文章列表

80後童年回憶 - 開心零食

生活在我城
早記・2017-10-27

呢篇係寫俾80後既Buddy 睇既 XD，阿早細個最開心既就係阿爸阿媽有時會俾幾蚊雞比我地去買野食，以下係以前同細佬妹都好鍾意既零食精選，睇下會唔會有你既回憶啦! <魚蝦蟹克力架> 呢樣真係我心中最愛既無益零食，因為佢親民既 $1.5 價錢，仲有佢真係好有誠意架，唔同色真係味道唔同! 以前會留返我最愛既綠色最後食~ <蝴蝶糖> 蝴蝶糖有種奇特、粉粉地既口感，雖然唔係太好食，但因為佢靚靚既外型，以前係學校既女仔之間風靡一時(同唇膏糖並列)。 <四州太空糖> 入口即化加上甜甜酸酸既口感，令太空糖成為好特別既零食~ <金雞片> 金雞片而家已經轉左新包裝啦~我最懷念都係佢既金色經典包裝，同埋包裝背後既歌詞~ <泰國牙膏糖> 呢款糖係阿早既童年不愉快回憶=''=，第一次買既時候當然係比佢可愛既包裝吸引啦，但實際食落, 個雪榚筒部分又淋又冇味，牙膏糖又太甜...而且我記得算係比較高價既零食($2 - $3)，用左珍貴既零用錢買d 咁難食既野，真係會好傷心T^T <沙嗲魚串> 呢個魚串係冇乜零用錢時候既必選，以前係零食店可以一串串咁買(約$0.3一串)，佢雖然平，但甜甜辣辣咁非常好食! 我細個覺得，如果大個有錢一定要買一大包狂食XD 咁大個左我其實真係有買過一大包返屋企，但已經冇以前覺得咁好食啦...你既童年愉快回憶又有咩呢:)?

澳門內港沿景

生活在我城
早記・2017-10-23

澳門內港一帶，充滿著很多鮮魚批發巷和舊鋪，推荐俾鍾意拍攝老舊風景既你;) 2016 年 12 月，iPhone 拍攝。

Burberry 風褸演化史

購物‧時裝
早記・2017-10-19

你會唔會都有一件成日都諗住，但唔捨得買既衫? 對阿早嚟講就係一件 Burberry 風褸啦，除左因為佢高貴既價格之外，都因為我哈比人既身高XD。 Burberry 既風褸歷史可以追溯到1914年，當時既英國戰爭部授命Burberry 改造當時既軍官服裝，用黎適應現代既戰爭環境，於是「戰壕大衣」（Trench Coat），即係而家既「風褸」就誕生左啦: 初期既風褸係設計俾英國同法國既軍官雨褸，Burberry 創辦人 Thomas Burberry 係 1914年推出第一款風褸，之後呢款褸亦都成為英國陸海軍既制服。佢採用左 Gabadine (軋別丁) 布料，係 Burberry 專門研發既耐磨布料，呢種紡織技術可以確保布料防雨水、透氣、舒適而且有彈性。 Burberry Trench Coat 風褸原本就係為左軍隊設計，所以細節上都會保留為軍人設計既元素： 肩章：顯示軍官的階級，而槍檔同胸前的鈕扣，可係軍人行動時增添保護性。 背部擋風片：遮蔽上背部的檔風片能確保水會順住衣服流落黎，保持身體乾燥。 腰帶／D 型環：風衣附有腰帶，保護穿著者不受天候影響，而金屬製的 D 型環則能加掛軍用工具。腰帶設計係後期先加入的，初期既款式並無包括。 背部：可輕鬆動作，背部的褶襉在跑步或騎馬時可打開以便透氣。 呢一件係我去旅行時係二手巿集買既，軍綠色真係好靚，但可惜我太矮，所以從來無著過XD。

柬埔寨暹粒遊記

走遍世界
早記・2017-10-10

柬埔寨一直都係我好想去既地方，對佢既印象大部分來自於輝煌既吳哥窟。於是係去年的12月，我去左一個獨自一人既暹粒七天之旅。 行程係我一貫既旅行風格: 懶XD。所以我呢次就冇去到北部金邊，七日都係暹粒。主要行程係吳哥窟，當地的烹飪教學tour 以及係吊床上晒太陽XD 第一站 : 住係當地民居今次去柬埔寨，為左想體驗當地人既生活，我係Airbnb 搵左一間當地民居作品我呢幾日既住處。Airbnb - Maden 的家(https://www.airbnb.com.tw/rooms/6569862): 每天都坐在戶外食晚飯，景色非常美: 大家早上就開始飲啤酒XD: 吳哥啤酒，味道對我來說有點怪，有種不太夠啤酒味的感覺: Maden是個很好的主人，佢既小朋友都好有禮貌，住係呢度仲可以同當地人傾下計，知道佢地既日常生活。P.s. 我住的地方係冇電 + 只有井水的，如果你想完整體驗當地人生活，我真係好推薦呢個住處。但大家要睇返自己可以接受的程度去到邊喔! 如果你好要求乾淨的話，暹粒巿中心都有好多靚靚酒店可以住同埋享受spa架! 第二站 : Angkor National Museum (http://www.angkornationalmuseum.com/)博物館好大，藏品都幾豐富的，如果你想有系統地了解一下吳哥皇朝同當地文化，推薦可以睇一睇。 仲有得求籤文: 第三站 : 吳哥窟我買的是吳哥窟的三日票。票是第一天到步時(約下午5點)到吳哥窟門口先買的，咁樣第二日朝早就可以用門票入場睇日出。買票時要說明你是要買哪一天的票，是由使用的第一天開始計起，三天內可以出入吳哥窟不同的寺廟。(另有一天和七天的票可以選擇)偷拍一起看日落的情侶(好閃): 我去的時候每日天氣日日都好好…(晒到死左): 第四站 : 烹飪堂 (http://stopasia.com/%E5%90%B3%E5%93%A5%E7%AA%9F%E6%96%87%E5%8C%96%E9%AB%94%E9%A9%97/%E9%AB%98%E6%A3%89%E6%96%99%E9%AB%94%E9%AB%94%E9%A9%97)導遊同埋教學既老師都好好，但其實佢地都幫我處理好材料，所以冇乜煮野食既感覺XD。 佢地教煮既其中一個餸係暹粒幾乎每間餐廳都有既Amok (椰汁咖哩) 煮完出黎有一枱餸(POST FACEBOOK 呃LIKE 一流): 煮完仲有牛牛車坐，會帶住你參觀村落: 如果你都係計劃緊自己去暹粒既 女仔，其實我覺得早上的暹粒大致上都幾安全的，如果要夜晚出行，就注意不要太夜先返住處(我自己只有一天最晚是10點左右在夜市回去，大致都是7-8點就回住處了)。暹粒的人大致上都蠻純樸的，當然遊客區還是會有抬價的情況，大家要去之前最好先在網上查一下日用品的價格，免得像我一樣，有天用USD $1買了一瓶水囧(後來查了，正常價格應該是500柬幣（0.125美元）)。 最後送上一張係吳哥窟捉精靈既圖，千年古蹟同時都係小精靈補及站，我好中意呢種感覺XD。好了，下次見!

懶人廣島之旅

走遍世界
早記・2017-10-06

暑假時想獨自放個假，去一個懶人之旅。咁啱見到7月時廣島既機票幾平，就去了一個漫無目的之旅XD 主要行程是發呆 + 去老街買舊野，雖然戰利品不多，但發呆這點非常滿足，如果你想找個地方休息幾日的話，大推荐廣島~ 第一站-廣島巿內: 頭3天在廣島巿內閒逛，住的是青年旅館，女生房間是8人一間，環境蠻好的，旅館地下有兼做酒吧，觀光回來還可以喝一杯XD~ 旅館在民居之中，晚上很安靜: 對旅館有興趣的請由此去：Roku Hostel Hiroshima 広島ゲストハウス 碌 (facebook : https://www.facebook.com/roku.hostel/?ref=br_rs) 到了觀光客必去的平和紀念公園(原爆廣場): 第二站-尾道老街: 本來想看看能不能買到舊物，但結果...只是來吃飯的XD 第三站-宮島: 風景優美的景點，有宮島日本三景之一的嚴島神社。早上遊客很多，但5點後遊客就差不多都離開了。非常推荐可以來住1-2晚。 宮島上非常有名，拿過米之蓮一星的「ふじたや」 穴子飯。除了飯好吃，連小菜都非常不錯! (想起都流口水) 宮島充滿了鹿(這只是不是想吃飯XD): 黃昏的宮島神社真的非常美: 這個旅程還完成了我一個小小的心願: 在日本夏天的夜晚祭典看煙火! 「広島みなと 夢 花火大会」http://www.minato-yumehanabi.com/ 在我心中廣島就是這麼個充滿純樸氣息的地方，有機會就去放鬆一下心靈吧XD

回憶照片：澳門荔枝碗

其他
早記・2017-09-29

部分在 2014 年於荔枝碗拍攝的照片。「天鴿」後有些建築物也不在了，作個紀錄。 canon 底片機拍攝。

童年回憶 : 經典卡通主題曲

其他
早記・2017-09-28

之前睇到大台既懷舊金曲節目，唱翻好多經典兒歌，真係咩回憶都返晒嚟! 以下呢d 會唔會都係你既童年回憶呢? 松松姐姐 《小白船》 我細個超級鍾意松松姐姐，覺得佢又靚又溫柔XD。 因為呢首歌，我仲有特登叫阿媽教我摺紙船。係下圖呢一款，不過細個多數攞日曆紙黎摺： 戴蘊慧 《我係小忌廉》 前幾日特登返屋企等睇電視就係為左聽呢首歌既現場版本。雖然小忌廉我係睇重播先認識佢，但以變身類型既動畫黎講，真心覺得佢仲好睇過美少女戰士。 《絕對無敵》 呢套係講一班小學生可以一齊控制係學校地下既機械人，令我細個成日幻想自己間學校都有機械人住係地底XD。 黎小田 《銀河鐵道999》 呢套都係大個至睇返，個故事係講未來既人類可以將自己既身體換成機械身體，而主角係一個好困苦既少年，佢希望搭上銀河鐵路999呢班列車，到達可以獲得機械身體既安達羅星雲。成套卡通主角會經過一個又一個神奇既星球，有D星球全部人民都係乞丐，有D星球充滿左放電蘑菇……真係好佩服作者既想像力！ 《小司機 Noddy》 呢首比較新，每次聽到都會跟住唱，日個腦都係呢首歌^^'' 陳敏婷/熊熊兒童合唱團《我是一個大書包》 熊熊兒童合唱團相信係好多人既回憶啦~呢首歌真係聽一次就記得~ 值得一提的是，這首歌在去年出了重金屬版本，非常特別XD 有冇邊首係你童年回憶呢? ;)

荷蘭 IJ-Hallen 巿集收買記

走遍世界
早記・2017-09-27

今日同大家分享一下去荷蘭旅行，逛當地巿集時搜集到的小物品~ 來到的是IJ-Hallen巿集，位於阿姆斯特丹對岸閒置的造船廠。巿集的開放日不一定唷！要去之前可以在它的網站上查詢一下才不會白跑一趟(https://ijhallen.nl/en/)。 巿集裡有差不500 個攤位，進去會有種怎麼逛都逛不完的感覺XD 這個小攤位有賣Dutch Pancakes，是一種甜甜的迷你鬆餅! 超好食! 尤其是行左成個鐘之後 ;) (圖片來自網路，因為太好食了我掛住食冇影相) 巿集係河邊的~景色非常好~ :) 以下是部分我逛巿集時收買到的物品: 有呢個老人保健用黎係手上轉轉下的鐵球~其實我都有諗過會唔會係淘寶貨...不過因為個圖太靚所以都係買左。 防毒面具，賣給我的伯伯說，面具連著的綠色鐵罐部分，可放些碳包之類用來過濾。這個面具還是要另外接氧氣筒才能使用。 題外話: 賣防毒面具俾我的伯伯，手上有中文字的紋身，寫著「我愛妳」和「妳在哪裡」(莫名浪漫)。 Polaroid 2000 Red Button. 應該用得，除非唔得 :P。 好啦今日介紹咁多先，有興趣都可以去早記的粉絲專頁睇一睇 : https://www.facebook.com/LeilaoJoe/。

早記

阿早的日常生活，充滿舊物、懶散的旅行及影像。

https://www.facebook.com/LeilaoJoe/