澳城餐飲
【解暑系列 澳門人氣雪糕推介】
呢排真係好熱！所以小編又推薦一下澳門雪糕系列幫大家消暑！睇完都覺得心透涼！
軟雪糕系列
Sofu
呢一間有就咁睇外表都已經好吸引好少女心！每款雪糕都用北海道特濃6.8牛奶，口感好順滑！原來同埋前一排仲有(G)I-DLE嘅應援添呀！
扁牛角軟雪糕
泡芙杯軟雪糕
地址：
氹仔官也街山治美蘭打前地12號（鉅記手信和鳳城茶樓中間進去）
聽海
位於路環嘅聽海係主打食雪糕，佢哋嘅雪糕口味係會成日轉換，仲有每週期間限定口味！同埋一出門就係對住海邊！買完仲可以一邊睇風景一邊食雪糕～聽海的聲音XD
北海道牛奶X海鹽味雪糕
地址：路環十月初五馬路206號
Gelato系列
Blooom
呢間咖啡係澳門已經好出名！除左咖啡好飲之外，佢出品嘅雪糕都好好食架！每款口味都好特別！
小編嘅top 1係白菊花碎可可口味，清香嘅菊花茶味真係好fresh！
小編仲試埋百毒不侵味！其實係京都念慈枇杷膏味～真係好特別！
地址：
新馬路店：澳門南灣大馬路599號羅德禮商業大廈
Bricolage拿住雪糕
Bricolage近排係小紅書都好紅！見到好多網民都有推介，經過門口都好多人排隊！有好多唔同口味嘅雪糕比你揀！
雪榚樂園 （1杯裝 + 3個mini甜筒）
佢仲有家庭裝版，一次過滿足你多種口味！
地址：澳門聖祿杞街41號（婆仔屋附近）
懷舊雪糕系列
禮記
禮記雪糕係全澳門最經典嘅雪糕店！係澳門真係開左超耐！無論係入面環境同雪糕都好懷舊！想體驗復古可以去下！
雪糕三文治
雪糕磚
地址：荷蘭園大馬路12號地下
洪馨椰子雪糕
澳門仲有另一間老字號都好出名：洪馨椰子雪糕！佢已經開咗100幾年！仲要係手工同用真椰子去整雪榚，靠近就會聞到椰子香味～真係又有heart又懷舊！
地址：澳門新馬路果欄街14號地下
大家睇完有冇覺得好有想食雪糕嘅衝動呢？心動不如行動！快啲去試下啦！如果有你心水嘅雪糕店都可以同小編分享下！
