提前半年預訂！澳門君悅酒店 Mezza 9 超人氣自助餐

Cheers! ・2018-04-24

環境：★★★★★ 食物種類：★★★★★ 服務：★★★★★ 口味：★★★★★ 君悅酒店的「Mezza 9」自助晚餐甫推出已長期 Full booking，小編上星期採訪時再向酒店查詢，預約已去到十月。如此爆場，不單因為任叫任食龍蝦、鮑魚等多款貴價海鮮，更因為食材即叫即煮，還有蒸、炒、炸、椒鹽等十多種煮法任君選擇！ 自助餐以「與廚共饗」為名，餐廳分為蔬菜、海鮮、魚生、冷盤、燒烤等區域，每一區都有廚師駐場，就算心大心細未能決定煮法，廚師都會從旁給你建議。就算零煮食經驗的朋友亦可趁機取經，和酒店大廚交流一番。 大部分菜式即叫即煮，師傅從未停手。 Mezza 9 坐無虛席，場場爆滿，想試記得提早訂位。 每個區域都掛有一個 LED 大電視，食客可以全程欣賞大廚煮菜過程，參與感十足。 海鮮區有飽魚、肉蟹、黃花魚、螺、蜆等，就連獅蚶都有！ 小編想試試斑，師傅就建議：「條魚咁新鮮，就清蒸啦！」 「菜檔」按時令入貨，今期就有少見的塔菜。 湯品真材實料，逢周五至日更會升級加料，必飲！ 這裡最受歡迎的，當然是即撈即劏即煮的龍蝦區，原隻生猛龍蝦在你面前即劏即煮，配合上湯、燒烤、薑葱炒、芝士焗等九種煮法，想一次試勻各種口味都並非易事。 龍蝦即捕即煮，勁新鮮！ 意粉檔同樣即叫即煮，新鮮熱辣。 邊等菜式上檯的同時，不妨到壽司刺身區走一趟。這裡除了刺身是即叫即切，握壽司也是接柯打後即席炮製，保證新鮮之餘，亦可減少浪費，雙贏！ 吃得興起，更可升級配上各種酒類，享受真正飲飽食醉。 連橙汁也是鮮榨的，無可挑剔。 Mezza9 Buffet 地址：澳門君悦酒店 3 樓 晚餐：18:00 - 23:00 費用：周一至四 $ 569；周五至日 $ 669 * 6 - 12 歲小童可享半價優惠。 網站：https://macau.grand.hyatt.com/zh-Hant/hotel/dining/mezza9Macau.html ► 註：餐廳 6 月起價錢將作以下調整： 周一至四 $ 599 周五至日 $ 699 更多自助餐攻略：澳門最全自助餐攻略，必食人氣推薦！