澳城生活

焦點文章

【浪漫過七夕特備節目】新濠大師班系列：法饌烹飪班及美饌體驗

生活在我城
Cheers!・2023-08-03

七夕就到喇～仲諗緊同另一半去邊到浪漫大餐？今次不如自己動動雙手，跟獲獎無數嘅法國總廚拜師學藝，炮製精緻嘅法式大餐，仲可以學到總廚嘅絕門秘方，絕對係難忘又特別嘅體驗！ 新濠大師班系列：法饌烹飪班及美饌體驗 新濠天地推出「新濠大師班系列：法饌烹飪班及美饌體驗」，特別邀請風雅廚總廚 Michel Kristensen 親自教大家製作三道菜嘅精緻晚餐，菜式非常豐富，包括波士頓龍蝦、和牛側腹扒及香草浮島甜品。 參加者將有機會喺風雅廚嘅專業廚房學習烹飪，體驗精緻餐飲的運作模式，將學到專業技巧套用到以後日常嘅烹飪上！ 三道菜嘅精緻晚餐 波士頓龍蝦 和牛側腹扒 香草浮島甜品 學成之後，仲可以喺風雅廚悠雅地享用晚餐，同另一半共度浪漫時光！主廚更會特別烹調三道法饌給參加者在風雅廚細意品嚐！ 新濠大師班系列：法饌烹飪班及美饌體驗 日期：2023年8月19日 時間：下午3時至6時（烹飪班）；晚餐於6時後開始 價格：每位澳門幣 709 名額：只限12 人 位置：風雅廚，新濠天地摩珀斯3樓，北區 報名: (853) 8868 3436 「新濠風尚」專屬優惠：會員可獲贈無酒精雞尾酒一杯。 呢個活動係「新濠風尚」會員限定，快啲注冊成為「新濠風尚」微信會員喇 ～ *需年滿18歲或以上方可注册成為會員

最新文章

抑鬱生存小貼士

生活在我城
覺醒媽 Awakening Motherhood・2018-06-15

上一篇講完我點好返法，呢篇講下我點樣係試出呢啲方法之前，馬景濤同木面表情之中令自己生活得似返個人啲。 1. 我的小太陽我個仔係我當時唯一溫暖到我嘅嘢，其他任何嘢對我嚟講都感覺唔到，係Facebook曬仔確係有減壓功效。有效就做，唔好同我講咩曬仔唔好，乜乜物物，我就嚟命都無，我要搵嘢吊住我條命緊要啲！ 2. 珍珠奶茶當時我食任何嘢都無乜味道，但爬台灣媽媽群文有話鮮奶茶有助催奶，我心裏面就燃起咗對鮮珍奶嘅渴望！亦都因為呢杯珍奶，每日引到我行出屋企去買同埋坐係公園曬一陣太陽。 3. 認咗佢我好到六分嘅時候我請朋友嚟我屋企比我曬仔，我都有好坦白咁承認我有產後抑鬱。當時雖然好到六成，但個狀態睇落去重係霉嘅。抑鬱時霉係好正常嘅事，如果你諗住你瞞得過，只會增加自己心裏面嘅負擔。 4. 見吓人抑鬱時真係好霉好唔想見人，又唔想照鏡見到自己嘅。生完身體未恢復嗰種面青青，同埋好無神彩嘅自己。但見人係真係會幫到你嘅原因係，你嘅生命需要流動，能量需要流動。見親人，見朋友都有幫助。畀佢哋畀支持你，比佢哋關心你，但就唔好迫自己見唔係太熟或者擔心人哋點睇你嘅朋友親戚，呢啲見一見又加大自己個壓力。 5. 向有能力嘅朋友求助初期我其實係無向人求助，開頭諗住荷爾蒙過咗之後就好返，又想自己拆掂佢，但拆到後來拆唔掂，就諗住開始扇啲風聲出嚟。但我又口硬，無正式向人求救⋯⋯但要有心理準備，唔係個個朋友都有能力應付你嘅抑鬱，有啲朋友可能好愛你，但見到你霉到咁，只識得喺你隔離喊埋一份。或者有啲朋友會急不及待搵個醫生比你，但其實你又唔想去睇，佢又會繼續迫你，又係會爆煲嘅。要搵啲經歷過風浪嘅朋友會比較好，佢哋至少識聽你講嘢，同埋比到安全感你。有咗呢啲力量去滋養之後，就會比較安心去繼續搵辦法處理嗰個抑鬱。 6. 唔好限制任何方法每個人條路都唔同，無公式。我自己嗰條都係試出嚟，A唔得就試B，B唔得就試C，意志！有嗰個一定要好返嘅意志不斷試！有呢個意志就一定會好返！ 抑鬱嗰段時間，成個instagram都係我個仔同埋我個仔。

再說格力犬領養

生活在我城
文創遊樂場 // 米米 Esther Lim・2018-06-15

轉自(澳門電台消息) 逸園狗會表示，他們向政府申請在狗場多逗留 1年甚至 3個月，並非有意延遲遷出，原因包括需保障員工就業，不能提早 2年停辦來安置和安排所有狗隻被領養。既然狗場未有正式規劃，希望讓狗隻在狗場這個熟悉的環境下等候被領養。 狗會形容要安排 600多頭格力犬被領養，從沒人做過，亦真的不容易。過去數週，狗會向全澳愛護動物組織及機構發出超過 1,000份申請領養表格，至今只收回 1份，狗會稍後將舉辦領養同樂日，希望加快為格力犬找到合適的安置居所。狗會亦正積極跟進與本澳以外之大型旅遊發展項目合作，長遠為格力犬設立合適的安置居所，預計所有通關及檢疫手續可於 3個月內完成。 怪不得格力犬被形容世界上跑得最快的狗狗，過得最不快樂…

產後抑鬱點好返

生活在我城
覺醒媽 Awakening Motherhood・2018-06-14

產後抑鬱係真係好需要家人嘅支持，但除咗借助外力，最重要係自己要有好返嘅意志！ 我能夠一個月內好返，其實係因為當時心裡OS：「你又話你嗰啲嘢（身心靈）幫到人，咁你又抑鬱？.......」。唔得，呢單嘢真係好瘀皮，我一！定！要！好！返！用盡任何我用到嘅方法！我都要快啲好返！ 雖然我上面感曬嘆號咁好似好勁，但其實當時我個狀態係馬景濤咁嘅（請重溫《點解上天要畀產後抑鬱我》配圖）。 當時抑鬱嘅程度係唔輕嘅，輕生嘅念頭係每日都出嚟巡一巡，但論牌面，我衣食無憂，老公又鍚我，照顧寶寶又有工人同媽媽雙重呵護，個仔重要超級超級超級可愛，理論上係唔「應該」有抑鬱，但係抑鬱係真係同外在條件無太大關係。 好！我就用盡我所識嘅方去處理我嘅抑鬱！ 1. 聆聽情緒背後訊息前文講過，第一樣嚟嘅係躁鬱，咁開頭未知就爆我老公爆到周圍都係。咁躁鬱嘅時候，再一次提提大家，千祈唔好以為「佢有病」就忍咗佢諗住忍過咗嗰期就算。我的確係有嘢委屈咗自己好耐，以寶寶同大家最大利益的話，我嘅改變，係真係有需要嘅。 2. 讓情緒出來抑鬱就係因為壓抑太耐，情緒係能量，你越壓住能量，佢越會亂咁唧，想喊就喊啦，但想鬧人就睇下有冇得唔好鬧得咁應，有冇啲易入口嘅方法去解決佢先，如果真係無，我會鼓勵你爆。嗱咁你自己就住爆，唔好釀成家暴諸如此類。 3. 負自己嘅責任好似我嗰啲委屈，其實除咗老公有份食住上之外，我都要攞返自己個責任，我唔夠尊重自己嘅感覺同意願，對自己無信心，怕失去，所以一直死忍去委屈自己。 4. 嘗試理解對方雖然你真係好偉大咁用條命生咗個人出嚟，你身體上嘅痛同創傷係好大，但如果你認真睇下隔離嗰個老公，佢見住你做場咁勁嘅大龍鳳出嚟，自己又乜都做唔到，其實都幾焦慮嘅。男人嘅嘢，重要通常有脆弱位都唔肯拎出嚟，仲要通常用另一種情緒去遮住，例如用憤怒去遮住內疚，甚至有時佢哋都唔會知自己原來係遮緊一啲自己嘅情緒。但我知，你已經馬景濤咁嘅樣仲要你去理解對方係唔容易嘅，但都係嗰句，意志！試！ 5. 要處理嘅就真係要處理我當時係hold唔住咁核爆我老公（多謝你咁都無放棄我嗚⋯⋯）爆曬啲委屈出嚟之後老公又好好咁作出改變，當時已經由十分躁鬱跌到六分抑鬱，好咗好多好多，所以需要改變嘅就必須要行動。重有六分我都要搞掂佢！ 6. 求助上面嗰啲自己可處理可嘗試嘅都做咗喇， 重會有無端端流眼淚同埋有唔想生存嘅念頭出現，我就知道一定重係有啲更深層次嘅嘢，我自己一個解決不了。於是我做咗幾次家庭系統排列，搵到我抑鬱嘅基調。原來係關於我同我原生家庭嘅一啲未被意識到嘅拉力，甚至係一啲關於我胎兒時期嘅想法，因為有呢啲想法而唔比自己得到幸福（？！）。係呀，其實好多人都唔比自己過得幸福㗎，你無見過人生得靚靚女女但偏偏就係賤人磁石，好多時都係因為一啲原生家庭嘅拉力，而令到佢哋唔畀自己幸福。 當我連結返我嘅母系祖先，我嘅父母，我決定比自己幸福同好好照顧自己之後，我嘅產後抑鬱就同我講byebye，我好似浴火重生咁返番嚟！之前嗰啲無端端流眼淚同輕生嘅念頭無咗，重覺得呢個世界係充滿愛。我最記得係，當我返到屋企見到我老公，佢送咗份生日禮物比我（如圖），我望住份禮物流眼淚。但今次係開心嘅眼淚，我感覺到我老公好愛我！我收到呢份禮物好感動！！！最搞笑嘅係，當時去衛生局檢查產後情況，有份產後抑鬱問卷比我填，我填完個姑娘為之震驚，話「嘩，你個狀態好好喎！」我話「係呀～」笑一笑，撥一撥頭髮就走出衛生局。 媽！我得咗喇！！！！！！ 我重生之後，我覺得自己充滿力量。我決定唔再委屈自己，坦誠去同屋企人溝通。我唔要比自己再次跌返入抑鬱裡面！同埋，我決定要用自己嘅經歷去協助需要協助嘅朋友。 蒲咗啲媽媽群咁耐，我係好驚訝於，點解群入面無人提過自己有產後抑鬱嘅呢？唔通我真係咁特別？但搵返資料原來病發率係好高㗎喎，十個有六個有，仲要有四個係抑鬱半年以上，甚至自此長期食藥。 希望我嘅經歷可以幫到有需要嘅媽媽或者抑鬱嘅朋友。如果有需要嘅，請聯絡我哋Cator，睇下有咩可以幫到手，唔好怕羞。 catorcentre@gmail.com 適逢生日，老公送咗呢條鏈比我，話係我同仔仔。「咁你呢？」「我係包住你哋嗰個心心。」我即時喊到豬頭咁，我終於都再次感受到我老公愛我喇！

狗年說狗(3)

生活在我城
文創遊樂場 // 米米 Esther Lim・2018-06-11

Facebook這段日子很忙，忙什麼? 救浪浪，救格力犬? 還是臭罵捉狗敢死隊? 唉…今次特別介紹一下澳門的狗狗義工團體，這團體特別之處是家園在路環，為了減輕財政負擔主塲坦洲。一大堆毛孩子食和住當然負擔很大... 浪浪動物庇護家園：於2016年1月成立，為了幫助一些被遺棄、被忽視和被虐待的動物，特別是拯救一些已被捕捉的動物群，免其在沒有人領養的情况下而被人道毁滅，藉此希望得到社會所有人仕關注及瞭解生命的可貴，明天眾生皆平等的道理，讓動物可以融入人們的生活，成為家庭的一份子，透過助養或互動計劃，讓人們與動物在種植農場相處和親近，從而釋放及舒緩在日常生活和工作壓力。 中國銀行帳戶名：浪浪動物庇護家園LONG LONG ANIMALS ASYLUM HOME 澳門元儲蓄帳戶:040110431943 港元儲蓄帳戶:041110204658

第十八屆澳門荷花節

生活在我城
文創遊樂場 // 米米 Esther Lim・2018-06-11

由6月8至17日舉辦的「荷香樂滿城-第十八屆澳門荷花節」在氹仔龍環葡韻開幕，期間將安排一系列展覽和活動，內容豐富，動靜皆宜，歡迎公眾踴躍參與。 今屆荷花節主題花為紫重陽，屬中、小株型荷花品種，重瓣及碗形花態，花期早且群體花期長，著花繁密，適於缸栽。今次主展場龍環葡韻亦圍繞「荷光魅影」為佈置主題，以噴霧營造出碧荷水鄉的氛圍，引領參觀者遊走於花海之中。 此外，民署將於全澳各主要街道、綠化帶、名勝及旅遊景點如議事亭前地、紀念孫中山巿政公園、新馬路、大三巴、盧廉若公園、澳門觀光塔等地點擺放盆荷逾5,000盆，讓市民及旅客感受澳門荷香處處。 有關活動詳情可瀏覽民署網頁www.iacm.gov.mo及澳門自然網https://nature.iacm.gov.mo查詢。 Special Thanks: Ms. Celine

澳門有得賣！限量版世界盃可口可樂

生活在我城
Chrysalids 少爺・2018-06-11

世界盃今個月開始啦！ 澳門各大超巿同加油站都有得賣可口可樂世界杯限量版， 想集齊一套六款印有世界盃主辦國嘅設計圖案？ 咁您仲唔快啲去買？ 時間：由 6 月 8 日起 售賣地點： 來來超級巿場、新苗超級巿場、加德士油站、 利豐超級巿場、泰豐超級巿場、 新花城超級巿場、澳門 OK 便利店 價錢：＄13.90 澳門幣 圖片及資料來源：Coca Cola Macau

人情百日宴

生活在我城
覺醒媽 Awakening Motherhood・2018-06-10

搞百日宴其中一個環節係「能量交換」，即係我哋比啲咩賓客，賓客又比啲咩我哋。當我重係度諗緊「蝦～啲人情夠唔夠cover張單呢？」，我老公就同我講要同阿仔開個戶口儲起佢。 我震驚了！原來我之前一直都聽唔明佢之前話個百日宴為仔擺嘅意思，佢嘅意思除咗嬰兒發佈會同設宴接受大家對寶寶嘅祝福之餘，收到嘅禮物都全部比曬寶寶。佢話「等佢第時大個出身嘅時候有得start up⋯⋯」。我啲人情概念重停留係結婚階段，覺得係收返成本，而家有小朋友，啲能量真係要往下流，唔再只係專注喺自己度喇。 上文講到我老公係凡人，唔會明白驚世鉅作，查實，佢先至唔係一個凡人，佢真係一個識得無條件咁愛嘅超級爸爸。 感謝各界對寶寶的祝福

爸媽我先走一步

生活在我城
文創遊樂場 // 米米 Esther Lim・2018-06-09

今天我離開了，由我出生的那一天 我就跟著你們兩個一起在地盤生活特然有一天，危險終於到來我躲避不及被捉狗隊捕捉，我到了一個我從沒去過的地方 這裏有很多我的同伴不停在叫喊，我真的不知發生了什麽事?原來當我知道的時候我已經離開了這個世界，因我抽到了不幸的號碼。 爸媽你不要再留給我食物，請將原來留給我的食物留給其他兄弟吃吧！從此以後我就不再飢餓、不再痛苦，你們要保重！ 今天我死了.....我有一個很小的心願，民署狗房還有很多我的同伴，牠們是否能夠逃過抽不幸的號碼，只能夠你們能夠伸出援手，我們的命運就是掌握在你的一個決定…… 領養我們！ 「停一停，想一想 」請以領養代替購買，想一想有更多無家可歸和面臨死亡的動物等著你們，你的一個決定足以拯救他們。 十分感謝寫文章的朋友。 (待養小毛孩資料如下:) https://www.iacm.gov.mo/canil/c/adoptiondog/list.aspx 狗房辦公時間:星期一至五上午 9時至下午5時(中午照常辦公) 電話:2856 9776 / 2857 2805 (go to pieces) https://www.youtube.com/watch?v=UBeKPJ4rpSo

百日宴曬仔曬自己

生活在我城
覺醒媽 Awakening Motherhood・2018-06-08

百日宴圓滿結束，寶寶終於食飽奶安睡了。喺宴會裡面，見住阿仔好似比人傳波仔咁傳法，做媽媽嘅係肉赤嘅。但我同時驚訝我個仔竟然傳足咁耐都無喊，重係我懷裡小急叉一陣之後，又笑曬咁，寶寶嘅生命力真係好強好純粹。 百日宴嘅嘢，坐月時已經考慮緊搞唔搞好，唔搞係因為本身我好怕人多嘅場合嘅，能量好混亂，去完人多場合會感覺好深層嘅內在枯乾。同時咁多長輩在場，枯乾咗又怕招呼唔到，壓力係呢度。選擇搞，係因為我個仔實在太得意，我好想同大家分享我嘅喜悅。同埋，我仔係鍾意見人嘅小甜心嚟嘅。 一個家族最重要嘅係後續有人，傳宗接代係人類生存嘅天性，新生命誕生係家族裡面嘅大喜訊，百日宴事實上係一個新聞發佈會，係一個家庭裡面最重要嘅新聞發佈時刻。同時，一百日係媽媽產後復出見人嘅一次隆重時刻，係媽媽經歷過死過翻生嘅重生，身體恢復好，係好值得慶祝嘅。 百日宴係一個有慶祝意義的宴會，我見過有媽媽朋友百日宴時完全無打扮過咁出嚟，個BB就好似公主咁隆重登場。當時個心痛咗一下。媽媽們，請你好好愛自己。將全副心機擺曬落仔女度，仔女係唔會開心。小朋友食「過度犧牲牌」嘅奶長大，即使小朋友長大成人，心裏面會有自卑同內疚。慶祝你自己死過翻生，慶祝你自己重獲新生吧，慶祝你喜獲來自上天嘅禮物吧。 百日宴雖然係慶祝，但我都係簡單搞，就咁印咗一塊掛畫，同埋造咗幾個人形攬枕（？！）。靈感來源係，抱住我個仔係我感覺過最美好嘅事，所以我特別整咗幾個人形攬枕比大家一齊分享。我老公開頭話唔好，話宴會拎出嚟太古怪，但驚世嘅創作凡人又點會明白呢？喺我創作魂嘅推動下，我靜雞雞做咗出嚟，老公見到實物笑到碌係度，重自己攞嚟玩咗好耐...... 攬枕拎到去百日宴大成功，大家都同假寶寶玩得好開心！又可以傳少啲我個仔，又有我個仔比大家玩，多謝各位！飲多杯！ 假寶寶：招呼唔到，飲多杯～ Photo Credit: Wendy Wong

施欣的話

生活在我城
半島師奶・2018-06-06

試問有車位誰人想違泊，輕軌十年都未有、巴士又迫不上、的士給遊客、然後遲些又有內地車、最慘是經常講有足夠車位，但車位都在路環，是要人泊車在路環然後行路回澳門嗎？想要諮詢，我建議酒駕醉駕等可以加倍，但違泊不用加價，提早交罰款可減3分2。---by施欣

【非常趣圖】考試前禁忌

生活在我城
非常大學生・2018-06-05

📆是日考試，萬事不宜 去非常大學生Facebook話比我地知！ #非常禁忌#考試禁忌你知幾多

大膽賤婢

生活在我城
半島師奶・2018-06-04

看了兩星期宮心計2，覺得一般，最好看的部份是太平公主，煒哥好正，令我好想做她的奴婢，每天都看她兇人。

熱門文章

  1. 【澳門美食】新濠天地必食推介：米芝蓮星級及精緻中餐廳合集
  2. 【澳門美食速遞】充滿東南亞風味，巷仔冰室
  3. 【澳門美食】澳門上葡京范思哲酒店，米芝蓮星級餐廳「當奧豐素 1890」精緻意大利菜
  4. 想緊貼潮流？成為 Home Media 娛樂服務客戶就可以隨時追蹤最新娛樂 - 9 月最新好戲推介
  5. 【馬交慳多拿 baby】自助餐優惠特輯 - 8.9.2023

熱門關鍵字

食在澳門iFood
綠星人 // 離子 皓愛結合環保與創意，融合生活與大自然，凝造綠色生活，同時反省自己多年來破壞地球的罪行。
青BB 紀錄日本海歸青BB的生活、旅遊及覓食好玩趣事......
Catalyser 一路走來，我們都相信：「我們有各自的艱難要面對，但音樂是生活的催化劑，好使我們堅持我們的路」
海闊天空 // Sio 一個女生，遊歷半個地球，獨自走過澳亞歐非南北美，進過撒哈拉、闖過亞馬遜、踏過天空之城、越過天空之鏡；路上學會法文西文，戀上一個拉丁情人......