168間分店！澳門首間“膠己人”的正宗潮汕【鮮牛肉火鍋】請你食牛肉丸喇！ 澳城餐飲

冇一隻肉牛可以活著離開潮汕

而有一間咁樣的潮汕特色牛肉火鍋店

「海銀海記」

將新鮮熱辣滾的潮汕牛肉“全牛宴”

首次帶到澳門本地！

今次本澳的朋友仔們

唔使去到潮汕都食得到正宗

潮汕特色牛肉火鍋喇！

嗱嗱聲同為食妹一齊

做返一次“膠己人”~

▽

潮汕人對於牛肉火鍋的執著，肯定係牛肉的“鮮”。唔夠鮮的牛肉，肯定經受唔住滾湯的考驗！海銀海記的明檔廚房，俾你100分的安心觀感！

海銀海記對品質的高標準追求，係牛肉新鮮與美味的關鍵！

無論幾時入店，你都可以即場見到師傅切牛肉。鮮、嫩、快的牛肉質感與刀工，就喺刀起刀落之間展現得淋漓盡致。每一片厚薄均勻、紋理分明的牛肉，盡顯刀工專業與細緻。

品嚐潮汕牛肉火鍋同修煉武功秘笈一樣，都係需要招式、講究技巧同掌握時間噶！而第一招的致勝關鍵，梗係上咗一鍋靚湯底先喇~

健康雜菌牛骨鍋的原湯係用牛骨慢熬數小時，清澈見底的湯底卻帶著無窮香濃的口感。加入菌類、枸杞等材料，讓湯底的清甜與牛肉等食材得以完美融合！

“朥”字喺潮汕話裡係“脂肪”咁解，但係胸口朥卻唔係牛心口的脂肪，而係牛胸肉嚟噶！黃中透白的胸口朥，係大肥牛的獨有的“專利”，一般的肉牛係唔夠班噶！

胸口朥淥開之後踡縮成簇團狀，Q彈爽口、韌勁十足！唔中意肥膩口味的朋友仔唔使憂心~淥的時間越長，胸口朥的彈性越強！濃郁的牛朥味迴蕩唇齒間，完全冇肥肉的感覺~超滿足！

對於潮汕牛肉“肉盲”患者來講，為食妹覺得嫩肉係最易認到的部分！因為嫩肉係唯一一款冇任何脂肪的牛肉。

入鍋前後的分量絲毫不差，無論係即食或點醬食都不負其名 ——嫩！嫩到出汁嘓種嫩！雖然軟嫩卻嚼勁十足，食牛肉的最佳體驗不過於此！

肉牛最精華的部分，就係頸部活動最頻繁的位置。雪花牛肉，又叫脖仁，係牛肉中限量版的存在！一千斤的牛肉片中，通常只能夠取出一兩斤的雪花牛肉，可見佢有幾珍貴喇！

雪花牛肉係可遇不可求的部分，每日售罄就食唔到喇！“物以稀為貴”，所以為咗哩一份私藏級別的稀有雪花牛肉，好多食客都會提前到店落單！

記得下一次到店時候，第一句要問店家“今日有無雪花牛肉啊？”嫩肉鮮美，爽脆彈滑，集所有完美口感於一體，仲帶著微微嚼勁，令食客食而忘我~

吊龍肉的名咁霸氣外露~係每餐潮汕牛肉火鍋餐檯上的“常勝將軍”！未食過潮汕牛肉的朋友仔首次到店必點吊龍肉！

牛脊背上一條長條狀的牛里脊肉，就係吊龍肉喇！肥瘦相間的肉質，精瘦質感保留的同時，又帶著恰到好處的油脂香味！入口滑香迴蕩，嚼動無渣，簡直不負其名！

匙柄係靠近牛腿同牛腹部的好小一部分，你都可以理解為肉牛的肩胛里脊肉~最明顯的地方，係匙柄肉片中間有一條明顯筋絡，下次唔使驚認唔到喇！

匙柄的油脂適中，淥過之後，口感軟中帶脆，細細咀嚼，彈性十足！

腳趾肉係潮汕牛肉火鍋餐檯上的super star，超有人氣！牛前腳的一小部分肉，就係腳趾肉！

筋絡分明、口感爽脆Q彈，超有嚼勁！心懷“三起三落”的淥牛肉原則，唔可以淥得太耐，先可以keep住腳趾肉的超爽彈性！

來食潮汕牛肉火鍋，你可以點少啲肉，但係你一定唔會忘記食牛丸！至尊超大牛筋丸，用勁道的筋肉鮮質感征服你的味蕾！

經過多道工序煉成的牛筋丸，採用新鮮牛肉現做現賣，係貨真價實的純正牛筋丸！顆顆大小均勻，肉質緊實，彈性滿滿！未食之前仲可以當“乒乓波”打添！鐘意食牛丸的你，仲可以帶幾包返屋企添~

享受完第一part的全牛宴，相信肉食怪獸們仲意猶未盡！海銀海記深諳葷素搭配的道理，特備獨家熟地黑豆水，助你清熱開胃！

黑豆水係富有潮汕特色的飲品來噶~喺潮汕地區食完牛肉火鍋，來返一杯清燥熱的熟地黑豆水，係常規操作！

葷素搭配，食肉唔攰！PLUS版炸腐皮零捨誘人！金黃色澤透出油光，散發出動人的美食魅力！

受到雜菌牛骨湯的浸潤，吸收牛肉香氣同蔬菜芬芳之後，炸腐皮的豆香得到質的升華。一啖入口，口齒留香，汁水四溢，餘香裊裊。

當胸口朥與牛肉串連一齊，喺高溫油烤之後更顯噴香。烤胸口朥的脂香爽脆、烤牛肉串的牛香扎實，無一不攻陷你的舌尖~

8蚊一串的美味，簡直賽過神仙！一串接著一串，為食妹表示仲可以來多一set~

當湯底吸收曬牛肉同鮮蔬的所有精華之後，有一份潮汕河粉——粿條，係必不可少的搭配！睇落平平無奇的素雅外表，吸滿牛香湯汁，入口彈而不爛，回香四起，沉迷不已……

食肉時候的豪情萬丈、酣暢淋漓需要有燈火通明、寬闊敞亮的環境相襯，哩份好心情先會達到極致享受。

海銀海記唔單止做到出品新鮮，連用餐環境的佈置亦分外別緻。古色古香的優雅格調，溫涼適中的進食溫度，讓你食肉時候都keep住一份好心情，唔會被燥熱所擾。

讓我們一齊相約海銀海記，品一份潮汕人的匠心，食一份新鮮潮汕牛肉喇！

圖文|得得

美工|陳真香

攝影|他說他叫修杰楷