生活在我城
人情百日宴
搞百日宴其中一個環節係「能量交換」，即係我哋比啲咩賓客，賓客又比啲咩我哋。當我重係度諗緊「蝦～啲人情夠唔夠cover張單呢？」，我老公就同我講要同阿仔開個戶口儲起佢。
我震驚了！原來我之前一直都聽唔明佢之前話個百日宴為仔擺嘅意思，佢嘅意思除咗嬰兒發佈會同設宴接受大家對寶寶嘅祝福之餘，收到嘅禮物都全部比曬寶寶。佢話「等佢第時大個出身嘅時候有得start up⋯⋯」。我啲人情概念重停留係結婚階段，覺得係收返成本，而家有小朋友，啲能量真係要往下流，唔再只係專注喺自己度喇。
上文講到我老公係凡人，唔會明白驚世鉅作，查實，佢先至唔係一個凡人，佢真係一個識得無條件咁愛嘅超級爸爸。
感謝各界對寶寶的祝福
