期間限定！新濠與 B.Duck 矚目聯乘，一齊吃喝玩樂玩轉多個打卡熱點生活在我城

期間限定！新濠與 B.Duck 矚目聯乘，一齊吃喝玩樂玩轉多個打卡熱點

B.Duck迷注意啦！尋日就係新濠影滙與 B.Duck 矚目聯乘「六大 Duck 意主題」嘅重大開幕，新濠影滙每一角落都有 B.Duck 身影等你探尋，仲有多個特色主題打卡位俾大家任意影相，真係點影都DUCK！依家仲有 B.Duck主題酒店客房，小朋友同B.Duck 迷見到一定興奮無比！

任 Duck 你影

新濠影滙會有多個打卡點隨便你影，包括 6 米高嘅巨型吹氣B.Duck、1000隻鴨仔砌成嘅B.Duck 鴨仔牆，又可以同不同造型嘅B.Duck 一齊搭摩天輪，真係點影都DUCK！

由 Duck 你食

一系列 B.Duck 打卡造型美食滿足一眾吃貨，包括期間限定「行運一定DUCK」摩天輪下午茶、鴨鴨造型法式糕點，喺載運美式餐室、羅浮餅廊及輕食等推出！真係滿足自己個胃又同時滿足隻眼！另外仲可以參加個「超Duck意」敲敲蛋糕製作班，小朋友可以化身小小廚師，製作出超Duck意敲敲蛋糕，滿滿成功感，開心打卡YA.

隨Duck你轉

周末想搵個地方 Hightea 一定唔可以錯過呢個「行運一定DUCK」摩天輪下午茶，喺B.Duck 8字形摩天輪主題車廂配上同款鴨鴨主題摩天輪下午茶，享受美景及悠閑的下午茶時光！餐點由法式糕餅大師精心製作，造型妙肖，更有味道保證！

下午茶套餐連「影滙之星」一小時 B.Duck 主題包廂4人門票澳門幣888

游Duck你Chill

B.Duck 亦會陪你喺水上樂園玩水，挑戰各種極限活動設施！園中有B.Duck鴨仔造型大水泡、B.Duck鴨鴨浮床，而尋日「勢在B.Duck夏水禮」仲有8,000 隻浮水B.Duck飄浮於水上樂園漂流河，同大家一齊玩水！超好玩YA~

同Duck你玩

全新滿紛樂園現已盛大開幕，分五大主題遊樂區「山岩」、「叢林」、「海底」、「外太空」和「太空站」，佔地四層共 29,600 平方米，絕對係周末親子活動嘅勝地，小朋友嘅放電之選，而滿紛樂園亦會貼合 B.Duck 主題，推出期間限定嘅 B.Duck超級波波池，尋找並集齊印有「新」「濠」「風」「尚」字樣嘅波波，即可獲得 B.Duck 限量版沙灘毛巾，數量有限，送完即止。