通通$6起！那些年的味道一啲都冇變過！放學後必食的「校門口美食」！ 澳城餐飲

通通$6起！那些年的味道一啲都冇變過！放學後必食的「校門口美食」！

肉鬆壽司

行入龍頭左巷，正對海星中學。一間士多店，隱藏著我們放學後的美食秘密~壽司、炸物、小食應有盡有。

阿姨話有肉鬆壽司、雞肉蟹柳壽司、蟹柳壽司、八爪魚壽司四種在售。每隻都係6MOP就可以買到喇！壽司口味雖然有限，但為食妹嘗試隱世小食的心情卻是無限~

八爪魚壽司

扎實厚切的壽司令人食指大動！四款口味唔知從何落口開食！

經典芝麻八爪魚是喜愛海鮮的為食妹首選！甜辣適度，入口順滑。就著糯糯的壽司米，辛香甜香交融，幸福感指數upupup！

雞肉蟹柳壽司

薄薄一層紫菜包裹著豐富餡料，厚厚一圈壽司米，就算凍咗都別有一番風味！

最簡單的膠袋裝著幸福的心情，打開包裝，滿眼都是閒適的快樂。嚐上一口雞肉蟹柳壽司，將一日的好心情隨著咀嚼一同下嚥。

細碎又完整的雞肉粒、煙韌的蟹柳，勾動著饞口的食慾~

蟹柳壽司

雞肉蟹柳是滿足飽腹之選，而蟹柳愛好者，實要揀齋蟹柳的壽司喇！滿滿當當的厚塊蟹柳，配著軟糯壽司米一同入口，是“愛的味道吖~哈利”~

自選炸物

除咗手作溫暖牌壽司，呢度的炸物同樣十分驚艷！無論係招牌鴛鴦雞肉串，定係雞全翼，都散發著濃濃油香噴香滋味！

裝著炸物的牛皮紙袋微微滲出油花，誘人香氣撲鼻而來，難道這樣的快樂，不值得小心珍藏嗎？

外脆內嫩的腸仔，無論個頭大小，都一樣咁啱口味！

金黃香脆的雞全翼，承包一整個下午的快樂！由雞髀到雞翼尖，每一啖都推發鹹香酥脆衝擊力！

就係哩啲簡簡單單嘅小食

令我哋不斷回憶匆匆過去的那些年

每個人都在長大

但陪伴我哋一齊成長的味道

卻在原地保持不變

一代又一代的傳承下去

......

永聯小食

地址：龍頭左巷裡，海星中學旁

電話：66541088

人均：6mop-20mop

圖文|得得

美工|陳真香

攝影|他說他叫修杰楷

• Tag

• 食在澳門
• 那些年
• ifood
• 永聯士多
• 海星中學
• 龍頭左巷
• 肉鬆壽司
• 八爪魚壽司
• 雞肉蟹柳壽司
• 蟹柳壽司
• 雞全翼
• 鴛鴦雞肉串
• 學校