其他
澳門第一批「貧人」名單出爐！有冇你份？
大家都有一個夢想就係
每日訓到自然醒，數錢數到手抽筋
一個人
喺澳門點樣先算係有錢？
小Pe覺得
應該要具備以下條件
住小區房、月入過萬、養番狗、有個燒錢的愛好、想食晏可以出去食、可以行街買名牌袋同埋手錶，間唔中仲可以嚟個小旅游……咁樣嘅生活
點都算係小康了掛？
但係喺當今咁繁華嘅澳門
竟然存在一班「隱形貧窮人口」
日！日！嗌！窮！
明明係下個月連咔數都還唔起嘅契弟
卻畀人一種存款戶口有六位數嘅錯覺
最慘嘅係平時太識使錢
依家窮到喊都冇人信！
出咗糧就好似大姨媽，一個月嚟一次，一個禮拜就搞掂。簡直係名副其實嘅「月光族」。戈一個禮拜，想食乜就食乜，想買乜就買乜。但之後嘅日子，日日都係公仔面，已經研究出幾十種公仔面食法。人哋睇我著嘅衫同包，個個都以為我存款至少有六位數！但其實我成副身家都喺曬身上！人前風光，人後窮鬼。
冇錯
上一秒仲大魚大肉
下一秒就「吃土」
小Pe整理咗
澳門隱形貧窮人口
6大特點
快啲埋嚟睇下
你中咗幾條？
1. 存唔到錢
打開你嘅
銀包、credit card、澳門通、支付寶微信
你都會發現
佢哋都有一個共同點
空！空！如！也！
可能唯一最「常滿」嘅
應該係帳單...
同事叫我將啲人仔
放餘額寶可以賺錢
但係我想話...
我邊度嚟餘額人仔？？？
2.睇中嘅嘢都唔便得去邊
鐘意模型嘅朋友應該知道
呢樣嘢究竟有幾燒錢
隨隨便便一個限量版
分分鐘就會令你個銀包空曬！
追星嘅妹妹仔就更唔使講
偶像BB嘅專輯要買、周邊更要買
偶像BB嘅演唱會要去、
新電影更加要支持！
每次一到換季
都要大嗌「我冇衫著喇」
冇錯
舊年嘅衫已經趁唔起我喇！哼~
所以
衫一定要買！
衫都係新噶，
咁包一定都要係新噶！
養寵物？
講起就傷心
點解我天生咁又愛心？
貓貓狗狗食得都比我好吖~
我就只可以鹹魚配白菜（也好好味~）3.人哋係富翁，而你係負翁！
我份糧-咔數=負數
每個月都係「月光族」
你仲想儲錢？
每日叫醒我嘅唔係鬧鐘
係！貧！窮！
4.人生總係困難重重
凡係可以用錢解決嘅問題
我都解決唔到
你問我點解？
咪！因！為！窮！咯！
5. 錢唔知去咗邊
每次一出糧
感覺自己都冇點用
名牌又冇買，著嘅係淘寶貨
房吖車吖，乜都冇買窩
錢？？
就咁神秘失蹤咗...
6. 被人誤會自己好有米
儘管日子已經過得好慘慘豬
但係身邊嘅親戚朋友
個個都以為自己好有米
間唔中就揾你
借幾千蚊江湖救急
對於呢種人我就想講一句
大家以後唔好問小Pe
乜嘢叫隱形貧窮人口喇！
It's me~
細細個Miss就教我哋
要互相幫助
所以希望大家對我好啲啲
多啲Send Message畀我
慰問我
偶然發個紅包氹下我
或者請我食好嘢
澳門咁多正嘢食
乜都得喇~
不過喺澳門
除咗隱形貧窮人口
你仲有可能係...
隱形肥胖人口
睇起身身材均勻
其實除咗件衫
拜拜袖就出曬嚟
男朋友識走
錢會用曬
但係肥肉一定唔會離開你！
隱形吃貨人口
雖然美食會令人變肥
但係都係忍唔住吖點算！
外仲超級窩心
打風大雨都要送到你屋企！
澳門便利店邊度都喺
M記仲要24小時開通
想減肥？難上加難！
隱形單身寡佬人口
啱好七夕...
周圍啲Friend都放閃
狗糧滿滿一碗食唔曬
係得自己仲踎喺屋企
食外賣...
點解冇人約我出街？！
咪就係因為我太優秀喇！憑住實力做個單身寡佬
我好驕傲~（55555）
最後祝大家喺下一個情人節
早日揾到另外一半！
（最好變成隱形富豪哈哈哈哈）
小Pe自己低頭睇咗下
貧窮算啲乜吖！
至少我係開心快樂
雖然我冇錢
但係我仲有肉吖！
圖片來源：MacauLife
素材來源：MacauLife
版權屬於原作者
編輯撰寫：小Pe
本號原創文章，未經授權，不得轉載
