澳門朋友仔有口福！大份夾抵食「船長泰麵」等你嚟試！
Cheers! ・2024-06-23
喺紅街市聚龍軒附近，同朋友仔喺度覓食，發現咗一間特別嘅「船長泰國麵」店，當然要打卡啦！一睇到門口白色小清新嘅店面配上夏日棕櫚葉裝飾，真係忍唔住入去試下！ 店內環境 呢間澳門泰國船面一入去就見到門口掛住嘅泰式蝦片包裝，牆面有象徵泰國嘅大象圖騰，同埋桌面上好多泰國風味嘅調料。客人仲可以自行調配泰式甜醬、酸辣醬、辣椒面，呢d小細節都透露出店家嘅細心同用心。 澳門泰國美食推薦 呢到嘅船麵，一共4款湯底，14種配料任選，可以DIY任意搭配出只屬於你嘅澳門船面自選好味道！ 今次我哋點咗招牌船長冬陰功貴刁同濃味嘅船湯貴刁。冬陰功湯底雖然望落去好紅，但係其實味道酸酸地唔會太辣。而自家製泰式香料融合泰麵嘅出品，小編就覺得無傳統甘重甜味、味道清新，適合鍾意食泰國野又想食得健康d嘅朋友仔！ 船面湯頭乃係點睛之筆。每日用慢火熬制豬骨湯底，等釋出精華後再加入原產泰國香料，單論湯頭嘅製作過程就要3個鐘，湯頭同香料之間互相拉扯達到平衡，呈現出黎嘅味道就會更加濃香。 老闆本人唔止鍾意食船麵，過往仲曾經多次去泰國學煮正宗船麵，身體力行，用最合理嘅食材搭配出符合自己風格嘅泰式船麵，先開咗間店！依家去幫襯仲有機會見到船長本人親自落廚添！ 船面特色 其實泰國傳統船面係細細碗嘅，因為喺船上顛簸大碗唔方便。呢度嘅船面係經過fusion融合改良嘅澳門泰國菜，一碗船面等於5份傳統份量！大份得嚟，符合本地人口味！自選船麵+飲品+小食套餐都係$49咋～ 細食嘅朋友就可以考慮自選船麵+一杯飲品，盛惠$38蚊～依家喺澳門街嚟講，呢種澳門平民美食已經唔多見，真係十分抵食（2點後有得供應，認真點讚）！鍾意食辣嘅朋友一定要試下佢哋自家製嘅泰式蒜蓉甜醬。 更多創意美味小食 呢到特色嘅泰式茶凍有3種口味，分別係椰汁斑蘭、椰子咖啡、同泰奶茶凍，後兩款配有食用金箔玫瑰花，全部都係自家製嘅新嘗試，出邊唔係咁容易食到㗎！ 小編就最鍾意椰汁斑蘭葉茶凍，據老闆介紹因為係採用天然食材，所以顏色會無出面咁深，但入口duangduang停唔低，打卡點影都靚！重點係唔會太甜！食落唔怕濟。本來想食多個甜香汁泰辣蝦，可惜每日限量新鮮供應，唯有下次早d嚟啦！ 冬陰功味薯條味道都好吸引，喺呢個悶悶哋嘅大熱天食唔停口，真係開胃又惹味！而呢款椰子咖啡茶凍都唔錯，椰子嘅清甜同咖啡嘅香醇相互融合，令人回味無窮～ 今次分享到呢度啦！唔好忘記附近仲有紅街市、三盞燈等澳門美食區，可以體驗最接地氣嘅本地生活同其他澳門東南亞美食！快d去船長泰麵尋寶啦！ 船長泰麵店鋪資訊： 營業時間：11:00-20:30 船長泰麵在澳覓、mFood已上線啦！ 電話：6331 7778 地址：惠愛街37號（星期日休息，切勿跑空） 導航： https://bit.ly/355tBTO
食在澳門iFood ・2021-03-08
Lifemagfoodie ・2020-12-25