文章列表

大豆蠟 結緣記

生活在我城
合資格90後・2017-11-26

講起大豆蠟，唔知大家覺得係咩嚟？冇錯喇，固名思義，即係由大豆製成嘅蠟製品，除咗天然外，有部分產品仲會加入精油，甚至有人將大豆蠟作為芳香療法嘅一部分。 是咁的，我喺一次機緣巧合下，結識咗佢，然而，當時我不知道大豆蠟是誰。後來得知一位朋友遠赴香港（算係啦，搭船唔洗錢咩）學藝，再將佢帶返嚟，我依然記得當日由佢手中接過呢份小禮物。包裝盒亦值得一讚，以花朵為主題配以白底，同呢個品牌嘅大豆蠟乾花點綴相影襯，送禮簡直一流。 好，正式進入開箱環節。由於今次所收到嘅係大豆蠟香薰吊牌，即使掛喺門把，或係牆身，甚至可以放喺車內作掛飾，都非常特別，既美觀又有淨化空氣嘅作用。更有意思的是，店主喺大豆蠟的表面上加入數種乾花，睇上嚟有點小清新嘅感覺。拎近聞一聞，仲有啖啖香氣，而且聽聞香味仲可以維持成年添呀﹗作為扮工室一員嘅我，放一個喺枱面做裝飾又得，偶爾索一索亦得，得咗。 小福利：想聖誕節送啲特別嘅禮物？不坊試睇睇呢個聖誕版香薰大豆蠟吊牌，連大豆蠟面上嘅花都好有Christmas嘅感覺呀，再配埋個蠟燭，想幾warm就warm啦～ 店家資訊： 店名：Leafy RoomF B：https://www.facebook.com/leafy.room.macau/I G：leafy.room訂購方式：inbox ~~~

快樂 有很難嗎？

生活在我城
合資格90後・2017-10-26

最近看了一個哲學的清談節目，其中一集的主題是“你快樂嗎？”。試問這樣的一個話題，能不吸引人嗎？節目的主持人都大有來頭，有香港中文大學的通識課教授，亦有一些於國外修讀哲學的專家，更有我喜愛的一位作家 - 徐緣，整集你一言我一語，看得非常過癮。 節目裡分享了一句說話，個人非常喜歡，“你願做悲傷的蘇格拉底，還是一隻快樂的豬？”在這裡，容許我先幫大家補習一下吧，究竟蘇格拉底是誰呢？他是一位古希臘的哲學家，話時當時他在雅典被很多人稱為智者，亦有不少學生，但後來因為得罪不少貴族被賜死，雖然他有機會走，但最後選擇飲毒酒而死，就這樣結束了一生。好，回歸正題，剛才解釋完蘇生的一生，大家都明白為何是悲傷的蘇格拉底吧，而快樂的豬，故名思義，就是一生由出生到生命結束都開心渡過，無拘無束。聽完解釋後，你又會如何選擇呢？ 說實話，一隻快樂的豬，我感覺根本就是一個剛出生的嬰孩啊(這裡說的是還未有意識，大約未足5個月大的嬰孩哦~)，什麼都不用管，飯來將口，根本與一個億萬富豪的退休人士生活般寫意。但是，這時的嬰孩沒有「自我意識」，即使父母給予再多的東西，他亦不知什麼是快樂；然而，雖然話蘇格拉底在外人面前看來，的確係死得冤枉，但大家有意識到嗎？他大可以選擇一走了之的，但最後卻選擇了犧牲自己的生命，來突顯生命的高貴，換句說話來說，如果他本人早就將生死將生死置於度外，希望用自己的生命來拯救一座城市，那麼我就認為他並不是大家所說的“悲傷的蘇格拉底”了。 其實在我們擁有自我意識後，就一定會伴隨著無盡的痛苦，甚至是佛學所說的悲苦。無他，因為欲望驅使著我們，要做到無欲無求這種最高境界，相信除了“痴線佬”做到外，我大膽講句，就連李嘉誠都說自己未上岸(我猜)。我們一生裡會有一個名單不停的更新，裡頭記載著形形色色，以及各種想得到、實現的東西，然而，我們偶然會將很多一生不能所及的目標加入，導致我們盲目地做，一路走來背負的東西越來越多。沒有用的東西就捐了吧，這種事情大家都會做，可我們自己的身體、思想，又有幾個能真的說放底就即放？如果我們今天知道最終只能做到80分的人，你會甘心嗎？說實話，要是我知道了，我就盡力做到80分就好了，可能你們會說我太天真，但不正正是因為我們想太多所以才造成無盡的痛苦嗎？ 圖片來源：網絡圖片

錶奴系列 - 精工錶入手開箱文

鐘錶珠寶
合資格90後・2017-10-25

話說早兩日出糧，我又按奈不住的入手了一隻精工錶，以下就同大家分享一吓呢個品牌以及手錶嘅吸引之處啦﹗ 事不宜遲，去文～～～～ 精工錶之所以賣到街知巷問，當然除咗價錢親民外，更重要係耐用，加上造工精細，所以一直以來都受錶迷所吹棒。 接住同大家分享吓呢個品牌一啲威水史啦，其實早喺石英錶面世以前，機械錶係當時唯一選擇，但由於製作一枚機械錶要經過相當多的工序，所以價錢當然亦較昂貴。但自從精工喺1969年製作出世界上第一枚石英錶後，震撼咗整個製錶界，更掀起咗一埸「石英風暴」，結果係點？結果就係瑞士製錶業大敗，亦令當時唔少WatchMaker，甚至工廠倒閉。厲害吧﹗一個品牌打趴整個製錶業界。 打開錶盒，已經聞到一陣錶香味，唔洗懷疑，係錶味，亦只有開箱一刻至會釋放。錶盒以純白配銀色Logo，看上去簡潔大方，送禮更是一流，不過今次就送比自己。 以往我買手錶，都偏向Sporty為主，而今次係破天荒第一次買文青路線的手錶。老實講，第一次見到呢隻錶嘅時候，遠望以為係卡地亞嘅藍氣球，當然，有人可能會話，藍氣球特色係上鏈位置的專利設計，但對我而言，大羅馬刻度更係藍氣球嘅一大賣點，講遠咗添...。大羅馬刻度、開芯設計、藍指針(相信只係顏料塗層)、純白錶盤，加上光滑簡潔的錶框，令我一眼就對佢愛不惜手。開芯位置更可以欣賞整個擒縱系統，以及游絲時大時細的變化，非常具觀賞性﹗ 再睇睇錶底，老實講，普遍機械錶大多都係大門打開，方便大家欣賞機芯嘅“精細”。而機芯裡比較特別就是金色圓輪中紅色的一點，不要懷疑，呢粒係紅寶石，只不過係人造而已，基本上每杖機芯都會有紅寶石，個人覺得純粹裝飾之用，但別有一番特色。唯一可惜的是，擺陀的擺動並不明顯，這就是一分錢一分貨的道理。相比瑞士高級的手錶品牌，人家的機芯得花上以月計算的日子製作，每件零件都是工匠親手打磨、拋光、印壓而成，每枚都是獨一無二的精品﹗當然，呢隻錶以我入手的價錢來計，已經算是不錯了。 以上是一次不專業的開箱分享，期望未來有好多好多錢，再多多同大家分享“錶”!

天鴿過後，滿目瘡痍的澳門

小城角落
合資格90後・2017-08-25

颱風過後，小城一片狼藉，街道滿佈垃圾、廢料及各種雜物，很難想像，這是GDP全球榜上有名的“發達城市”。還記得颱風當日，眼見洪水衝入內街，前後只有短短半個鐘，就已經浸到上胸口位置，一路返嚟真係一步一驚心，平日倒後行都來去自如嘅街道變得異常危險，好不容易爬(應該是半游半行)回到家中，眼前已經係不再熟悉嘅大門，街坊們都紛紛往高處使命的爬，伴隨著玻璃碎裂的聲音、雜物撞擊的巨響，這時的澳門，頓時進入恐慌。 來也匆匆，去也匆匆，這隻“天鴿”話走就走，好不瀟灑。洪水逐漸退散，連同大家的恐慌一同帶走，抱著疑惑的心情，走到街上，街坊街里都攞起手機你影我影，可惜的是，畫面裡都是一張又一張令人心碎嘅畫面，就連大型垃圾站都可以移到路邊，可想而知當時水流有幾急。入夜後，各區更開始大規模斷水斷電，再一次，大家為了抖涼，走落伸手不見五指的街道上，開始咒罵著政府有多無能。點解？除咗有啲不爽外，更因為今次搞出人命啊 ﹗﹗﹗ 天災無法避免，要硬食，呢點係人都知，但作為一個局級單位，是否應該喺呢啲事件上當機立斷？即使再突然，至少亦需要一個緊急通知機制吧？令市民唔會喺斷水、斷電、斷網時才發放消息。就等同聽到雷聲，先發佈雷暴警告，要你有何用？所謂理據咗證的基準又是什麼？如果一個成立原意係保障市民安危嘅單位，得返純通報作用，咁呢個局嘅作用、位置又是什麼？ 相信大家都知道前局長經已請辭，其實辭唔辭職對件事已於事無補，但作為可以暫時平息怨氣嘅工具，何樂而不為？當然，無人能夠保證下一位局長有何作為，而事實係喺幾次的風暴經驗中，我地唔難發現，除了指揮失當外，更重要的是機制上的問題，好似通報機制、預報機制等。當風向完全往澳門吹襲時喺3個鐘內，由8號風球連跳2級至10號，雖說科學根據是靠經驗、數字，但依靠實時數據判斷風力，總要考慮一下上班人士的安危吧？再者，什麼預報都沒有，殺居民一個措手不及，引致人命傷亡，即使你通報後未必個個都聽，但至少讓居民有個警愓啊﹗ 最後，感謝一眾警員、義工、水、電、網絡員工，以及一眾為澳門負出的人士，喺如此艱難惡劣環境下東奔西跑，作為澳門人，我衷心多謝你們﹗ 亦希望各位有空餘時間的人士能夠略盡綿力，幫助身邊有需要的人士，謝謝﹗ (以上純粹個人想法，未有實際建言，望見諒。)

意義與報酬？

生活在我城
合資格90後・2017-06-21

早前的兩個統考吸引了數萬名市民“試手氣”，不難發現，就連身邊的朋友都是用陪跑心態應考，真是名符其實的“賭徒”。更唏噓的是，就連一些中年發福的大叔也以博一博，單車變摩托的心情，去打開哪疊厚厚的試題，邊做邊說道：「這份該死的考卷到底還有多少題啊？」可能這就是生活迫人吧，誰叫你不甘現狀？我不會說這是自作孽，畢竟我將來也可能是其中一員啊，who knows。 在這個紫醉金迷的城市裡，曾經有多人懷着一腔熱血，卻最後落得口腫臉腫的下埸？所以對於政府工這種皇帝級筍工，有誰不會趨之若鶩？回歸到現實，入政府工十居其九都不會是尋找工作的意義，反倒是貼地啲，為錢、為津貼囉，還需要什麼意義？返去影印，打個報告，這種周而復始的生活跟足一世，做一條梳乎嘅咸魚不好麼？ 對於工作的意義，我也在尋找，對我而言，什麼又稱得上有意義呢？很簡單，自己做着一份諗起都笑到甜嘅工作，足矣。至於是什麼嘛，我是不會告訴你的。窮盡一生，搵再多的錢，卻做着只為錢而疲於奔命的工作，我認為太辛苦了，亦享受不到工作中的樂趣，每天繃緊神經，就好像樓下小販的大叔，一天到晚過着被迫遷拆的生活，哪種徬徨，實在不好受。在匆匆的一生裡，有人想要成為住在富麗堂皇宮殿裡的主人，亦有人甘願做一位市井的平凡百姓。對或不對，在每個人心中的量尺長度不一，但合適與否卻時刻影響着我們的心情、狀態。畢竟只要你找到對事情、工作、家庭、伴侶中那個一迅間閃過「對，就是這樣子﹗」的感覺，就繼續吧，因為我總不相信做着喜歡的事，結果會是一無所有，更可能意想不到的，你也會成了他人眼中的英雄，一位無名英雄。 #圖片來源：網絡圖片

端午節歷史

生活在我城
合資格90後・2017-05-28

端午節就到啦，喺呢個節日裡，除咗會食粽同划龍舟呢一啲指定動作外，當然唔少得就係聽故事啦。端午節嘅由來相信大家都聽唔少，但相信大家最耳熟能詳嘅故事就係屈原投河喇。但除此之外，原來仲有伍子胥、孝女曹娥等等嘅事件薄，今日一於同大家上個歷史堂啦。 屈原投河 話說春秋時期，楚國有位名人，係當時楚國君主楚懷王嘅左右手，佢叫屈原，屈原個屈，屈原個原。事源呢位先生提出咗個“聯齊抗秦”嘅建議，結果搞到啲有錢佬唔太高興，兼夾聯名向楚懷王Complain，而呢個懷王真是將屈原革職，仲流放到沅、湘流域(唔好問邊到，自己查吓歷史書啦)，最後因為屈屈不得志，選擇投河自盡。當地居民好桑心，為咗唔好比啲魚魚咬食屈原嘅屍首，於是啲人就將準備好嘅飯團、雞蛋等等嘅食物丟入河中，再加以鼓聲嚇走啲魚魚。就是咁，個傳統就一直流傳到而家。 記念伍子胥 呢單野又係事源春秋時期，當時位叫伍子胥嘅楚國人，老豆呀哥都被楚平王所殺，極嬲，於是投靠咗吴國，最後吴國攻入楚國，主腳伍子胥掘墓將平王屍首狂鞭三百下，以報殺父殺兄之仇(其實聽落有啲變態)。後來吴王歸天，夫差上任，話時當時越國被吴國打輸咗，係手下敗將，伍子胥建議應該將越國連根拔起，但夫差死都唔聽，仲叫吳子胥自刎，佢死後，夫差仲命人將佢嘅屍首投入大江中，就是咁，端午節就出現喇﹗ 記念孝女曹蛾 事件發生喺東漢時代，有位叫曹娥嘅14歲女仔，某一日，佢發現爸爸浸死咗喺江入面，於是佢不停喊，沿住江邊不停狂喊，終於過咗十七日後，佢都喺五月五日投江，五日後抱出爸爸嘅屍首。而呢件事被當時嘅政府官員知道咗，於是為佢立咗個碑。呢個故事係堅係假就不得而知喇，但曹娥之墓堅係存在，位置喺浙江紹興。 圖片來源：網上圖片

蘭香閣取糭記

生活在我城
合資格90後・2017-05-25

一年一度嘅端午節又嚟啦，話說今年有位朋友，皇恩浩蕩賜咗幾張糭卷比我(心諗咁好益我)，點知係因為屋企太多先拖捨幾張比我。嗱，呢啲咪朋友囉，分分鐘下次錢太多，分啲過我洗添呀﹗ 其實以往過節，屋企啲糭大多係親戚ABCD友情讚助，根據過往經驗，一個禮拜三餐食糭不是夢。但點解今次我咁睇唔開要去攞糭卷呢？之唔係個朋友話啲糭係蘭香閣囉，還記得細個曾經食過，但後來因為友情讚助太熱烈，已經好一段時間冇食。既然又有個機緣巧合，一於去會一會佢先﹗ 還記得攞糭當日，下班遲了，時約7點，天幕已經蓋上一層黑布，我騎着私家電單車，一路前往蘭香閣，晚上的氣溫、濕度正好，可以慢慢細味春天與別不同的味道。哎，乜突然咁文雅嘅？唔通我攞過杰出青年獎又話比你知咩﹗ 其實蘭香閣喺澳門有返啲日子，算得上年老字號之一。由於我不太確定蘭香閣所在位置，於是提早泊好車，打算順道遊覽附近的古舊建築，亦找來居住在附近的居民閒聊幾句(我不會告訴你，我在問路的)，走走逛逛，終於到達蘭香閣。只記得在門前已經依稀聞到糭子的味道，進入店內，一種充滿“舊式茶樓仔”感覺就在眼前，大門兩側的走廊掛滿形形式式的糭子，粒粒都非常飽滿，令人垂涎三尺。 店內裝飾沒有令人眼前一亮的感覺，反而是種種勾起兒時回憶的擺設，大圓枱、木櫈、蒸籠、就連牆身、地磚都都好像停留在兒時的回憶，匆匆的時間似乎略過了這間悠久的小店。雖然已臨近8點，但來攞糭的人依然絡繹不絕。我在老板娘的手上接過糭後，就施施然離開了店。在回家的路上，我在想，聽日一於去跑步啦，今晚去食個頹餐先，完﹗

一封來自90後的信，致每位仍在為生活打拼的你﹗

生活在我城
合資格90後・2017-03-29

時間過得很快，眨個眼，就工作了將近3年。還記得小時候，總覺得時間過得很漫長，就好像一駕開往不知盡頭的老舊火車般慢駛着；直至上到初、高中，度過了那些艱苦的晚上，我開始意識到時間的寶貴；步入社會後簡直就是光速流逝，感覺就好像飛人保特跟時間競賽一樣。在這3年裡，很慶幸遇上的朋友遠比敵人多，這可能就是平日笑到四萬咁嘅口的好處吧，要說有什麼不好的，就是有人會不停挑戰你的底線。 老牛自知夕陽短，不用揚鞭自奮蹄。道理很簡單直白，然而堅持下去，不做咸魚的又有幾個？還記得早些日子，與朋友碰碰酒杯，傾傾心事，但櫈都未坐暖，大家就已經你爭我奪紛紛大嘆一聲，唉～～～～﹗這班人，同我已識相超過3分2人生，真是吉起條尾都知咩事。怎麼了，我說，都唔知啲老世點諗，明明話A轉個頭又話B；另一位又接着說，我仲衰，未停過手，真係想唔撈﹗呀強你呢？我問道，他說，日日返去上上網過日子等放工，好悶。然而，這種發牢騷已不是一天的事，早在數月前就已經聽過，往後的聚會就猶如早年的廣告一樣，123，還原基本步。作為一位正直年華，大有前途的青年而言，到底是他們不思進取，抑或是社會不允許他們再任意妄為？機會是留給有準備的人，但在這個對商人而言遍地機會的城市裡，又有多少機會是他們慷慨解囊的“恩賜”。 以往默不作聲的我，步入社會後，學會了要為自己爭取，親情、愛情、友情、工作、機會。原因很簡直，我沒有一個富爸爸，也沒有一個富媽媽，但這並不代表我不能為自己爭取什麼，畢竟總有些人在山頂，總有些人在山腳。有位長輩曾經告訴我，對比財富富足，心靈富足更為重要，只要心態正確，財富自然找上門。偶爾的失敗很正常，這也是為什麼世界上沒有平滑的山路。有時，或許我們應該享受失敗的過程，我們可以選擇面對困難時自怨自嘆，相對的，我們亦可以選擇做點什麼。有人說我梗頸，不信邪，但比起做了不成功，能做卻不做更令人抱憾，再者，就算輸了，我亦不是一無所有。難道當你成了那個口中說的髮線後移，抱着大肚子，跑兩步就喊要死要死的老油條時，才開始念惜舊時的日子麼？至少我不想做一個連自己都看不起自己的人﹗ ※圖片來源：網絡圖片

馬場北火災又係煙頭惹的禍

生活在我城
合資格90後・2016-12-29

早兩日發生喺馬場北大馬路嘅火災，令唔少居民談起仲心有餘悸，正當司警當日聲稱經已排除人為惡意可能，昨晚(28日)再度宣佈已經拘捕一名男子，經調查後發現呢位男子喺事發晚現場小解完，隨手將煙頭掉到地上，結果十分鐘後觸及附近雜物，加上當晚又大風又dry，結果一發不可收拾。 鋪天蓋地嘅內容就唔多講啦，我更關心一眾「苦主」點算？雖然係無心之失所致，但刑事同民事責任肯定走唔甩，萬一苦主們追討賠償又應該遵從邊個方向？根據估算，光是四家被波及店鋪補修費就高達1百50萬，如果再加上車主、停車場外圍、住戶、學校損失，睇怕數字遠超估算數字。有人問，鬼叫啲車亂泊，燒咗賴邊個？請搞清楚一件事，人家違泊唔代表你有權去損毀，如果被車主發現一樣可以報官拉人，至於發生今次火災係無妄之災，終究要睇個官點判。 點都好啦，所幸今次事件中無造成重大人命傷亡，其實偶爾還是會見到煙友隨地丟煙頭，能減少吸煙固然係好事，但亦唔係你我能夠控制嘅事，唯有下次見到地上有未熄滅嘅煙頭，當行善踩熄佢囉﹗ ※圖片來源：網絡圖片

新媒體 VS 傳統媒體

生活在我城
合資格90後・2016-12-07

新媒體近年大行其道，除了受網際網路影響外，幕後功臣少不了社交平台，只需舞動指尖即可隨時隨地分享資訊予朋友，更重要的是，如此的一個“炫耀”平台，進一步擴大新媒體的速度及影響力。這裡的新媒體，泛指透過電腦及網絡發佈含報導性質的內容，例如大家常見的「十個不能不知道的XXX、年輕人，看看XX的十個成功關鍵」等網絡文章；其與傳統媒體，即新聞、報章及雜誌等，除宣傳及發佈渠道有異外，新媒體並無既定立場，報導之內容亦較廣泛，甚至來自五湖四海，由微信朋友圈事件到美國大選等，也就是說，能吸引讀者的議題均可成為撰寫內容。 澳門最新一項調研指出，逾千名18-45步市民中，八成受訪者偶爾關注傳統媒體，當中更高達四成受訪者選擇相信新媒體的相反觀點，這是否意味著傳統媒體公信力插水？基於立場原則，傳統媒體不會有明顯偏頗立場，對報導篇幅亦有一定要求，用詞相較“文皺皺”。相對於時下年輕人快餐式閱讀文化可謂南轅北轍，對他們而言，完整閱讀一篇長達5分鐘的文章近乎不可能，這又是否說明年輕人不愛閱讀？非也，若我們換成數篇標題吸引、內文精簡的文章相信效果折然不同，箇中原由不外乎新鮮、有趣、精簡及殺時間，我們以時下“標題黨”舉例，文章大概講述某一私企總裁來澳進行講座與學生分享經驗，傳統媒體報導標題可能是「A公司總裁訪澳與一眾師生交流」，但新媒體標題則可能是「他的十句說話，讓師生都哭了﹗」，兩者差別不言而諭。 新媒體的興起某程度為傳統媒體帶來衝擊，基於文化、背景、習慣等因素，令不少人逐漸成為新媒體吹捧者，這是否意味著傳統媒體應逐步退場？無可否認，傳統媒體生存至今，確實有其存在價值及意義，要訓練一個執筆的資深傳媒人亦非一朝一席之事，其對於內容的瞭解，文章結構以至表達方式，某程度要比“新傳媒人”更為清晰，與其花費唇舌探討與新傳媒之間的差別，倒不同思考將資訊逐步滲透至網絡，畢竟新媒體文章價值參差，部分更“營養價值”不高，相信真材實料的內容更易令讀者產生共鳴。 圖片來源：T客江

澳門賭收有望回升至2000億？？

生活在我城
合資格90後・2016-11-28

澳門自開放賭權以來，經濟扶搖直上，庫房長期水浸，更在2014年2月創下單月最高賭收達380億，而貴賓作為賭業鏈頂層，更可謂居功不少、盛極一時。但隨著國內經濟放緩等不明朗因素，於同年6月，賭收急插三成剩272億，澳門經濟頓時面對前所未有的壓力，首當其衝更是貴賓廳業務，各種壞賬、借貸糾紛、非法集資，再加接連爆出貴賓廳高層捲巨額潛逃案，令貴賓廳生意雪上加霜。對於翏翏可數的豪客，可謂僧多粥少。 然而，歷經漫長歲月的調整後，社會上已有共識，明白到產業單一發展的利害關係，更不能像以往每餐“牛扒盛宴”，故近年着力橫向發展其他產業，如會展、旅遊、文創、青創等，希望實現產業適度多元發展，而博企方面，除進一步加大中場吸引力外，亦致力於提供多元配套設施，以及引入部分非博彩娛樂元素。而近日終傳來利好消息，在最新一輪的報研指出，今年賭收有望突破2,000億大關，而貴賓廳業務亦同步回升3-4%，多家投行紛紛唱好走勢。 在利好消息傳來之際，我們還能看到什麼端倪？在經過深度調整後的澳門，政府看似已着手精兵簡政、外勞退場、交通樞紐調研、填海造地、興建公屋、行政大樓等。有鑑於過往“洗腳唔抹腳”的經驗，政府近年確實頻頻出招，試圖挽回居民信心。然而，實際執行及其進度，看來也非一時三刻就能令人另眼雙看。 圖片來源：網絡圖片

施政報告，是華而不實，或是表裡如一？

生活在我城
合資格90後・2016-11-16

2017年度施政報告出爐，對一眾小市民而言，最關注莫過於住屋、交通、民生、福利、就業等幾方面。早喺報告公佈之前，就已經有民調指出，今年市民對交通訴求首次超越住屋問題，或者可以咁理解，上樓難已經係不爭事實，但相反交通問題越來越嚴重，已經嚴重影響到日常出行，仲同我講建澳門段輕軌？開玩笑咩﹗ 雖然喺施政報告當中，惠民措施統統無減，一於照抄。言而市民對呢啲措施好像已司空見慣，實在好難拍爛手掌，即使報告中提及將會喺偉龍馬路興建8千個單位，以及嚴格控制汽車增長率喺3.5%，但始終未能令市民收貨。原因好簡單，不就是不求做到天花龍鳳，只求唔好畫蛇添足就好。睇返早前政府宣佈嘅樓市辣照，雖說不上全城喝彩，但確實有不少市民因此受惠。其實有冇新政策可能並不重要，相比之下，一個好嘅政策來得更加實際。 政策出台，固然有人歡喜，當然亦有人愁，既然政府已訂明目標，就請切實執行，什麼諮詢、會議，已經舉行不下數十次，但市民嘅建言政府又收到幾多？做到幾成？相信就只有政府知道。澳門自開放以來一直扶搖直上，直至近年遇到經濟危機先緩緩轉型，相比鄰岸，澳門確實前車之鑑，能借鏡嘅對象亦不少，喺現時經濟轉型情況下，如何能夠將市民所想轉化成實際執行，相信一眾高官需要謹慎思量﹗ 圖片來源：力報

2016美國總統大選結束，咩話?? Trump嬴左??

環宇搜奇
合資格90後・2016-11-09

美國2016大選結果塵埃落定，結果由特朗普勝出。相信兩位候選人喺等待過程中，心情猶如往返天堂與地獄一樣。雖然外界一直盛傳希拉里會成為大選嬴家，但勢估唔到，由點票一刻開始，特朗普一直以領先姿態遙遙領先，更一度大幅拋離對手。而受到窮追猛打嘅希拉里，幸好其後順利取得“含票量”最重嘅加州，一口氣扳回55票並急起直追，但依然無阻特朗普攻勢，截至9日下午4點終以218:274票被特朗普踢走。 大選結果令唔少人大跌眼鏡，皆因喺點票前夕，各大報章、雜誌及媒體近乎都一面倒向希拉里，但過程卻一反常態由特朗普領先。我地只需對比選前民調同大選結果圖表，就會明白箇中奧妙。基乎大多數搖擺州分都紛紛倒向特朗普，證明佢成功以獨特嘅個人風格衝擊整個美國選舉體系。即使希拉里喺近日嘅拉票活動中頻頻請出重量級人馬，始終未能力挽狂瀾。無論如何，“狂人”當選已是不爭事實，究竟佢能為整個美國，甚至係全球帶來是福或是禍？就讓我們拭目以待﹗ 除咗一眾選民睇到滴都汗哂之外，小股民更係如坐針氈，皆因由開市嘅2萬3千餘點，喺短短兩小時，竟然暴跌成千點，截至4點個市仲跌緊458點，足夠令小股民損手爛腳喇，講到呢到，小篇都有啲眼濕濕….. #繼英國成功脫歐又一黑天鵝事件 圖片來源：fox news #大選前夕各州分投票預計 圖片來源：信傳媒 #威哂啦，特朗普 圖片來源：The New Yorker

PPAP除咗聽，仲可以食？

走遍世界
合資格90後・2016-11-09

嗱，PPAP呢首洗腦歌有幾犀利，相信大家都已經略有耳聞，早前仲打入美國Billboard榜第77位，雖然首歌只有短短45秒，但足以令大家為之瘋狂。 Pico太郎更食住個勢，喺東京晴空街道里開左間期間限定嘅「PPAP CAFÉ」，點解係期間限定？因為只營業到11月20日，而CAFÉ主打產品當然就係以歌詞中Apple同Pineapple啦，亦即是蘋果同埋菠籮做主腳囉，當中最受人所吹捧就係(PPAP Fresh Juice)，以原隻菠籮做賣相，再加入蘋果同菠籮汁嘅cross over，簡直就絕呀﹗ 食完就走？咁好冇意思啫，有野抽，有野抽，有野抽，重要的話要講三次﹗﹗原來每點一道餐，就有一次機會抽PPAP杯墊添呀。如果你有興趣，呀唔係～應該係有時間嘅朋友，不妨去食返轉，分分鐘帶埋啲創作靈感返嚟添呀。 #正係個舖面都夠吸引啦 #原隻菠籮外型嘅鮮果汁 #成set都印哂PPAP喺到，一邊食，一邊飲，一邊聽住PPAP，仲唔上身？ #仲有一套5個杯墊添 以上圖片來源：natalie PPAP CAFE 官網：www.tree-village.jp/news/013334.html

泊車12蚊個鐘，你泊埋我嗰份

生活在我城
合資格90後・2016-11-08

圖片來源：澳門日報 交局表示，為調整咪錶沿用已30年嘅收費標準，以及增加泊車周轉率問題，決定上調收費，當中增幅不大於兩倍，而現時1小時6蚊嘅藍柱更勁升至12蚊，社會嘩然，有人認為，咁只會助長車位身價，即使升幅再高，但車位就只得十個，段估唔會貴咗，就少咗人泊掛？畢竟現時一位難求，尤其皇朝呢啲重災區，泊到車簡直就係上天恩賜要跪恩添呀﹗ 幸好現時藍柱只會放置喺泊車重災區，例如皇朝、關閘附近、高士德一帶等，據數據顯示，放置藍柱後周轉率平均高達1倍或以上，而筆者偶爾亦會到訪以上位置，的確偶爾會見到空位，但同時，附近違泊亦不少，即使附近停車場有位，都依然無阻大家對“泊街”嘅熱情，原因不外乎遠或懶行，相信要整頓呢一種風氣，係需要長序漸進嘅方式，一方面需要市民嘅配合，另一方面，政府對交通網路嘅規劃就更為重要喇，畢業有得揀，你都唔希望泊個車都提心吊膽掛﹗

合資格90後

    一位初出茅廬嘅社會新鮮人，作為一個土生土長嘅澳門人，會有種莫名嘅歸屬感，喺外地讀完大學後，重歸舊地卻已人事已非，身邊的朋友一個個經已失去左當初對社會嘅期許，究竟係社會嘅錯，抑或是不思進取？家人話，既然改變不了現實就同現實埋堆，此一說我認為可圈可點，難道廚師不可一手拿刀，一手執筆乎？

    作為標準90後，由踏出社會一刻就經已被貼上密密麻麻的標籤，廢青、樓奴、車奴、不思進取、擾亂秩序、冇恆心，真係未見官先打八十大板，再做幾年工，經已遍體鱗傷，連呼吸都感無力，又何惧？

    小城大事，每天發生，一個個發人深省的報導，一篇篇社會真實案件的文章，向我們訴說着社會的不公，我既無力挽救，只得咬文嚼字，細閱每篇文章，每每扣人心弦，閒時講吓時事，聊聊民生，講盡一切澳城澳事﹗