文章列表

手掌咁大隻鮑魚比你食！日本三重縣 - 海女小屋體驗

專題報導
Andrina・2018-06-22

唔知大家有無睇過日劇海女呢？ 她們不用任何任何潛水工具徒水手潛入海底捕獲海螺、鮑魚、海膽的漁女。而海女小屋是海女休息的地方，同時也歡迎客人來這裡一起喝茶、會話、吃海鮮。今次有機會到日本三重縣旅行，除了放鬆身心之外，最緊要的是到海女小屋找海女，食海鮮！！！！ 由於三重縣是鄉村地方，而且我們不是自駕遊關係，故到海女小屋的方法是坐公車！ 終於到達海女小屋了，我們特地選了午後2時的海鮮套餐，價錢較便宜之餘，客人都比較少，像當日只有我們一枱客人。海鮮套餐包括主角鮑魚，海螺，扇貝，鮮魚及魚干，另外仲有釜飯及味噌湯，份量十足！ 海鮮套餐的海鮮都是每日海女捕獲回來，而且全用碳烤，不會加任何調味，讓你嚐盡鮮咸味（有需要都可以配7味粉或沙律醬）。 via GIPHY 一路食仲可以一路同海女交談，了解她們的工作及日常生活，而且佢仲好nice呀！！！ 食飽飽仲有個小小資料館可參觀，更加了解海女生活。 如果想去的話，記得先行預約呀！ 海女小屋體驗https://satoumian.com/

【香港食記】 灣仔招積茶記 - 旺記冰室

走遍世界
Andrina・2018-04-10

上次去完淺水灣，今次返返入市區食吓香港茶記先！ 講起香港茶記可能大家一定會去食華星、澳牛等等老地方；但其實新力軍嘅質量都唔輸蝕㗎，好似我呢日去咗灣仔開咗唔係好耐嘅「旺記冰室」，主打用日本雞蛋加4.3牛奶嘅滑蛋，而且入面只有中、午、下午茶套餐選擇，但係都吸引人排長龍食！！ 由於我11點去到，只可選擇早餐，未有機會試到佢最出名嘅滑蛋叉燒飯！ 招牌沙爹雞湯公仔麵配 鮮牛油多士及4.3牛奶日本滑蛋 沙爹雞湯公仔麵出乎意料好食呀！可能係用雞湯關係，唔似平時茶記一係淡過水、一係咸過龍，再加埋沙爹汁一齊食超好味！！！真心好少食到有內涵嘅公仔麵，所以推介！！！ 另外日本滑蛋呈半熟狀態，蛋香味十足，口感嫩滑！！！ 唔止呀，佢哋仲有旺記烘麥包三文治四重奏，勁足料！！ 午餐肉x雞蛋x花生醬x生菜 賣相好之餘，4樣食物都夾得到wo，不過午餐肉凍咗無咁好食!!! 後記：食早餐期間，廚房爆大聲播住90年代嘅廣東歌，軟硬、Beyond、王傑、彭玲統統都有，見到侍應有時都會不自覺唱埋一份，搞到我一路食一路唱，港味十足！！！ 餐廳：旺記冰室 Mon Kee Cafe電話：2528 2927地址：灣仔謝斐道142號建利大廈地舖 ------------------------------------------------------------------ 更多香港食記 高汁Hea點！香港淺水灣Limewood～ 深夜放毒～～～有性格嘅日式串燒店『肥後屋Fei4Hau6Uk1』！

【香港食記】高汁Hea點！香港淺水灣Limewood～

專題報導
Andrina・2018-03-26

​最近有點懶無更新Blog仔，要寫多一點正野先得！ 話說上星期同我先生去咗兩日香港，嚟個Little Getaway，主力要Hea Hea Relax吓同埋當然唔少得食好西啦！！！ 一落船我哋就由中環搭巴士入淺水灣，約半小時就到好方便。淺水灣係香港最靚嘅海灘，加上當日陽光燦爛，一落車我心情就爆興奮！！ 除咗去海灘外，我當然另有目的啦～嘻嘻，就係去充滿加勒比海風情嘅Limewood啦！ Limewood餐廳對住海灘，環境超優美，而且裝潢超有情調，真係好似去咗渡假一樣。 至於食物方面走Fusion路線，有東南亞、南美、夏威夷同加勒比海風味任你選擇。價錢方面，由於淺水灣係高尚住宅區，價錢有點少貴，不過淨係食物水準同環境都值得去啦！ Limewood Guacamole Sustainable Yellowtail Chicken Wings w/ Lemongrass, Black Garlic & Charcoal Aioli 嚟緊復活節假期去香港嘅朋友不妨去淺水灣玩吓啦！ LIMEWOOD 地址：淺水灣海灘道 28號 The Pulse地下 103及 104號鋪 Facebook：<<點我>> ------------------------------------------------------------------ 更多香港食記 灣仔招積茶記 - 旺記冰室 深夜放毒～～～有性格嘅日式串燒店『肥後屋Fei4Hau6Uk1』！

||唔洗用電||Printoss 相印機開箱啦！！

科技新知
Andrina・2018-03-05

等了又等。。等咗我幾個月代購終於通知我到貨啦😍😍！ 試咗之後有一點點失望😢。。想知點解就睇埋落去啦～ Printoss相印機係用光學原理印相，唔洗用電，只需用Instant Mini相紙就可以印相啦～ 我跟住入面個說明書的指示打開印相機（都幾簡單） 再放部電話上去就可以按下照相鍵，大約轉動8下相片就出嚟啦 以下係印相成果（附上原圖）。。。佢有點lomo相機嘅感覺。。 但係。。。出到嚟爆咗光，睇到少少樣（我偷偷試了兩張都係咁） 再試多張，出嚟都係有點曚曚地。。但係比上1張清晰。。算不錯了！ 而我亦都產試過如果按照相鍵之後唔印相，再照第二張相片，出嚟張相會有重疉效果啊！ 另外有個小貼士就係所印相時一定要把手機亮度較到最光，出嚟嘅相片就唔會太暗啦～ 後記： Printoss其實係好方便同抵玩，而且體型細易收納，隨時想印就印。但係可能要試多幾次先上手，用過嘅人士都不妨分享一下使用心得啦～～～ :)

【人間美味】日系秘魯菜MGM Cotai 「雅吉」!

澳城餐飲
Andrina・2018-02-22

​早前有機會去新開的「美獅美高梅 MGM Cotai」，仲食到「雅吉」，一食簡極驚為天人😍！ 雅吉（Aji）係由秘魯星級料理大師津村光晴（Mitsuharu Tsumura）主理，而且喺秘魯首都利馬嘅日式秘魯菜餐廳Maido，更榮獲2017年San Pellegrino世界50強餐廳的第8位（資料取自MGM網頁）。 雅吉將日式同秘魯飲食文化融入菜式入面，料理創新，係澳門首間日系秘魯菜餐廳，而且味道十分高質呀！ 我去到先食咗手握壽司，每款手握壽司都配上獨特嘅秘製醬料，而且材料新鮮，即叫即做，一試難忘！ 而​最推薦一定係「50小時慢煮鹿兒島小排」，因為慢煮關係，師傳叫我哋一定要用匙羹食牛小排。牛小排已經淋到用匙羹一勺即可，肉質嫩滑，入口即溶，十分美味！ 而另一推薦就係「鴨飯」，用上油封鴨及烤鴨，配上香菜飯，色香味俱全！ 一場嚟到不妨試埋「​秘魯可樂」，係用檸檬馬鞭草製成的，飲落我覺得似忌廉。 雅吉更設有酒吧，大家食完仲未夠喉可以去飲返杯，試試秘魯傳統酒釀Pisco及日本清酒，以及秘魯風味嘅特色雞尾酒。 雅吉更有set餐提供，我覺得最令我驚訝係午市套餐，只需$178/位咋！！入面有3個菜式連甜品及飲品（咖啡或茶），開頭仲以為自己眼花睇錯。而晚市套餐價錢為$628/位。 依家MGM仲做緊優惠，可以低至7折優惠購買餐券，即用$2,500（美獅薈會員$2,400）購買價值$3,500餐券，更可於旗下9間餐廳使用，真係抵上加抵呀！ ＜＜餐券優惠詳情點我＞＞ ＜＜雅吉介紹點我＞＞ 雅吉 預約電話：(853) 8806 2308 營業時間：上午11時至下午3時、下午6時至晚上11時 （星期二至日）

❤送畀鍾意食杯麵嘅您！日清推出情人節杯麵花束❤

環宇搜奇
Andrina・2018-02-14

情人節最有唸頭嘅禮物非日清莫屬！！！今年日清推出情人節杯麵花束，仲表示係💋世界上第一出現杯麵花束💋！ 杯麵花束有4款可以選擇，分別有： 紅色「愛」的杯麵花束（原味） 藍色「優雅」的杯麵花束（海鮮） 黃色「華麗」的杯麵花束（咖哩） 有選擇困難症嘅您可以選擇「綜合類」的杯麵花束（原味、海鮮、咖哩、辣番茄、芝士咖哩、泰式酸辣湯、西式雞肉口味） 而我覺得最細心嘅係日清仲有3種顏色嘅包裝紙同金色蝴蝶可供選擇，每束價錢未計運費為 2,980 円（約MOP220），唔知你哋又會唔會考慮送畀女友呢？ *以上圖片取自日清官網（https://store.nissin.com/jp/gift/bouquet-shop/index.html）

做慈善又靚嘅～「世記咖啡」狗年利是封

生活在我城
Andrina・2018-02-14

又係我利是封專員！XD 早幾日去世記咖啡食野嘅時候，見到世記咖啡又要利是封義賣啦！同上年一樣都係會扣除成本捐贈畀本地慈善團體，而今次嘅受惠機構係「喵狗星人守護天使(澳門)」！ 利是封套裝由藤河設計，用精美嘅紙包住，1套有18張，共3款設計，因為係狗年嘅關係，其中1款用咗臘腸狗做主角，而且仲有2018年嘅「8」字，8即係發，十分好意頭！！ 1套售價為$88，有興趣嘅人士快快去以下地點購買啦！ 義賣地點：世記咖啡 賣草地店世記咖啡 氹仔店南灣世記咖啡快餐 仲有奧比斯慈善利是封： 》〉按我了解〈《

＊PONY EFFECT＊Bling Bling春妝系列

美容
Andrina・2018-01-18

我最愛嘅彩妝達人PONY嘅自家品牌 PONY EFFECT 出咗新妝系列啦！ 延續佢一貫Bling Bling風格，首先講講Signature 8色眼影調色盤出咗新顏色，包含各種金屬及珠光色調，仲有入圍咗2018 Pantone 色"Blooming Dahlia"！ 此外，佢亦都新出咗款好搞鬼嘅眼影，要好似磨胡椒咁樣磨佢出嚟！佢個名叫做Grind Sparkling Shadow，有4種顏色選擇，以Bling Bling金屬色為主。 而底妝方面，我個人都推介PONY EFFECT "Everlasting Cushion Foundation BB Cushion"，佢可以長效保濕，仲有光澤效果同防曬係數SPF50+/PA++，遮瑕度都唔錯呢！ 澳門雖然未有專門店，但賣開韓妝嘅店都有得賣唷！唔怕近近地都可以去香港專門店睇下~ 門店地址Flagship 旗艦店銅鑼灣白沙道20號FACESSS專櫃尖沙咀海運大廈 FACESSS銅鑼灣時代廣場4樓 FACESSS其他專櫃銅鑼灣軒尼詩道500號希慎廣場T-Galleria尖沙咀河內道18號K11 Design Store香港大嶼山香港國際機場DFS Beauty *以上圖片取自PONY EFFECT官網 更多[STAY BEAUTY]介紹： Innisfree X Snoopy限定系列登場！

Palette Dessert Gallery　超水準法式蛋糕！

專題報導
Andrina・2018-01-16

早前見到朋友係IG成日post好靚好好味嘅蛋糕，但係一直都唔知佢係何方神聖。嘻嘻～8卦仔嘅我深入調查後，終於比我知道原來呢間令我心掛掛嘅店叫 Palette Dessert Gallery。 位於東望洋新街的Palette Dessert Gallery以白色為主，環境簡潔。店主要售賣法式蛋糕，件件精緻優美，好似藝術品一樣。蛋糕款式約有3,4款可現買，並根據當天的材料而定。 蛋糕盒同店一樣都係咁簡潔 檸檬撻 檸檬撻味道有不同層次，蛋白霜嘅甜味配合檸檬的酸，再加上批底淡淡的牛油香，充滿驚喜！ 蘋果撻 老實說，一開始我係比蘋果撻嘅外表吸引住，蘋果玫瑰十分優雅，食落口裡充滿蘋果的清甜味，好fresh呀！！ 柚子芝士蛋糕配藍苺 呢個我覺得好特別，無唸過原來柚子同芝士可以咁夾，大大減少了芝士的膩！本人十分推介！ 仲有仲有，佢仲出左 【Palette x Mira 情人節限定禮盒】入面包括：· 進口鮮花· 伯爵茶蛋糕配香橙忌廉 （取自官方Facebook） 睇得又食得，男友老公們，您哋識做啦～～～～ Palette Dessert Gallery 地址：澳門東望洋新街 209號地下B (東望洋新街往山頂醫院巴士站旁) 營業時間 15:00-20:00 Facebook: https://www.facebook.com/Palettedessertgallery/

||不一樣的柬埔寨遊記||Part 3

走遍世界
Andrina・2018-01-11

去完大吳哥之後，我哋就出發去小吳哥同其他廟宇啦！不得不讚酒店嘅柬埔寨式米粉超好味，我每日早餐必點！佢味道同泰式粉一樣味道，但少了辣味～ 食完我咃就出發去小吳哥啦~~~ 小吳哥 小吳哥係柬埔寨最具代表性嘅景點，而且仲係睇日出必到嘅攝影景點。小吳哥都叫吳哥寺，係吳哥古蹟入面唯一面向西方的寺廟，亦都係世界上最大的廟宇，用咗30幾年，動員幾十萬人建造。 吳哥地區拍日出最著名的地點 入面分咗3層，第一層係壁畫長廊，壁畫分為8個主題，係有故事ga！ 震撼嘅壁畫 再入去就見到有好大個浴池，以前公主就喺呢到沖涼啦～～～～係呢到有小僧侶坐陣，而僧侶都祝福咗我（當然要比少少香油錢啦）:) 再行入去就去到傳說中嘅愛情梯，呢個係一個好sad嘅故事。。。 1973年一對法國夫妻遊客在中心塔南面的階梯試圖登上中心塔，其妻不小心失足墜落致死，他的丈夫在悲痛之餘出資修建了這道階梯，以免悲劇再次發生。因此得名 “love stairway"，讓這座木梯成全了一段忠貞不渝的愛情見證，也是一個益於後人的善舉。雖然後來修築了更安全的木梯（現在上去的開口在東面），這邊的階梯就被封起來了。但是來到這邊還是可以過來景仰一下這座愛情梯，記住是中央塔南面的才是愛情梯哦。（取自Mr. Angkor網頁） 您哋睇下幾斜..所以真係好危險呀 當然。。。又到影相時間。。到處都係拍照好地方！ 行到倦倦地我地就係一片大草地上稍作休息 可以放空一下真好 食過中午後就出發去其他廟宇啦~ 斑黛喀蒂寺 (BANTEAY KDEI) 斑黛喀蒂寺（Banteay Kdei）傳說是國王和皇后泳後小憩的地方，寺廟的東門正好面對著皇家浴池，那裡還有至今還有一個看臺，聽說是皇室舉行沐浴儀式的平台。(取自Mr. Angkor) 牆面處處佈滿藻飾繁複的浮雕 皇家浴池。。咁大個地方沖涼真係好爽 將軍廟 (TA SOM) 將軍廟 (Ta Som) 建於闍耶跋摩七世 (Jayavarman VII) ，屬一佛教建築，推測是12世紀末的建築，遺蹟的正門朝向東方，只是目前通往該廟的道路在廟的西方，以往的正門東門，被大樹所纏繞。(取自Mr. Angkor) 呢個廟嘅特別之處就係比好多大樹包圍，有好多結構都受損要用木條固定，見到呢個場面亦令您感受到大自然嘅力量。。 咁又過咗1日要回程返去啦~~今晚好搞笑...我地去食地道BBQ+火鍋..我朋友試過之後念念不忘一定要帶我地去食!! 而且只係USD5就可以任食....抵到震!!!!!!! 好~~待續 :) 更多柬埔寨遊記 ||不一樣的柬埔寨遊記||Part 1 ||不一樣的柬埔寨遊記||Part 2

[STAY BEAUTY] Innisfree X Snoopy限定系列登場！

美容
Andrina・2018-01-06

今年2018將會係狗年🐶，除咗有好多新年狗狗擺設同精品之外，韓國護膚美妝品牌「Innisfree」更聯乘Snoopy推出限量版套裝，十分應景，Snoopy迷必搶呀！快d睇下有咩選擇先～ 我覺得最特別就係蘭花全效修護面霜套裝（售價：HK$226），佢用咗今年最最最hit嘅Pantone色調(紫外光色)，好靚靚呀！ 其他仲有濟洲香氛護手箱套裝、控油礦物散粉、網上限定嘅唇膏同指甲油等產品選擇！ 而喺1月份內，買滿指定價錢仲送唔同Snoopy贈品，入手要快呀！ Source: http://www.innisfree.com/hk/en/main/index.do 更多[STAY BEATY]文章 ＊PONY EFFECT＊Bling Bling春妝系列

做慈善又靚嘅～奧比斯「成雙」利是封！

專題報導
Andrina・2018-01-04

下個月就新年啦～唔知大家準備咗利是封未呢？我每年都會購買奧比斯嘅利是封，幫到人之餘，又有靚靚利是封用！ 而一年一度號奧比斯慈善利是封喺今日正式開賣啦！今年奧比斯再次聯同友邦洋紙、滙洋印刷及BLOW設計總監羅曉騰 (Ken Lo) 推出「成雙」利是封，仲係「摸得到」嘅祝福！特別在於今次喺利是封上嘅祝福賀句係用視障人士使用嘅「點字」，利是封上仲壓印具有立體感嘅吉祥花卉圖案，如桃花、水仙、牡丹、富貴竹等，讓健視同視障嘅朋友一齊感受到祝福，好事成雙！ 一盒有8款，共32張利是封 用上凸字，視障人士都可感受祝福 利是封數量有限，有興趣嘅人士快d到以下網址了解詳情啦！ 》〉按我了解〈《 *以上圖片及資料取自Orbis Macau網頁 🐠🐠

師奶仔『Netflix』煲劇推介 - The Crown 第二季

娛樂殿堂
Andrina・2017-12-27

我期待以久嘅 Netflix The Crown 第二季 終於出咗啦~~我亦都襯住今個聖誕睇晒10集啦！！ 第2季嘅故事主要圍繞住1956（蘇伊士運河危機）至1964年（第4個孩子出世）嘅故事。頭尾兩集分別係講女王同菲臘親王嘅婚姻問題，喺女王嘅世界（離婚）兩字係唔存在同唔會發生喺佢身上。 另外仲有唔少歷史事件喺呢季重現返： 第1次喺電視嘅聖誕演講 瑪嘉烈公主結婚 美國總統甘迺迪同夫人到訪白金漢宮（發生小過節） 小小查理斯嘅不愉快童年 仲有就係飾演英女皇嘅女演員Claire Foy再次獲提名金球獎戲劇組最佳女主角，上屆佢同樣憑《王冠》得獎。 Season 3已經籌備當中，不過因為開始講英女皇中年時期，Claire Foy同Matt Smith唔會再擔任男女主角了，而女王角色已確定是 Olivia Colman，唔知大家又點睇呢？ *以上圖片取自網絡 更多煲劇推介： <<勇敢的安妮>> <<The Crown 第一季>> 🐠🐠

遊走香港西營盤Cafe - Coffee by Zion

小城角落
Andrina・2017-12-24

上星期去咗香港陪媽咪睇牙醫，由於約咗旁晚時間，我哋中午到達後就梗係搵間好嘅Cafe店Chill 一 Chill啦！我唸下不如去近上環隔離嘅西營盤睇吓有無好選擇啦～西營盤係屬於香港老區，有好多唔同嘅古蹟，仲有一條海味街，保留住舊香港嘅文化。我上網搵到一間叫「Coffee By Zion」的咖啡店，睇落唔錯，而且仲重要嘅係地鐵站一出就到，啱晒唔識路嘅我！嘻嘻！ Cafe位於住宅區內，門口好有格調，有唔少人係門口戶外飲咖啡聊天。入到去地方唔大，但環境好舒適。 Menu 都係偏向All Day Breakfast為主，都有主食同少量甜品選擇。我同媽咪分別叫了2杯飲品，1個意大利飯同1個意粉。全部都唔錯，好味道！媽媽都好鍾意，仲話下次可以再Encore！ Latte（我必點） 大蝦香草醬意大利粉 帶子三文魚籽墨汁意大利飯 另外佢亦有Set Lunch提供，不過佢個牌喺收銀果到我後尾先見到。 如果大家去香港，唔一定要去旺區，想有個舒服下午hea hea嘅人不仿嚟西營盤感受一下慢活人生同舊區情懷呀！ Coffee By Zion Facebook: https://www.facebook.com/coffeebyzion/?fref=ts

||我的週末咖啡時光||The New Barista Cafe瀧咖啡

澳城餐飲
Andrina・2017-12-17

平日工作忙碌嘅我好珍惜週末嘅時間，最好就係搵一個環境舒適嘅好地方嘆下咖啡，睇下書hea下！ （取自官方Faceook） 而位於果欄街洪馨椰子雪糕對面嘅「The New Barista Cafe瀧咖啡」就係我週末必去嘅好地方！入面走工業風格，位置不太多，環境好舒服，最重要係價錢比一般Cafe便宜，一件Cake加飲品只係$55！CP值高！ 我最愛嘅係由店主自已煮嘅海鹽焦糖咖啡，每次去到必點！ 另外佢哋嘅卷蛋都好味，有朱古力百爵茶、綠茶同竹炭味選擇！肚餓嘅話都可以試埋佢哋嘅意粉同Carbonara 牛角包！ 焦糖漏曬出黎好正💕 有唔少蛋糕種類選擇,朋友試過千層蛋糕都好味 Carbonara 牛角包🥐 大家假日有機會去試下啦～:) The New Barista Cafe 瀧咖啡Facebook:https://www.facebook.com/TheNewBaristaCafe/?fref=ts地點：果欄街9號（鐵餅號旁）

Andrina

典型雙魚座人妻🐠 🐠 

分享生活小確幸

熱門推介