走遍世界
我辭職了! 去旅行一回，然後落返地獄【日本】名古屋。高山。大阪- 1 (2019)
日本，真係一個神奇的國家。
去極都去唔厭，買極都仲有好多野買
(明明係澳門已經好多都買到)~
#更識揀四圍玩之日本關西7天6夜 (名古屋 ->高山飛驒 ->大阪) VOL1
start!!!
港珠澳大橋去香港機場真係好easy，
無左以前等機場船等到絕望都未有下一班的狀況，
一條直路你就去到香港口岸，去到港澳交界點如果網絡彈走，唔緊要，
我join左CTM三地plan即連上香港CSL繼續用自己data!! (但記得開漫遊揀CSL才用得)~
好重要!! 提提大家，記得帶八達通…
因為去到香港口岸，要轉一程市內巴士去機場，
我。完。全。忘。了。帶…
仲有更重要，如果你太晚機返到香港，
香港口岸的穿梭巴士售票櫃台可能已關，
然後你只可以用自動售票機拍八達通卡買飛，
我個晚11點落機，去到櫃台已關。
購票指南：https://www.hzmb.gov.hk/tc/transport/cross-boundary.html
好彩同行友人有帶港幣，佢可以幫我比市內巴士…
好彩同行友人有帶八達通，佢可以幫我拍卡買車飛…
好彩有佢 <3
到步名古屋中部國際機場即見到比卡超billboard，
然後一出機場都成下午4點諗住找野食 (坐廉航無野食勁餓)
點知… 行行下見到 Pokemon Store，唔得嗱餓死都要沖入去買一波先~
((非資深pokemon fans但pokemon真係陪住我大，
佢出的game都有玩~ 喜歡收集布偶或相關無厘頭小物件，
但買完又覺得阻地方，最喜歡紅唇娃.. 因為夠喜感~))
但pokemon store係無得退稅的!
咁買完就係機場啪個迴轉壽司就JR返名古屋，
因為第二朝要坐7點幾JR上高山，
所以今晚都沒有太多其他行程。
((迴轉壽司- 有無人同我一樣好歡喜食迴轉壽司，
見佢轉下轉下真係好得意，
點解點解點解澳門連一千零一間位於高士德十N年前的迴轉壽司店都無埋~
可惜，所以係日本真係豪不客氣地去狂食，真係好平又好鮮))
高山：好味到顛的飛驒牛，舒服的溫泉旅館，人生呢.. 有時苦但有時都… 幾甜。
謝謝您看到最後，此blog旨在記錄一下生活的小快樂，哈哈
~待續~
