澳城餐飲
【澳門美食｜ 澳門芒果系列推介】
夏天就係食芒果嘅季節！今期小編就推介澳門嘅芒果系列比大家！芒果迷嘅你一定唔可以錯過！
特式糖水舖
呢間一定好多人都知！係夜晚先開嘅佢都好多人排隊！佢嘅粒粒芒椰系列係鎮店之寶，好多人都叫！不過大家記得佢夜晚先開呀！
粒粒芒椰小丸子
招牌楊枝金撈小丸子
地址：筷子基南街綠楊花園第三座Q舖
糖朝盛世
呢間係澳門都好出名！不過最近佢嘅開心果芒果班戟比較多人食！佢喺開心果味嘅cream同新鮮芒果嘅配搭！鐘意煙韌口感嘅仲可以叫QQ版嘅開心果芒果班戟（加麻糬）！鐘意開心果同芒果嘅人一定會好鐘意呢款甜品！
開心果芒果班戟
開心果芒果QQ班戟
地址：
澳門：渡船街美心餅店對面、關閘信託花園、墨山街41號堂食店（永樂戲院巴士站對面直入)
氹仔：氹仔泉鴻花園堂食店（新濠鋒酒店對面）
雍記甜品
如果鐘意食糯米糍嘅人就一定要試下雍記甜品嘅芒果糯米糍！除左普通嘅芒果糯米糍之外，仲有芒果汁皮糯米糍，更加有芒果香！大大粒芒果比糯米皮包裹，一口咬落去真係好滿足！
芒果糯米糍
芒果汁皮糯米糍
地址：
澳門：亞豐素街分店、祐漢店、雅廉訪分店
氹仔：氹仔分店
Roro Eatology 鍋鍋食研
呢間嘅水果三文治系列睇落去好吸引！想食創新嘅芒果甜品？其中嘅朱古力椰香芒果味都好岩鐘意食芒果嘅你！佢仲有分大細size，岩曬想食少少嘅小鳥胃 XD
朱古力椰香芒果三文治
地址：澳門大纜巷富耀樓9-A地下鋪
Merci.creation
呢間出名水果馬卡龍！真係好創新！想食馬卡龍又想食芒果可以試下佢嘅「夏日芒果馬卡龍」！中間夾住嘅係新鮮嘅芒果肉！齋食馬卡龍會覺得膩，但如果有鮮果中和就岩岩好！
夏日芒果馬卡龍
地址：墨山街聯安大廈地下36AB(永樂附近）
麥當勞
為左宣傳《壞蛋獎門人4》電影上映，最近麥當勞都出左芒果系列！包括芒果Oreo麥旋風、McCafe嘅Double芒果冰雪！而甜品站就有雙重芒果新地同芒果新地筒！
芒果Oreo麥旋風
Double芒果冰雪
芒果新地&芒果新地筒
今期嘅芒果系列推介希望大家鐘意！有咁多唔同嘅芒果甜品選擇真係好正！不坊可以試哂佢！如果仲有其他大家鐘意嘅芒果系列大家都可以同小編分享架！
*以上圖片來源至商家網站
