文章列表

||不一樣的柬埔寨遊記||Part 2

走遍世界
Andrina・2017-12-07

繼續我嘅柬埔寨遊記先！我哋買左3日Day Pass遊覽吳哥窟，吳哥窟係叢林入面，係入面有一種喺叢林探險嘅感覺，連盜墓者羅拉都係其中一座廟宇拍攝過，有好多人仲會著羅拉打扮去影相tim！ 地圖上可以睇到所有廟宇都係集中喺同一個區域入面 由於我讀旅遊嘅關係，去到見到咁多古蹟覺得好amazing，而且有好多國家例如中國、日本同印度幫手做保育工作，經過多年修復後先可以睇到最原始嘅建築。而鍾意攝影或者鍾意畀人攝影嘅朋友仔去到仲可以盡情影相，每一處都係影相嘅好地方！我唔太識影相，但其中一位團友影相好靚，我地就靠佢影咗一輯靚靚嘅相片！ :)我第一日去左以下嘅廟宇參觀~ Banteay Srei 女皇宮女皇宮的主要是敬拜印度教的濕婆神，雕刻精緻優美，被稱作吳哥的藝術寶石。 呢到嘅雕刻比較仔細 攝影師不辭勞苦為我哋服務 Preah Khan 聖劍寺聖劍寺，是國王闍耶跋摩七世為紀念他父親所建立的一座神廟。聖劍寺廟有很多石雕的手上都握著寶劍，所以後人以聖劍寺稱呼此廟。 入面有好多唔同造型嘅仙女 正經POSE唔正經POSEGROUP PHOTO :P NEAK PEAN 涅槃寺涅槃寺是為闍耶跋摩七世所建的草藥浴醫院，共有五個不同療效的水池。前往涅槃寺時會通過一條木棧道，木棧道的兩側有湖，湖裡有一堆枯木，其實佢係被火燒過至出現嘅湖。 我地去到嘅時候係日落所以影色好靚 PRE RUP 變身塔變身塔是王公貴族的火葬場，在建築形式上屬於 "須彌山式" 的印度建築。須彌山 (Sumeru) 為印度神話的世界中心，神明的居所。變身塔位於吳哥城（Angkor Thom）城最東方，皇家浴池的北方，是個適合看夕陽的好地方。 由於塔頂係通天的，入去行到最角落嘅位置向心口敲打，心的聲音就會經由塔頂將您的心意傳達上天。 上到頂層可以欣賞好靚嘅景色 落去都要好小心 由於晚上吳哥窟係漆黑一片，大約6點到我地就出發返去市中心食晚飯了～下part就介紹埋其他廟宇啦！ 廟宇資料：http://www.mr-angkor.com/

『路邊茶檔』- 唔係普通雞蛋仔咁簡單！！

澳城餐飲
Andrina・2017-11-26

唔知大家平時鍾唔鍾意食夾餅同雞蛋仔呢？以前我都會去國華戲院或HSBC斜路間走鬼檔買嚟食，但近年終於有新選擇啦！除咗大熱嘅「鐵餅號」之外，我仲愛上食「路邊茶檔」，位置喺賈伯樂提督街（美的桌球室附近）嘅轉角位，細細間，復古懷舊裝修，以外賣為主，只有一張小Bar枱做堂食。 而佢嘅成名作就係雞蛋仔，佢唔係淨無得普通雞蛋仔，仲有芝士雞蛋仔同咸蛋黃雞蛋仔，兩款我都試晒，雞蛋仔即叫即整，而且粒粒分明，外脆內軟，充滿蛋香味！！ 芝士雞蛋仔 咸蛋黃雞蛋仔 我個人偏好芝士雞蛋仔，粒粒都有芝士，芝味濃！我仲試埋水果茶，入面有新鮮水果，飲落有驚喜，唔太甜，茶味出到之餘亦無蓋咗水果嘅鮮甜！ 水果茶 其實佢仲有經典嘅絲襪奶茶同其他飲品同小食可選擇，有興趣嘅朋友可參考以下資料： ||路邊茶檔||地址: 澳門賈伯樂提督街84A號勝樂大廈地下Facebook：https://www.facebook.com/路邊茶檔-126788211333128/

||不一樣的柬埔寨遊記||Part 1

走遍世界
Andrina・2017-11-17

早前我同2位朋友仔一齊去咗柬埔寨旅遊，之前一直都好想去但係無勇氣，因為柬埔寨比我嘅感覺係： X 落後 X 危險（唔安全） 但係去完之後我嘅想法都係錯嘅！因為今次其中一個朋友係柬埔寨Expert，年年都會去柬埔寨，受佢影響心思思想去就束成今次旅行啦！！！！ 我地搭AirAsia由澳門出發 --> 曼谷 --> 再轉去暹粒 由於係夜機，去到曼谷已經係零晨時間，book咗酒店訓一晚第2日再早機去暹粒，點知原來係唔可以出境（晴天PIG PIGΣ(꒪ȏ꒪)）！！我地就係曼谷機場路宿咗一晚。。。。。༼☯﹏☯༽ 終於到達暹粒啦～機場保留傳統建築但入面翻新過超新淨，而之前一直聽人講過關時會有工作人員叫你比小費，好彩無發生到喺我地身上～～ 過完關之後就出發去酒店啦~~其實暹粒有好外國人開嘅酒店，間間都充滿特色，而今次我哋住果間酒店由瑞典人開，充滿北歐風～而且仲係50年代設計，復古味十足！ Viroth's Hotel 等Check-in有Welcome Drink~ 呢到就係食早餐嘅地方 超靚嘅Swimming Pool 每個角落都充滿特色 房間寬敞，仲有露台可以比你晒下太陽，好寫意 我地喺房間小睡一陣就出發去食下午茶啦～～～ 下午茶嘅地方係文化創意區，有好多特色小店！ 亂入一間咖啡店都咁靚 遊走文化創意區 之後我地就去夜市行街同食晚飯啦！ 夜市人頭湧湧 仲有好多食昆蟲嘅街邊檔(◯Δ◯∥) 我地今晚去一間叫做"LE MALRAUX"嘅餐廳食晚飯，環境同野食都好精緻，嚟到呢個moment我對柬埔寨嘅印象完全顛覆！！！！安全感倍增，好感度UP！！(◕‿◕✿) 係咪好正呢！ 樓上仲係一間小店，有好多中國特色嘅產品售賣～ 我地叫左西餐同柬埔寨菜～野食除咗有賣相之外，味道仲好好呀！ 夜市嘅戰利品！！ﾟ*｡(･∀･)ﾟ*｡ Day 2我地就會出發去吳哥窟，由於吳哥窟係世界文化遺產，有千年歷史，佢地特地做了一段短片講去吳哥窟旅客要注意嘅事項，一齊嚟睇睇呀！

||宜蘭嘆啡記||一齊尋找隱世咖啡店

小城角落
Andrina・2017-11-11

台灣多咖啡店係人都知，估唔到原來喺宜蘭都有好多特色咖啡店！ 我今次去左2間咖啡店，同大家介紹一下先～～～ 1. 黑宅咖啡Black House Coffee 黑宅咖啡故明思意成間店都係以黑色為主，而且佢仲係一棟架！座落喺宜蘭投城鎮，周邊都係草地同農地無高樓大廈圍住，令人心曠神怡！咖啡店成棟咁利害？其實佢除咗做咖啡店，仲係一間民宿嚟架！ 佢提供自家烘焙咖啡同手做甜點，餐牌飲料選擇多、而主食只有幾款選擇。由於我中午去到，所以叫咗主食「法國嗑太太吐司」套餐配一杯Latte。套餐包括乳酪、新鮮生菜、季節水果及香脆薯條。 菠蘿乳酪加上燕麥片、紅梅乾同奇異籽，好味又健康！ Latte 我簡咗「黑宅6號義式綜合」咖啡豆，有濃濃嘅堅果味，my favorite！！ 法國嗑太太吐司 其實就係用私房吐司、里肌肉火腿、muenster芝士同自製香濃白醬，再舖上有機太陽蛋喺面，用心製作，加上新鮮蔬果，份量十足，十分美味！ 我哋最後仲點咗「餅乾芝士布朗尼」，好特別嘅Browie，中間心夾住芝士，比一般Browie無咁漏，配埋杯咖啡一齊食真係一流呀！！ 2. 隱藏版小咖啡 相比起上面間大咖啡，呢間咖啡店隱藏喺羅東老街嘅轉角處！我仲鍾意門口嘅小花園，裝B打卡必影！ 入面充滿復古擺設，最適合大家放鬆hea hea共享慢活時光！佢哋都有自家烘焙咖啡豆售賣，仲有好多文青系擺設，好可愛！ 點了焦糖咖啡 另外仲叫了朱古力Waffle同原味芝士蛋糕。味道尚可，但整體環境一流！ 其實上網仲見到好多唔同特色嘅咖啡店好想去，可惜唔夠時間，希望不久將來可以去試埋其他咖啡店啦！！！！ 黑宅咖啡Facebook: https://www.facebook.com/blackhousecafe/ 隱藏版小咖啡Facebook: https://www.facebook.com/lil.secretcafe/

||宜蘭超好玩||自製三星蔥油餅～～

走遍世界
Andrina・2017-11-02

剛剛同家人去咗台灣5日，今次主力去宜蘭自駕遊，逗留咗3日，去咗好多唔同景點同咖啡店，稍後會再一一介紹。 而整個旅程最開心就係去咗出產三星蔥嘅地方尋找三星蔥之旅，仲可以親手製作三星蔥油餅，超興奮！！！ 由於三星鄉雨水充沛，蘭陽溪上游無污染水流，令到三星蔥口感鮮甜。三星蔥係「三星四寶」之一，品質名冠全台，蔥白比其他蔥更長更粗，而且汁多又不嗆辣，可以直接生食或者當料理品嚐。 我係網上搵到一間可以體驗拔蔥洗蔥做蔥油餅嘅地方 - 「星寶蔥體驗農場」就即刻過去了。一去到都有唔少人一齊玩，我哋報名後就有一位農夫哥哥帶我哋落田拔蔥啦！ 就係呢塊美美嘅農田長滿了青蔥 用少少力拔左蔥就去洗蔥 之後就到我最期待嘅自製蔥油餅了！示範結束後就開始行動啦！一齊睇我嘅小影片了解製作過程啦！！ 自已動手做嘅蔥油餅特別好味，一咬落去蔥嘅香味就飄出嚟，而且蔥好香甜，好好味呀～～～～～～～～～有機會大家都可以去體驗一下！

「Root 根」- 摩登歐式Fusion 餐饗體驗！

澳城餐飲
Andrina・2017-10-29

早幾日係我個哈子餅生日，當然要好好慶祝一下啦！我哋上一年食咗 Japas，今年就試下佢旗下另外一間餐廳 - Root！Root喺早幾個月先開，位置喺文化中心對面。 取自官方Facebook 十分低調嘅門口，燈光好陰暗（但隔離店燈好光射返住佢XD） 之前喺Facebook見到就比佢相中環境同食物相吸引住！一如佢地餐廳嘅經營概念，Japas偏走亞洲Fsuhion路線，而Root就走摩登歐式Fushion菜路線，而且佢哋仲有自家種植餐廳所須嘅沙律菜同香料，超有Heart！ 佢晚上只提供Set Menu，有 $580/位同 $880/位嘅Set Menu可供選擇，我哋就選咗 $880 嘅Set。賣相好，味道更好，睇下我哋食咗咩先～～～因為佢用英文Menu同埋會因當季食材同Menu有所出入，原諒我亂譯。 餐前小食玫瑰薯片蛋黃乾薯蓉（內有蒜片）一口三文魚莎莎同三文魚子脆脆粒蒸蛋 Welcome Drink 暖暖的桂花荔枝薑蜜 之後係菠蘿雪葩配脆蜆片 呢個好神秘，佢用粉皮蓋面，要用少少暴力打開佢！荷蘭醬魷魚配西柚粒+小蕃茄白松露慢煮帶子配西芥汁薯蓉紅鱈魚配味噌汁 迷迭香鵪𪂹冬菇配海苔飯 完成主菜又食返個紅菜頭啫喱梨子雪葩清洗下味蕾，之後就上甜品了！ 玫瑰蘋果撻+玫瑰雪葩（好靚呢！） 仲附上幾款甜小點比我哋，有桂花啫喱、綠茶棉花糖、檸檬啫喱同朱古力，仲重要就係Birthday Plate～粒粒字都食得ga！ 整體無論環境同食物質素都好高，價錢就拍得住酒店高級餐廳嘅價錢，不過唔洗擔心價錢住，因為佢最近都推出咗Lunch Menu，$180/Set，有興趣都可以先去試咗午餐先～～～ 取自官方Facebook 最後最後，祝我哈子餅生日快樂！Love You❤️ ROOT 根Facebook: https://www.facebook.com/ROOTMACAU323/?fref=ts

舒壓Relax推介 - 泰國KarmaKamet的秘密香氛世界

專題報導
Andrina・2017-10-22

平時工作忙碌，每晚返到屋企食完飯沖涼之後要比自己一個Quality Time！而我嘅舒壓方法就係用香薰啦～之前喺曼谷市集買咗部香薰機，配埋我喺SDA氣氛專營小舖買嘅有機檸檬草精油，每次只需滴2滴就可以用到3個鐘啦～ 除咗用精油之外，我都會用香薰蠟燭，而我最最最鍾意嘅品牌就係泰國嘅KarmaKamet啦～佢係1971年創立，喺2001年喺Chatuchak市集開第一間店售賣高品質嘅精油，仲因為品質好嘅關係成為泰國知名嘅香薰舖頭。除咗香薰店之外，佢仲做埋餐廳、居家用品同埋紀念品。 呢個就係檸檬草蠟燭 野莓味隨身香薰包，我掛喺衣架到成個衣櫃都香噴噴 仲有「Imperial Garden」味嘅家居香薰噴噴 上次去曼谷去試咗佢間餐廳「KarmaKamet Diner」，裝b一流。好似走咗入一個秘密森林入面，用餐環境有點復古感覺，我最鍾意佢嘅杯墊係一封創辦人寫比家人嘅信，好Warm。而佢最出名嘅甜品係「Strawberry In The Clouds」，係棉花糖加上新鮮士多啤梨同蛋糕。超夢幻！！ 大家如果去曼谷都可以去試下呀！ KarmaKametFacebook: https://www.facebook.com/karmakamet/ SDA氣氛專營小舖Facebook: https://www.facebook.com/saisondearomatique/

戀愛・電影館浪漫呈獻：【情謎梵高】

娛樂殿堂
Andrina・2017-10-19

🎤"Starry Starry Night...Paint your palette blue and gray...." 🎤 唔知大家有無聽過上面呢首歌呢？<Vincent> 係一首紀念荷蘭名畫家梵高嘅歌，歌詞描述咗好多梵高嘅畫作以及對佢嘅祟拜。而今年亦將會有一部關於梵高嘅電影上映，仲係全球首部全手繪油畫動畫電影！尋日發現原來澳門戀愛・電影館會於2-12/11上映【情謎梵高】，有興趣嘅人士快d去買票睇啦！ :) 戀愛・電影館喺今年3月正式對外開放，樓高3層，係一個集合電影欣賞、本土影像保存、以及電影書籍閱讀等功能的空間。我唸喺戀愛・電影館入面睇電影應該幾浪漫～嘻嘻！ (圖片: https://macau.movie/cinemas/5)(圖片: http://www.gcs.gov.mo/files/newsAttachment/110030/ICM0224032017.jpg) →在此購票← 導演：多羅特高比拉、曉治韋舒曼 全球首部全手繪油畫動畫電影《Loving Vincent》，籌備經年，由125名油畫家耗時數年，以梵高的筆觸完成65,000幅手繪油畫，製作出電影每格畫面，震撼呈現梵高傳奇，未完成已備受全球觀眾矚目！ 今年六月十三日於安錫國際動畫電影節 (Annecy International Animated Film Festival) 舉行全球首映，完場時全場起立鼓掌逾10分鐘，除贏得「觀眾票選大獎」，更獲影評譽為「前所未有的大師級作品」！ 電影將梵高 (Vincent Willem van Gogh, 1853-1890) 的名畫及畫中人，變成栩栩如生的手繪油畫動畫，描繪出梵高的藝術生命、人生起落、以及其神秘之死…。 導演簡介 多羅特高比拉是波蘭華沙藝術學院的畢業生，曾連續四年獲得文化部長的獎學金，以表揚她在繪畫和平面造型藝術的特別成就。《情謎梵高》是她首部劇情長片，其驚人的魄力與精緻藝術立即技驚四座、震撼全球。而在情片之前，她曾攝製數部動畫短片。 曉治韋舒曼則是生於1975年的英國人，持有牛津大學的政治、哲學及經濟學學位。曾參與製作多部得獎短片，包括榮獲2008年奧斯卡最佳動畫短片的《彼得與狼》。 «以上資料取自戀愛・電影館» 戀愛・電影館 網址：http://www.cinematheque-passion.mo/cn/Home Facebook：https://www.facebook.com/CinemathequePassion 🐟🐟

師奶仔『Netflix』煲劇推介2～～

娛樂殿堂
Andrina・2017-10-15

今日打風打左1日，最適合就係屋企煲劇～～講講我今日睇左咩先！ 《勇敢的安妮 Anne with an E》 呢套劇出左幾個月，每次一開Netflix就見到佢係推介列表入面，但係驚悶唔好睇就無睇到。今日心血來潮試下睇，一睇就一連睇晒7集！原來我先知我唸法好錯ga！！！！ 一開始就比故事入面發生嘅地點『愛德華王子島』所吸引，環境優美，好靚，好有衝動想去果到旅行！而主角安妮係一個孤兒，佢係一個好多野講同充滿幻想力嘅女仔（唔知係咪都係雙魚座呢？！XD），意外比一對上左年紀嘅兄妹收養，佢地原先想要一個男仔，之後經過一連串事件後都收養咗安妮同佢地一齊喺Green Gables生活，哥哥好內向好少講野但佢好錫安妮，而妹妹就把口好硬，但其實佢好好人，仲會幫安妮出頭！演員都演得好出色，有幾次感動到我眼濕濕！ 7集故事講安妮被收養、霸淩、識到第一個好朋友、男主角（幾靚仔ga），到最後屋企出現財政困難，安妮都喺勇敢面對逆境，渡過重重難關。最特別嘅係入面講女權主義掘起，同埋仲有講師生戀同同性戀故事，都幾令我驚喜！最近佢哋仲宣佈咗2018年出Season 2，超級期待呀！！！ ||故事大鋼（取自Netflix）||本影集改編自《清秀佳人》，描述一位勇氣十足、熱情澎湃的孤兒，意外被一名未婚女子和她那溫和的單身漢哥哥收養。 *以上圖片取自網絡 🐠🐠

深夜放毒～～～有性格嘅日式串燒店『肥後屋Fei4Hau6Uk1』！

全球飲食
Andrina・2017-10-13

嘻嘻！深夜一定要放放毒！！早前同朋友一齊去香港hea下，佢特別預約咗一間好特別嘅日式串燒店同我去食！！ 呢間店首先只接受預約，而且仲係一間樓上店嚟ga～我哋去之前佢會問定我哋想食咩海鮮類食物（可能係要睇返當季買到咩而定）。當日我同朋友係銅鑼灣行咗一陣先搵到。入到去地方唔大，由於都full booking嘅關係，我哋坐喺近窗口嘅bar檯。 現場環境相片（取自肥後屋Facebook Page） 我哋合共點咗8樣野食，每樣都好好味呀！！睇下下面d相你就會知！由特別係我第一次食牛油蔥飯，3樣野mix埋一齊原來好match ga！ 呢個係前菜『芥末八爪魚』 『胡麻醬蕃茄』 提早叫嘅『汁燒鮑魚』 『清酒煮蜆』 『燒鵝肝』 『明太子雞翼』 『燒栗米』 仲有主角『牛油蔥飯』 大家有興趣可以參考以下資料：Facebook: https://www.facebook.com/Fei4Hau6Uk1/ 🐠🐠 ------------------------------------------------------------------ 更多香港食記 【香港食記】 灣仔招積茶記 - 旺記冰室 高汁Hea點！香港淺水灣Limewood～

好App推介！『Apple Support』專人解決你問題！

手機‧電玩
Andrina・2017-10-10

最近我更新Apple Watch到iOS 11.0.2嘅時候，由於等咗好耐都更新得好慢。。。我就取消咗個更新。。之後我隻錶就出現以下畫面，我即時崩潰！T..T 我去到官網搵方法解決時就發現呢個『Apple Support』App，令我覺得驚喜嘅地方係佢有Live Chat，客服了解咗我嘅狀況之後，就嘗試同我解決問題，可惜最後都係要預約去Genius Bar到維修。不得不讚個客服好細心，仲幫我預約埋tim～ 就係呢個App啦！ 入到去會顯示你所有產品 您可以選擇想溝通嘅方法 呢個就係我個客服Mikala，佢好好人呢 大家以後遇到有任何問題都可以試試用呢個App唷♥～ 下載Apple Support

師奶仔『Netflix』煲劇推介 1 ～～

娛樂殿堂
Andrina・2017-10-07

身為師奶仔嘅我平時都好鍾意煲劇，不過我嘅喜好唔係韓劇同大陸劇，我偏好睇『Netflix』！ Netflix 係一間美國網絡提供影片串流嘅公司，用戶需要每月訂閱去睇佢入面嘅劇集，佢有自已嘅原創劇，仲有買返黎嘅劇集同電影，仲有可以比小朋友睇嘅卡通片，選擇非常多！ 而另我跌入Netflix懷抱就係一套叫「王冠」嘅劇集，佢係講述英女皇Elizabeth II統治初期嘅故事。最令我著迷係除咗角色的神似度，佢入面嘅場景，衣著，飾物都同現實嘅一樣，呢d都係因為用咗一億英鎊製作費嘅原故。睇完之後，我對溫莎家族嘅故事了解咗好多，而且仲會去搜尋咗好多有關資料。 Official Trailer 近排仲比我發現咗一套叫溫莎王朝嘅紀錄片，一共有6集，佢講返英國皇室過去100年來，點樣挺過權力爭奪同政治傾軋。入面有好多從未公開過嘅書信同真實嘅事件，我覺得好震憾！亦令我更加了解皇室故事，只可以講家家有本難唸的經。 下次再同大家講講我仲追咗咩劇啦！:P 🐠🐠

Yum Yum！食得健康又有營養 Zen by Maquette

澳城餐飲
Andrina・2017-10-02

今日同大家介紹呢間係我幫襯咗好多年嘅鋪頭，不過佢最近轉咗風格，由以前fine-dining變咗做輕食風，味道一樣咁好味。 一飲就愛上嘅rose latte，飲完之後有陣淡淡嘅玫瑰香，一試上癮。次次去必點！ 泡菜黑豚肉溫泉蛋飯，入面有好多蔬菜，完全無味精，份量剛剛好。 有飯就梗係有意粉啦！每次去都要睇當日推介，我試過食carbonera、蕃茄海鮮湯意粉同白酒煮蜆湯意粉，正！湯意粉飲晒d湯是必須的！ 如果食早餐可以選擇佢地親手做嘅小麥搭包同全日早餐呀～～～ ZEN by Maquette 地址：Lou Lim Yeok 7E （菩提園向前行） Facebook: https://www.facebook.com/ZEN-395774014112023/ 🐠🐠

環保由你！你！你！做起

環保自然
Andrina・2017-09-27

我哋日常生活中成日都會用到膠袋，雖然政府正草擬膠袋徵費法案並爭取喺出年進入立法程序，但其實有無唸過我哋可以靠自己努力減少使用呢？ 我之前買咗一個由西班牙出品嘅Eco Wrap環保麵包袋，好輕又接得，方便我放落手袋。有時我喺屋企準備三文治做早餐帶返公司都會用佢，出去買麵包果時又可以用，而且仲可以用到6年，計落都可以慳到唔少膠袋！ 內層係可以接觸食物嘅TPU薄膠膜（BPA free），耐熱達90度，只需用清潔精及清水簡單沖洗就可以清理食物污漬，亦可以放入洗衣機清洗 最近仲出左個GrabnGo防漏耐熱（120度）新袋，大大容量可以裝到有湯汁嘅食物！澳門依家有3個代購點，大家有興趣都可以去購買呀！:) 圖片Source: Eco Wrap 環保麵包袋 購買地點： Stuff Boxwww.facebook.com/SBmacau Eco Modehttps://m.facebook.com/EcoModeMacau/ 綠廚房https://www.facebook.com/GreensMacau/ *以上資料取自Eco Wrap 環保麵包袋專頁 🐠🐠

好玩推介！Printoss 手機相片打印機（無需用電）

手機‧電玩
Andrina・2017-09-25

將於10月21日推出嘅日本Printoss相片打印機，細細部同唔洗用電ga，只要用返instax mini相紙就可以去到邊印到邊。而且價錢唔貴，官網價¥3996，我已經喺日本代購店到訂咗(價錢$322)，到貨時再同大家Happy Share啦！;) *相片及影片取自官網 網站：http://www.takaratomy.co.jp/products/printoss/ 🐠🐠

Andrina

典型雙魚座人妻🐠 🐠 

分享生活小確幸

熱門推介