澳城生活
馬場北火災又係煙頭惹的禍
生活在我城
合資格90後・2016-12-29早兩日發生喺馬場北大馬路嘅火災，令唔少居民談起仲心有餘悸，正當司警當日聲稱經已排除人為惡意可能，昨晚28日再度宣佈已經拘捕一名男子，經調查後發現呢位男子喺事發晚現場小解完，隨手將煙頭掉到地上，結果十分鐘後觸及附近雜物，加上當晚又大風又dry，結果一發不可收拾。 鋪天蓋地嘅內容就唔多講啦，我更關心一眾「苦主」點算？雖然係無心之失所致，但刑事同民事責任肯定走唔甩，萬一苦主們追討賠償又應該遵從邊個方向？根據估算，光是四家被波及店鋪補修費就高達1百50萬，如果再加上車主、停車場外圍、住戶、學校損失，睇怕數字遠超估算數字。有人問，鬼叫啲車亂泊，燒咗賴邊個？請搞清楚一件事，人家違泊唔代表你有權去損毀，如果被車主發現一樣可以報官拉人，至於發生今次火災係無妄之災，終究要睇個官點判。 點都好啦，所幸今次事件中無造成重大人命傷亡，其實偶爾還是會見到煙友隨地丟煙頭，能減少吸煙固然係好事，但亦唔係你我能夠控制嘅事，唯有下次見到地上有未熄滅嘅煙頭，當行善踩熄佢囉﹗ ※圖片來源：網絡圖片
bacalhau・2018-06-12
LifeMag Editor・2016-10-12
食在澳門iFood・2021-10-13