》，為首次及唯一一次重播，亞視當時將兩劇合稱《幪面超人1991》 麵包超人（1991 亞視播放） 呢套當時也是亞視的出名外購動畫之一，適合小朋友睇的，時至今日仍然有很多大朋友小朋友Fans架！ 魔劍美神（19961998 亞視播放） 又一套經典動漫，同樣都係於亞視播放，90後可能都冇乜印象，呢套都係D攪笑動漫黎架！ 恐龍戰隊（1994 TVB播放） 男仔至愛既四大卡通片之一，除非高達、龍珠、超人，就應該係呢度五隻色既戰隊，完場前仲一定會出現合體大機械人添！論卡通片佢一定係贏在乜都有D，集幪面超人、咸蛋超人、變型金剛於一身既元素，都有一大班棒場客架！ 三眼小子（19901991 TVB播放） 呢套三眼小子都算係經典架，應該好多80'後都睇過，但可能都冇太大印象，因為這部動畫只有48集，絕沒有像火影、海賊王咁樣咁多。港版主題曲仲要係李克勤唱架！係咪好想回味一下呢？？ 懷舊卡通又點止咁少，唔知您心目中又有邊部呢？歡迎大家一齊分享回味。
蘇蘇・2015-07-18
熊神進・2024-06-24
Ar B (阿比)・2016-02-28
小燕品味・2026-02-24
澳門生活圈・2019-03-20
80後愛旅行✈️・2018-06-23
活該快樂 // Carmen Lo・2017-11-09
文創遊樂場 // 米米 Esther Lim・2022-10-02
明珠・2021-07-20
半島師奶・2020-09-06