戀愛系：暗戀人就請多出現！睇慣咗就變靚？
愛情婚嫁
StanSteve・2017-08-15
成日話，「一個大話講一百次就會當真」；原來一個人睇一百次一樣會變成順眼！好多人話your face, your fate；好多時第一眼相就會定情，因為對方「順眼」，不過自問唔係靚仔靚仔，注定無乜機會一見鍾情，但係又係咪代表唔會有人愛上自己個樣呢？原來呢個世界，真係有人睇得多就變順眼！ 根據著名心理學家Zajonc所提出嘅研究證實，人類係會對越熟悉嘅事物及人就越有好感。呢個被稱為「多睇效應」，Zajonc搵嚟一班測試對象，並向佢哋展示幾十張唔同人嘅個人照片，再問佢哋對相中人嘅觀感，結果發現，出現咗幾十次嘅照片，明顯得分比出現過一、兩次嘅照片高。研究結果亦同大家平日生活肳合，之所以點解一啲比較內向、唔想接觸人嘅朋友，好難得到其他人嘅好感；反而樂於向人展露自己嘅人，就算其貌不揚一樣唔會有太差嘅感覺。 所以Zajonc話如果真係暗戀一個人，真係要多搵機會出現，哪怕唔交談、只係喺對方面前行過都好，只要等對方多啲見到你，就有機會產生呢個「多眼效應」。而Zajonc仲話「多睇效應」唔單單用於愛情上，連辦公室嘅人際交往一樣得，多啲出現喺老闆面前，或者下次升職加薪有你份架！ 以上文章及圖片均轉載自網路，所有版權歸原作者所有 原文地址：https://hk.style.yahoo.com/
非常大學生・2019-02-12
澳門生活圈・2018-11-22