澳城生活

焦點文章

【浪漫過七夕特備節目】新濠大師班系列：法饌烹飪班及美饌體驗

生活在我城
Cheers!・2023-08-03

七夕就到喇～仲諗緊同另一半去邊到浪漫大餐？今次不如自己動動雙手，跟獲獎無數嘅法國總廚拜師學藝，炮製精緻嘅法式大餐，仲可以學到總廚嘅絕門秘方，絕對係難忘又特別嘅體驗！ 新濠大師班系列：法饌烹飪班及美饌體驗 新濠天地推出「新濠大師班系列：法饌烹飪班及美饌體驗」，特別邀請風雅廚總廚 Michel Kristensen 親自教大家製作三道菜嘅精緻晚餐，菜式非常豐富，包括波士頓龍蝦、和牛側腹扒及香草浮島甜品。 參加者將有機會喺風雅廚嘅專業廚房學習烹飪，體驗精緻餐飲的運作模式，將學到專業技巧套用到以後日常嘅烹飪上！ 三道菜嘅精緻晚餐 波士頓龍蝦 和牛側腹扒 香草浮島甜品 學成之後，仲可以喺風雅廚悠雅地享用晚餐，同另一半共度浪漫時光！主廚更會特別烹調三道法饌給參加者在風雅廚細意品嚐！ 新濠大師班系列：法饌烹飪班及美饌體驗 日期：2023年8月19日 時間：下午3時至6時（烹飪班）；晚餐於6時後開始 價格：每位澳門幣 709 名額：只限12 人 位置：風雅廚，新濠天地摩珀斯3樓，北區 報名: (853) 8868 3436 「新濠風尚」專屬優惠：會員可獲贈無酒精雞尾酒一杯。 呢個活動係「新濠風尚」會員限定，快啲注冊成為「新濠風尚」微信會員喇 ～ *需年滿18歲或以上方可注册成為會員

最新文章

Mama is WITH YOU

生活在我城
覺醒媽 Awakening Motherhood・2018-04-26

有時我個仔被嚇親或者扭眼瞓，就會喊得好犀利。呢個時候我最強嘅武器，就係隊個乳頭比佢啜住去安撫佢。但今晚，我隊個奶出嚟都唔夠用，阿仔嚇到個頭亂咁隊，連乳頭都搵唔到，淨係閤埋眼係咁喊，咁點呢？絕招都失效⋯⋯ 我抱住佢，望住佢喊，調一調整自己個狀態「噯～噯～噯～媽咪喺度，媽咪喺度。知道喇知道喇，媽咪知道你唔舒服。Mami is HERE...」好神奇地，仔好快就收咗聲重要秒睡。 其實呢個靈感來源係尋日睇咗條片喺非洲有個Safari guide對住隻衝緊過嚟嘅大象好冷靜咁企咗喺度，然後隻大象就衝衝下停咗喺度，冷靜咗！ 新手父母好多時一見到BB喊就會成個人魂飛魄散，「點算呢點算呢」然後「騰」住咁想搵方法塞住BB把口。有時用奶嘴塞住work係因為奶嘴可以安撫到佢。其實，BB係需要你嘅臨在，需要你安撫、保護。我哋嘅臨在，讓佢感覺安全。 「媽媽現在，在這裡，陪住你。」 「唔要奶嘴呀～Wheeee～～～」

【本土情懷滿瀉】澳門康公夜市 $200食、玩、買攻略

專題報導
Cheers!・2018-04-25

澳門首個流動型夜市「康公夜市」位於距離新馬路不遠的十月初五日街，是澳門傳統的老街，聚集了不少平民的店鋪及食肆，本土味甚濃。夜市自2017年4月開辦以來好評不斷，人流駱驛不絕，更成為本地居民及旅客周末好去處！康公夜市匯聚了各地美食、遊戲及文創攤位等，為了保持新鮮感更會定期更換不同的檔攤，保證每次來都有驚喜。今次小編就同大家分享如何利用 $200在康公夜市食！玩！買！ 食！超Fresh！環球美食即叫即煮 康公夜市規模不大，60多個攤位當中以美食攤位為數最多，提供本地、台灣、日本、韓國、泰國、印度等等特色美食；而全場焦點就是大排長龍的炭火燒烤檔，有多款燒物如龍蝦、蠔、蟶子及肉類串燒可供選擇，即叫即燒，香味傳遍整個夜市！ $60炭烤蒜蓉龍蝦（半邊）蒜香味撲鼻，難怪大排長龍。 身為章魚小丸子忠粉的小編，每次到夜市定必幫襯這檔章魚小丸子，同樣亦是即叫即製，新鮮熱辣辣的章魚小丸子外脆內軟，連同醬汁一齊食簡直一絕！ $20/ 7粒章魚小丸子，賣相同口感一流，是小編每次到夜市必食之選。 康公夜市內更有不少懷舊及傳統小食檔攤，如麥芽糖夾餅、甜酸蘿蔔、冰凍啫喱蛋、手製叮叮薑糖等，仲可以購買傳統涼果（俗稱「口立濕」）返屋企慢慢嘆，想回憶舊時味道的你不可錯過！ $5麥芽糖夾餅令小編回想起讀書時代與同學們光顧街邊檔麥芽糖伯伯的美好時光。 食到熱辣辣當然要食冰消消暑！這攤檔的椰香芒芒牛奶冰，濃濃的牛奶冰冰綿細滑，上面鋪滿鮮甜的芒果、西米，再淋上椰奶，令人忍不住一口接一口食下去！當然，夜市還有老字號的中國國貨有限公司及華聯茶莊的特色飲品可供選擇。 $32的椰香芒芒牛奶冰份量十足，消暑一流。 $9.9的健康乳酸菌橙汁，無色素，無甜味劑，可以促進腸道消化，再食多幾round都得。 玩！超Lucky！懷舊撈金魚及多個小遊戲攤位任你玩 除了多款美食外，康公夜市亦設置不同的小遊戲攤位，十分受小朋友歡迎，一家大小食飽飽不妨玩遊戲消化一下。而小編就一嘗撈金魚的樂趣，亦成功撈了一條小金魚帶回家。 $20/6次撈金魚機會，小編十分lucky撈了一條小金魚。 買！超有Heart！本土原創禮品店 澳門近年文創風盛行，除了購買特色小食作為手信外，更可選擇一些充滿本土色彩的小禮品。位於夜市裡有一間以葡紋磚藍白色為主調的原創禮品店「O-Moon」，主要售賣自家設計的精品，並將澳門的地標及元素如葡式石仔路、葡磚及一些博彩相關的東西融入禮品當中；而且禮品種類繁多，除了大熱的手信如鎖匙扣、磁石筆、筆記簿外，更售賣螢幕擦拭貼、雨傘、手袋、飾物、陶瓷杯、充電器等實用小物。 $40的葡紋磚螢幕擦拭貼一式四款，自用送禮皆宜。 $18的日本和紙膠帶採用葡式設計，色彩鮮艷，更可反覆粘貼。 小編後話採訪當日店主及街訪們的熱情令小編印象深刻，這條小小的街道充分體現出澳門本土的濃濃人情味，希望夜市能持續發展下去，活化舊街道，重現往日熱鬧景象，讓更多人了解澳門老區情懷。 康公夜市第五期 日期 : 2018年4月14日至7月8日（逢週六、日） 時間 : 18:00 - 22:00 地點 : 十月初五日街

精彩著數禮遇兩週年x「品嘗」電影

生活在我城
文創遊樂場 // 米米 Esther Lim・2018-04-25

「氹仔舊城區 – 地道澳門」生活文化品牌成立兩週年，為與眾同樂氹仔城區有限公司與氹仔舊城區商戶，特別為身份證明文件上有數字"2"的朋友, 可於氹仔舊城區指定商戶享買2送1優惠送出多種精彩禮遇。 其他著數優惠及活動詳情見 : http://t.cn/RuGV9pW 另早前氹仔舊城區更舉辦澳門著名導演貝馬善 (Maxim Bessmertny) 之首次個人展覽「品嘗」。除放映貝馬善2015年柯達奬學金計劃 “最佳短片金獎” 的短片《三輪車伕》，也有馬其他佳作，《鸚鵡之死》、《巨債》及《三舨》，還會展出他的電影海報。 (Maxim Bessmertny在開幕禮致詞) 有時間不妨到氹仔舊城區逛逛，舒緩一下。

肉色出行

生活在我城
半島師奶・2018-04-23

巴士加價了，不過無阻用澳門通坐車的我。不過路上還是照舊塞車，行路還是比坐車快，所以我依然會少些「綠色出行」，繼續用雙腳「肉色出行」。

2018春季蘭花展之林境幽蘭

生活在我城
文創遊樂場 // 米米 Esther Lim・2018-04-23

由民政總署主辦的“林境幽蘭－2018春季蘭花展”，在盧廉若公園舉行至5月6日在盧廉若公園舉行。 春季蘭花展場在4月28及29日下午2:30至5:30分，還安排駐場解說員講解蘭花栽培和觀賞心得，並且蘭花印染工作坊及蘭花黏土工作坊，大家可現場報名參與。 展覽主題為“林境幽蘭”，以林境下的幽靜蘭花作為佈置主線，並利用噴霧、燈飾、投影等多種設備，結合不同品種的蘭花，包括蝴蝶蘭、石斛蘭、卡特蘭、兜蘭、文心蘭等，大家也到盧廉若公園(盧九花園) 欣賞的蘭花美景。

美侖美奐聖老楞佐堂

生活在我城
文創遊樂場 // 米米 Esther Lim・2018-04-20

筆者以往在聖老楞佐堂S. Lawrence Church附近上學，聖老楞佐堂是澳門最古老的三座教堂之一，由天主教澳門教區管理; 教堂位於風順堂街，澳門慈幼中學的正對面。 筆者舊地重遊，教堂依然建築美侖美奐，而且周圍綠樹環繞，清幽怡人。 平日彌撒：07:30 (中)/主日彌撒：07:30，9:00 (中) 電話：28573760

經歷過懷孕與生產，還可以不相信有靈魂嗎？之二

生活在我城
覺醒媽 Awakening Motherhood・2018-04-20

關於寶寶的性格，懷過孕的媽媽應該已經感受過，寶寶在我們肚裏面已經有自己的偏好。例如我們讓胎兒聽特定的音樂時「哎吔佢鍾意聽呢首」。爸爸和肚裏的寶寶傾計，寶寶會突然靜下來或動起來等等，還未計我們懷孕期間對食物的喜好的突然轉變。 《媽媽，我是為了你而來》這本書是由日本一位婦產科醫師所寫，在她接生和跟進過無數個生命之後發現，這些小生命早在胎兒時期已經有在母親肚子裏的記憶，甚至更早。但這些記憶通常在他們六歲之後就會消失。小孩子比成人是處於較慢的腦波，我們進行童年回溯甚至前世回溯就是會讓客人放鬆，讓大腦進入較慢的波段去進行催眠。 六歲前的小孩不用催眠已經處於這個波段，所以要做的就是讓他們輕輕鬆鬆地引導他們講一下「為什麼來媽媽身邊？」、「來之前在哪裡？」諸如此類問題。 書中很多答案都讓我很感動的。有的寶寶話在媽媽肚裏面一直為媽媽清掃，我震驚了一下。我懷孕時絕不能吃加工製品，一碰到就會孕吐，我當時對食物偏好都很有指標性的。還有我懷孕時對能量非常敏感，在場有人情緒不好或身體有問題，我望一眼也會孕吐。我相信寶寶在透過孕吐為我清掃一些積存的毒素，以及讓我避開那些頻率較低的環境。 寶寶還會記得自己怎樣出世，例如催生或剖腹產的寶寶會生氣「我還未準備好！」哎喲很可愛！這本書的答案很多都很可愛很感動，都是寶寶最純粹直接，來自靈魂充滿愛的答案。 而我的寶寶，還未開口說話，但當我聽到寶寶一出生那個哭聲，我已經聽到，一個溫柔的小靈魂經由我到達地球了。

經歷過懷孕與生產，還可以不相信有靈魂嗎？之一

生活在我城
覺醒媽 Awakening Motherhood・2018-04-19

到現在，我仍然覺得生仔這件事是很神奇的，仍然「唔知呢件事係點發生」。 每當我提起，我老公就會同我講精卵結合然後開始同我講生物學然後話呢件事好科學。問題係，寶寶的意識，在什麼時候出現？你所認識的寶寶的記憶，什麼時候開始建立的？我們所認識的我們的仔女的性格，真的是全由我們塑造出來的嗎？他們來的時候有其本身的性格嗎？ 關於這兩個問題，這兩本書適時出現在我的生命裡面：《小靈魂與地球》《媽媽，我是為了你而來的》 《小靈魂與地球》在我剛開始「計劃」懷孕的時候，來到我手裡。這個「懷孕計劃」為期沒有很久，兩個月之後，我就和那兩條線相會。這本書是《與神對話》的童書版，故事講述小靈魂為什麼決定來地球以及來地球的目的是什麼。那時我只是剛決定要生BB，我一邊讀這本書，已經一邊被感動得淚流滿面。 這本書適合準媽媽和小朋友讀之外，還適合湊仔湊到懷疑人生的各位。記得除了你們抱在手裡的小靈魂之外，我們也曾經是小靈魂。 記得我們這次旅程的決志和目的。 下次講下《媽媽，我是為了你而來的》。 （圖片來源：《小靈魂與地球》）

狗年說狗(2)

生活在我城
文創遊樂場 // 米米 Esther Lim・2018-04-19

流浪狗和貓的故事，在世界每角落也說不完…澳門有一群幫助流浪狗的獨立義工，由已照顧幾年至十多年的義工們組成，靠單薄的能力幫助無助的大小動物，照顧、領養和醫療有病的的貓狗，每人用有限的能力，幫助浪浪牠們繼續生存下去。 下列有一批狗狗待養，收養是一輩子的事，請三思…最可憐是牠們被養一陣子，被遺棄和傷害; 人在做，天在看… 同一胎5月個大(上圖:男仔，下圖:女仔)未絕育。 黃白色10月個大，黃色1歲半。 兩小狗2個月大，照顧牠們的義工也無奈，因捉不到狗媽做絕育，看住牠們的出生，希望有心人可inbox互動 wechat : chio66801614，安排牠們和有心人見面和互動，感謝各位善心人。

陪月辛酸。血。淚。屎@懶惰媽媽 2

人物專訪
陪月辛酸。血。淚。屎・2018-04-19

陪月辛酸。血。淚。屎@懶惰媽媽 2 第2日。我去到放低餸，換衫去睇下媽媽先。(我今日醒左，帶多左幾件衫同口罩，成盒手套) 房，臭味仲有但明顯少左。 我問媽媽：點吖，尋日沖完涼洗左頭，尋晚有無好瞓左吖？ 媽媽：我發現我啲皮膚1塊塊甩出嚟! 我：邊到吖？ 等我睇睇？ 媽媽打開件衫，指住個胸：個Lin頭，係咁流奶，我諗住瞓平應該5會再出，點知瞓醒成身都係咁甩皮。 我1睇，真係無眼睇。個啲1塊塊，係乾左既母乳嚟! 因為媽媽打平瞓，啲母乳流出嚟佢無用乳墊 (直頭無帶胸圍)流到個胸周圍都有，乾晒又甩甩地咁。。。 我：你5餵人奶，要用個緊身啲既胸圍，戴幾日，就會自然收奶。同埋我會煲啲回奶湯你飲。(我1講完就知自己講錯說話) 媽媽：好囉~又可以幾日先沖1次涼。 我：其實你張床褥係未應該換左去呢，太多惡露過晒底。會有好多菌。 媽媽：都要架喇，平時我啲M成日都過底。 我：半夜起身換下，或者M到時墊條大毛巾係床單面。 媽媽：條姨媽巾都未滿，我5會換住。我等到滿晒先換架。 我 我：5好吖，會好易發炎發臭架。 媽媽：我媽教我既，佢話5洗成日換架! (果然好家教!) 我：5好吖，有事個時就收尾長喇。 我：你起身先，我今日再幫你沖涼洗頭，係呢幾日架咋，過埋12朝，你自己做架喇。 媽媽1手掀起張被，我見到1包野，好臭，好似屎咁臭。 我：個包咩嚟架？ 咁臭既？ 媽媽：我見工人姐姐今朝5得閒扶我去廁所，所以我係床度屙左紙紙落片片到，包好左無流出嚟架! 我 我5記得左講，呢位媽媽懶到要工人姐姐比便盤佢在床上大小，晚上仲會用成人片片架。 我嚇到行屍走肉咁叫媽媽入廁所，再叫姐姐連床褥同枕頭都推出垃圾房掉埋。張床褥係黑色架! 我幫媽媽洗頭個時，見到好多血漬，我問：你搲損左個頭？ 媽媽：5係吖，可能係啲M血，個垃圾桶係我床頭柜入面。(呢1刻，我好有衝動掉埋張床!) 今日好啲，洗頭吹乾用左15分鐘。 再用熱敷搞埋2邊胸，又半個鐘。 肚皮傷口仍然無被波及。 重頭戲又來了! ! 媽媽話今朝屙過紙。。。前面毛毛痴實晒啲血後面毛毛痴實晒啲💩 我無眼睇，叫佢自己用手捽下佢每捽一下就聞一下 我：污糟吖，5好聞喇。 媽媽：我想聞下惡露既味道。你地個個話臭，我又5係好覺得喎。 我心諗：梗係喇，你身體構造咁特別。堂堂1個大學畢業生，可以咁無common sense! 我：今日5好坐落盤薑水到喇，你用毛巾慢慢洗。 話口未完，又1個屎忽坐左落盤薑水到。 我無眼睇，叫媽媽沖好涼抹乾身。我怕左佢，叫左工人姐姐入去幫手。 我換衫煲落湯同整好飯後，再換件衫，睇下阿B。我見阿B條片滿晒屎尿。 於是問工人姐姐阿B幾點前換過 婆婆搭口：上餐食奶到依家 我睇睇記事簿。。。上餐奶？3個鐘頭前？我打開片片1睇，阿B個屁股，袋底，大脾罅滿晒紙紙，已醃到傷左。 我問婆婆：點解5叫工人姐姐密啲幫阿B換片吖？ 婆婆：條片都未滿晒，5好嘥野嘛。( 2母女既 model answer，真係好家教) 我：婆婆，真係5好吖! 阿B感覺到片片滿會喊會5舒服之外，啲尿液都會倒流返入腎臟，到時為左慳個2，3蚊，搞到阿B有事就5好喇! 婆婆：咩原來會咁架，我真係5識。好在請到你咋。我女大學又5係讀呢科，所以佢都5係好識教我。 我嘔晒血，心諗，如果換條片都要讀大學，我做得教授喇! 真陰功，阿B邊沖涼邊大喊，我唯有用厚抹花屎令呢個方法，等傷口無咁痛同快啲好，順便教埋工人姐姐同婆婆。 開午飯比媽媽同婆婆食後，我問準先生，同工人姐姐2個拿拿聲去樓下商場間海X，是旦求其買張床褥加枕頭返上去，比媽媽瞓住先。 工人姐姐問我：姨姨，我可5可以都買張新架，我個張。。。係太太以前瞓過架。。。 我立即明晒，我：買，買完張單先生5比錢，我比! (我見特價$179先咁大聲答) 上篇：陪月辛酸。血。淚。屎@懶惰媽媽 1 原文：「陪月辛酸。血。淚。屎」Facebook專頁 （文章得作者授權轉載）

陪月辛酸。血。淚。屎@懶惰媽媽 1

人物專訪
陪月辛酸。血。淚。屎・2018-04-19

陪月辛酸。血。淚。屎@懶惰媽媽 1 呢位媽媽有工人有阿媽 佢媽媽又幫佢請左我做陪月 第1日我去到，新手婆婆：你幫下口叫下阿女去沖涼，佢個身臭架! 我：好，我入房睇睇媽媽先。 我叩門推入房，哇! 臭到呢! 屎味加臭味傳晒入我的鼻，想嘔 我：新手媽媽，你好吖，我係陪月姨姨，今日第1日返工架! 新手媽媽：我開刀生，我怕痛5想落床! 我：咁你都要去廁所架？個時順便去沖個涼洗下頭，出到嚟我立即幫你吹頭，5怕會入風。 新手媽媽：我都無落過床，工人姐姐幫我抹左2次身（生完第6日，返左屋企2日) ，阿媽會幫我換衛生巾。 我反晒白眼，吸1大啖氣，手揸緊拳頭：其實咁樣對你傷口有影響架，好易有細菌。阿B食奶個時好易接觸到，佢咁細個，發燒可以好嚴重架! 新手媽媽：我都無餵人奶，阿媽幫我餵奶粉。我生完好攰，咩都5想做。 我：咁我嚟左幫手，可以扶你去到廁所，行多步，個傷口都會復原得快啲。 新手媽媽：好喇，等陣我急，你陪我去喇。 我返出去整餸煲湯煲薑水，幫阿B沖涼時，發現阿B污糟多老泥，啲頭泥又無整理，1舊1舊咁。 我問新手婆婆：點解阿B咁多老泥既，頭泥又5清理甩左出嚟個啲。 新手婆婆：BB返嚟都無沖過涼，我5記得左點沖喇。同埋我地1家都習慣左3幾日先沖1次涼。 我擘大個口得個窿，心諗，等陣到個阿媽，我屎梗。 好在我袋長期有手套同口罩。 近11點，屎神終於來召喚! 新手媽媽話要去廁所加沖涼，叫我陪1次，話月尾會加返啲人工比我。我心諗我5想要呢啲多餘錢。 入房，我打個窗簾打開窗戶，個景好靚，有河境。 新手媽媽掀開張厚被，我被個情況嚇得退後2步。床單好多血漬加屎漬，加上惡露既味道，我戴住雙重口罩聞到都想嘔! 新手媽媽條睡褲，深深淺淺既血漬，如果佢5郁，我諗我估佢應該係被人殺死左架喇! 我先扶新手媽媽入廁所，叫佢坐定定除左衫褲先。 跟手我叫工人姐姐掉晒啲被同床單，實在太多血了。新手婆婆見狀，就話：我呢個女，真係由細到大都污糟邋遢，哎呀! 真係失禮屎人! （都係你教得好啫，3幾日先沖1次涼！) 我攞埋薑水返入廁所，由頭幫佢洗落腳! 頭髮已經1餅野咁，慢慢梳慢慢洗再吹乾用左45分鐘! 個胸又漲又硬，乳頭啲乳線已有堆奶乾左硬晒咁，塞實晒啲乳線。 我用熱敷清左啲污糟物先，再幫按摩舒緩，用手揸左啲奶出嚟。2邊胸夾埋搞左1個鐘。（我已身水身汗) 肚皮傷口既膠紙，好好彩係冇被波及，我再貼上1大塊防水膠布，幫佢沖身。 重頭戲終於來到，洗下身! 我叫佢自己用花灑洗下，起碼洗左啲痴住係毛毛啲血塊先喇！ 但佢竟然。。。成個屎忽坐落盤薑水到! 佢痛那到叫晒救命，我唯有不停幫佢沖凍水。成盤薑水變成臭血水! 佢個屎忽同妹妹中間條罅，夾住好多臭既血塊，不停沖水都仲有。 最後，我叫佢自己用梘液捽下雙腳。比我見到佢啲腳趾甲係黃晒翻晒出嚟，1問之下，原來佢大肚10個月以來無剪過！ 心入面講左過萬句粗口。有無人頂得順呢啲女人? 原來係有架！ 新手爸爸仲係幾好樣同乾乾淨淨架！ 下篇：陪月辛酸。血。淚。屎@懶惰媽媽 2 原文：「陪月辛酸。血。淚。屎」Facebook專頁 （文章得作者授權轉載）

轉數大考驗！農夫快問快答

專題報導
Cheers!・2018-04-17

小編準備咗一個快問快答環節，企圖挑機農夫嘅轉數，點知...

熱門文章

  1. 【澳門美食速遞】用心製作，健康精緻蛋糕！森夢工坊 Sam’s Workshop
  2. 【馬交慳多拿 baby】 澳門抵食自助餐特輯 - 24.3.2023
  3. 想緊貼潮流？成為 Home Media 娛樂服務客戶就可以隨時追蹤最新娛樂 - 9 月最新好戲推介
  4. 【澳門美食】新濠天地必食推介：米芝蓮星級及精緻中餐廳合集
  5. 【澳門美食】糅合上海、江蘇和浙江地區的特色菜— 澳門威尼斯人醉江南

熱門關鍵字

青BB 紀錄日本海歸青BB的生活、旅遊及覓食好玩趣事......
覺醒媽 Awakening Motherhood 隨著覺醒的步伐，我們成為了母親，和孩子一起，來到地球學習愛。
Cheers! 積極搜羅最新吃喝玩樂資訊！
Andrina 【分享生活☀︎飲食專員☀︎無時停】
環球旅人 // BJM 環球旅行家｜旅遊作家｜旅遊資訊網站總編輯｜旅遊節目主持