生活在我城
2017 澳門請假攻略
幾時先有假放？相信不少打工仔每日心裡都在想著這個問題！要放假當然要好好計劃，又是時候為2017年假期做好準備喇！CyberCTM繼續幫大家做個精明打工仔，睇睇點放先最正！
呢份請假攻略按照澳門特區政府公佈的2017公眾假期及豁免上班日而製作，適用於五天工作者。當中最正係2月農曆新年和10月國慶都可以請2日連放9日，4月復活節前或後請4可連放10日，而回歸聖誕連埋更可以請3放11，去個歐洲玩都完全OK。
不過如果不是按政府補假的打工仔，就唔會咁筍啦，因為2017年假期同紅日重疊情況非常嚴重，足足有6日撞正星期六日，只能講句so sad。
另外留意6月至9月澳門係冇乜假期架，即係話5月之後足足要等4個月先再有假放，諗落都覺得慘慘豬。如果唔想咁難捱，又唔去長線旅行，亦不妨留返假期到這幾個月才用。
(以上資料僅供參考)
