文章列表

川薈.芝士滷

澳城餐飲
肥羊的頹廢生活・2018-11-27

宵夜，一個世界上最邪惡嘅野。食左你會有罪惡感，唔食你又會話肚餓。如果你已經食厭左酸辣粉做宵夜，但又想食辣野嘅，今次介紹依間小店你應該會鐘意。依間鋪頭就係川薈.芝士滷。 川薈你唔好睇佢鋪頭細細，其實佢有賣嘅種類都唔少，有干鍋、椒鹽、水煮等等，一次過可以滿足到你一晚想食晒咁多樣辣野嘅願望。 椒鹽粟米 椒鹽粟米最怕嘅就係椒鹽味太重，完全搶左粟米嘅甜味，但係川薈係平衡方面就做得唔錯，唔會有大家有一邊太搶戲嘅情況，但係可能係預左你會送酒嘅關系，鹹味重左少少，唔叫野飲嘅朋友就要注意。 水煮田雞/毛血旺 水煮田雞唔會因為叫少辣嘅關系所以入唔到味，反而可以食到水煮花椒嘅麻味，值得一試。 毛血旺我試為係最好食嘅野，鴨紅/豬紅唔會一夾就散晒，牛柏葉又唔會太熟。 干鍋包菜 干鍋包菜做得好爽口，但係個汁就鹹左少少，食到尾如果配個白飯就最好 其他好多野都要睇下老闆果日返到咩貨，想知嘅可以加佢地WECHAT留意下。 地址: 澳門祐漢新村第八街161-195號

2018年11月新遊戲

手機‧電玩
肥羊的頹廢生活・2018-11-07

係十月尾，Rockstar Games出左一隻可以玩成個月嘅大作Red dead redemption 2 。但係依隻Game開頭嘅節奏真係好慢，相信唔係所有人都接受到。咁接受唔到咁慢節奏嘅朋友，係十一月又會唔會再買新Game定係又可以等多個月?一齊睇下十一月有咩大作。 英雄傳說閃之軌跡IV -The End of Saga 英雄傳說系列應該唔需要多講，日系經典RPG，係閃之系列嘅完結篇。今集主要係圍繞住第七班所發生嘅故事，如果你有追開故事相信你都會有追落去嘅動力，但就Trailer所見，遊戲玩法都係用返上一代個系統，唯一改左嘅就係個戰術連結，希望依個系統唔會係一個花瓶。 絕體絕命都市4：夏日回憶 唔知你信唔信邪，每次依隻GAME一有消息要出嘅時候，日本就會有大災難發生，為左唔好再相到市民嘅情緒，依隻GAME原本係2011年發售，但係不停延期嘅情況下，最終去到2018年先有得玩。由試玩片到睇到，遊戲質素同巨影都市係一樣嘅，係大場面下好大可能有掉幀嘅情況。而佢最吹引人嘅VR模式亦只可以去參觀下個遊戲世界，無得用VR玩令代入感都下降左。 Hitman 2 最強光頭殺手回歸，如果你係系列Fans，應該都知我講繄Agent 47，故事係2016年Hitman嘅續集，但係上一集係日本就蝕到入晒肉，令到Square唔肯同佢出續集，依家就由開發商 IO Interactive自己做返，今次應該就無籍口話被人干擾到佢點開發隻Game，希望會做得好好睇睇，而今集仲加入左雙人模式，玩法係一個做主力，一個做狙擊手幫手，如果你同朋友一齊玩，相信又會變左世界大戰。 Pokémon Let's Go Pokémon Let's Go係1998年皮卡超版嘅重制版，但係今次嘅系統有好大嘅改動，例如野外遇到小精靈嘅時候取消左戰鬥系列，捉小精靈變左係純機率嘅機制。依個系統有好有唔好，但係如果你係習慣左舊版要消到隻小精靈紅血先去捉佢嘅玩家，今次真係要諗清楚先買。但係係我經過GAME鋪嘅時候，已經聽到好多人已經訂左GAME，如果唔想食炒價嘅，我諗你都係去訂定好D。

蛙來噠

全球飲食
肥羊的頹廢生活・2018-10-08

身為一個鐘意食嘅肥仔，食野又點會只係留係澳門。今次我又沖出澳門，去到廣州搵食。今次試食嘅係牛蛙餐廳蛙來噠。 講起牛蛙，可能好多人都唔知係咩黎。但其實佢同田雞唔多，但肉質比起田雞黎講係更滑。 而今次試食嘅係係美團上買人仔128蚊嘅餐，係套餐入邊包括一個主食、兩份配菜、兩杯飲品、一個小食再加兩碗白飯。 先黎講下主食，今次簡左佢最主打嘅香辣味牛蛙泡鍋。 牛蛙比起田雞更加大隻，肉質會更滑，所以會比較好食。而牛蛙煲嘅底下其實係有個火係到不斷多熱，就算係咁大煲都唔會食到一半就凍晒。而我今次叫左個小辣黎食，辣味唔會太重，所以都係食到原本牛蛙嘅味道。 配菜我簡左甘菇菜同年糕，都係係超級市場買返黎嘅野，所以無咩特別。 小食有可樂雞翼同串燒可以簡，串燒可以話係一個伏黎，又係孜然粉味，加上好大部分都係肥肉，所以食左兩啖就無食。 飲品就有鹹檸七同士多啤利特飲，士多啤利特飲又係一個伏黎，全杯都係糖水又無士多啤利味，鹹檸七就係正常。 如果你係鐘意食辣野，但又食厭左酸菜魚，其實係可以試下牛蛙。

Marvel's Spider-Man玩後感

手機‧電玩
肥羊的頹廢生活・2018-09-28

Marvel's Spider-Man係第一隻Open World嘅Superhero遊戲，雖然Marvel's Spider-Man都係一隻好玩嘅遊戲，但係一隻遊戲點都有好同唔好嘅地方。以下就係我對依隻Game嘅總結。 優點: 如果你係Marvel電影嘅超級Fans，相信你對電影入邊嘅紐約都有一定嘅影識。而今次遊戲入邊都成功還完到電影入邊嘅紐約。你可以係遊戲入邊搵到復仇者大廈、奇異博士嘅聖所同瓦干達嘅大使館。令你可以更加投入遊戲。 而如果你係Spider-Man漫畫嘅Fans，今次都可以好快代入到故事。遊戲入邊有一個收集背囊嘅要素，入邊全部都係漫畫嘅細緻位。入邊可以還原到Peter同Mary第一次約會嘅餐單等，可以滿足到漫畫Fans，又可以令唔睇漫畫嘅玩家更容易理解故事。 而遊戲亦都結合左漫畫故事去做連接，依如蜘蛛俠：僅剩之日，兩個蜘蛛俠相識嘅故事等等 缺點: 故事發生係Peter已經成為左蜘蛛俠好幾年，所以有好多反派已經被蜘蛛俠打左入監獄。如果你唔係漫畫派嘅玩家，你根本唔會知反派係咩角色同有咩特點，佢地嘅資料你只可以係收集背囊嘅任務入邊得到。 而另外一樣我唔滿意嘅地方係Boss戰，故事一開始已經表明左今集有六大反派而且已經被蜘蛛俠打左入監。由故事發展同試玩片可以睇到佢地會逃出監獄，照理黎講應該會係連續嘅Boss戰，但係佢Boss戰嘅模式真係太悶。避開三次攻擊打Boss一樣，連續做三次就可以打敗一個Boss。如果只係其中一兩隻Boss係要咁打嘅，其實係幾好嘅，但係要連續打咁多隻Boss就真係太悶啦。 遊戲以5分為滿分，我會被佢3.5分。

2018年9月新遊戲

手機‧電玩
肥羊的頹廢生活・2018-08-30

暑假又過左啦，但係好遊戲係唔會完嘅。九月有十九隻新遊戲推出，究竟有九月係你銀包出血定係又可以儲下錢等十月嘅新遊戲呢? 依家就由我推薦幾隻重點遊戲，睇下你嘅選擇會唔會同我一樣。 NBA Live/2K19 身為運動類遊戲嘅FANS，NBA系列嘅遊戲應該係你每年必入嘅遊戲。係近依幾年可能係無對手嘅關係，2K系列好似有D停滯不前，除左係畫面靚左之外，遊戲本身已經無咩進步，防守依舊都係離你兩步都係防守成功，小打大好多時都變成人類BLOCK SHORT精華合集，加上2K18果個極其白痴嘅MY GM故事，所以我對今集嘅2K都有少少保留。 NBA Live就年年都係雷聲大雨點小，都係Trailer一出，誰與爭鋒，但係玩落又係點呢?相信有玩嘅都心知肚明，動作/人物比例等等…… Shadow of the Tomb Raider 如果你係鐘意動作類遊戲，Tomb Raider你一定會鐘意玩，今集已經係故事嘅第三集，今集繼續都係探索遺跡一路尋找殺父仇人。而今集主要嘅場景都係以水中洞窟為主，但以我多年嘅打機經驗，水中操作都係遊戲嘅死穴黎，唔知今集你會唔會又要買多一個手制呢? Super Seducer 2 如果你唔鐘意運動類遊戲又唔鐘動作類遊戲，咁不如試下真人模擬遊戲。Super Seducer 2係一款真人戀愛遊戲，如果你對悶左日式戀愛遊戲，咁不如試下美式嘅戀愛遊戲。到底你係一個八面玲瓏嘅超級花花公子，定係情場新手會死係紅裙之下，一切都睇你嘅表現呢。 FIFA 19 最後一隻會推荐嘅遊戲就係FIFA 19，依隻其實唔洗講咁多，會買嘅人就會買，唔買嘅人都係唔會買。但好似我咁對足球係有愛嘅，其實都係會買。我覺得FIFA 同2K都係有同一個問題，就係因為無對手，所以真係無咩進步。每一集嘅感覺都係畫面靚左，名單更新左，但係感覺都係咁上下。而且今集仲要加左個食雞mode落去……… Marvel's Spider-Man 如果你鐘意超級英雄遊戲，咁你應該唔會放過你最好嘅鄰居Spider-Man。今集應該係第一隻做開放世界嘅超級英雄遊戲，但係開放式世界都會有一個好大嘅問題，會唔會為左一個細嘅支線任務要你飛十萬九千哩呢?而且係Trailer睇黎，蜘蛛感應係其中一個重點玩法，但係好多遊戲嘅重點都唔係重點黎，會唔會變左一個食之無味 棄之可惜嘅玩法呢?

赤火小火鍋

澳城餐飲
肥羊的頹廢生活・2018-08-24

身為一個鐘意食嘅肥仔，食野又點會唔係澳門，所以我今次去食嘅係赤火小火鍋。 今次去食嘅自要原因係見到澳覓有折，所以先會去食。今次澳覓優惠係238蚊一個嘅任食放題。形式係一個人小火鍋加燒烤。 燒烤方面，你可以自己一路打邊爐一路自己燒，但如果你都好似我咁懶，你亦都可以叫佢幫你燒，但係有一個點係雖要注意，就係佢所有燒烤都好重孜然粉味，如果你好鐘意係拱北食燒烤肉串的話，你應該會好鐘意。亦都提配一句，佢嘅燒烤如果唔係配啤酒嘅，係會偏咸，唔食用咁咸嘅朋友要注意。 到打邊爐方面，最主要就係個湯底呢，咁依到有八個湯底可以選，但係芝士湯底好容易癡底，所以唔太建議叫。野食方面都無咩特別，都係以大路野為自。下邊已經方左MEUN係到，自己睇啦。 最後以5星為滿分，我會被佢2.5星。

試食麵屋一燈

全球飲食
肥羊的頹廢生活・2018-08-06

身為一個鐘意食嘅肥仔，食野又點會只係留係澳門。今次我地沖出澳門，去到香港食拉麵。今次試食嘅係麵屋一燈。 麵屋一燈同其他拉麵店第一個唔同嘅地方係佢要你諗好左食咩落左單先可以入去坐低，唔似好多澳門或者香港嘅拉麵店咁可以坐低先慢慢諗。依個做法可以縮短客人等嘅時間，一坐低就有得食。 麵屋一燈第二個同其他拉麵店唔同嘅地方係佢地只係做拉麵或者沾麵。其他嘅拉麵店好多時都係有炸物/餃子之類嘅小食可以選擇，但佢只有拉麵或者沾麵，如果係鐘意一次食幾樣野嘅人就要注意啦。 今次我試食嘅係味道最濃嘅特製濃厚魚介拉麵。麵屋一燈用嘅係比較幼身嘅拉麵，食落嘅口感比較淋身。其他拉麵嘅材料有糖心蛋一隻、雞胸肉兩片、豚肉一片、雞肉丸兩粒、蔥花和紫菜。因為湯底我選擇左最濃味嘅一個，所有嘅配料都可以吹收到魚介湯嘅味道，但因為係最濃味嘅關係，雞胸肉會顯得比較鹹，同行嘅朋友就食唔落呢。最後想提翻麵屋一燈嘅拉麵同沾麵都無得簡要唔要蔥花或都係麵嘅軟硬度，鐘意食硬麵或都要走青嘅朋友就要留意呢。 地址:香港尖沙咀廣東道3-27號海港城海運大廈3樓LCX 32號舖

2018年8月新遊戲

手機‧電玩
肥羊的頹廢生活・2018-07-31

夏天除左為大地美腿雨水外，亦都為大地帶黎左好多新遊戲。亦都有一個大問題就係我應該玩邊隻呢?係八月一同有二十九隻新遊戲發售，依家就由我推薦幾隻重點遊戲，睇下你嘅選擇會唔會同我一樣。 Overcooked 2 依個月嘅Party Game 唔算多，但係最多人留意嘅應該係毀滅友情/愛情系列嘅Overcooked 2。上一集只可以單機玩，但今集新增左線上模式，可以同更多嘅朋友一齊合作，係無得當面搶手制嘅情況下，你地會毀滅廚房定係合作過關。 人中之龍3/莎木1 & 2 兩隻都係重制嘅動作遊戲，如果你係鐘意相信你都已經玩過，但重點係中文化，想當年你係完全唔明劇情嘅情況下通關，好多細緻野你都睇唔到或都唔明，依家就係你重新理解故事嘅時候呢。 This is the Police 2 如果你鐘意模擬遊戲，你應該會鐘意This is the Police 2。故事同上集唔同，玩家會扮演一個新紮師妹，你到底要點先可以成為警隊一姐，係用黑道勢力幫手定用自己嘅實力一步步爬上去? PES2019 每年都有兩隻足球遊戲，首先出場嘅係PES2019，今集PES有更多真實嘅球員面貌，聞說係更加真實嘅操作。但係無左歐聯版權之後，你又會唔會買一隻無版權嘅足球遊戲呢?如果你唔介意MAN RED打MAN BLUE嘅應該係無問題嘅。但我就會等多一個月睇下FIFA有咩表演先再決定呢。

Jollibee食評

澳城餐飲
肥羊的頹廢生活・2018-07-22

點解咁遲先出Jollibee食評?因為所有餐廳係一常頭都會好被心機做去吸客，所以等左一排先去試就可以試返佢嘅正常水平。廢話唔講以下係我有試到嘅食評 蘑菇飯🍛：汁得好少而且味比較淡，如果係鐘意用汁撈飯嘅朋友應該會好唔意，食到落底已經係食白飯。 薯條🍟：比起麥當勞嘅更差，食落去完全乾到飛起同淋晒。加上無落鹽嘅關係，完全無味，基本上就係完隻薯仔切條上。 炸雞🍗：成餐最好食嘅野，皮炸得好薄，唔怕食到成口粉。雞炸得都好滑而且食落有雞味不過雞就比較細件唔係好多肉 。鐘意大啖大啖肉嘅朋友應該就麻麻。 總結： 如果你只係想食炸雞嘅，Jollibee係一個唔錯嘅選擇。但如果你想跟餐有薯條或都有飯跟嘅，我會建議你去食返KFC或都麥當勞。

Detroit: Become Human玩後感

手機‧電玩
肥羊的頹廢生活・2018-07-15

Detroit Become Human(底特律：變人)係由Quantic Dream於2018年推出的互動電影式遊戲。遊戲發生在 2038年的近未來，由於科技的發達，仿生人Android已經變成社會上不可或缺的一部。而玩家將會扮演三個不同嘅仿生人。分別係康納（Connor）、卡菈（Kara）同馬庫斯（Markus）。故事採用多重結局，玩家嘅每一個選擇都會影響到結局的發展，到底你要成為一個有感情嘅仿生人定係一個只顧目的不擇手續嘅仿生人，所有人係嘅命運都掌握係你手。 遊戲採用互動式電影嘅型式進行遊戲，如果你鐘意一個完整故事但又可以係某一個重要事件上作出決擇，咁Detroit Become Human就絕對適合你去玩。但如果你係鐘意快節奏自由自在嘅遊戲，咁你就要諗清楚係咁可以係短時間內睇晒接近二十四集嘅美劇啦。(最後果章要差唔多一個鐘頭先玩得完) 以下係我對三個主角故事嘅感想(以下部份會有劇透，如果你未玩完嘅，唔該你立即離開) 關於康納（Connor）嘅故事 康納嘅故事係三位主角入邊最平平無奇嘅，無論你點決擇都好你都會搵到異常仿生人嘅首領。如果你選擇做魔鬼戰警嘅，咁就會比較難先會知道真相。係遊戲中期會有一個重大決擇，你會為左完成任務定去殺一個完全唔難事嘅仿生人，定係作為一個人為左良知、同理心等等嘅因素放棄線索，依個完全都係玩家嘅決擇。人性係遊戲入邊係一個好重要嘅因素。(康納最後一幕我嘅感覺佢似陳浩南) 關於卡菈（Kara）嘅故事 卡菈嘅故事係三位入邊最有愛嘅故事，亦都係有最多重大決定嘅故事。為左你個女你可以犠牲咩?係旅途入邊嘅伙伴，為左你不斷冒險嘅救命因人?而係你為左個女犠牲左咁多嘅情況下，你發現你最愛嘅女有一個重要秘密瞞住，你係咪仲可以無條件咁愛落去?去到生死關頭，你係咪可以為左個女放棄生命，定為左自己放棄個女? 關於馬庫斯（Markus） 馬庫斯都嘅故事係三位入邊最有孝同義嘅故事。你到底要激死老豆搵山拜定係做個孝子被人打死，雖然依個決擇唔會好大影響到故事嘅大方向，但亦都會睇到你嘅決擇。 義嘅方面，馬庫斯可以為左新相識嘅同伴去打劫倉庫，亦都可以為左同伴成為以一敵百嘅開路先鋒。為左同伴可以一個人去引開警察炸毀自己嘅基地，去到故事最後亦都你要成為一個為左自己犠牲同伴嘅小人定係成為一個可以同同伴一齊出生入死嘅領袖? 其實成個故事都係探討人性嘅問題，當仿生人無左處理顯示器後，仿生人同普通人有咩分別?故事入邊亦都有探討到膚色問題，你會發覺到做維修嘅仿生人都係黑人黎。到底咩係平等，都係依個故事想探討嘅。 如果你同意或都唔同意我講嘅野，歡迎係下邊留言等我知道邊度可以做得更好。 PS:遊戲入邊希拉莉終於做到美國總統

肥羊的頹廢生活

    一個鐘意食 鐘意玩唔鐘意返工嘅肥仔