環宇搜奇
幸村 - 香港書展
疫情幾年無去香港書展，上一次已經係2019年，彷如隔世。
成日都有人講愈來愈少人睇書，但每次去都打晒蛇餅先入到場，睇返數據，呢幾年書展都有超過一百萬人入場，暑假無咩節目，家長帶小朋友去書展沾下書香都係不錯的選擇。
不過小朋友恐怕唔係咁睇，返完一個學年既學，本來最響往係暑假，打機既打機，訓晏覺既訓晏教，俾家長捉了去書展，似報仇一樣買了一年的習作，最好從早到晚，十八般武藝樣樣精通，難怪小朋友愈來愈唔中意睇書。
呢幾年新作家數量少了，日本文壇既情況都係一樣，但日本每年都會頒發唔同既文學賞，鼓勵寫作，而且大部分作家都係通過獲獎入行。
日本的文學賞一般可以分為公募新人獎或一般文學獎，後者最有代表性是直木賞和芥川賞，兩個獎都是每年評選。
直木賞的考慮作品的創新性，題材一般反映當代社會的矛盾和人性的深刻洞察，因而也較受讀者歡迎，作品都非常暢銷。
至於芥川賞比較重視藝術性與文學價值，多數短篇小說為主，兩個獎的評選標準各有不同。
除了純文學獎，更加有大量唔同的新進作家徵稿大賽，例如日本推理作家協會賞、 日本科幻小說大賞、恐怖小說賞等，呢幾年日本新作家的數量有所下降，一啲報館同媒體都開始搞文學獎，好似Jump小說大賞、Yahoo Japan文學賞，電影界不愁沒有好的小說提材翻拍電影。
睇返香港澳門，雖然都唔係無青年文學獎或文學新秀獎，但始終無名氣同影響力都係唔夠大，要培養新作家，不妨參考下日本。
