文章列表

【澳門文華東方酒店】新年限定下午茶 Tea Set

節慶盛事
Cheers!・2018-02-14

農曆新年每日都陪屋企人飲茶、食中菜，確實有點膩。不如趁一盅兩件和盆菜年飯的中間，約埋好姊妹去 High Tea 啦！「澳門文華東方酒店」就趁新年推出賀年特色下午茶，每件糕點既精緻又有意頭，影相打卡特別有氣氛啊！ 三層架囊括四款鹹點和五款甜點，統統融入農曆新年元素，例如「黑椒牛肉三文治配干邑芥末」就特別用上干邑入饌，三文治充滿酒香，加上半生熟牛肉的煙韌口感和清新芥末味，層次感可想而知。 「黑椒牛肉三文治配干邑芥末」口感非常豐富。 而小編至愛的是「茉莉花及橘子馬卡龍」及「伯爵瑞士卷」，前者入口時先湧出清新茉莉花香，繼而橘子味道徐徐滲出，甜而不膩；而瑞士卷的「塔頂」就非常滑溜，而且伯爵茶味非常濃厚，配搭下層的戚風蛋糕，啖啖豐富口感。至於鹹點方面，「鱘龍魚籽及蟹肉慕絲三文治」就至得我心，師傅以唔同顏色及大小的花形麵包墊底，再鋪上蟹肉和鱘龍魚籽，鮮甜又 Juicy！ 「鱘龍魚籽及蟹肉慕絲三文治」鮮甜又 Juicy。 不得不提，酒店的「大堂酒廊」經過兩個月的大規模工程，最近以新裝示人。酒廊入口率先迎來由捷克 LASVIT 玻璃設計公司設計的玻璃屏風裝置「水波」，中庭又有由新興馬來西亞華裔藝術家康怡以一個月時間創作的大型荷花畫作「興盛」。計我話邊歎 Tea 邊睇藝術品，都咪話唔寫意。 「水波」由 118 件手吹水晶玻璃和有機氣泡組成，創作靈感源自自於流動的海水。 「興盛」以丙烯顏料製作出超過一萬朵小花嵌砌一幅大型荷花畫作，令人目不暇給。（酒店圖片） 大堂酒廊賀年特色下午茶 價錢：MOP 448 / 兩位（MOP 728 包括香檳兩杯） 日期：2 月 15 至 3 月 2 日 時間：1400 – 1800 酒店資訊：澳門文華東方酒店

【澳門君悅酒店】賀年禮盒盆菜大拆解

專題報導
Cheers!・2018-02-14

澳門君悅酒店出名有創意，屢出不少節日創意禮盒，下星期打孖上的農曆新年、情人節亦不例外，既推出「懷舊農曆年禮盒」，又將大堂變成「花之園」；而餐飲方面，中餐廳「滿堂彩」的賀年盆菜囊括各地名貴食材，西餐廳「Mezza9」亦推出戶外「愛的小屋」，一次過解決節日需要！ 送禮提案 賀年禮盒主打懷舊情懷，在牛皮紙盒上印有多款俚語賀詞，拜年絕對唔失禮！另一方面，又將大堂的一面牆打造成玫瑰花牆，讓大家自選花材、顏色及包裝，帶女伴影相裝 B 之後再獻上一札玫瑰花，夠晒冧滋滋！ 懷舊農曆年禮盒印有多款有趣俚語賀詞，例如「勁多人追」、「撈乜都掂」等，勁盞鬼！ 禮盒可自選兩款小食，包括辣味香茅腰果、琥珀核桃、笑口棗、椰子核桃酥、旺旺酥及麻辣花生。 位於酒店大堂的「花之園」主打來自荷蘭和厄瓜多爾的玫瑰花。 飲食提案 中餐廳「滿堂彩」的賀年盆菜認真有睇頭，囊括南美的鮑魚、北韓的海參、鵝掌、金蠔、花膠、元貝等等。小編至愛的當然是北韓海參，其出口量極少，海參非常厚身，咬落啖啖肉，而且能夠同「金仔」分享同一滋味，必試！ 西餐廳「Mezza9」亦於情人節再度推出戶外「愛的小屋（The Lovers’ Cabanas）」，情侶們可以在私密帳篷內享用豐盛的「與廚共饗」自選、自助式晚餐，更可提前選定心儀的餐具、蠟燭及音樂，度身訂做浪漫情境！ 賀年盆菜（圖左）囊括南美鮑魚、北韓海參、鵝掌、金蠔、花膠、元貝等等。 情侶們可以在私密帳篷內享用自選、自助式晚餐，更可提前選定心儀的餐具、蠟燭及音樂，製造浪漫！（酒店圖片） 懷舊農曆年禮盒 日期： 售完即止 價錢： MOP 99 花之園 日期： 即日起至 2 月 14 日 價錢： 一心一意 （單枝一米高玫瑰）MOP 299 風雨同路 （6 枝玫瑰）MOP 1,299 白頭偕老 （8 枝玫瑰）MOP 1,699 一往情深 （11 枝玫瑰）MOP 1,999 花好月圓 （99 枝玫瑰）MOP 16,999 滿堂彩盆菜 日期： 2 月 9 至 25 日 價錢： MOP 1,888（四位用），MOP 3,688（八位用），另加 10% 服務費 Mezza9愛的小屋 日期： 2 月 14 日 價錢： MOP 3,999（兩位用），另加 10% 服務費 （籌劃及預訂，請致電 +853 6299 2190 與 Man Wong 聯繫） 酒店資訊：澳門君悅酒店

【女士們心心眼】LG V30+ 果莓紅全新色系登場！

手機‧電玩
Cheers!・2018-02-06

情人節臨近，LG推出全新果莓紅色 V30+，為 V30+ 系列再添一種鮮妍亮麗的選擇，更是情人節或新年禮物的好選擇。 6吋 QHD+ OLED 18:9 屏幕 LG V30+ 採用窄邊框設計，搭配 18:9 OLED FullVision® 屏幕，能呈獻完美純黑、對比度更高和準確的細緻色彩；而且OLED FullVision® 屏幕比一般LCD屏幕更光更慳電，為用家提供最優質的視覺享受。LG V30+僅重158g，纖薄機身只有7.3mm，女士們都可以一手掌握，毫無負擔。 專業級拍攝體驗 換上新色的 LG V30+ 繼續配備 F/1.6大光圈及透光度高的玻璃鏡片鏡頭，主鏡頭為1,600萬像素，而副鏡鏡頭為1,300 萬像素，加上前後雙廣角鏡，大大提升動態範圍和低光拍攝能力。 前後雙廣角鏡能捕捉更大畫面（圖片取自官網） 配合LG Cine Video電影拍攝模式，用戶可隨時隨地使用Point Zoom定點縮放及15種電影濾鏡，在不受環境限制簡單操作下即可拍出電影感，讓您的記錄片段如電影般更富張力，上載至社交平台定必吸「Like」。 輕鬆拍出電影般的影片（圖片取自官網） 頂級音樂體驗 LG V30+ 由B&O PLAY專業調音，並用上32-bit Hi-Fi Quad DAC給予您無與倫比的聽覺體驗，讓您聽到更細緻、更飽滿、更具層次及更高還原度的音色，隨機更附送B&O PLAY耳機。 3種數碼濾波及5種聲音預設，聽歌有更佳效果（圖片取自官網） 貼心實用功能 LG V30+ 更有多種實用貼心功能，如Floating Bar讓您更便捷地開啟音樂、通知、聯絡人等，而無需離開手上的工作。 Floating Bar提供多種便捷功能（圖片取自官網） LG V30+ 配備3,300mAH電池、支援無線充電、microSD卡（混合式雙卡槽），並符合IP68防水防塵及通過MIL-STD 810G 美國軍用摔落測試等；除了新推出的果莓紅色外， LG V30+ 另有四種顏色（極光黑、天際銀、摩洛哥藍及薰衣草紫）以供選擇，絕對值得入手一試唷！ ＜＜出機小貼士＞＞ 依家去 CTM 申請 $198 / 2GB 本地月費計劃，上台機價只需 $3,080，仲免按金及享 24 個月「TVB Anywhere」基本組合服務，隨時緊貼熱門韓劇！立即出機啦！

小肥快問快答：最肥嗰時 200 磅 …… 左右

人物專訪
Cheers!・2018-01-31

上一篇的專訪 貳拾年・小肥：唱歌令我有自信 ，小肥讓大家了解到他出道 20 年的點點滴滴。而專訪的另一環節，小編就要求小肥挑戰快問快答，尖銳問題迫使小肥自爆「最肥嗰時重達 200 磅！」，想睇小肥會點應付小編嘅尖銳問題，立即去片啦！！！！！

廣東話都 Work！地表最強翻譯機 TranSay

科技新知
Cheers!・2018-01-26

去旅行最忌雞同鴨講，最近 CTM 就引入近期勁 Hit 嘅翻譯神器「Transay」。呢部翻譯機集最新雲端科技與人工智能於一身，囊括 30 個國家語言，撳個掣就可以進行即時雙向翻譯，而且支援 4G Lte, 3G 及 Wi-Fi，一推出就被網友推舉為「神級翻譯機」。今次我哋就去到「外傭集散地」的三盞燈附近實試 Transay，一齊睇吓係咪咁好用啦！ Transay 支援 30 個國家語言，包括普通話、粵語、英語、韓語、日語、西班牙語、丹麥語、德語、法語、葡萄牙語、泰語等。 市面上翻譯機眾多，但能夠翻譯廣東話嘅，確實少之又之。 賣點： 獨有龐大雲端資料庫，提供即時翻譯。 支援多達 30 個國家語言雙向翻譯，令溝通無彊界。 同時支援 4G LTE, 3G 及 Wi-Fi。 可透過 OTA 更新 Transay 系統，升級更多翻譯語言。 在北美州、歐洲、中國、亞洲等地都有雲端服務器，不論身處世界各地都能夠提供高速的翻譯體驗。 續航力達 8 小時，足夠每天的緊密行程。 獨有錄音筆功能，足以應付旅遊之外，工作、會議亦更加方便。 內置 2 吋液晶屏幕，能以文字方式顯示及紀錄翻譯對話。 經廠方反覆測試，確保翻譯準確，發音清晰。 至抵價換購TranSay TranSay 人工智能雙向翻譯機只需 350 積分 + $1,980（原價 $2,260），有興趣嘅朋友，即刻用 CTM Buddy 手機程式換購啦！ CTM Buddy 手機程式：https://goo.gl/jvAxs1

Samsung Galaxy A8+（2018）時尚實用效能強勢登場

手機‧電玩
Cheers!・2018-01-25

三星2018年打頭陣的手機為革新Galaxy A系列 - Samsung Galaxy A8+（2018），這款手機承傳Samsung旗艦手機的設計概念，擁有無邊際螢幕、獨有雙鏡頭景深實時調校功能（Live Focus）等，更是首部設有前置雙鏡頭的Samsung手機。保留Galaxy A著名的高尚設計，三款奪目顏色（水晶灰、幻彩金和星夜黑）可供選擇，加上升級實用的功能，成為觸目的時尚強效中階手機。 圓角設計　更顯非凡 （圖片取自官網） Galaxy A8+（2018）擁有更大的6吋全高清Super AMOLED無邊際顯示，以相同的尺寸擁有更寬闊的屏幕，加上對稱圓角和符合人體工學的設計，令手握感更舒適。屏幕比例為18.5:9，特別適合觀看21:9和16:9的影像，配合嵌入式的Home鍵，讓用戶全程投入享受無比震撼的劇院級影音體驗。 首次加入前置雙鏡頭 提升拍攝至另一境界 Galaxy A8+（2018）是首次加入前置雙鏡頭的Samsung手機。前置高清鏡頭擁有1,600萬及900萬像素並採用F1.9大光圈，配合Live Focus功能，用戶可實時調校景深或後期修改，令自拍主角更突出亮麗。 （圖片取自官網） 而後置鏡頭擁有1,600萬像素、F1.7光圈配上更大的 1.12㎛ 像素、更大的 1/2.8" 感光元件，能夠攝入更多光線，在低光環境下，仍能拍出銳利照片。再加上多種拍攝功能如食物模式、美顏效果或濾鏡等，仲可添加可愛趣怪貼紙；而且美顏效果在前置鏡頭的影片模式中亦可使用，隨時捕捉你的動態美。 （圖片取自官網） 強效貼心及多重保安功能　照顧每日所需 Galaxy A8+（2018）擁有IP68防水防塵等級，並擁有6GB RAM及兼容雙卡雙待，更支援高達256GB microSD記憶卡。用戶更可透過「Always On Display」隨時掌握最新訊息，無須解鎖手機。 Galaxy A8+（2018）配備簡單易用的面部識別和輕觸式指紋識別，提高手機使用安全。Galaxy A8+（2018）提供安全資料夾（Secure Folder），儲存高度保密的檔案及應用程式，並使用指紋識別開啟，用戶能更安心地使用手機。 （圖片取自官網） ＜＜出機小貼士＞＞ 依家去 CTM 申請 $198 / 2GB 本地月費計劃，就可以優惠機價$1,680 購買 Samsung Galaxy A8+（2018）啦！仲免按金及享24 個月「TVB Anywhere」流動應用程式，隨時緊貼熱門韓劇！立即出機啦！

打動女士心！ HTC U11 EYEs雙自拍鏡頭手機

手機‧電玩
Cheers!・2018-01-24

HTC 2018年第一部手機 HTC U11 EYEs 終於登場啦！今次推出的HTC U11 EYEs主打女性市場，但在外型上、18:9 的螢幕比例、防水防塵認證及Edge Sense等等的特別功能都與旗艦機 U11+ 一樣，中階機價（價錢：$4,020）就可以享有同旗艦機一樣的功能。 全城至LIKE艷陽紅水漾玻璃機身 講下外表先，由於主打女性市場，所以今次的顏色都以「豔陽紅」紅色為主打，而HTC U11+ 從未出過此色系，配合水漾玻璃的表面美觀之餘，更提升拿捏手機時之舒適度。另外仲有炫藍銀及極鏡黑合共3隻顏色可供選擇。 獨有前置雙鏡頭連旗艦級別UltraSpeed主鏡頭 能夠攻陷女性市場一定與拍攝有關。HTU U11 EYEs的前置雙鏡頭配置三項強大功能：HDR Boost、全新實時景深模式及美膚模式，隨時隨地拍出靚靚自拍照無難度；再加上內置大頭貼功能，不需用其他手機程式都可以為您的照片增添歡樂，十分討好！ 景深模式可於拍攝前後隨時調整自拍照之景深 設有十段美膚模式，讓您的臉拍得更光滑自然 官方更會於稍後推出AR 貼紙，玩味十足，只需透過軟體更新就可以體驗啦！ （影片取自官網） 而主鏡頭為1,200萬像素（HTC UltraPixel 3 with 1.4µm點數），配合UltraSpeed自動對焦、F1.7大光圈、HDR Boost、光學穩定技術、BSI 感測器、可拍4K影片連Hi-Res Audio高解析度音效。 嶄新！更便捷臉部辨識解鎖 前置雙鏡頭除咗可以拍靚相外，更可以用作臉部辨識解鎖功能。搭配HTC獨有的Edge Sense邊框感應只須單手輕握手機兩側，即可啟動臉部辨識解鎖，十分方便。 （圖片取自官網）獨有Edge Sense邊框操控功能 講起Edge Sense邊框操控功能，只需用單手輕輕握手機兩旁，即可輕鬆打開應用程式、或進行拍照或錄影、播放音樂等功能，超級方便。 Instagram（影片取自官網） Google Music（影片取自官網） 《出機小貼士》 想用超抵價購買HTC U11 EYEs？依家只要去CTM申請$198 / 2GB本地月費計劃，即可以超抵價$580購買！仲可免按金及享24個月「TVBAnywhere」流動應用程式；「尊壹會」會員及「大豐 CTM Visa Signature 信用卡」客戶更可尊享淨機88折！立即出機啦！

「看現在，展未來」 資訊科技教育展 展出澳門電訊創新電子教學應用

專題報導
Cheers!・2018-01-24

澳門電訊積極配合政府在「互聯網+」時代下發展創新的互動教育模式，致力推動「數碼校園」的發展。由教育暨青年局舉辦、澳門電訊協辦的「看現在，展未來」資訊科技教育展於教育資源中心子瞻廊舉行，向市民展示互動教育的實際操作，分享前沿、創新的電子學習模式以及相關資訊。 澳門電訊於展覽中介紹了本澳創新的電子教學應用，並設置互動教材體驗專區，讓參加者感受課堂上運用互動電子教材的實際情況，體驗課堂的化學實驗、透過互動遊戲去認識心臟結構等電子教學的樂趣等。創新的電子教學應用為培養具備自主學習、計算思維、創新創造力的學生提供可行的教學模式，推動資訊技術與教育的深度融合。 「看現在，展未來」 資訊科技教育展由即日起至2月3日舉行，歡迎各位前往教青局轄下教育資源中心子瞻廊參觀。

（有片）祖藍現身加持！全球首個 AR 及 VR 大型恐龍互動展

娛樂殿堂
Cheers!・2018-01-23

繼早前 「CTM x Samsung Galaxy Studio」體驗館之後，新濠影滙再續 VR 熱潮，由即日起至 4 月 15 日舉辦「賞金尋龍」大型恐龍互動展，除了將 24 隻稀有恐龍品種以實物比例 1:1 展出，又透過 AR（實境技術）及 VR（虛擬實境技術）將酒店變成史前世界，讓觀眾重返恐龍時代！ 「賞金尋龍」展區橫跨整個新濠影滙，由時代廣場入口、廣場中間延伸至酒店大堂，都放有多條大型恐龍，部份更識郁識叫，臨場感十足！展覽由 Globe Creative 策展及設計、香港大學專門研究恐龍之古生物學家文嘉棋（Michael Pittman）教授擔任顧問，而 Michael 受訪時更提到，恐龍身上的羽毛並非裝飾，而是最新的研究發現，大家記得留意啦！ 恐龍原來有羽毛，長知識！ 「特暴龍」身高可達 10 米、牙齒天生為鋸齒狀，屬其中最為殘暴兇狠的恐龍！ 生性溫馴、7 米高的「長頸腕龍」則位於酒店大堂。 每隻恐龍附近都有份「外觀報告」，小朋友同大人都可以從遊戲中學習。 流動科學實驗室 以 Hologram 技術展示「伶盜龍」的孵化過程，從而想像到「伶盜龍」如何由破蛋而出的小恐龍演變成可怕的肉食性恐龍─「伶盜龍」獵食時先用爪子突襲獵物的腹部，然後撤回安全的距離，等待獵物流血至死！ 「恐龍出逃」展區 透過綠幕，觀眾可以盡情施展演技，即場拍一條科幻特技大片！除此之外，2 月開始購物大道將設置「恐龍現形」展區，透過逼真的 AR 技術讓大家見證霸氣十足的「特暴龍」由骸骨幻化成恐龍，再單挑兩隻性格勇猛強悍的「恐爪龍」；至於 VR「與恐龍飛翔」之旅，亦將於 2 月同步面世，屆時大家可於半空中與飢餓的「暴龍」正面接觸，繼而陷入一場緊張刺激的追逐戰。 「賞金尋龍」大型恐龍互動展 地點：新濠影滙 時間：即日起至 4 月 15 日 第一階段：1 月 10 日至 4 月 15 日 第二階段：2 月至 4 月 15 日 網址：studiocity-macau.com Green Screen Dino Experience 恐龍互動體驗 體驗時間：1 分鐘 開放時間：12:00 – 20:00

貳拾年・小肥：唱歌令我有自信

人物專訪
Cheers!・2018-01-19

小肥，原名徐智勇。是個土生土長澳門人。由「C-plus」到「小肥」，唱足 20 個年頭，然而作為一個澳門歌手，能夠踏入香港樂壇，小肥可謂第一人。可是充擔「先頭部隊」要面對坊間幾多個負評、乘載多少澳門歌手的希望，壓力可想而知。但眼前這位「少肥」大男孩，仍然堅持唱好歌。 下一篇：小肥快問快答：最肥嗰時 200 磅 …… 左右 自從「破咗處」　令我有返信心 短短 30 分鐘的訪問，小肥多次提到，是唱歌令他找到自信，是唱歌改變了他內向的性格。「由以前匿埋唔講嘢，到依家做訪問可以兜到去外太空。」至於他開始唱歌的契機，原來是因為《李香蘭》，「中學嗰時有個 Miss 要走，有啲活躍份子就搞 Karaoke 同 Miss 踐行，唔知點解夠膽死點隻《李香蘭》。自從呢次『破咗處（指第一次在眾人面前唱歌）』，就一路都有參加（歌唱）比賽，慢慢開始有人搵表演。發覺自己由一個每個禮拜六日無街去，匿喺屋企嘅小朋友，變成每個禮拜都會有比賽，又參加歌唱班。唱歌令我充實咗，朋友識多咗，連帶書都肯讀咗，因為你覺得自己得咗！」就是這一次的「公開演唱」，開展了小肥的歌唱生涯，澳門樂壇亦有了（鍾楚霖、徐智勇）這個雙人男子組合。 （網上圖片） 出道廿年　單飛十年 單飛，或多或少帶點眨義成份。不過在小肥的字裡行間可以發現，這次「單飛」，是希望澳門的歌壇可以飛得更遠。 小肥隻身赴港發展之前，其實已有多間香港唱片公司接觸，最後選定 Paco（金牌大風），全是鍾楚霖（下稱小霖）的決定。「咁啱香港歌壇想搵啲唱得嘅，唔係好講求外表嘅，但嗰時我哋（C-plus）有一個條件，就係想去到香港都係組合，所以前幾次都傾唔成。其實 Paco 嗰次都係咁，佢覺得組合難做。」即使面前是香港大名鼎鼎的金牌經理人 Paco，被他成功捧上一線歌手地位的，有劉德華、郭富城、楊千嬅、古巨基、側田等，但對於小肥來說，始終友情大過天。「成件事決策放棄（組合）嘅係小霖，我咩都比晒佢諗嘅，我話『你覆 Paco 啦，你 Say No 我無問題。』咁佢（小霖）諗咗陣，就決定『你單飛，簽比 Paco；我返嚟棋人搞。』」小肥繼續補充，C-plus 從未解散，只是各自專注做各自的事。 小肥在多個公開訪問中，亦表示 Paco 是他的伯樂。（圖片取自小肥 facebook） 闖蕩港澳　小肥眼中的娛樂圈風雲 然而對於第一位在金光綜藝館開演唱會、第一位勇闖香港歌壇的澳門歌手，並且在澳門和香港歌壇各發展了十年的小肥，的確別有一番領會。「澳門通常都係業餘歌手，嗰時有個Event唱完歌返嚟（公司）仲要整 Poster，好多嘢都自己搞，嗰隻 MD、MMO 都係自己搞，化妝整頭無㗎啦；喺香港（做歌手）係 Full time market，所以基本上你顧唱歌得㗎喇，坐喺度就有人幫你化妝，車又有人會安排，去到邊都有人幫你跟。」 可幸的是，經歷過如此「皇帝級享受」嘅小肥，依然平易近人、有禮貌、零架子。 小編和攝製隊一致認為小肥平易近人又有禮貌。 新碟《睡前服》　癲覆唱片公司套路 2016 年小肥結束了和「太陽娛樂文化」的合約，決定回澳發展自己喜歡的音樂，並全力創作新專輯《睡前服》。「我諗現今成功嘅唱片公司老闆都唔會同自己員工講做多啲 K 歌，因為 K 歌喺依家未必再成功，媒體都變晒啦，甚至依家都少咗人去唱K啦。與其無規則，不如做返自己鍾意做嘅嘢。」所以新碟的每首歌都是貼地而坦白，何以坦白？「舉個例子，《寵物》係離地唔誠實嘅，因為《寵物》係兵歌，為咗愛情寧願做隻貓做隻狗，我嘅愛情觀唔係咁㗎嘛。」換言之，新碟的每一首歌、合作的班底都是小肥欣賞和識於微時的音樂人，例如龍世傑、6 號@RubberBand、李拾壹、盧凱彤、側田、藍奕邦等，每一粒音都是「真・小肥」。 採訪當日，小肥就率先透露即將在 2 月 11 日舉行的《小肥不再孤單演唱會》的嘉賓名單，除了會有部分參與製作新碟的音樂人，亦會有出乎意料的驚喜。大家不妨將口中一句句的加油，化成買飛入場睇演唱會的實質力量，為一個努力了廿年的實力派歌手打氣。 小肥話開演唱會體力好重要，一定要做運動健身。（圖片取自小肥 facebook） 演唱會詳情： 活動 澳門電訊榮譽呈獻：小肥不再孤單演唱會 日期及時間 2018 年 2 月 11 日（星期日），晚上 8 時 場地 澳門威尼斯人 金光綜藝館 票價 澳門幣 / 港幣 880元 （VIP 區） 澳門幣 / 港幣 680元 （A 區） 澳門幣 / 港幣 480元 （B 區） 澳門幣 / 港幣 280元 （C 區） 金光票務：www.cotaiticketing.com 售票處： o 澳門巴黎人 – 一樓正門大堂售票處 o 澳門威尼斯人 – 金光綜藝館及酒店正門大堂售票處 o 澳門四季酒店 – 百利宮™售票處 o 澳門金沙® – 一樓售票處 o 金沙城中心 – 喜來登酒店正門及假日酒店正門售票處 電話訂購： o 澳門熱線：+853 2882 8818 o 香港熱線：+852 6333 6660 o 中國內地免費熱線：4001 206 618 澳門廣星傳訊 網上訂購：www.macauticket.com 門市據點資料請瀏覽：www.macauticket.com/TicketWeb/ServiceStations.aspx 電話訂購：+853 2855 5555

【微辣 x 非常大學生】 電視兒童常識問題比賽！

人物專訪
Cheers!・2018-01-12

小編上星期同微辣、非常大學生玩完呢兩個 Games，喉嚨痛足一星期！ 是咁的，自從 TVB Anywhere 登陸澳門後，唔少 TVB 經典劇集同遊戲節目都可以即時重溫。小編乘機搵嚟風靡 80、90、00 後嘅微辣同非常大學生，以「超級無敵估歌仔」同「超級無敵馬拉松」兩個經典遊戲 PK，輸咗就要犧牲色相扮醜，Any 肥無論點都好，吞妹始終都係小編心目中嘅女神️️️！ 新申請指定 4G+ 月費計劃享 24 個月 TVB Anywhere 流動應用程式，隨時緊貼熱門韓劇！ 📣 光纖優惠詳情：https://goo.gl/2L3RdM 📣 4G+ 月費優惠詳情：https://goo.gl/v9wdNy TVB Anywhere 賣點全面睇：https://goo.gl/1SF8Ha

【Show前專訪】 舞台華麗背後 ── 星級妝髮師 Maza & Kim 的 Working Holiday

人物專訪
Cheers!・2017-12-29

一個 3 小時、齊集 30 多位來自港、澳及韓國的藝人和 Dancers 出席的「TVB Anywhere 澳門電訊星級娛樂服務啟動禮」。舞台上每位藝人的星光熠熠，全靠著這 10 多人的妝髮團隊「Kim Maza Styling」打造。小編趁著開 Show 前深入後台，找來化妝師 Maza（左）和髮型師 Kim（右），以 30 分鐘的採訪時間，帶大家窺探每位藝人的華麗背後。 「通常接 Event 都唔會有多過一個月時間準備，首先要追咗人物、主題先，好似呢個 Event，要先知道幾多個人、幾多個鐘，要預幾多人做嘢。然後追問對方想要咩效果，好似普通紮一隻簪，同 Set 一個藝術品（髮型），時間已經差好遠。」的確，採訪當日，他們就針對出席的藝人，像是田芯妮、陳展鵬等，做了大量資料搜集（現場有一堆印有藝人肖像的 A4 紙），「要搵多啲 Reference，知道佢哋喜好、上鏡角度，就好似睇醫生咁，都要知病歷，食過咩藥。」事前功課做到足。 「TVB Anywhere 澳門電訊星級娛樂服務啟動禮」當日星光熠熠，包括 TVB 視帝、視后級人馬陳展鵬、田蕊妮，還有陳敏芝、黃智雯等，非常熱鬧！ Maza 表示：每次接 Event，就好似一齊去 Working Holiday 咁開心。（圖片取自受訪者 facebook） 問到 Maza 和 Kim 如何面對這種大型活動的壓力和體力，他們竟然用「Working Holiday」來形容這場分秒必爭的「計時賽」：「我哋幾百人、幾千人嘅 Event 都做過，好開心㗎，我哋永遠都唔會當一個Job咁接，而係好似一齊去 Working Holiday 咁，處於興奮狀態！」 Maza：細個唔玩玩具，就係砌香水玩眉筆。 14 歲，正值反叛的青春期，正如小編一樣，當大家放學後流連機鋪，Maza 就拿起眉筆，開始學化妝。「媽咪係 70 年代化妝師，屋企開女士用品專門店，所以細細個就接觸一切關於美嘅嘢，指甲啦、香水啦、Facial 咁。」Maza 的成功，不盡是贏在起跑線，但在媽媽的潛移默化下，年紀輕輕已經找到一生所愛。 不少本地藝人都找來「Kim Maza Styling」合作。 至於入行 17 年的 Kim，從小就非常喜歡去 Salon，享受「被人整（髮型）」的感覺。於是決定從髮型屋的學徒起步，由低做起，然後不停參加比賽來增強自己的技術。「參加比賽首先要有齊髮型師的所有技能，但要達標就要操練，因為比賽時間有限，而且緊張就會手震，所以要多啲練習，熟能生巧。」Kim由 2001 年開始參賽，直到 2010 年退出，之後就開始教學生涯。 採訪時 Kim 話不多，工作起來非常專業。 Kim：個頭鬆到咩位，全部都要計。 網友說：「論髮型的重要性，堪比整形。」小編劈頭就向 Kim 請教自己的髮型問題，但 Kim 的回答卻超乎小編所料：「要視乎場合，然後針對頭骨、面形作調整配合。例如頭扁就靠改變頭髮方向，要整鬆個頭，但鬆到咩位置，全部都要計數。」如此專業的答案，可見 Kim 對髮型的執著和認真。 零配合的默契 妝髮同步，在小編的腦海中，畫面只得「混亂」兩個字。當問到 Kim 和 Maza 如何培養彼此間的默契，他們竟然異口同聲表示：「真係無夾過喎。可能見到我畫眼線佢就會唔郁得咁大，我見佢噴嘢（造型產品）我就唔唞氣。」Kim 又補充「佢痴緊眼睫毛或者畫嘴唇，咁我就整其他嘢。因為大家都係比賽出身，對時間掌握得好好。」就是這天衣無縫的默契，一位客人的妝髮，廿分鐘搞掂。 入行要三心兩意？ 萬事起頭難，問到 Maza 和 Kim 對於妝髮師在澳門的發展，他們卻一致表示：「（澳門市場）容得落！例如一個婚禮，除咗新娘，仲有屋企人、姊妹，至少都要 5 個化妝師，依家澳門仲有好多 Event，所以鍾意就入行啦。」髮型亦一樣，「只要有心做，就一定會有人搵。」不過，他們亦建議想入行的新人必須具備「三心兩意」，「三心」即「細心、專心、耐心」；而「兩意」則是「鍾意、心意」。 Kim Maza Styling 網址：https://www.facebook.com/KMS.MC/

（有片）傳媒場率先睇！仙樂飄飄處處聞音樂劇________同場加映：專訪棋人　20位港澳小演員篩選過程

音樂聯合國
Cheers!・2017-12-21

經典百老匯音樂劇《The Sound of Music》（港澳譯：仙樂飄飄處處聞）於 1959 首演，至今已經超過 50 年，當年的女主角 Julie Andrews 亦由少女變成成熟婦人。年華易老，但劇中的首首主題曲如《Do Re-Mi》、《The Sound of Music》、《My Favourite Thing》、《Climb Ev’ry Mountain》、《Sixteen Going on Seventeen》等至今仍然是朗朗上口的金曲，經典不敗！ 當年音樂劇的女主角 Julie Andrews 亦由少女變成成熟婦人。（網上圖片） 故事講述風趣可愛的女家庭教師瑪利亞真實而且感動人心的故事。她用音樂改變了喪妻的 von Trapp 上校和其七名子女的生命，並最終於第二次世界大戰爆發期間帶領他們越過奧地利山谷逃到安全的地方。 20 位港澳小演員參演 值得一提的是，澳門版本的《仙樂飄飄處處聞》月前就在港澳兩地公開招募小演員，在 300 多名小朋友中選出了 20 名能歌善舞的小演員飾演劇 von Trapp 的孩子。 小編就和安排招募小演員活動的棋人娛樂製作（Chessman Macau）的負責人 Lawrence 做了一個電話訪問，了解從篩選到排練過程的點點滴滴。 Q=小編　A=棋人 Q：好多人對澳門小朋友嘅印象都係怕醜、細膽，當初決定喺澳門徵選小演員，有無擔心過無人報名呢？ A：其實當初真係擔心啊，但無諗過反應咁好，澳門小朋友參加試鏡就有差唔多 200 人，香港百幾人，其實以比例計，反應真係好好。 Q：選中嘅 20 位小朋友，有幾多位係澳門人呢？ A：7 個澳門人（Angelo Sebastiao Ng Rodrigues, Trinity Wong, Pilar Monteiro dos Santos, Matilda Griffiths, Jamilah Mollaian, Carolina Monteiro, Franky Murphy），13 個香港人（Felicity Low, Peony Sham, Casey Lee, Chryso Hon, Ellabelle Purcell, Katie Shek, Tiffany Tsang, Chase Smith, Nicolas Yu, Freddie Fawcett, Emilia Oliver, John Hardy, Alex Hardy）。 Q：音樂劇製作團隊對於小演員嘅篩選條件主要係咩呢？ A：主要有幾樣嘢，包括面部表情、膽量、音準、肢體表演同埋英文對答能力。喺試鏡過程，就發現好多小朋友好認真好主動，亦有小朋友知道自己選唔中當場爆喊。 Q：11 月中開始訓練，12 月就演出。排練過程有無小朋友受唔住壓力想放棄？ A：其實佢哋好開心喎，因為排練過程同專業團隊一齊，其實大家就要達到水平一致，所以小朋友都好認真排練，覺得好開心。而且好多家長都希望可以有多啲機會，比小朋友參與國際級嘅表演。 在傳媒優先場當日，就有 6 位小演員接受傳媒採訪，年紀輕輕但對答如流，毫不怯場，大家一齊去片啦！ 仙樂飄飄處處聞 上演日期：2017 年 12 月 20 日至 2018 年 1 月 7 日 地點：威尼斯人劇場 票務詳情：https://www.venetianmacao.com/entertainment/sound-of-music.html

澳門星級組合！TVB Anywhere 賣點全面睇

專題報導
Cheers!・2017-12-19

作為一個標準電視迷， TVB 的劇集簡直伴我成長，「電視撈飯」可謂小編的兒時寫照。日前，澳門電訊 CTM 攜手香港電視廣播有限公司 TVB，將 TVB Anywhere 引進澳門，從此以後，咱們再也不用 BT 煲劇了！ 正如澳門電訊商務副總裁湛寶儀所講：「澳門播放正版視聽內容最大的問題是版權費，始終澳門市場比較細，要引入韓劇、台劇、內地劇等成本很高。另一方面，亦希望多一個平台可以讓本地從事娛樂事業、藝術者，將自己的表演或製作面向世界。」 賣點一：澳門專享「韓劇台」 韓流熱潮持續發燒，所以 TVB Anywhere 亦提供港澳專享的「韓劇台」，多套熱門韓劇如《再一次初戀》、《藍海傳說》等，一 Click 即睇！ 韓劇當道，TVB Anywhere 就提供多套韓劇，滿足一眾哈韓族。（網上圖片） 《TVB Anywhere星級娛樂耀澳門》晚會上，亦邀來韓國男團 APL 到場勁歌熱舞。 賣點二：超過 10,000 小時 TVB 及外購節目 TVB Anywhere 的另一賣點，就是可以緊貼香港播放的 TVB 節目，就算 Miss 咗一、兩集都可隨時隨地重溫，啱晒鍾意煲劇嘅大家。除此之外，亦有多個外購節目供大家選擇。 小編親身試用，發現「兒童精選」除了囊括多套卡通片，連《兒歌金曲頒獎典禮》都有，咩回憶都返晒嚟！ 賣點三：12 條直播頻道 TVB Anywhere 更囊括 12 大直播頻道，包括翡翠台－國際版（香港時區）、TVB新聞台、娛樂新聞台、功夫台、TVB直播台、TVB電台、TVB星河、通識台、粵語片台、韓劇台、神州新聞台及TVB8。 「TVB Anywhere澳門電訊星級娛樂服務啟動禮」當日，TVB 不少花旦小生亦有出席撐場，場面盛大。包括視帝、視后級人馬陳展鵬、田蕊妮，還有陳敏芝、黃智雯、蔡詩貝、何廣沛、多位應屆港姐、女團組合 Super Girls、韓國男團 APL 以及微辣藝人豪 DEE、雲吞與 Sulin，現場星光熠熠！ TVB Anywhere免費送？ 新申請或升級光纖寬頻服務，即可免費獲得兩套總值 $4,880 的 TVB Anywhere 設備連 24 個月澳門基本組合。而新申請或升級至 600M 或 1G 光纖寬頻服務的客戶，即可免費獲得兩套總值 $7,380 TVB Anywhere 設備連24個月澳門至尊組合。此外，CTM 亦同步提供 TVB Anywhere 流動應用程式服務，CTM 流動電話客戶申請指定 4G 月費計劃可免費享 24 個月澳門基本組合（原月費$38）。 如欲查詢更多服務詳情，可致電澳門電訊特快專線：66130002 查詢。

優惠大放送！CTM 積分換 Dyson

科技新知
Cheers!・2017-12-05

來自英國嘅神級吸塵機 Dyson 最新型號機款 V8 Fluffy Pro 同三合一風扇暖風空氣清新機 Dyson Pure Hot + Cool link 已經喺 CTM 有得賣啦！只要您係 CTM 嘅客戶，前者以 500 積分再加 $5,300（原價 $6,180）、後者以 500 積分再加 $5,580（原價 $6,680）就可以換購，變相大概打咗 85 折，絕對值得入手！ V8 Fluffy Pro 吸塵機係 2017 年最新型號，齋係吸頭就有五個，除咗原裝嘅軟絨毛滾筒吸頭，仲有二合一細縫吸頭、窄縫清潔吸頭、彈性縫隙吸頭同埋迷你電動吸頭，唔同吸頭針對唔同環境設計，上至天花板嘅灰塵、下至地板嘅髮絲都可以一吸搞掂，堪稱家務好幫手。 軟絨毛滾筒吸頭可同時吸走微塵及碎屑，專為清潔硬地板而設。（網上圖片） Dyson無線吸塵機均可以迅速轉換至手提式，上至天花板、下至地板都可以一吸搞掂。 而Dyson Pure Hot + Cool link一部機有齊空氣淨化、冷風同暖風三大功能。將佢拆開之後可以睇到濾網入面加入咗活性碳，更加有效吸走甲醛同異味。除咗附送嘅搖控器，不妨下載埋 Dyson 嘅專用 App，可作遠距離控制，仲可以監測現場嘅空氣質數添！ 每粒活性碳子注入 Tris 有機化合物，強化過濾甲酫效果，可過濾 99.95% 微粒。 使用 Dyson 專用嘅 App，可以實時監測室內嘅空氣質素，返屋企前先開定暖風，返到屋企就暖笠笠啦！ 至於風力方面，小編分別喺一米、兩米、三米同四米嘅距離進行實地測試，想知效果如何？去片啦！ 想了解更多 Dyson 優惠，立即到 CTM 門市查詢啦！

Cheers!

    鍾意食玩買 & 所有新奇事物！